#AtoAhmedShide

ዛሬ የገንዘብ ሚኒስትሩ አቶ አህመድ ሺዴ በ2013 በጀት ዓመት የ3 ወራት እቅድ አፈፃፀም ላይ መግለጫ ሰጥተዋል።

አቶ አህመድ ሽዴ ፥ የኢትዮጵያ አየር መንገድን በከፊል ወደ ግል ለማዘዋወር የጀመረውን ስራ ለጊዜው መቋረጡን አሳውቀዋል።

ትግራይ ክልል ለሚገኙ አገልግሎት ሰጪ ተቋማት በከተሞች ለሚገኙ ዜጎች የበጀት ድጋፍ ለማድረግ ጥረት በመደረግ ላይ ነው ብለዋል።

ለመንግስት የስራ ሀላፊዎች አ/አ ሲኤምሲ አካባቢ የተገነቡ መኖሪያ ቤቶችን በጨረታ በመሸጥ እስከ አንድ ቢሊዮን ብር ለማግኘት መታቀዱን ገልፀዋል።

በ2013 ዓ/ም የመጀመሪያ ሩብ ዓመት 80.8 ቢሊዮን ብር ገቢ መሰብሰቡንም ሚኒስትሩ ገልፀዋል - (etv)

@tikvahethiopiaBot @tikvahethiopia

#UPDATE

ትምህርት ሚኒስቴር ሃዋሳ ኢንዲስትሪ ፓርክ የተመረቱ የአፍ እና አፍንጫ መሸፈኛዎችን ከስር ከስር እርክክብ በማድረግ ለሁሉም ክልሎች እንዲሰራጩ በማድረግ ላይ ነው።

የደቡብ ክልል የመጀመሪያውን ዙር የአፍና አፍንጫ መሸፈኛ ስርጭት ዛሬ ተረክቧል።

እንደ ትምህርት ሚኒስቴር መረጃ ክልሎች የተረከቡትን የአፍና አፍንጫ መሸፈኛዎች በየትምህርት ቤቱ የማከፋፈል ስራውን እንደሚሰሩ ይጠበቃል።

@tikvahethiopiaBot @tikvahethiopia

#UPDATE

በዛሬው ዕለት የኢትዮጵያ ብሄራዊ ባንክ በ1 ወር ማውጣት በሚቻለው የገንዘብ መጠን ላይ ጥሎት የነበረውን ገደብ አንስቷል።

ባለፈው ዓመት ግንቦት ወር የወጣው መመሪያ ግለሰቦች በወር ከ 1 ሚሊየን ብር በላይ እንዳያወጡ ይከለክላል፡፡

ድርጅቶች ደግሞ በ1 ወር ከ2 ነጥብ 5 ሚሊየን ብር በላይ ጥሬ ገንዘብ እንዳያወጡ ተከልክሎ እንደነበር የሚታወስ ነው። (ኤፍ ቢ ሲ)

@tikvahethiopiaBot @tikvahethiopia

#WNM

የዎላይታ ብሔራዊ ንቅናቄ (ዎብን) የዎላይታ ሕዝብ በክልል የመደራጀት ጥያቄ የደረሰበት ደረጃ የዎላይታ ዞን አስተዳደር ለሕዝቡ ግልፅ እንዲያደርግ ጥሪ አቀረበ !

ከዎብን መግለጫ የተወሰደ ፦

" ... አዲሱ የወላይታ ዞን አመራር ወደ ሥልጣን ሲመጣ የዎላይታ ሕዝብ በክልል የመደራጀት ጥያቄ ምላሽ እንዲሰጠው በቁርጠኝነት የሚሠራ መሆኑን ገልፆ ነበር።

ይሁን እንጅ ዛሬ ለሕዝቡ ጥያቄ ምላሽ ከማስገኘት አኳያ ሂደቱ የደረሰበት ደረጃ በየጊዜው ለሕዝቡ ግልፅ እየተደረገ ባለመሆኑ ሕዝባችንን ጉዳዩ በተያዘበት ሁኔታና እና በአመራሩ ህዝባዊነት ላይ ከፍተኛ ጥርጣሬ እንዲያድርበት አድርጓል፡፡

በመሆኑም ጉዳዩን ይዞ የሚገኘው የዎላይታ አስተዳደር እና የዞኑ ምክር ቤት እጅግ አንገብጋቢ የሆነው የዎላይታ የሕዝብ በክልል የመደራጀት ጥያቄ የደረሰበትን ደረጃ አስመልክቶ ይፋዊ መግለጫ እንዲሰጥ ዎብን አጥብቆ ይጠይቃል።"

