#SUDAN

በሱዳን የዳቦ ዋጋ መናርን ተከትሎ በተቀሰቀሰው የፖለቲካ ቀውስ ምክንያት የቀድሞውን ፕሬዘዳንት ኦማር ሃሰን አልበሽርን ከስልጣን በማውረድ ብቻ አልተጠናቀቀም ነበር።

ተቃውሞን ተከትሎም የአገሪቱ ወታደራዊ ጦር ስልጣን መቆጣጠሩን ተከትሎ በሱዳን ድጋሚ የፖለቲካ ቀውስ ተከስቶ ነበር። በዚህ ምክንያት ነበር የአፍሪካ ህብረት በወቅቱ የአገሪቱን ስልጣን ተቆጣጥሮ የነበረው ወታደራዊ የሽግግር መንግስት ስልጣኑን ለሲቪል እንዲያስረክብ ያዘዋል። ይሁንና የሽግግር መንግስቱ ስልጣኑን በተባለው ጊዜ ባለማስረከቡ ምክንያት ህብረቱ ሱዳንን በጊዜያዊነት አገደ።

አሁን ላይ የሽግግር መንግስቱና #የተቃዋሚ ሃይሎች በመስማማታቸው የፕሬዘዳንትነቱን ስልጣን ወታደራዊ የሽግግር ምክር ቤት የጠቅላይ ሚኒስትርነትና የተወሰኑ የሚኒስትርነት ቦታዎችን ከተቃዋሚዎች በሚመረጡ ሹመኞች እንዲያዝ ተስማምተዋል።

የቀድሞው የአፍሪካ ኢኮኖሚክ ኮሚሽን ምክትል ሃላፊ የነበሩት ኢኮኖሚስቱ ዶክተር አብደላ ሃምዶክ የሱዳን ጠቅላይ ሚኒስትር ተደርገው የተሾሙ ሲሆን ካቢኔያቸውን ከትናንት በስቲያ አዋቅረዋል።

ጠቅላይ ሚኒስትሩ በሱዳን የፖለቲካ ታሪክ የመጀመሪያዋን ሴት የውጭ ጉዳይ ሚኒስትርም ሾመዋል። በሱዳን የነበረው የፖለቲካ ቀውስ እየረገበ በመምጣቱና ወታደራዊ ጦሩ ስልጣኑን በከፊል በማስረከቡ የአፍሪካ ህብረት በሱዳን ላይ ጥሎት የነበረውን እገዳ ማንሳቱን አስታውቋል።

Via #ETHIO_FM
@tsegabwolde @tikvahethiopia

ከኦሮሚያ ቤተክህነት ኣደራጅ ኮሚቴ የተሰጠ መግለጫ!

የኦሮሚያ ቤተክሀነት ፅ/ቤት እንዲቋቋም በመጠየቅ የኢትዮጵያ ኦርቶዶክስ ተዋሂዶ ቤተ ክተርስትያን ቅዱስ ሲኖዶስን በመጠየቅ የሰጠው መግለጫ ጥፋት ነው በማለት የኮሚቴው አባላት ይቅርታ እንዲጠይቁ ብፁሃን አባቶች ለማስገደድ ብሞክሩም የኮሚቴው አባላት ያጠፋነው ነገር የለም በማለት ይቅርታ መጠየቅ አይገባንም በማለት ምላሽ ሰጥተዋል፡፡ ምክኒያቱም መግለጫ የተሰጠው፡-

1ኛ. የቤተ ክርስትያኗን ቀናኢ ልጆችን ብሶትና ፍላጎትን ለመግለፅ ነው

2ኛ. ላለፉት 27 አመታትና ከዚያ በፊት ባሉ ጊዜያት ለህዝቡ በተለይም ለኦሮሞ ህዝብ ተደራሽ ያልሆነ መዋቅርና የአገልግሎት አሰጣጠት ችግር ፋታ የማይሰጥ በመሆኑ

3ኛ. ቋሚ ሲኖዶሱ መግለጫ እንዳይሰጥ ከልክሏል ብለን ስለማናምን

4ኛ. ህዝቡ መግለጫውን በከፍተኛ ተነሳሽነት የሚጠብቅ ስለሆነ መግለጫው በመቅረቱ ምክኒያት የሀገሪቱ ሰላም እንዳይደፈርስ

5ኛ. እንዲያውም ይቅርታ መጠየቅ ተገቢ ከሆነ መጠየቅ ያለባቸው ላለፉት አመታት ስር የሰደደውን የቤተ ክርስትያኗን ችግር ከመቅረፍ ይልቅ ቤተ ክርስትያኗን የፖሊትካዊና ኢኮኖሚያዊ ፍላጎቶቻቸው ሎሌ ያደረጉ ብፁሃን አባቶች በመሆናቸው ህዝቡን ይቅርታ በይፋ ጠይቀው ህዝቡን እንዲክሱ በትህትና በዚህ አጋጣሚ እንጠይቃለን:: በአጠቃላይ በእነዚህና አያሌ አሳማኝ ምክኒያቶች ያለጥፋታችን ይቅርታ ጠይቁ የተባልነውን አስገዳጅ ኣካሄድ አልተቀበልንም፡፡

