የጠቅላይ ሚኒስትር ዐቢይን ሽልማት በማስመልከት በነገው ዕለት በመላ ኦሮሚያ የደስታ መግለጫ ሰልፎች ይካሄዳሉ!

የጠቅላይ ሚኒስትር ዶክተር ዐቢይን የሰላም የኖቤል ሽልማት በማስመልከት በነገው ዕለት በመላ ኦሮሚያ የደስታ መግለጫ ሰልፎች የሚደረጉ መሆኑን የክልሉ መንግስት ኮሙኒኬሽን ቢሮ አስታወቀ። የኦሮሚያ ክልል መንግስትና ሕዝብ የጠቅላይ ሚኒስትሩን ሽልማት በማስመልከትም የደሰታ መግለጫ መልእክት አስተላልፏል።

የጠቅላይ ሚኒስትር ዐቢይን የሰላም የኖቤል ሽልማት በማስመልከት አሁድ ጥቅምት 2 ቀን 2012 ዓ.ም በኦሮሚያ ክልል ዞኖች፣ ወረዳዎችና የከተማ አስተዳደሮች የደስታ መግለጫ ስልፎች ይደረጋሉ ተብሏል።

የክልሉ መንግስት ኮሙኒኬሽን ቢሮ አቶ ዴሬሳ ተረፈ በሰጡት መግለጫ፤ ድሉ የአንድ ሰው ብቻ ሳይሆን የመላው ህዝብ ድል ነው ብለዋል። ይህ ትልቅ እውቅና የተገኘው ሕዝቡ አንድነቱን በማጠናከሩና በመደማመጡ የመጣ ትልቅ ድልም መሆኑን ተናግረዋል። ”ይህ የተገኘው ድል እጥፍ ክብርና ድል ነው” ያሉት አቶ ዴሬሳ የክልሉ ህዝብ ደስታው ከተነገረ ጀምሮ በተለያዩ መልኩ ስሜቱን እየገለጸ ይገኛል ብለዋል።

በተለይ ደግሞ የክልሉ ሕዝብ በሰላማዊ ሰልፍ ደስታውን ለመግለጽ በተለያየ መልኩ ጥያቄዎችን እያቀረበ ይገኛል ነው ያሉት። የክልሉ መንግስት ይህንኑ ታሳቢ በማድረግ ሕዝቡ በተናበበና በተቀናጀ ሁኔታ ደስታውን እንዲገልፅ ይደረጋል ብለዋል።

ለሰልፉ አስፋለጊው የፀጥታ ጥብቃ ተደርጎለት በቀጣይ እሁድ በሁሉም የክልሉ አካባቢዎች የሚካሄድ ይሆናል ነው ያሉት አቶ ዴሬሳ። በቀጣይም የተሻለ ድል እና ውጤት ይገኝ ዘንድ ሕዝቡ አንድነቱን ጠብቆ እንዲሄድም ጥሪያቸውን አስተላልፈዋል።

ምንጭ፡-ኢዜአ
@tsegabwolde @tikvahethiopia

ጂንካ👌

የጂንካ ዩኒቨርሲቲ አዲስ ገቢ ተማሪዎች እየገቡ ይገኛሉ። ነባር ተማሪዎች፣ የዩኒቨርስቲው ማህበረሰብ፣ የጂንካ ከተማ ነዋሪዎች በተለይም የጎርጎቻ 1ኛ ደረጃ፣ የሚለኒዬም 2ኛ ደረጃ፣ የጂንካ 2ኛ ደረጃና የመለስ ዜናዊ መሰናዶ ት/ቤቶች ተማሪዎች መንገድ ዳር ተሰልፈው ጠብቀው በፍቅር ተቀብለዋቸዋል።

