ዶ/ር አረጋዊ በርሄ የሕዳሴው ግድብ ሕዝባዊ ተሳትፎ ማስተባበሪያ ምክር ቤት ጽ/ቤት ዋና ዳይሬክተር ሆነው የተሾሙት በወ/ሮ ሮማን ገ/ስላሴ ቦታ ነው።

@tikvahethiopiaBot @tikvahethiopia

#UPDATE

- የትምህርት ሚኒስቴር ዛሬ በአዳማ ኢንደስትሪ ፓርክ ያስመረተውን የአፍና የአፍንጫ መሸፈኛ ጭንብል ተረከቧል።

- የትምህርት ሚኒስትሩ ዶ/ር ኢ/ር ጌታሁን መኩሪያ ተረክበው ለየክልል ትምህርት ቢሮ ኃላፊዎች እና ተወካዮች አስረክበዋል።

- በወረዳና ከዚያ በታች ያሉ ትምህርት ቤቶች ጥቅምት 9/2013 ዓ/ም ትምህርት እንዲጀምሩ ይደረጋል። በቦታዎች ርቀትና በተለያዩ ምክንያቶች የአፍና የአፍንጫ መሸፈኛ ጭንብል ያልደረሳቸው ትምህርት ቤቶች ትምህርት እንዳይጀምሩ ማሰስቢያ ተሰጥቷል።

- እስከ ጥቅምት 30/2013 ዓ/ም ሁሉንም ትምህርት ቤቶች ትምህርት ለማስጀመር የኮሮና ቫይረስን ለመከላከል ከተቀመጡት መስፈርቶች ውስጥ አንዱ የሆነው የማስክ አቅርቦት ስራ በሁሉም ትምህርት ቤቶች እየተከናወነ ነው።

- በሃዋሳ ኢንደስትሪ ፓርክ የተመረተው ማስክም ወደየትምህርት ቤቶች የማድረስ ስራ እየተሰራ ነው።

#MoE
@tikvahethiopiaBOT @tikvahethiopia

በሰሜን ወሎ ዞን ከ286 ሺህ በላይ አርሶ አደሮች አስቸኳይ ድጋፍ ያስፈልጋቸዋል ተብሏል!

ከነሐሴ 28/2012 ዓ.ም ጀምሮ በአማራ ክልል ሰሜን ውሎ ዞን የተከሰተው የበረሃ አንበጣ መንጋ በሰብል ፣ በእንስሳት መኖ እና በቁጥቋጦ ላይ የከፋ ጉዳት እያደረሰ ነው፡፡

እስከ መስከረም 27 ቀን 2013 ድረስ በተመዘገበው የጉዳት መጠን 286 ሺህ አርሶ አደሮች አስቸኳይ ድጋፍ እንደሚያስፈልጋቸው አብመድ የዞኑን አስተዳደሪ ወልደትንሳኤ መኮንንን ዋቢ አድርጎ ዘግቧል።

ሥርጭቱን በፍጥነት መከላከል ካልተቻለም ድጋፍ የሚሹ የኅብረተሰብ ክፍሎች ቁጥር ይጨምራል ተብሏል፡፡

የአንበጣ መንጋው በዞኑ ከተከሰበት ጊዜ አንስቶ አርሶ አደሩ ሙሉ አቅሙን ተጠቅሞ እየተከላከለ መሆኑን ተገልጿል።

ከጊዜ ወደ ጊዜ እየጨመረ የመጣውን ሥርጭት ሙሉ በሙሉ መቆጣጠር ግን እየከበደ መጥቷል።

ሰብል በደረሰባቸው አካባቢዎች የሀገር መከላከያ ሠራዊት፣ የክልሉ ልዩ ኃይል፣ የፖሊስ ሠራዊት አባላትን እና ሌሎች የኅብረተሰብ ክፍሎችን በማስተባበር ለመሰብሰብ እየተሠራ ነው። (AMMA)

@tikvahethiopiaBot @tikvahethiopia

የሀገራችን ዩኒቨርሲቲዎች ተመራቂ ተማሪዎቻቸውን ለመቀበል እና የተቋረጠውን ትምህርት በጥንቃቄ ለማስቀጠል ዝግጅት እያደረጉ ይገኛሉ።

