"በመልካም ጤንነት ላይ እገኛለሁ" - አሰልጣኝ ሀጂ አዲሎ

በኮሮና ቫይረስ መያዛቸው የተገለፀው የአትሌቲክስ አሰልጣኙ ሀጂ አዲሎ ከቲኪቫህ ስፖርት (@tikvahethsport) ጋር ቆይታ አድርገዋል።

አሰልጣኝ ሀጂ አዲሎ፥ ያለፉትን ስምንት (8) ቀናት ራሳቸውን አግልለው በመኖሪያ ቤታቸው እንደሚገኙና አሁን በመልካም የጤንነት ሁኔታ ላይ እንደሆኑ አሳውቀውናል።

@TIKVAHETHIOPIA @TIKVAHETHSPORT

#DrTsionFirew

የአስቸኳይ ጊዜ አዋጅ ማብቃት ፥ የኮሮና ቫይረስ ማብቃት ማለት አይደለም። ይልቁንም ማስክ በማድረግ ፥ ርቀታችንን በመጠበቅ እና እጃችንን በመታጠብ ፥ የገጠመንን ተግዳሮት ለመሻገር ራሳችንን በበለጠ እንድንጠብቅ የሚያደርግ ነው።

ከበአላት እና ፌሽታ ጋር ተያይዞ ፥ የኮሮና ቫይረስ ስርጭት ሊጨምር እንደሚችል ግልጽ ነው። ይሄ ግዴለሽነት ለጤና ባለሙያዎችን የሚያሳዝን ተግባር ነው!

ቫይረሱ መልከ-ብዙ ነው። ምን ጥሎ ምን አንስቶ እንደሚሄድ ገና አልታወቀምና ራሳችሁን ጠብቁ።

የጤና ባለሙያዎችን ልፋት ፥ የእናት የአባት ጸሎትንም ዋጋ አታሳጡ። እባካችሁ!

ዶክተር ፅዮን ፍሬው
መስከረም 19/2013 ዓ/ም

@tikvahethiopiaBot @tikvahethiopia

ፕ/ር መስፍን ወልደማርያም ከዚህ ዓለም በሞት ተለዩ!

ፕሮፌሰር መስፍን ወልደማርያም በ91 ዓመታቸው ከዚህ ዓለም በሞት ተለይተዋል። ፕሮፌሰሩ ህይወታቸው ያለፈው ትላንት ምሽት 5 ሰዓት አካባቢ እንደሆነ ቤተሰቦቸው እና የቀርብ ሰዎቻቸው ለኢትዮጵያ ኢንሳይደር ድረገፅ ገልጸዋል።

ፕሮፌሰር መስፍን በኮሮና በሽታ ተይዘው በቅዱስ ጳውሎስ ሆስፒታል ሚሊኒየም ሜዲካል ሆስፒታል ላለፉት 11 ቀናት ህክምናቸውን ሲከታተሉ እንደነበር ልጃቸው መቅደስ መስፍን ተናግረዋል።

እስከ ትላንት ድረስ ከአባታቸው ጋር መነጋገራቸውን የገለጹት መቅደስ መስፍን እስካለፈው ቅዳሜ ድረስ በደህና ሁኔታ ላይ እንደነበሩ አስረድተዋል።

የፕሮፌሰር መስፍን የቀብር ስነ ስርዓት መቼ እንደሚከናወን ገና እንዳልተወሰነ የገለጹት ልጃቸው እርሳቸውን ጨምሮ በውጭ ሀገር የሚገኙ ቤተሰቦቻቸው ወደ ሀገር ቤት ከመጡ በኋላ የኮሮና ቫይረስ ወረርሽኝ ሁኔታ ታሳቢ ባደረገ መልኩ እንደሚፈጸም ለኢትዮጵያ ኢንሳይደር ድረ ገፅ ጠቁመዋል።

@tikvahethiopiaBot @tikvahethiopia

ፕሮፌሰር መስፍን ወልደማርያም (1922 -2013)