@tsegabwolde @tikvahethiopia

“ከሽልማቱ ባሻገር የፀረ ሽብር ሕጉን ረቂቅ ላይ ውሳኔ ማሰጠት ይኖርባቸዋል”- አምነስቲ ኢንተርናሽናል
.
.
የጠቅላይ ሚኒስትር አብይ አሕመድን የኖቤል ሽልማት ምክኒያት በማድረግ አምነስቲ ኢንተርናሽናል ባወጣው መግለጫ፤ "ጠቅላይ ሚኒስተር አብይ አህመድ እ.ኤ.አ በ2018 ዓ.ም ወደ ሥልጣን ከመጡ በኋላ ለሁለት ዐስርት ዓመታት በኢትዮ ኤርትራ መካከል የነበረውን የድምበር ውዝግብ እልባት በመስጠት ሰላም ማውረድ ችለዋል፡፡ በዚህም ሽልማቱ ተገቢ ነው ብለን እናምናለን፡፡

ይሁን እንጂ ጠቅላይ ሚኒስትር አብይ አህመድ አሁን ትልቅ ሥራ ይጠብቃቸዋል፡፡ ይህ ሽልማት በአገሪቱ ላይ ከፍተኛ የሰብዓዊ መብት ጋሬጣ የሆኑ ችግሮችን ለመፍታት ይበልጥ ሊያበረታታቸው ይገባል፡፡" ይላል።

አያይዞም "በአፋጣኝ ሁኔታም በአገሪቱ ውስጥ እየተፈጠረ ያለውን የሰብዓዊ መብት ጥሰት እና አለመረጋጋት እንዲሁም የብሄር ግጭቶች እልባት መስጠት ይኖርባቸዋል፡፡" ሲል ማሳሰቢያ ይሰጣል። "መንግሥታቸው በአገሪቱ ውስጥ ጫና ለመፍጠር እንደመሳሪያ እያገለገለ ያለውን የጸረ-ሽብር ህጉ በድጋሚ ረቆ እንዲያፀድቅ እና ከዚህ በፊት የሰብዓዊ መብት ጥሰት ያደረሱ ተጠርጣሪ አካላት ለሕግ እንዲቀርቡ ማድረግ ይኖርበታል፡፡"

ተጨማሪ ያንብቡ👇
https://telegra.ph/ETH-10-12

@tsegabwolde @tikvahethiopia

የወጣቱ ፀሀፊ ፍቃዱ ኃይሉ ሽልማት...

ትውልደ ኢትዮጵያዊው ለምን ሲሳይ በእንግሊዝ አገር የሚሰጠው ፔን ፒንተር ፕራይዝ ( #PenPinterPrize) የ2019 አሸናፊ ሲሆን (አሸናፊነቱ የዛሬ አራት ወር ገደማ ነው ይፋ የተደረገው)፣ በዚሁ ሽልማት በአለማቀፍ ዘርፍ International Writer of Courage የተሰኘውን ሽልማት በፍቃዱ ኃይሉ አሸንፏል።

ይህ ሽልማት በሽልማት ኮሚቴ እና በዓመቱ አሸናፊ (ለምን ሲሳይ) አማካሪነት እና ምርጫ የተበረከተ ነው። በፍቃዱ ከ ዞን 9 የጦማሪያን ቡድን መስራቾች አንዱ ከመሆኑም በላይ በጽሁፎቹ እና በመሠረቱት ቡድን ሰበብ ለተደጋጋሚ እስር ተዳርጎ ነበር። ሽልማቱም ለዚህ ጽናቱ እውቅና የሰጠ ነው ተብሏል። ለምን ሲሳይ የበፍቃዱን አሸናፊነት ይፋ ሲያደርግ "የ21ኛው ክፍለዘመን ጀግና" ሲል ገልፆታል።

