"በወላይታ ዞን የጸጥታ ኃይሎች በተቃውሞ ሰልፈኞች ላይ ተመጣጣኝ ያልሆነ ኃይል ከመጠቀም ሊቆጠቡ ይገባል!" - ኢሰመኮ

በወላይታ በዞን አንዳንድ አከባቢዎች ነሐሴ 4 ቀን 2012 ዓ.ም. በተደረጉት ተቃውሞዎች የፀጥታ ኃይሎች በተቃውሞ ሰልፈኞች ላይ የወሰዱት እርምጃ ተመጣጣኝነት አጠያያቂ መሆኑን የሰብዓዊ መብት ኮሚሽን ገለጸ፡፡

ኮሚሽኑ ለሰልፍ ወጥተው ሞቱ ባላቸው 6 ሰዎችን አስመልክቶ ፈጣን ምርመራ የሚያስፈልግ መሆኑን በመግለጫው ጠቅሷል፡፡

የኢትዮጵያ ሰብዓዊ መብቶች ኮሚሽን ቃል አቀባይ፣ አቶ አሮን ማሾ እንደገለጹት “የፀጥታ ኃይሎች ሰላማዊ ሰልፎችን በሚቆጣጠሩበት ወቅት የሞት አደጋን የሚያስከትል የኃይል እርምጃ ከመውሰድ ሊቆጠቡ ይገባል፤ እንደነዚህ ያሉ እርምጃዎች ቀድሞውኑን የነበረ ውጥረትን ያባብሱ እንደሆን እንጂ መፍትሔ አይሆኑም” ብለዋል፡፡

በሰኞው እስር ወቅት በጠቅላላው 178 ሰዎች የተያዙ ሲሆን ከነዚህም ውስጥ 28ቱ የዞኑ ከፍተኛ ባለስልጣናት መሆናቸው እና በወላይታ ሶዶ የቴክኒክና ሙያ ትምህርትና ሥልጠና ኮሌጅ ውስጥ በቁጥጥር ስር የሚገኙ መሆኑን ለማወቅ ተችሏል፡፡

ኢሰመኮ የታሳሪዎችን መብቶች ማክበርና በአፋጣኝ ወደ ፍርድ ቤት መቅረብ ማረጋገጥ ያስፈልጋል ብሏል፡፡

@tikvahethiopiaBot @tikvahethiopia

ጫልቱ ታከለ ከእስር ተፈታች!

በዋስ እንድትፈታ ፍርድ ቤት ወስኖላት ከእስር ሳትፈታ የቆየችው ጫልቱ ታከለ በዛሬው ዕለት ከእስር ተፈታ ከቤተሰቦቿ ጋር መቀላቀሏ ተሰምቷል።

@tikvahethiopiaBot @tikvahethiopia

#UPDATE

በወላይታ ሶዶ፣ ቦዲቲ፣ አረካ ለ4ኛ ቀን የንግድ እና ትራንስፖርት እንቅስቃሴ እንደቆመ ነው። በወላይታ ዞን ካለፉት ቀናት የተሻለ መረጋጋት ይታያል። አሁንም የፀጥታ ኃይሎች በየአካባቢው በስፋት እየተንቀሳቀሱ ይገኛሉ። የወላይታ የቲክቫህ አባላት እንዳሳወቁት ዛሬም የዳታ ኢንተርኔት አገልግሎት አልተከፈተም።

PHOTO : TEMESGEN
@tikvahethiopiaBot @tikvahethiopia

በወላይታ ዞን የተፈጠረው አለመረጋጋት በሰላማዊ መንገድ እንዲፈታ የኢትዮጵያ ዜጎች ለማኅበራዊ ፍትህ (ኢዜማ) ባወጣው መግለጫ ጠይቋል።

@tikvahethiopiaBot @tikvahethiopia

ጠ/ሚ ዶክተር አብይ አህመድ ባህር ዳር ከተማ ይገኛሉ።

በሀዋሳ ከተማ የተጀመረው የዘንድሮው የአረንጓዴ አሻራ መርሃ ግብር ዛሬ በባህር ዳር ከተማ ተጠናቋል።

ዶ/ር አብይ በዘንድሮው የአረንጓዴ አሻራ 5 ቢሊዮን ችግኞችን ለመትከል የታቀደው ዕቅድ ሙሉ በሙሉ መሳካቱን ገልፀዋል።

ከዚህ በተጨማሪ ዶ/ር አብይ የአማራ ብልጽግና ፓርቲ ባካሄደው የሁለት ቀናት ውይይት ማጠናቀቂያ ላይ መገኘታቸውን በይፋዊ የትዊተር ገፃቸው አሳውቀዋል።

@tikvahethiopiaBot @tikvahethiopia