@tikvahethiopiaBot @tikvahethiopia

ጥናት ፦

በኮቪድ-19 ታሞ የሚያውቅ ሰው ቫይረሱ በድጋሚ ሊይዘው እንደሚችል አዲስ የወጣ ጥናት አመለከተ።

ትናንት ላንሴት መጽሄት ላይ የወጣው ጥናት ዩናይትድ ስቴትስ ኔቫዳ ግዛት ውስጥ አንድ የሃያ አምስት ዓመት ወጣት ሚያዝያ ወር ውስጥ ኮሮናቫይረስ ይዞት እንደገና ሰኔ ወር ላይ እንደያዘው አመልክቷል።

በሁለተኛው በጽኑ ታሞ ሆስፒታል መግባቱና ተጨማሪ ኦክሲጂን የሚያስፈልገው ደረጃ ላይ ደርሶ እንደነበር ጥናቱ አክሏል።

በዓለም 2 ጊዜ በኮሮና ቫይረስ መያዛቸው የተረጋገጠው ሰዎች እስካሁና አምስት ብቻ ሲሆኑ የዩናያትድ ስቴትሱ የመጀመሪያ መሆኗ ታውቋል። (VOA)

@tikvahethiopiaBot @tikvahethiopia

#COVID19Ethiopia

በኢትዮጵያ ባለፉት 24 ሰዓት በተደረገው 6,344 የላብራቶሪ ምርመራ 582 ሰዎች በቫይረሱ መያዛቸው ሲረጋገጥ የ4 ሰዎች ህይወት አልፏል። በተጨማሪ በትላንትናው ዕለት 403 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 85,718 የደረሱ ሲሆን የሟቾች ቁጥር 1,305 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 39,307 ደርሷል።

@tikvahethiopiaBot @tikvahethiopia

* ማስተካከያ

ግለሰቦች እና ኩባንያዎች ከባንክ እንዲያወጡ የፈቀደውን ወርሃዊ የጥሬ ገንዘብ ጣሪያ አለማንሳቱን ብሔራዊ ባንክ አስታውቋል። ብሄራዊ ባንክ ግለሰቦች ሆነ ኩባንያዎች የሚያወጡት ወርሃዊ የጥሬ ገንዘብ ጣሪያ ተነስቷል የሚለው መረጃ ትክክል አለመሆኑን ተናግረዋል።

@tikvahethiopiaBot @tikvahethiopia

በትግራይ የኬሚካል ርጭት ተጀምሯል ?

(በኤልያስ መሰረት)

EBC : "መንግሥት በደቡባዊ ትግራይ እና በምሥራቅ አማራ የአንበጣ መንጋ በተከሰተባቸው አካባቢዎች በአውሮፕላን የታገዘ የኬሚካል እርጭት ማካሄድ ጀመረ"

የትግራይ ግብርና ቢሮ ሃላፊ ዶ/ር አትንኩት መዝገቡ : "ይህ ፍፁም ውሸት ነው ፤ ለምን እንደዛ እንደሚሉ አይገባኝም።"

@tikvahethiopiaBot @tikvahethiopia

#የጥንቃቄ_መልዕክት !

አሮጌው 100 ብር ኖት ከአዲሱ 10 ብር ኖት ጋር በቀለም ተመሳሳይነት እያጭበረበሩ ያሉ አካላት ስለመኖራቸው ብሄራዊ ባንክ መረጃ እንዳለው ገልፆ ፣ ህብረተሰቡ ጥንቃቄ እንዲያደርግ አሳስቧል።

ህብረተሰቡ በኖቶቹ ለውጥ ላይ በተለያዩ ቋንቋዎች ግንዛቤ እንዲኖረው እየተደረገ መሆኑ ተገልጿል።

በሌላ በኩል አዲሱን 100 ብር ኖት በአሮጌው 130 ብር ኖትና ከዚያ በላይ የሚሸጡ አንዳንድ ሰዎች መኖራቸውን በመረጃ እንደተደረሰበት ብሄራዊ ባንክ ገልጿል ፤ ህብረተሰቡ ተመሳሳይ ነገር ሲመለከት ለፖሊስ ጥቆማ እንዲሰጥ ጥሪ ቀርቧል።

#ሼር #SHARE

@tikvahethiopiaBot @tikvahethiopia

የብቃት ምዘና ፈተና ለምትወስዱ ጤና ባለሙያዎች !