Via KIDUS
@tsegabwolde @tikvahethiopia

#Attention

አዲስ አበባን ከባህር ዳር እና ጎንደር ጋር የሚያገናኘው መንገድ ዛሬም አልተከፈተም፤ መንገድ ላይ ያደሩ ተጓዦች እንደተቸገሩ ናቸው፡፡ መንገዱ ከትናንት ረፋድ ጀምሮ ጎሃ ጽዮን አካባቢ በመዘጋቱ የሕዝብ ማመላለሻ ተሽከርካሪዎች ማለፍ አልቻሉም፡፡ ከጎንደርና ጎጃም ሁሉም አካባቢዎች በመነሳት ወደ አዲስ አበባ ጉዞ ላይ የነበሩ ሁሉም የሕዝብ ማመላለሻ ተሽከርካሪዎች እንዳያልፉ በመከልከላቸው ተጓዦቹ ለከፋ እንግልት ተዳርገዋል፡፡ ወደ #ዩኒቨርሲቲ የሚገቡ ተማሪዎች፣ ለሕክምና ክትትል የሚሄዱ ታካሚዎች፣ በሃይማኖታዊ ጉዞ የነበሩ የአዲስ አበባ ነዋሪዎች፣ ነጋዴዎችና ቤተሰብ ለመጠየቅ የሚጓዙ ሁሉ ናቸው ለእንግልት የተዳረጉት፡፡

ተጨማሪ ያንብቡ👇
https://telegra.ph/ETH-10-12-2

Via AMMA
@tsegabwolde @tikvahethiopia

ዛሬ ጥዋት በለገጣፎ በኩል ወደ አዲስ አበባ የሚያስገባው መንገድ ተዘግቶ ነበር፤ ብዙም ሳይቆይ በኦሮሚያ ክልል ልዩ ኃይል፣ በትራፊክ ፖሊስ እንዲሁም በህብረተሰቡ እገዛ መንገዱን ማስከፈት የተቻለ ቢሆንም አሁንም በድጋሚ መንገዱ እንደተዘጋ በአካባቢው የሚገኙ የTIKVAH-ETH ቤተሰብ አባላት ገልፀዋል።

PHOTO: YAB/TIKVAH-ETH/
@tsegabwolde @tikvahethiopia

ድጋሚ የተዘጋው መንገድ - TIKVAH-ETH⬆️

PHOTO: YAB
@tsegabwolde @tikvahethiopia

#HARARI

የሀረሪ ክልል ምክር ቤት ለሶስት ተከታታይ ቀናት ሲያካሂድ በነበረው 5ኛ ዙር 5ኛ ዓመት 1ኛ መደበኛ ጉባኤ የተለያዩ ሹመቶችና አዋጆችን በማፅደቅ ተጠናቋል። በዚህ መሰረትም ምክር ቤቱ ለ2012 በጀት ዓመት ለክልሉ ስራ ማስፈጸሚያ የሚውል 2 ነጥብ 3 ቢሊየን ብር በጀት አፅድቋል። ከዚህ ባለፈም ምክር ቤቱ ወይዘሮ ሚስራ አብደላን የምክር ቤቱ ዋና አፈ-ጉባኤ እንዲሁም አቶ ሰለሞን ኩቹ ሮባን የክልሉ ምክትል ርዕሰ መስተዳድር እና የግብርና ልማት ቢሮ ሃላፊነት አድርጎ ሾሟል።

Via FBC
@tsegabwolde @tikvahethiopia

የፍቅር ጋርመንት ባለቤት የ15 ሺህ ተማሪዎችን ዩኒፎርም ባለማድረሳቸው በቁጥጥር ስር ዋሉ!

በአዲስ አበባ ከተማ አስተዳደር ለመንግስት ትምህርት ቤት ተማሪዎች የደንብ ልብስ ለማሰራት ያወጣውን ጨረታ ካሸነፉት 18 ድርጅቶች መካከል አንዱ የሆነው የፍቅር ሌዘርና ጋርመንት ኢንዱስትሪ ስራ አስኪያጅና ባለቤት ከጥራት በታች የሆነ ጨርቅ ከውጭ አምጥተዋል በሚል በተፈጠረ አለመግባባት ተከትሎ ከተማ አስተዳደሩ ውሉን በማቋረጥ በቁጥጥር ስር እንዲውሉ አድርጓል።

