አውዳሚው ሰደድ እሳት‼️

የዩናይትድ ስቴትሷን ምዕራባዊ ግዛት በገጠማት እጅግ አውዳሚ ሰደድ እሣት እስከአሁን #የደረሱበት ያልታወቀ ወደ አንድ ሺህ የሚጠጋ ቁጥር ያላቸው ሰዎች መኖራቸውን ባለሥልጣናቱ አስታውቀዋል።

በቃጠሎው ሙሉ በሙሉ ከወደመችው ፓራዳይዝ ከተማ የተረፉ ተጨማሪ ሦስት መቶ ሰዎች በደኅና መገኘታቸውም ዛሬ ተገልጿል።

በቃጠሎው ምክንያት እስከትናንት፤ ዕሁድ የሞተው ሰው ቁጥር ሰባ ሰባት መድረሱ የተረጋገጠ ቢሆንም ማንነታቸው የታወቀው ግን የስድሣ ሰባቱ እንደሆነ ባለሥልጣናቱ አመልክተዋል።

ሰደዱን ለማቆም ከአምስት ሺህ አምስት መቶ በላይ የእሣት አደጋ ተከላካዮች ተሰማርተው ቀንና ሌት እየሠሩ ሲሆን ቃጠሎው ባይቆምም ወደ ስድሣ አምስት ከመቶ የሚሆነውን በቁጥጥር ሥር ማዋላቸው እየተሰማ ነው።

ፕሬዚዳንት #ዶናልድ_ትረምፕ ከትናንት በስተያ ቃጠሎው ያለፈባቸውን አካባቢዎችና የፓራዳይዝ ከተማን ቅጣይ እና ፍርስራሽ ተመልክተዋ አደጋው እጅግ የከፋ መሆኑን ተናግረዋል።

ፕሬዚዳንቱ የአስቸኳይ ድጋፍ ፌደራል የገንዘብ እርዳታ እንዲላክ የፈቀዱ ሲሆን የፕሬዚዳንቱ ድጋፍ ይቀጥላል የሚል ተስፋ እንዳላቸው የካሊፎርኒያ ገዥ ጄሪ ብራውን አስታውቀዋል።

ምንጭ፦ የአሜሪካ ድምፅ ራድዮ
@tsegabwolde @tikvahethiopia

ቦነስ አይረስ🔝የአሜሪካው ፕሬዝደንት #ዶናልድ_ትረምፕ የአርጀንቲናዋ ዋና ከተማ ቦነስ አይረስ ለG- 20 ስብሰባ ሲደርሱ በአውሮፕላን ማረፊያው ተርሚናል ላይ #የኢትዮጵያ አየር መንገድ ንብረት የሆነ አውሮፕላን ቆሞ ይታያል። ጠ/ሚር ዶክተር #አብይ በስብሰባው ላይ ይሳተፉ እንደሆን እስካሁን ግልፅ አልሆነም። ፕሬስ ሴክረታሪ #ቢለኔ_ስዩም ትናንት ስለጉዳዩ ተጠይቀው መልስ ከመስጠት ተቆጥበዋል።

©Aeropuerto Internacional de Ezeiza - Ministro Pistarini (EZE)
@tsegabwolde @tikvahethiopia