አጫጭር መረጃዎች ፦

- መንግሥት የተሰጠውን የ72 ሰዓት ጊዜ በመጠቀም እጅግ በርካት የትግራይ ሚሊሻና ልዩ ኃይል አባላት በየግንባሩ እጅ እየሰጡ ነው ብሏል ፤ በህወኃት ተጽዕኖ እጅ ለመስጠት ያልቻሉ በያሉበት ትጥቅ ፈተው የህወሓት መጠቀሚያ ከመሆን እንዲቆጠቡና መከላከያ እስከሚደርስላቸው እንዲጠብቁ መልዕክት ተላልፏል።

- ዶ/ር ደብረፅዮን መቐለ በመከላከያ ቀለበት ውስጥ ነች/ተከባለች የሚለውን መረጃ እስካሁን እንዲህ ያለ ነገር የለም ሲሉ ለሮይተርስ በፅሁፍ መልዕክት አሳውቀዋል።

- UNHCR በትግራይ ክልል ያለውን ውጊያ ሸሽተው ወደ ሱዳን የተሰደዱ ዜጎች ከ40,000 ማለፋቸውን ገልጿል።

- በሀገር መከላከያ ሰራዊት ቁጥጥር ሥር በሚገኙት የአላማጣ ከተማና ዙሪያ የገጠር ቀበሌዎች ጊዜያዊ አስተዳደር መቋቋሙን ቪኦኤ በድረገፁ አስነብቧል። ጊዜያዊ አስተዳደሩ የአካባቢውን ሰላም ና ጸጥታ ያስከብራል፤ ማኅበራዊና ኢኮኖሚያዊ አገልግሎቶች እንዲቀጥሉ ያደርጋል ተብሏል። የራያ አላማጣን 15 የገጠር ቀበሌዎች እና የአላማጣ ከተማን 4 ቀበሌዎች በጊዜያዊነት የሚያስተዳድሩ 114 ሰዎች ተመርጠው ስራ ጀምረዋል።

- የተመድ የፀጥታ ጥበቃ ም/ቤት ትግራይ ዉስጥ ስለሚደረገዉ ዉጊያ ማምሻዉን ይነጋገራል። ይህ ቀጠሮ የአፍሪካ ሀገራት ድጋፍ በመንፈጋቸዉ ምክንያት ተሰርዞ ነበር። የአዉሮጳ ሀገራት ዉይይቱ እንዲደረግ ግፊት በማድረጋቸዉ ምክር ቤቱ በጉዳዩ ላይ ይነጋገራል።

- በትግራይ ክልል ከተከሰተው ቀውስ ጋር በተያያዘ የፌደራል ጠቅላይ ዐቃቤ ሕግ የእስር ትእዛዝ ያወጣባቸው ሰዎች 167 ደርሰዋል። ከእነዚህ መካከል በቁጥጥር ሥር የዋሉ አሉ። በሌላ በኩል ከሀገር ውጪ ያሉ ተጠርጣሪዎችን ካሉበት ሀገር ተላልፈው እንዲሰጡ መንግሥት መጠየቁ ተገልጿል።

ህዳር 15/2013 ዓ/ም
(ቲክቫህ ኢትዮጵያ)

@tikvahethiopia

#DrAbiyAhmed

ጠ/ሚ ዶ/ር ዐቢይ አሕመድ አገራት በሌሎች አገራት የውስጥ ጉዳይ ጣልቃ ላለመግባት መርህ እንዲገዙ ዛሬ ህዳር 16 ቀን 2013 ዓ/ም ባወጡት መግለጫ አሳስበዋል።

@tikvahethiopiaBot @tikvahethiopia

#Ethiopia

በህግ የሚፈለጉት የህወሓት አባላት በሰላማዊ ሁኔታ እጃቸውን እንዲሰጡ የተሰጠው የ72 ሰዓታት የጊዜ ገደብ ዛሬ ምሽት ይጠናቀቃል።