Via አዲስ ማለዳ ጋዜጣ
@tsegabwolde @tikvahethiopia

#NobelPeacePrize

የኢ.ፌ.ዴ.ሪ ጠቅላይ ሚኒስትር ዶክተር ዐቢይ አህመድን የሰላም የኖቤል ሽልማት በማስመልከት በነገው ዕለት በመላ ኦሮሚያ የደስታ መግለጫ ሰልፎች የሚደረጉ መሆኑን የክልሉ መንግስት ኮሙኒኬሽን ቢሮ አስታውቋል።

@tsegabwolde @tikvahethiopia

"ነገ ጥቅምት 2 ቀን 2012 ዓ/ም ሰላማዊ ሰልፍም ሆነ ስብሰባ በመስቀል አደባባይ የለም" - የአዲስ አበባ ፖሊስ ኮሚሽን

በማህበራዊ ሚዲያዎች ነገ ጥቅምት 2 ቀን 2012 ዓ/ም በአዲስ አበባ ከተማ ሰልፍ እንደሚደረግ እና የአዲስ አበባ ፖሊስ ኮሚሽን በሰልፉ ምክንያት የሚዘጉ መንገዶችን መኖራቸውን ገለፀ በሚል የኮሚሽኑን ሎጎና የኃላፊዎችን ስም በመጠቀም የተላለፈው መረጃ ሀሰተኛ መሆኑን የአዲስ አበባ ፖሊስ ኮሚሽን አስታወቀ፡፡

ነገ ጥቅምት 2 ቀን 2012 ዓ/ም ሰላማዊ ሰልፍም ሆነ ስብሰባ በመስቀል አደባባይ የሌለና ምንም የሚዘጋ መንገድ አለመኖሩን ህብረተሰቡ ተገንዝቦ መደበኛ እንቅስቃሴ ማድረግ እንደሚችል የአዲስ አበባ ፖሊስ ኮሚሽን አስታውቋል፡፡

መሰል ሀሰተኛና የተዛቡ መረጃዎች በህብረተሰቡ የእለት ከእለት እንስቃሴ ላይ አሉታዊ ተፅእኖ የሚሳድሩ መሆኑን ኮሚሽኑ በማስታወስ ህብረተሰቡ ከተሳሳተ መረጃ ራሱን መጠበቅ እንዳለበት የአዲስ አበባ ፖሊስ ኮሚሽን መልዕክቱን አስተላልፏል፡፡

Addis Abeba Police Commission

@tsegabwolde @tikvahethiopia

#FakeNews

በነገው ዕለት በአዲስ አበባ ከተማ የሚዘጉ መንገዶች ተብሎ በማህበራዊ ሚዲያ እየተሰራጨ የሚገኘው መረጃ ሀሰተኛ ነው። የአዲስ አበባ ፖሊስ ኮሚሽን ለከተማው ነዋሪዎች ባሰራጨው መረጃ በነገው ዕለት በመስቀል አደባባይ የሚደረግ ስብሰባ፣ ሰልፍም ሆነ የሚዘጋ መንገድ የለም ብሏል።

@tsegabwolde @tikvahethiopia

"አብራሪዎቹ ልምድና ብቃት ያላቸው ነበሩ" ብ/ጄ ይልማ መርዳሳ

የኢፌድሪ አየር ሀይል ዋና አዛዥ ብርጋዴር ጄኔራል ይልማ መርዳሳ አደጋውን አስመልክተው በሰጡት መግለጫ አደጋው ያጋጠመው የጦር ጀቱ ለልምምድ ከተነሳ በኋላ የግራ ሞተሩ በመጥፋቱ ነው ብለዋል። ብርጋዴር ጄኔራል ይልማ መርዳሳ እንዳሉት በአደጋው ህይወታቸው ያለፈው ሁለት አብራሪዎች ልምድና ብቃት ያላቸው እንደነበሩ ጠቅሰዋል። በአብራሪዎቹ ህልፈት የኢፌድሪ አየር ሀይል የተሰማውን ጥልቅ ሀዘን ገልጿል፡፡

Via EBC
@tsegabwolde @tikvahethiopia

ታሪክ ተሰራ! ኤድሉድ ኪፕ ቾጌ 1:59:40 መሮጥ ቻለ!