ተማሪዎቻቸውን ለመቀበል ዝግጅት እያደረጉ ካሉ ዩኒቨርሲቲዎች መካከል ዛሬ ወላይታ ሶዶ ዩኒቨርሲቲ ስላደረገው ዝግጅት እንደሚከተለው አሳውቆናል ፦

- ከወዲሁ የተመራቂ ተማሪዎች የዶርም ድልድል ተጠናቋል ፣ የተመደቡበት የመኝታ ቁጥር በቴሌግራም በኩል እንዲደርሳቸው ተደርጓል። በአንድ ዶርም 2 ተማሪ ብቻ ይኖራል።

- በዋናው ጊቢ ዛሬ ተማሪዎች በሚመላለሱባቸው ዋና ዋና መንገዶች ላይ የፀረ ተህዋስ ኬሚካል ርጭት ተካሂዷል።

- በቀጣይ የፀረ ተዋህስ ኬሚካል ርጭት በተማሪዎች ማደሪያ፣ መማሪያ ክፍሎች፣ መመገቢያ አዳራሾች፣ ማንበቢያ ስፍራዎች፣ ቢሮዎች ይካሄዳል።

- ግቢ ውስጥ ከእጅ ንክኪ ነፃ የሆነ የእጅ መታጠቢያ በየቦታው እንዲቀመጥ ተደርጓል።

- በ1 ክፍል ውስጥ ከ25 ያልበለጠ ተማሪ ይማራል፣ በእያንዳንዱ ወንበር ላይ የተማሪዎች ስም ይፃፋል ፣ ተማሪዎች ስማቸው ከተፃፈበት ወንበር ሌላ መቀመጥ አይችሉም።

ቲክቫህ ላለፉት አመታት ሲያደርግ እንደቆየው የሁሉም ዩኒቨርሲቲዎች የመግቢያ ቀናትን እና አሁን ደግሞ የኮቪድ-19 የጥንቃቄ ዝግጅቶቻቸውን እየተከታተለ ለወላጆች እና ለተማሪዎች ያሳውቃል።

@tikvahethiopiaBot @tikvahethiopia

#UPDATE

አንበጣ መንጋው ዛሬ በጉባ ቆርቻ ወረዳ ያሉትን 22 ቀበሌዎች እና ሁለት ከተሞችን በሙሉ አዳርሷል።

የማሽላ እና ቦቆሎውን ጨርሶ ወደ ቦሎቄ ፣ ስንዴ ፣ ገብስ እና ባቄላ ተላልፏል።

የወረዳው አመራሮች ሁኔታው ከአቅማችን በላይ ሆኗል እያሉ ነው።

አውሮፕላንም ይሁን ድሮን ተልኮ ለአካባቢው ህዝብ ሊደረስለት እንደሚገባ የቲክቫህ አባላት መልዕክት አስተለፈዋል።

የአንበጣ መንጋው ጫትንም ወደ መብላት ዞሯል።

@tikvahethiopiaBot @tikvahethiopia

#UPDATE

የትግራይ ልማት ማህበር gofundme በመክፈት በኢንተርኔት እያደረገ በሚገኘው የገንዘብ ማሰባሰብ ስራ በውጭ የሚኖሩ የትግራይ ተወላጆች እስካሁኗ ሰዓት ድረስ ከ19,000,000 ብር በላይ እገዛ ማድረግ ችለዋል።

በሌላ በኩል ኤርትራውያን በgofundme አማካኝነት በትግራይ ክልል ለተከሰተው የአንበጣ መንጋ መከላከል የሚውል እገዛ እያደረጉ ይገኛሉ ፤ እስካሁን (በአንድ ቀን) ከ600,000 ብር በላይ መሰብሰቡ ተገልጿል።

በተጨማሪም ዛምቢያ ውስጥ የሚኖሩ የትግራይ ተወላጆች ለአንበጣ መንጋ መከላከል ድጋፍ እንዲውል የ46,200 ብር እገዛ ማድረጋቸውን ለማውቅ ችለናል።

በሀገር ውስጥ እና በውጭ እየተደረገ የሚገኘው ድጋፍ አሁንም ተጠናክሮ ይቀጥላል ተብሏል።

@tikvahethiopiaBot @tikvahethiopia