"የጤና ሚኒስቴር ትምህርት ለመጀመር የሚስችል ሁኔታ መኖሩን ሲያረጋግጥልን ትምህርት እንጀምራለን" - ዶ/ር ኢንጂ. ጌታሁን መኩሪያ የትምህርት ሚኒስትር

የኮሮና ቫይረስ (ኮቪድ-19) ወረርሽኝ ስርጭት ያለበት ደረጃ ተገምግሞ ትምህርት ለመጀመር የሚያስችል ሁኔታ መኖሩን የጤና ሚኒስቴር ማረጋግጫ ሲሰጥና መንግስት ውሳኔ ሲያሳልፍ ትምህርት እንደሚጀመር የትምህርት ሚኒስትሩ ተናግረዋል፡፡

ከትምህርት ገበታ ውጪ ያሉ ህፃናት በከፍትኛ ሁኔታ እየተጎዱ በመሆኑ ለእነሱ ቅድሚያ እንደሚሰጥም ነው ያብራሩት፡፡

ጥናቶች እንደሚጠቁሙት ለ6 ወር ከትምህርት ገበታ ውጭ የሆኑ ህፃናት ከዚያ በፊት ለሁለት አመታት ያክል ይዘውት የነበረውን እውቀት ሊያሳጣቸው ይችላል፡፡ በዚህ ምክንያት ለህፃናት ቅድሚያ ለመስጠት እቅድ ተይዟል፡፡

የዓለም የጤና ድርጅት መረጃ እንደሚያሳየው ህፃናት በኮሮና ቫይረስ የመያዝና የማስተላለፍ ባህሪያቸው ከሌሎቹ የቀነሰ በመሆኑ ድርጅቱ የሚያስቀምጣቸውን የቫይረሱን መከላከያ መንገዶች ሙሉ ለሙ በመተግበር ትምህርት ለመጀመር ጥረት ይደረጋል፡፡

በትምህርት አከፋፈት ዙሪያ የኮሮና ቫይረስ ስርጭት በከፍተኛ ሁኔታበተስፋፋባቸው እንደ አዲስ አበባ ባሉ ትላልቅ ከተሞች ትምህርት በ3 ፈረቃ ለመጀመር እቅድ ተይዟል፡፡

ከትላልቅ ከተሞች እርቀው የሚገኙና የኮሮና ቫይረስ ስርጭት ስጋት በሌለባቸው አካባቢዎችም የኮሮና ቫይረስ መከላከያ መንግዶችን በመተግብር ትምህርት እንደሚጀመር የትምህርት ሚኒስትሩ ተናግረዋል፡፡

ምንጭ፦ ትምህርት ሚኒስቴር
@tikvahethiopiaBot @tikvahethiopia

#Irreecha2013

በሚሊዮኖች የሚቆጠሩ ሰዎች በተገኙበት ሲከበር የነበረው የኢሬቻ በዓል ዘንድሮ የኮቪድ -19 ወረርሽኝን ከግምት ባስገባ መልኩ እንደሚከበር አባገዳዎች ዛሬ በሰጡት መግለጫ አስታውቀዋል።

የሆረ ፊንፊኔ የኢሬቻ በዓል መስከረም 23 ቀን 2013 ዓ.ም የሚከበር መሆኑንና የሆረ አርሰዲ ኢሬቻ በዓል ደግሞ መስከረም 24 ቀን 2013 ዓ.ም እንደሚከበር አባገዳዎቹ ገልጸዋል፡፡

በበዓሉ ላይ የሚሳተፉ ሰዎች ቁጥር በሽታውን (ኮሮና ቫይረስ) ለመከላከል በሚያመች መልኩና የጤና ባለሙያዎች በሚሰጡት ምክር መሰረት የሚወሰን መሆኑ ተገልጿል፡፡