የአራት ጊዜ የለንደን ማራቶን ሻምፒዮኑ ኤሉድ ኪፕ ቾጌ በማራቶን ታሪክ ሰራ። የማራቶን ዉድድርን ከ ሁለት ሰዓታ በታች የገባ የመጀመሪያው አትሌት ሆኖ ተመዝግቧል። ዉድድሩን 1:59:40 በሆነ ሰዓት በመግባት በራሱ የተያዘውን የማራቶን ሪከርድ ሰብሯል።

Via @tikvahethsport /TIKVAH SPORT/

@tikvahethsport @GoitomH @kidusyoftahe

#ደጀን

በርካታ አዳዲስ የዩኒቨርሲቲ ገቢ ተማሪዎች መንገድ በመዘጋቱ እየተንገላቱ ይገኛሉ። ተማሪዎቹ ከቤተሰብ በተለዩበት የመጀመሪያ ቀን ይህ ስላጋጠማቸው እጅግ በጣም እንዳዘኑ ለTIKVAH-ETH በላኩት መልዕክት ገልፀዋል። መንግሥት አስቸኳይ መፍትሄ እንዲሰጣቸውም ጠይቀዋል። በተጨማሪ ለደጀን ከተማ ህዝብ ያላቸው አክብሮት እና ምስጋናም ገልፀዋል። ከትላንት ጀምሮ ህዝቡ በፍቅር እየተንከባከበን ሳይሰስት እያበላን እያጠጣን ነው ያሉት ተማሪዎቹ ለከተማው ነዋሪ ያላቸውን ከፍተኛ አክብሮት ይድረስልን ሲሉ መልዕክት አስተላልፈዋል። ከዩኒቨርሲቲ ተማሪዎች በተጨማሪ እናቶች፣ አባቶች፣ የዕድሜ ባለፀጎች እንዲሁም ሌሎች ዜጎች እንግልት እየደረሰባቸው እንደሚገኝ ገልፀው መንግስት አፋጣኝ መፍትሄ እንዲፈልግላቸው ጥሪ እያቀረቡ ይገኛሉ።

@tsegabwolde @tikvahethiopia

ዛሬ በቦሌ አየር መንገድ ካርጎ ተርሚናል እስካሁን የነበረው የቦይንግ 737 ET 302 የመንገደኞች እና የአውሮፕላኑ ሰራተኞች ቅሪተ-አካል ዛሬ የDNA እና የForensic ማጣሪያውን ጨርሰው ለተጎጂ ቤተሰቦች በመሸኘት ላይ ነው።

Via Signorina solomon/TIKVAH ETH FAMILY/
@tsegabwolde @tikvahethiopia

በምስራቅ ሐረርጌ ዞን ቀርሳ ወረዳ በደረሰ የተሽከርካሪ አደጋ የአራት ሰዎች ህይወት ሲያልፍ 20 ሰዎች ከባድና ቀላል የአካል ጉዳት የደረሰባቸው መሆኑን ፖሊስ አስታወቀ። የወረዳው ፖሊስ ጽህፈት ቤት ኃላፊ ዋና ኢንስፔክተር ደሳለኝ ጉታ ለኢዜአ እንደገለጹት አደጋው የደረሰው በወረዳው ቁፋን ዚቅ ቀበሌ ትላንት ከቀኑ 10 ሰዓት ላይ ነው። ከአዲስ አበባ ወደ ድሬዳዋ ይጓዝ የነበረ ኮድ 3 – 97422 ኢት የህዝብ ማመላለሻ አውቶቡስ መንገዱን ስቶ በመገልበጡ አደጋው መድረሱን ተናግረዋል። በአደጋው ህይወታቸውን ያጡ ሰዎች አስክሬናቸው ለቤተሰቦቻቸው መሰጡትን ተናግረዋል። እንደ ዋና ኢኒስፔክተሩ ገለጻ የአካል ጉዳት የደረሰባቸው ሰዎችም በድሬዳዋ ድልጮራ ሆስፒታል ህክምና እንዲያገኙ ተደርጓል።

ምንጭ፦ ኢዜአ
@tsegabwolde @tikvahethiopia

በትራፊክ አደጋ የ17 ሰዎች ህይወት አለፈ!