የጤና ሚኒስቴር ከጥቅምት 09-13/2013 የብቃት ምዘና ፈተና እንደሚሰጥ ይታወቃል፡፡

• የፈተናው ፕሮግራም
• ቦታ እና ሰዓት ከላይ መመልከት ትችላላችሁ።

የኮቪድ-19 ወረርሽኝ ለመከላከል ማንኛዉም ተፈታኝ ወደ ፈተና ቦታ ሲመጣ የአፍና የአፍንጫ መሸፈኛ (mask) እንዲሁም የእጅ ማፅጃ ሳኒታይዘር ይዞ መምጣት የሚኖርበት መሆኑን ጤና ሚኒስቴር ገልጿል።

@tikvahethiopiaBot @tikvahethiopia

#COVID19

ባለፈው ሳምንት ከፕሬዝዳንት ሣህለወርቅ ዘውዴና ጠቅላይ ሚኒስትር አቢይ አህመድ ጋር የተገናኙ 2 የአውሮፓ ህብረት ከፍተኛ ባለሥልጣናት በኮሮና ስጋት ራሳቸውን ማግለላቸውን 'ኢትዮጵያ ኢንሳይደር' ድረገፅ አስነበበ።

ባለስልጣናቱ ራሳቸውን ያገለሉት አብረዋቸው ወደ ኢትዮጵያ ከተጓዙ የልዑካን ቡድን አባላት መካከል አንዱ በኮሮና ቫይረስ መያዛቸው በምርመራ ከተረጋገጠ በኋላ ነው።

ከትናንት ጀምሮ ራሳቸውን ማግለላቸውን የገለጹት የአውሮፓ ህብረት የውጭ ጉዳይ እና የጸጥታ ፖሊሲ ከፍተኛ ተወካይ ጆሴፕ ቦሬል እና የህብረቱ የቀውስ አስተዳደር ኮሚሽነር ያኔዝ ሌናርቺች ናቸው።

ባለፈው ሳምንት ሐሙስ መስከረም 28/2013 ዓ/ም ከጠ/ሚ አቢይ አህመድ ጋር የተገናኙት ባለስልጣናቱ ፤ በማግስቱ ከፕሬዝዳንት ሣህለ ወርቅ ዘውዴ ጋርም ተወያይተዋል።

@tikvahethiopiaBot @tikvahethiopia

#UPDATE

የሳይንስና ከፍተኛ ትምህርት ሚኒስቴር የከፍተኛ ትምህርትና ስልጠና ማስቀጠያና ቅድመ ዝግጅት ማጠቃለያን እንዲሁም የኮቪድ-19ን ወረርሽኝ ምላሽ ተግባራት ዝግጅት በተመለከተ ተቋማት የደርሱበትን ደረጃ ሊገመግም ነው።

በዚህ መድረክ ፦

• የመንግስት ከፍተኛ የስራ ኃላፊዎች
• የህዝብ ተወካዮች ምክር ቤት ቋሚ ኮሚታ ሰብሳቢዎች
• የመንግስት ተጠሪ ሚኒስትር ዴኤታዎች፣
• በከፍተኛ ትምህርትና ስልጠና ዘርፍ ቁልፍ ሚኒ ያላቸው መንግስታዊ ተቋማት እና ሌሎች ባለድርሻ አካላት ይገኛሉ።

ከጥቅምት 6 እስከ 8 በሀዋሳ ከተማ በሚካሄደው መድረክ ላይ ፦

- ኮቪድ-19 በመከላከልና ሰላማዊ የመማር ማስተማርን በማረጋገጥ ላይ የከፍተኛ ትምህርትና ስልጠና ተቋማትና ባለድርሻ አካላት ሚና ፤

- በኮቪድ-19 ወቅት ትምህርትና ስልጠና ለማቀጠል የሚወሰዱ ክልከላዎች እና እርምጃዎች ፤

እንዲሁም ከፍተኛ ትምህርትና ስልጠና እንደገና ለማስጀመር ተቋማት የደረሱበትን ደረጃ በመገምገም ላይ የሚገኘው ግብረኃይል ሪፖርት መሰረት ወይይት ተደርጎ ውሳኔና ቀጣይ አቅጣጫዎች ይቀመጣሉ።

@tikvahethiopiaBot @tikvahethiopia

#UPDATE

በሰሜን ወሎ ዞን ከ18 ሺህ ሄክታር በላይ በጤፍ ፣ ማሽላና ማሾ የተሸፈነ ማሳ በአንበጣ መንጋ ሙሉ በሙሉ መውደሙን ዞኑ ለetv አስታውቋል።

የአንበጣ መንጋውን ለመከላከል በሰው ኃይልና በአውሮፕላን ርጭት እየተካሄደ ቢሆንም አንበጣው በብዛት በመፈልፈሉ እና በተደጋጋሚ በመከሠቱ ጉዳቱ እየከፋ መምጣቱን ዞኑ ገልጿል።

የአንበጣ መንጋው ተጨማሪ ጉዳት እንዳያደርስ ህብረተሰቡ እንዲሁም የመከላከያ ሠራዊት እና የክልሉ ልዩ ኃይል አባላት የደረሱ ሰብሎችን በመሰብሰብ አርሶ አደሮችን እየደገፉ ነው።

በደረሰው ጉዳት ምክንያት ከ34 ሺህ በላይ ዜጎች ለችግር እንደሚዳረጉ ተገልጿል።

@tikvahethiopiaBot @tikvahethiopia