የገዳ ስርዓት ባለቤት የሆነው የኦሮሞ ህዝብ የአባ ገዳዎችን ጥሪና የጤና ባለሙያዎቸን ምክር ተከትሎ በዓሉን እንዲያከብር አባገዳዎቹ ጥሪ አቅርበዋል።

ምንጭ፦ የኦሮሚያ ኮሚኒኬሽን ቢሮ፣ ኢቲቪ
@tikvahethiopiaBOT @tikvahethiopia

"ከአንድ ሳምንት በኋላ እስካሁን ድረስ የአባቴን አስከሬን አግኝቼ ለመቅበር አልቻልኩም" - አቶ ኃይሉ አዲሱ

ቲክቫህ ኢትዮጵያ ከአንድ ሳምንት በፊት በቤኒሻንጉል ክልል ቡለን ወረዳ እየተፈፀመ ስላለ ጥቃት ከቡለን ቲክቫህ አባላት የተላከውን መረጃ ማካፈሉ የሚዘነጋ አይደለም።

በወቅቱ ምን ያህል ሰዎች እንደተገደሉ አባላቶቻችን አልገለፁም ነገር ግን በጥቃቱ ህይወታቸው ያለፈ ነዋሪዎች መኖራቸው ፣ የፀጥታ ኃይል አባላት መገደላቸውን፣ እንዲሁም ብዙ ሰዎች መቁሰላቸውን አሳውቀው ነበር።

ከዚህ ጉዳይ ጋር በተያያዘ በዛሬው ዕለት BBC በአካባቢው ጥቃት ሰለባ ከሆኑና ቤተሰቦቻቸውን ያጡ የአካባቢው ነዋሪዎችን አነጋግሮ በድረ ገፁ ሰፋ ያለ ዘገባ ይዞ ወጥቷል ፤ በማስፈንጠሪያው ገብታችሁ አንብቡ : https://telegra.ph/Bulen-09-16

PHOTO : የኢፌዴሪ መከላከያ ሰራዊት
@tikvahethiopiaBot @tikvahethiopia

"... እኔ የታሰርኩት ለምን ወንጀል ፈፀምክ ተብዬ ሳይሆን ለምን አሰብክ ተብዬ ነው" - አቶ ልደቱ አያሌው

የኢዴፓ የብሔራዊ ምክር ቤት አባል የሆኑት አቶ ልደቱ አያሌው በቢሾፍቱ ከተማ ፍርድ ቤት የወከሏቸውን ጠበቆች ዛሬ አሰናብተዋል።

አቶ ልደቱ እዚህ ውሳኔ ላይ የደረሱት 'ህግ የፖለቲካ መሳሪያ በሆነበት ሁኔታ ውስጥ በህግ ክርክር መብትን ማስከባር ስለማይቻል' እንደሆነ ገልፀዋል።

አቶ ልደቱ አያሌው ከአሁን በኋላ ግዴታዬን ለመወጣት ቀጠሮ ሲሰጠኝ በችሎት ፊት ከመገኘት ባለፈ የህግ ክርክር የማድረግ ፍላጎት የለኝም ብለዋል።

ምንጭ ፦ ኢዴፓ
@tikvahethiopiaBot @tikvahethiopia

የ8ኛ ክፍል መልቀቂያ ፈተና በፍጥነት እንዲሰጥ እየተሰራ መሆኑን የኦሮሚያ ክልል ትምህርት ቢሮ ኃላፊ ዶ/ር ቶላ በሪሶ ተናግረዋል።

ዶክተር ቶላ በሪሶ ትላንት ከቪኦኤ አፋን ኦሮሞ ጋር በነበራቸው ቃለ መጠይቅ ተከታዩን ብለዋል ፦

- ለ8ኛ ክፍል ተማሪዎች ፈተናው ተዘጋጅቷል የፈተናው ወረቀት ታትሞ በማተሚያ ቤት ውስጥ ይገኛል ትምህርት ሲጀመር ፈተናው የሚሰጥ ይሆናል። ፈተናው ከተሰጠ በኃላ ከ3 ሳምንት ባልበለጠ ጊዜ ታርሞ ውጤቱ እንዲታወቅ ይድረጋል።