- ከዛሬ 91 ዓመት በፊት አዲስ አበባ ከተማ ተወለዱ፣

- የመጀመሪያ ደረጃ ትምህርታቸውን ተፈሪ መኮንን ትምህርት ቤት ሁለተኛ ደረጃ ትምህርታቸውን እትጌ መነን ተምረዋል፣

- ከ1955 ዓ.ም ጀምሮ በለንደንና በተለያዩ ዩኒቨርሲቲዎች ከፍተኛ ትምህርት ተከታትለዋል፣

- በአዲስ አበባ ዩንቨርስቲ ውስጥ በጂኦግራፊ ዲፓርትመንት በመምህርነት ና በትምህርት ክፍሉ ኃላፊነት አገልግለዋል፣

- በጊምቢ አውራጃ አስተዳዳሪነት ሰርተዋል።

- በተለያየ ርዕሰ ጉዳዮች በርካታ መጽሀፍትን አሳትመዋል፣

- ከቀዳማዊ ኃይለሥላሴ ዘመነ መንግስት አንስቶ መንግስትን በመተቸትና ሂስ በመስጠት የሚታወቁ አንጋፋ የፖለቲካ ሰው ነበሩ ፣

- የኢትዮጵያ ሰብዓዊ መብቶች ጉባኤ (ሰመጉ) መስራችና ሊቀመንበር ነበሩ፣

- ቅንጅት ለአንድነትና ለዴሞክራሲ ፓርቲን ከመሰረቱት ሰዎች አንዱ ናቸው፣

- በአደባባይ ምሁርነታቸው፣ በፖለቲካ ተሳትፏቸው፣ በበርካታ ጹሑፎቻቸው፣ በሰብዓዊ መብት ተሟጋችነታቸው ይታወቃሉ፡፡

@tikvahethiopiaBot @tikvahethiopia

በብዛት እየተመረቁ የሚወጡት ወጣት ሀኪሞች ሥራ ማግኘት አልቻሉም!

(የአሜሪካ ድምፅ ሬድዮ ጣቢያ)

ከፍተኛ የሀኪሞች እጥረት ካለባቸው ሀገራት አንዷ በሆነችው ኢትዮጵያ የህክምና ትምህርታቸውን ያጠናቀቁ ሀኪሞች ተመርቀው ሥራ ማግኘት እንዳልቻሉና አንዳንዶቹም ተስፋ ቆርጠው ሥራ ለመቀየር መገደዳቸውን እየገለፁ ይገኛሉ።

የአሜሪካ ድምፅ ያናገራቸው የ2012 ዓ/ም ተመራቂ ሀኪሞች ሥራ በማጣታቸው ለከፍተኛ የኢኮኖሚና ስነ-ልቦና ችግር እንደተጋለጡም ተናግረዋል።

ጤና ሚኒስቴር ችግሩ የተፈጠረው በበጀት አቅም ማነስ ምክንያት ክልሎች ተፈላጊውን የህክምና ባለሙያ መቅጠር ባለመቻላቸው ነው ብሏል።

@tikvahethiopiaBot @tikvahethiopia

እስካሁን ምን ያህል ዜጎች ከሳዑዲ አረቢያ ተመለሱ ?

እስካሁን ድረስ በሳዑዲ አረቢያ በተለያዩ ችግሮች ውስጥ የሚገኙ 964 ዜጎቻቸውን ወደ ሀገራቸው እንደሚለሱ መደረጉን ከውጭ ጉዳይ ሚኒስቴር ያገኘነው መረጃ ያሳያል።

ወደሀገራቸው እንዲመለሱ ከተደረጉት 964 ዜጎች መካከል 58 የሚሆኑት ህፃናት ናቸው።

@tikvahethiopiaBot @tikvahethiopia

ማስታወሻ !

አዲሱን የገንዘብ ኖት የመቀየሪያ ጊዜ ሊያበቃ ፦

- ከ100 ሺህ ብር በታች ለሆነ 74 ቀን ቀርቶታል።

- ከ100 ሺህ ብር በላይ ለሆነ 14 ቀን ቀርቶታል።

Via Hibret Bank
@tikvahethiopiaBot @tikvahethiopia

#Irreecha2013

በዛሬው ዕለት የኦሮሚያ ጤና ቢሮ ኃላፊ ዶክተር መንግስቱ በቀለ በኢሬቻ በዓል ወቅት መደረግ ስለባቸው ጥንቃቄዎች መግለጫ ሰጥተዋል።

ዶ/ር መንግስቱ በመግለጫቸው ተከታዩን ብለዋል ፦

- የኮቪድ 19- ወረርሽኝ ከዚህ ቀደም ከነበረው ጊዜ በላይ እየተስፋፋ በመሆኑ የሆረ ፊንፊኔም ሆነ የሆረ አርሰዲ የኢሬቻ በዓል ላይ የሚሳተፉ ሰዎች በጥንቃቄ በዓሉን ሊያከብሩ ይገባል።

