#FilsanAbdullahi #YaprakAlp

ዛሬ የቱርክ መንግስት ያደረገው ድጋፍ በዋነኝነት ለኮቪድ-19 በሽታ መከላከያ ተግባር የሚውሉ 280 ካርቶን ወይም 1700 ኪሎ ግራም የሆኑ የንጽሕና መጠበቂያ ቁሳቁሶች፣ የኬሚካል ማጽጃዎች፣ የማጽጃ አልባሳት እና ሌሎችም ቁሳቁሶች ይገኙበታል፡፡

የቁሳቁስ ርክክቡ በተካሄደበት ወቅት በኢትዮጵያ የቱርክ አምባሳደር ሚስትረስ ያፕላክ አልፕ በሁለቱ አገራት መካከል ባህል፣ በታሪክ እና በዲፕሎማሲው መስክ የቆየ ወዳጅነት መኖሩን አስታውሰው በኢኮኖሚው ረገድም የአገሪቱ ኢንቬስተሮች በኢትዮጵያ ከፍተኛ መዋዕለ ንዋይ እያፈሰሱ መሆኑን ጠቁመዋል፡፡

የኢ.ፌ.ዴ.ሪ የሴቶች፣ ሕጻናትና ወጣቶች ሚኒስቴር ሚኒስትር ክብርት ወ/ሮ ፊልሰን አብዱላሂ በርክክቡ ወቅት እንደተናገሩት፤ የቱርክ መንግስት በዚህ አስከፊ ወቅት ከኢትዮጵያ መንግስት ጎን በመሆን ላደረገው ሰብዓዊ ድጋፍ አመስግነው ይህም በአገራት መካከል የጠበቀ ግንኙነት ለመኖሩ ትልቅ ማሳያ እንደሆነ ተናግረዋል፡፡ አያይዘውም ድጋፉ ወረርሽኙን ለመከላከል እንደ አገር እየተደረገ ላለው ርብርብም የበኩሉን እገዛ እንደሚያደረግ ገልጸዋል፡፡

(የሴቶች፣ ህፃናትና ወጣቶች ሚኒስቴር)
@tikvahethiopiaBot @tikvahethiopia