- የ12ኛ ክፍል ተማሪዎችን በተመለከተ በድረ ገፅ አማካኝነት ፈተናውን ስለሚወስዱ የፈተና ማዕከላት ተመርጠው ተማሪዎቹ ፈተናውን የሚወስዱበት ሁኔታ እየተመቻቸ ይገኛል።

- ከ8ኛ እና 12ኛ ክፍል ውጭ የሆኑ ተማሪዎች ባለፈው ዓመት ወደ ሚቀጥለው ክፍል ገብተው እንዲማሩ በተወሰነው መሰረት ባለፈው ዓመት ያለፋቸውን የትምህርት ጊዜ ለተወሰነ ጊዜ ከተማሩ በኃላ የዚህን ዓመት ትምህርት የሚቀጥሉ ይሆናል።

@tikvahethiopiaBot @tikvahethiopia

የ12ኛ ክፍል ሀገር አቀፍ ፈተና የሚወስዱ ተማሪዎች የተሻለ ዝግጅት እንዲኖራቸው መሥራት እንደሚገባ የአማራ ክልል ትምህርት ቢሮ አሳስቧል።

በአማራ ክልል ትምህርት ቢሮ የኮሙዩኒኬሽን ጉዳዮች ዳይሬክተር ጌታቸው ቢያዝን ለክልሉ ቴሌቪዥን (አማራ ቲቪ) ከተናገሩት የተወሰደ፦

- የ12ኛ ክፍል ተማሪዎች በሀገር ዓቀፍ ፈተና በተሟላ መልኩ አስፈላጊውን ቅጽ (ፎርም) አልሞሉም ሆኖም የግል ተፈታኞችን ጨምሮ ከ90 ሺህ በላይ ፈተናውን ይወስዳሉ ተብሎ ይጠበቃል።

- ትምህርት ቤቶች በተለይ 8ኛ እና 12ኛ ክፍሎች ላይ ትኩረት ሰጥተው እንዲሠሩ ለማድረግ ጥረት ተደርጓል።

- አብዛኛው በሚባል መልኩ የአማራ ክልል ተማሪ ገጠር አካባቢ እንደመኖሩ በሚፈለገው ልክ ጥረቱ ውጤት አስመዝግቧል ማለት አይቻልም።

- ተማሪዎች የመማሪያ መጻሕፍቶቻቸው በእጃቸው ስላሉ እንዲያነብቡ፣ የ11ኛ ክፍል ትምህርቶችን መልሰው እንዲከልሱና ወላጆች ለልጆቻቸው አጋዥ መጻሕፍትን እንዲገዙላቸው መልእክት ተላልፏል።

- ሀገር አቀፍ ፈተናው በኢንተርኔት በመታገዝ በቀጥታ (ኦንላይን) እንደሆነ ከዚህ ቀደም ተገልጿል ፤ ተማሪዎች “ታብሌት” ተሰጥቷቸው እንዴት ጥያቄዎችን መሥራት እንዳለባቸው ከቴክኖሎጂ ውጤቱ ጋር የመለማመጃ ጊዜ ይኖራቸዋል።

- ሀገር አቀፍ ፈተናው መቼ እንደሚሰጥ በትምህርት ሚኒስቴርም ይሁን በሀገር ዓቀፍ የፈተናዎች ኤጀንሲ ይፋ አልተደረገም።

- ትምህርት ከተጀመረ የመጀመሪያዎቹ 45 ቀናት ለ8ኛ እና 12ኛ ክፍል ሀገር አቀፍ ተፈታኝ ተማሪዎች የክለሳ ጊዜያቸው ይሆናል።

@tikvahethiopiaBot @tikvahethiopia