- በኢሬቻ በዓል የሚሳተፉ ሰዎች አካላዊ ርቀትን ሊጠብቁ እንዲሁም የአፍ እና አፍንጫ መሸፈኛ ጭምብል ሊያደርጉ ይገባቸዋል።

- በበዓሉ ወቅት ሊያጋጥሙ የሚችሉ የጤና ችግሮች ለመከላከል ቢሮው 7 ኮሚቴዎችን አዋቅሮ አስፈላጊውን ዝግጅት አጠናቋል።

- በበዓሉ ወቅት ከጤና ጋር ተያይዞ ለሚከሰት ችግር እርዳታ ማግኘት የፈለገ ሰው በነፃ 6955 ላይ ደውሎ መረጃ ማግኘት ይችላል። (etv)

@tikvahethiopiaBOT @tikvahethiopia

መስከረም 20/2013 ዓ/ም

የኢትዮጵያ ኮቪድ-19 መረጃዎች ፦

#Somali

በሱማሌ ክልል ባለፉት 24 ሰዓት 132 የላብራቶሪ ምርመራ ተደርጎ 3 ሰዎች በኮቪድ19 መያዛቸው ተረጋግጧል።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 243 የላብራቶሪ ምርመራ ተራደርጎ 78 ሰዎች በኮሮና ቫይረስ መያዛቸው ተረጋግጧል።

#Amhara

በአማራ ክልል ባለፉት 24 ሰዓት 591 የላብራቶሪ ምርመራ ተደርጎ 40 ሰዎች በኮሮና ቫይረስ መያዛቸው ተረጋግጧል። የ2 ሰዎች ህይወት አልፏል።


#DireDawa

በድሬዳዋ 194 የላብራቶሪ ምርመራ ተደርጎ 84 ሰዎች ላይ የኮሮና ቫይረስ ተገኝቷል።

#Sidama

በሲዳማ ክልል ባለፉት 24 ሰዓት ውስጥ 182 የላብራቶሪ ምርመራ የተደረገ ሲሆን 24 ሰዎች በኮቪድ-19 መያዛቸው ተረጋግጧል።

#Harari

በሐረሪ ክልል ባለፉት 24 ሰዓት ውስጥ 347 የላብራቶሪ ምርመራ የተደረገ ሲሆን 26 ሰዎች በኮቪድ-19 ተይዘዋል፤ የ1 ሰው ህይወት አልፏል።

#Tigray

በትግራይ ክልል ባለፉት 24 ሰዓት ውስጥ 287 የላብራቶሪ ምርመራ የተደረገ ሲሆን 5 ሰዎች በኮቪድ-19 መያዛቸው ተረጋግጧል።

#Oromia

በኦሮሚያ ክልል ባለፉት 24 ሰዓት ውስጥ 645 የላብራቶሪ ምርመራ የተደረገ ሲሆን 109 ሰዎች በኮቪድ-19 መያዛቸው ተረጋግጧል። የ3 ሰዎች ህይወት አልፏል።

#AddisAbaba

በአዲስ አበባ ከተማ ባለፉት 24 ሰዓት 2,926 የላብራቶሪ ምርመራ የተደረገ ሲሆን 385 ሰዎች በኮቪድ-19 መያዛቸው ተረጋግጧል። የ5 ሰዎች ህይወት አልፏል።

@tikvahethiopiaBOT

#COVID19Ethiopia

በኢትዮጵያ ባለፉት 24 ሰዓት በተደረገው 6,139 የላብራቶሪ ምርመራ 784 ሰዎች በቫይረሱ መያዛቸው ሲረጋገጥ የ7 ሰዎች ህይወት አልፏል። በተጨማሪ በትላንትናው ዕለት 199 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 75,368 የደረሱ ሲሆን የሟቾች ቁጥር 1,198 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 31,204 ደርሷል።

@tikvahethiopiaBot @tikvahethiopia

ጥቆማ!

EBS ቴሌቪዥን እና አፍሪ ሄልዝ ቴሌቪዥን የፍሬክዌንሲ ለውጥ አድርገዋል!

ኢ ቢ ኤስ ቴሌቪዥን ባጋጠመው ቴክኒካል ችግር ምክንያት በአዲስ የሳተላይት ፍሪክዌንሲ እንደተመለሰ አሳውቋል።

ናይልሳት 10971 H (ሆሪዞንታል) SR 27500 ላይ የሚገኝ መሆኑን ገልጿል።

በተጨማሪ ላቅ ባለ HD እና SD ጥራት ደግሞ : በኢትዮ ሳት NSS 12 H (ፍሪክዌንሲ) 11105 SR 45000 ላይ ልታገኙ ትችላላችሁ።