ይህንን ተከትሎም ዓለም አቀፍ የመብት ቡድኖች እና ተቋማት የሰላማዊ ዜጎችን ደህንነት ቅድሚያ ትኩረት እንዲሰጠው እየተማፀኑ ነው።

ሁለቱም ኃይሎች ለዜጎች ደህንነት ቅድሚያ እንዲሰጡ አምነስቲ ኢንተርናሽናል ጠይቋል።

ወታደራዊ ባልሆኑ መሰረተ ልማቶች እና በሰላማዊ ሰዎች እና ላይ ጉዳት እንዳይደርስ የሚቻለውን ጥንቃቄ እንዲደረግ ጥሪ አቅርቧል።

ሰላማዊ ህዝብ ከሚበዛባቸው ሰፈሮች የወታደራዊ ቁሳቁሶችን ክምችት እንዲያስወግዱ እንዲሁም የወታደሮች እንቅስቃሴ በሰላማዊ ነዋሪዎች መኖሪያ አካባቢ እንዳይሆን ጠይቋል።

በተጨማሪ ተዋጊዎች ሰላማዊ ዜጎችን ጋሻ ከማድረግ እንዲቆጠቡ መልዕክት አስተላልፏል።

በሌላ በኩል ደግሞ የተባበሩት መንግስታት ድርጅት (ተመድ) ለመቐለ ከተማ ነዋሪዎች አስፈላጊው ከለላ እና ጥበቃ እንዲደረግ ጥሪ ማቅረቡን ቢቢሲ በድረገፁ አስነብቧል።

@tikvahethiopiaBOT @tikvahethiopia

መንግስት የሰጠው የ72 ሰዓታት ጊዜ ወደ መጠናቀቁ እየተቃረበ ይገኛል።

የህወሓት አባላት ግን ይህንን ጥሪ አልተቀበሉትም ፤ ይልቁንም መንግስት ሽንፈት ስለደረሰበት ለመሸፋፈን የተጠቀመው ነው ብለውታል።

የሀገር መከላከያ ሠራዊት ትላንት በሰጠው መግለጫ ለመጨረሻው ምዕራፍ ትዕዛዝ በተጠንቀቅ ላይ መሆኑን አስታውቋል።

መቐለ ከተማን የከበበው የሀገር መከላከያ ሠራዊት ፣ ለ3ኛውና ለመጨረሻው ምዕራፍ በተጠንቀቅ ቆሞ ትዕዛዝ በመጠባበቅ ላይ መሆኑን ተገልጿል።

የሀገር መከላከያ ሠራዊት መቐለ ከተማን በ50 ኪሎ ሜትር ውስጥ መክበቡ ተገልጿል።

ዶ/ር ደብረፅዮን ትላንት ለሮይተርስ በፅሁፍ እንዳሉት "መቐለ ተከቧል የሚባለው እስካሁን እንዲህ ያለ ነገር የለም" ሲሉ አጭር ምላሽ ሰጥተዋል።

በመቐለ ከተማ ይኖራል በተባለው ኦፕሬሽን ንፁሃን እንዳይጎዱ ወታደራዊ ያልሆኑ መሰረት ልማቶች እንዳይጠቁ የሰብዓዊ መብት ተሟጋቾች እና የተለያዩ ተቋማት እየተማፀኑ ነው።

ተመድ መንግስት ያስቀመጠው የ72 ሰዓት ቀነ ገደብ መጠናቀቁን ተከትሎ በመቐለ ሊከሰት የሚችለው ሁኔታ ከወዲሁ እንዳሳሰበው አሳውቋል ፤ ድርጅቱ "የጦር ወንጅል" እንዳይፈፀምም ስጋት እንዳለው ገልጿል።

