#MoSHE

የሳይንስና ከፍተኛ ትምህርት ሚኒስትር ዴኤታ ዶክተር ሳሙኤል ክፍሌ በ2013 ትምህርት ዘመን የከፍተኛ ትምህርትና ስልጠና በሠላማዊ መንገድ ለማስቀጠል እንደሚሠራ ገልፀዋል።

ሚኒስትር ዴኤታው ትላንት ባቀረቡት በዩኒቨርሲቲዎች የነበሩ የሠላም ተግዳሮቶች ዳሰሳ ሪፖርት በ2013 በተቋማቱ ሠላም ለማስፈን በልዩ ሁኔታ ዝግጅት መደረጉን ገልጸዋል፡፡

ከባለድርሻ አካላት ጋር በመቀናጀት ባለፉት የትምህርት ዘመናት በተለይም ደግሞ በ2012 ዓ/ም የትምህርት ዘመን ሲገጥሙ የነበሩትን ውጫዊና ውስጣዊ የሠላም ፈተናዎችን ለመቅረፍ ዝግጅት መደረጉን ዶ/ር ሳሙኤል ተናግረዋል፡፡

ጽንፍ የረገጡ የፖለቲካ አቋሞች ፣ ሚዛናዊ ያልሆኑ ውስን ሚዲያዎች ፣ አክትቪስቶች ፣ አሁን ባለዉ የሀገራችን የፖለቲካ ሁኔታ ምክንያት 6ኛው ሀገራዊ ምርጫ፣ የተቋማቱ አቅም ውስንነትና መሰል ጉዳዮች ሠላማዊ መማር ማስተማርን እንዳያዉኩ ብዙ ስራዎች እየተሠሩ እንደሆነ በገለጻው ቀርቧል፡፡

በዩኒቨርስቲዎች ውስጥ በቀጣይነት የህግ የበላይነት ለማረጋገጥ በየደረጃው ካሉት ባለድርሻ አካት ጋር እንደሚሠራና ለተቋማቱም የተደራጀ ችግር ፈቺ ክትትልና ድጋፍ እንደሚደረግ ተጠቅሷል፡፡ (MoSHE)

@tikvahethiopiaBot @tikvahethiopia

ዶክተር ቴድሮስ አድሃኖም ጠቅላይ ሚኒስትር ጀሲንዳ አርደን የኒውዚላንድ ጠቅላላ ምርጫ በማሸነፋቸው የእንኳን ደስ አሎት መልዕክት አስተላልፈዋል።

ዶክተር ቴድሮስ ፥ ጠቅላይ ሚኒስትር ጀሲንዳ አርደን የኮሮና ቫይረስ ወረርሽኝ ምላሽ አሰጣጥ ሂደት ላሳዩት የላቀ አመራር ምስጋና አቅርበዋል።

በቀጣይም ከእሳቸው እና ከመንግስታቸው ጋር በጋር መስራታቸውን እንደሚቀጥሉ አሳውቀዋል።

በነገራችን ላይ ኒውዚላንድ ካላት 5,000,000 ህዝብ በኮሮና ቫይረስ ምክንያት ህይወታቸው ያለፈው 25 ሰዎች ብቻ ናቸው።

@tikvahethiopiaBot @tikvahethiopia

በወ/ሮ ፊልሰን አብዱላሂ የተመራ ቡድን በኦሞ ወንዝ ሙላት የተፈናቀሉ ወገኖችን እየጎበኘ እንደሚገኝ ደቡብ ክልል መንግስት ኮሙዩኒኬሽን አሳውቋል።


በደቡብ ኦሞ ዞን ዳሰነች ወረዳ በኦሞ ወንዝ ሙላት ምክንያት ከ62,000 በላይ ዜጎች መፈናቀላቸው ይታወሳል።

በዛሬው ጉብኝት ላይ የተሳተፉ አርቲስቶችና የዳያስፖራ አባላት ተፈናቃዮቹን ለመርዳት ሁሉም ኢትዮጵያዊ እጁን እንዲዘረጋ ጥሪ አቅርበዋል። እነሱም ህዝቡን ለማስተባበር እንደሚሰሩ ገልፀዋል።

@tikvahethiopiaBot @tikvahethiopia

በዛሬው ዕለት ማለትም በ8/02/2013 በባህር ዳር ከተማ አስተዳደር ጤና መምሪያ በመረጃ ባለሙያነት ሲሰራ የነበረው አቶ ጀግናው አሳየ በኮሮና ቫይረስ ምክንያት ህይወቱ አልፏል።

"አስከፊው የኮሮና ቫይረስ በሽታ ዛሬም መሀላችን ላይ አድፍጧል። እባካችሁ እራሳችሁን ጠብቁ መዘናጋቱ ዋጋ እያስከፈለን ነው" ሲል የባህር ዳር ኮሚኒኬሽን መልዕክት አስተላልፏል።

@tikvahethiopiaBot @tikvahethiopia

#ONLF

የቀብሪደሃር ነዋሪዎች በኦጋዴን ብሄራዊ ነፃ አውጪ ግንባር (ኦብነግ) እና በኢትዮጵያ መንግስት መካከል የተፈረመውን የሰላም ስምምነት ሁለተኛ (2) ዓመት አክበረዋል።

በኦብነግ እና በኢትዮጵያ መንግስት መካከል የሰላም ስምምነቱ የተደረገው እንደእኤአ ጥቅምት 21/2018 በአስመራ ነበር።

@tikvahethiopiaBot @tikvahethiopia

560ዎቹ አውቶብሶች ለ1 ሳምንት ነፃ የትራንስፖርት አገልግሎት ለሁሉም የአዲስ አበባ ከተማ ነዋሪዎች ይሰጣሉ !

የአ/አ ምክትል ከንቲባ አዳነች አቤቤ በኪራይ ወደ ስምሪት የሚገቡ 560 አውቶብሶች ስራ አስጀምረዋል፡፡

የከተማ አስተዳደሩ በየወሩ ለብዙኃን ትራንስፖርት አገልግሎት 121 ሚሊዮን ብር ድጎማ እንደሚያደርግ ምክትል ከንቲባዋ አመልክተዋል፡፡

የትራንስፖርት ችግር በዘላቂነት ለመፍታት ከአውቶብስ አቅርቦት በተጨማሪ ዘመናዊ የትራንስፖርት የመሰረተ ልማት ስርዓት እንዲዘረጋ በልዩ ትኩረት እየተሰራ መሆኑን ገልፀዋል።

በቀጣይ ሁለት ዓመታት በ12 ቢሊዮን ብር ወጪ 3 ሺህ የሚሆኑ አውቶብሶችን በግዢ ለማስገባት በሂደት ላይ ነው ብለዋል።

በኪራይ ወደ ስምሪት የሚገቡት 560 አውቶብሶች ነገ ስራ የሚጀምሩ ሲሆን ለ1 ሳምንት ያህል ለሁሉም የከተማዋ ነዋሪ የነፃ አገልግሎት እንደሚሰጡ ምክትል ከንቲባዋ መግለፃቸውን ከአ/አ ፕሬስ ሴክሬቴሪያት ያገኘነው መረጃ ይጠቁማል።

@tikvahethiopiaBOT @tikvahethiopia