ለማስተካከል የዲሽ ቴክኒሻኖችን ያነጋገሩ።

በሌላ በኩል ፦

የአፍሪ ሄልዝ የቴሌቪዥን ጣቢያ የሳተላይት ፍሪክዌንሲ ለውጥ አድርጓል።

በውጡ መሰረት አዲሱ የሳተላይት መገኛው FREQUENCY 11555 , SR-27500 VERTICAL መሆኑን የጣቢያው ማኔጂንግ ዳይሬክተር ካሣ አያሌው ካሣ ነግረውናል።

የአድራሻ ለውጡ ከዛሬ መስከረም 21/2013 ዓ/ም ጀምሮ ስርጭት ይጀምራል። የጣቢያው ተከታታዮች በዚሁ አዲስ አድራሻው እነዲያገኙት ጣቢያው ጥሪ አቀቧል።

@tikvahethiopiaBot @tikvahethiopia

“ለክብራቸው በሚመጥን መልኩ ይሸኛሉ” - ኮሚቴው

የፕሮፌሰር መስፍን ወልደማርያም የቀብር ስነ ስርዓትን ለማስፈፀም ኮሚቴ ተዋቅሮ የተለያዩ ስራዎችን እየሰራ እንደሚገኝ ቪኦኤ ዘግቧል።

የቀብር ስነ ስርዓታቸው ክብራቸውን በሚመጥን መልኩ እንዲከናወን ዝግጅት ተጀምሯል።

ውጭ ሀገር ያሉት 2ቱ ልጆቻቸው ወደ ኢትዮጵያ የሚመጡት በያዝነው ሳምንት መጨረሻ እንደሆነ ስለሚጠበቅ ሚቀጥለው ሳምንት መጀመሪያዎቹ ላይ የቀብር ስነ ስርዓታቸው ይፈፀማል ተብሎ ይጠበቃል።

ትክክለኛ ቀኑን እንዲሁም ሰዓቱን ፣ የቀብር ስነ ስርዓታቸው የት እንደሚፈፀም በተመለከተ የቀብር ስነ ስርዓቱን ለማስፈፀም ኃላፊነት የወሰደው ኮሚቴ ለህዝብ እና ለመገናኛ ብዙሃን ይፋ ያደርጋል።

@tikvahethiopiaBot @tikvahethiopia

#Irreecha2013

የኦሮሚያ ክልል ኮሚኒኬሽን ቢሮ ኃላፊ አቶ ጌታቸው ባልቻ በሆራ ፊንፊኔ እና በሆራ አርሰዲ የኢሬቻ በዓል ላይ የሚገኙ ሰዎች መለየታቸውን ለሸገር ኤፍ ኤም 102.1 ተናግረዋል።

በእያንዳንዱ ቀን በሚከበረው በዓል ላይ የሚታደመው የሰው ቁጥር ከ5,000 እስከ 6,000 ይደርሳል ተብሏል።

አቶ ጌታቸው የኢሬቻ በዓል ለኮሮና ቫይረስ በማያጋልጥ መልኩ እንደሚከበርም ለሬድዮ ጣቢያው ገልፀዋል።

የፀጥታ ጥበቃውን አስተማማኝ ለማድረግ የክልሉ የፀጥታ አካላት ከአዲስ አበባ እና ከፌዴራል ፖሊስ ጋር በመሆን እየሰሩ ይገኛሉ፤ የክልሉ ፀጥታ ጥበቃ በሁሉም ዞኖች እና ከተሞች እየተካሄደ መሆኑን አቶ ጌታቸው አስታውቀዋል።

የኢሬቻ በዓል አከባበርን ወደ ፖለቲካ አጀንዳ ለመቀየር እና በኦሮሚያ ክልል አለመረጋጋት ለመፍጠር የሚያስቡ ወገኖች አሉ ያሉት አቶ ጌታቸው የፀጥታ አካላት በተቀናጀ መንገድ እየሰሩ ስለሆነ የሚያሰጋ ነገር አይኖርም ሲሉ ለሬድዮ ጣቢያው ገልፀዋል።

@tikvahethiopiaBot @tikvahethiopia

ችሎት!