ዶ/ር አብይ ከሁለት ቀን በፊት ባስተላለፉት መልዕክት ፥ "በመቐለ የሚኖረው የህግ ማስከበር እርምጃችን ጉዳትን እጅግ በቀነሰ መልኩ መከናወን እንዳለበት እናምናለን፣ ስለዚህም መቐለ ከተማን ከከፋ ጉዳት ታድገን ዘመቻውን በድል የምናከናውንበትን መንገድ እንደምንከተል ለመግለፅ እወዳለሁ" ብለዋል።

ጠ/ሚሩ የመቐለ ነዋሪዎች ከሰራዊቱ ጎን በመቆም በህግ የሚፈለጉትን አካላት ለፍርድ በማቅረብ ወሳኝ ሚናቸውን እንዲጫወቱ ጥሪ አቅርበዋል ፤ ለጥቂት ሰዎች ሲባል አንድም ሰው መሞት ፣ ንብረትም መውደም የለበትም ብለዋል።

(ቲክቫህ)
@tikvahethiopiaBOT

#UPDATE

የአፍሪካ ህብረት ሊቀ መንበርና የደቡብ አፍሪካው ፕሬዝደንት ሲሪል ራማፎሳ በኢትዮጵያ በትግራይ ክልል የተከሰተውን ግጭት በተመለከተ ከጠ/ሚር ዶ/ር አብይ አህመድ ጋር እንዲወያዩ የተሰየሙት ልዑካን ኢትዮጵያ (አዲስ አበባ) መግባታቸውን ቢቢሲ አስነብቧል።

ይህ ልዑክ የቀድሞውን የሞዛምቢክ ፕሬዝዳንት ዮአኪም ቺሳኖ ፣ የቀድሞዋ የላይቤሪያ ፕሬዝዳንት ኤለን ሰርሊፍ ጆንሰንና የደቡብ አፍሪካ የቀድሞ ፕሬዝደንት የነበሩትን ጋሌማ ሞትላንቴ የያዘ ነው።

3ቱ የቀድሞ መሪዎች "ግጭቱ የሚያበቃበትን" መንገድ ለመወያየት ነው አዲስ አበባ የመጡት።

ልዑኩ ወደ አዲስ አበባ የገባው መንግስት የህግ ማስከበር እርምጃው ወደ #መጨረሻው ምዕራፍ ተሸጋግሯል ብሎ ባሳወቀበት ጊዜ ነው።

ዛሬ ጥዋት ጠ/ሚር ዶ/ር አብይ አህመድ በመቐለ የሚካሄደው የ3ኛው ምዕራፍ ኦፕሬሽን መጀመሩን አሳውቀዋል።

ጠ/ሚር ዶ/ር አብይ አህመድን ጨምሮ ሌሎችም የፌዴራል ባለስልጣናት እየተወሰደ ያለው እርምጃ ሕግን ማስከበበር ስለሆነ ከህወሓት አመራሮች ጋር ምንም አይነት ድርድር ለማድረግ ፍላጎት እንደሌለ ከዚህ ቀደም መግለፃቸው ይታወቃል።

@tikvahethiopiaBOT @tikvahethiopia

ችሎት !

የሀገር መከላከያ ሰራዊት የሰሜን ዕዝ ሬዲዮ ግንኙነት በማቋረጥ በጦሩ ላይም አሰቃቂ የግድያ ወንጀል ፤ የአካል ጉዳት እና የጦር መሳሪያ ዝርፊያ እንዲፈፀም አድርገዋል ተብለው የተጠረጠሩ 7 ከፍተኛ መኮንኖች እና ሌሎችም ከወታደራዊ መኮንኖች ውጪ ያሉ አምስት ግለሰቦች በዛሬው ዕለት ለ2ኛ ጊዜ ፍርድ ቤት ቀርበዋል።

* ዝርዝር የፍርድ ቤት ውሎ መረጃ ከላይ ተያይዟል።

@tikvahethiopiaBOT @tikvahethiopia