በዋግ ኽምራ ብሔረሰብ አስተዳደር ሰቆጣ ወረዳ ትናንት ከቀኑ 11፡30 አካባቢ በደረሰ የትራፊክ አደጋ የ17 ሰዎች ሕይወት አልፏል፤ በርካቶችም ቆስለዋል፡፡

የሰቆጣ ወረዳ ፖሊስ ጽሕፈት ቤት ኃላፊ ዋና ኢንስፔክተር ደጀን ወዳጅ ለአብመድ እንደገለጹት ከወልደያ ወደ ሰቆጣ ይጓዝ የነበረ መለስተኛ አነስተኛ የሕዝብ ማመላለሻ ተሽከርካሪ ከጭነቱ ልክ በላይ በርካታ ሰዎችን እንደጫነ አደጋው ደርሷል፡፡

በወረዳው ዲብርሳይል (07) ቀበሌ ላይ በተከሰተው አደጋ 17 ሰዎች መሞታቸውን ያስታወቁት ኢንስፔክተር ደጀን ‹‹አራት እናቶች ከነልጆቻቸው፣ አንዲት እናት ከሦስት ልጆቻቸው፤ አባት ከልጆቹ ጋር ሕይወታቸው አልፏል፡፡ ባልና ሚስትም የነበሩ ሲሆን ባል ከነልጁ ሕይወቱ አልፏል፤ ሚስት ከአንድ ልጇ ጋር ከፍተኛ ጉዳት ደርሶባቸው ሆስፒታል ይገኛሉ›› ብለዋል፡፡

https://telegra.ph/ETH-10-12-3

Via AMMA
@tsegabwolde @tikvahethiopia

#UnityPark|በደማቅ ሁኔታ ተመርቆ የተከፈተው የአንድነት ፓርክ በ2 ሺህ የሃገር መከላከያ እና በ2 ሺህ የፖሊስ ሰራዊት አባላትን በማስጎብኘት ስራውን በይፋ ጀምሯል፡፡

አንድነት ፓርክ

@tsegabwolde @tikvahethiopia

#AddisAbeba

የአዲስ አበባ ፖሊስ 'ነገ ለሚደረግ ሰልፍ በማስተባበር ላይ ናችሁ' ያላቸውን በርካታ ወጣቶች አሰረ እንደሚገኝ የአዲስ አበባ ባለአደራ ምክር ቤት/ባልደራስ/ ሰብሳቢ ጋዜጠኛ እስክንድር ነጋ አስታውቋል። ታሰሩ የተባሉት ወጣቶች ቁጥር ለጊዜው አልታወቀም። ነገር ግን ወጣቶቹ በተለያዩ የአዲስ አበባ ፖሊስ ጣቢያዎች እንደታሰሩ ነው የተገለፀው።

@tsegabwolde @tikvahethiopia

#NobelPeacePrize

የዓለም ጤና ድርጅት ዋና ዳይሬክተር ዶክተር ቴድሮስ አድሃኖም ጠቅላይ ሚኒስትር ዶ/ር ዐቢይ አህመድ የኖቤል የሰላም ተሸላሚ መሆናቸውን ተከትሎ ባስተላለፉት የደስታ መልዕክት ጠቅላይ ሚኒስትሩ ከኤርትራ ጋር ሰላም እንዲኖር አድርገዋል ብለዋል፡፡ ዶ/ር ቴድሮስ ኢትዮጵያዊ በመሆኔ ኩራት ይሰማኛል ብለዋል፡፡

Via EBC
@tsegabwolde @tikvahethiopia