የደቡብ ክልል ጠቅላይ ፍርድ ቤት የወላይታ ዞን የቀድሞ አመራሮችን ጨምሮ ለ20 ተጠርጣሪዎች የስር ፍርድ ቤት በፈቀደው ዋስትና ላይ እና ፖሊስ በጠየቀው የምርመራ ቀናት ላይ ብይን ለመስጠት ለመስከረም 27/2013 ዓ/ም ተለዋጭ ቀጠሮ ሰጥቷል።

ፍርድ ቤቱ ዛሬ በነበረው ችሎት በዋስትናው ጉዳይ እና ተጠርጣሪዎች ባቀረቡት አቤቱታ ላይ የደቡብ ክልል ፖሊስ ኮሚሽን በጹሁፍ ያቀረበውን የመልስ መልስ ተቀብሏል።

ዛሬ በነበረው ችሎት ማናቸውም ተጠርጣሪዎች በፍርድ ቤት አለመቅረባቸውን የ6ቱ ጠበቃ ተመስገን ዋጃና ተናግረዋል።

በማረሚያ ቤት እንዲቆዩ ከተደረጉ 15 ተጠርጣሪዎች ውስጥ አስራ 2ቱ በዛሬው ችሎት የተወከሉት፤ በ3 ጠበቆች መሆኑንም ገልጸዋል። ቀሪዎቹ 3 ተጠርጣሪዎች በራሳቸው የሚከራከሩ ናቸው ብለዋል።

ጠቅላይ ፍርድ ቤቱ ማክሰኞ በነበረው ችሎት በሰጠው ትዕዛዝ መሰረት፤ ተጨማሪ 8 ተጠርጣሪዎች በሶዶ ማረሚያ ቤት በእስር እንዲቆዩ መደረጋቸው ይታወሳል።

በማክሰኞው የፍርድ ቤቱ ትዕዛዝ ወደ ሶዶ ከተማ ማረሚያ ቤት ከተወሰዱ ተጠርጣሪዎች ውስጥ የቀድሞው የወላይታ ዞን አስተዳዳሪ አቶ ዳጋቶ ኩምቤ እና የዞኑ ብልጽግና ጽህፈት ቤት ኃላፊ አቶ ጥበቡ ዩሃንስ ይገኙበታል።

Via Ethiopia Insider
@tikvahethiopiaBot @tikvahethiopia

ችሎት!

አቶ ጃዋር መሃመድ እና 24 ሰዎች ላይ የተመሰረተውን ክስ በዛሬው እለት መሰማት #BBC (ቢቢሲ) ዘግቧል።

ክሳቸው እየተሰማ ያለው በፌደራል ከፍተኛ ፍርድ ቤት ሲሆን ፤ አቶ ጀዋር መሐመድ፣ አቶ በቀለ ገርባ ፣ ሐምዛ አዳነ ፣ ሸምሰዲን ጠሃ ፍርድ ቤት የተገኙት የማረሚያ ቤቱን ቢጫ ደንብ ልብስ ለብሰው ነው።

ከዚህም በተጨማሪ የሃጫሉ ምስል ያለበት የአፍና የአፍንጫ መሸፈኛ አድርገው ታይተዋል።

ተከሳሾቹ ለ2 በሰንሰለት ታስረው ችሎት ላይ የቀረቡ ሲሆን አቃቤ ሕጎች ወደ ችሎቱ ሲገቡ እጃቸውን ከፍ አድርገው እንደታሰሩ አሳይተዋል።

በመቀጠልም አቃቤ ሕግ ሰንሰለቱ ከእጃቸው ላይ እንዲፈታ በማዘዙ ተፈትቶላቸዋል። ከዚህ በፊት ሌላ ክስ ስላለባቸው መገኘት ያልቻሉት የኦፌኮ አባሉ አቶ ደጀኔ ጣፋ በዛሬው ዕለት ተገኝተዋል።

ችሎቱ መታየት የጀመረው በፍትሕ አዳራሽ ሲሆን በአዳራሾቹ የተከሳሽ ቤተሰቦችን ጨምሮ ሃያ (20) ሰዎች ተገኝተዋል።

MORE : https://telegra.ph/JM-10-01

@tikvahethiopiaBot @tikvahethiopia

ሹመት!

የኢትዮጵያ ስፔስ ሳይንስ እና ቴክኖሎጂ ኢንስቲትዩት አዲስ ዳይሬክተር ሾሟል፡፡

የኢንስቲትዩቱ ዳይሬክተር በነበሩት ዶ/ር ሰለሞን በላይ ምትክ አቶ አብዲሳ ይልማ ዋና ዳይሬክተር ሆነው ተሹመዋል።

ዶክተርር ይሹሩን አለማየሁን ደግሞ ምክትል ዋና ዳይሬክተር ሆነው ተሾመዋል፡፡

@tikvahethiopiaBot @tikvahethiopia

#UPDATE

በእነ አቶ ጃዋር መሐመድ ላይ ዐቃቤ ህግ ያቀረበውን ክስ እና የተከሳሾችን የክስ መቃወሚያ ምላሽ ለመመልከት ፍርድ ቤቱ ለህዳር 18 ተለዋጭ ቀጠሮ ሰጥቷል።

@tikvahethiopiaBot @tikvahethiopia