የኦሮሚያ ቤተክህነት ኣደራጅ ኮሚቴ
ጳጉሜ 2፣ 2011 ዓ.ም

@tsegabwolde @tikvahethiopia

የኢትዮጵያ ኦርቶዶክስ ተዋህዶ ቅዱስ ሲኖዶስ ምልአተ ጉባኤ ተጠናቆ ጋዜጣዊ መግለጫ እየተሰጠ ይገኛል!

ዝርዝር መረጃ ከደቂቃዎች በኋላ!
@tsegabwolde @tikvahethiopia

ያንብቡ⬆️

ከኢትዮጵያ ኦርቶዶክስ ተዋህዶ ቤተክርስቲያን ቅዱስ ሲኖዶስ ምልአተ ጉባኤ የተሰጠ መግለጫ! #ETH

Via ETHIOPIA LIVE UPDATE
@tsegabwolde @tikvahethiopia

#ሙሉ_መግለጫ

ከኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ በወቅታዊ የቤተ ክርስቲያኒቱ ጉዳዮች ላይ የተሰጠ የአቋም መግለጫ!

የኢትዮጵያ ኦርቶዶክስ ተዋሕዶ ቤተ ክርስቲያን ጥንታዊት፣ ታሪካዊትና ሐዋርያዊት ቤተ ክርስቲያን እንደመሆኗ መጠን አገራችን ኢትዮጵያ አሁን ከደረሰችበት የሥልጣኔና የእድገት ደረጃ ከመድረሷ በፊት ብራና ዳምጣ፣ ቀለም በጥብጣና ፊደል ቀርጻ ትምህርትና ሥልጣኔን ያስጀመረች፣ የመጀመሪያው ዩኒቨርሲቲና የትምህርት ሚኒስቴር፣ የፍትሕ ሥርዓቱ በሀገር አቀፍ ደረጃ መዋቅራዊ አደረጃጀት ገና ሳይኖረው ፍርድ እንዳይጓደልና ደሃ እንዳይበደል በማሰብ የፍትሐ-ነገሥት መምህራኖቿን በዳኝነት መድባ የፍትሕ ሥርዓትን የመሠረተች፣ ዜጎችን በሥነ-ምግባርና በግብረ-ገብነት ትምህርት ኮትኩታ በማሳደግ ሀገር ወዳድ ትውልድ በማፍራት መሠረት የጣለች፣ በውጭ ወራሪ ኃይል የሀገር ሉዓላዊነት በተደፈረ ወቅት የእምነቱ ተከታይ ምእመናኖቿና አገልጋይ ካህናቶቿ እንዲሁም ብፁዓን አበው ሊቃነ ጳጳሳት የእምነታችን መገለጫ የሆነውን የቃልኪዳኑን ታቦት ይዘው በየጦር ግንባሩ በመሰለፍና በመሰዋት እንኳንስ ሕዝቦቿ ምድሪቱም ለወራሪ ጠላት እንዳትገዛ በማውገዝ የሀገር ሉዓላዊነት ያስከበረችና ኢትዮጵያ ሀገራችን ከሌሎች አፍሪካ አገራት በብቸኝነት ቅኝ ገዥዎች ያልደፈሯት አገር ተብላ በታሪክ ድርሳናት እንድትመዘገብ ግንባር ቀደም ሚና የተጫወተች የሀገር ባለውለታ እናት ቤተ ክርስቲያን መሆኗን እንኳንስ እኛ ልጆቿ ይቅርና የታሪክ ምሁራን ዘወትር በየአደባባዩ የሚመሰክሩት በብዕር ሳይሆን ለነጻነት በተከፈለ በአበው አባቶቻችን ደም የተጻፈ አኲሪ ታሪካችን ነው፡፡

ተጨማሪ ያንብቡ👇
https://telegra.ph/ETH-09-07-3

#ቢላል_ቅርንጫፍ

የኢትዮጵያ ንግድ ባንክ በአገሪቱ የመጀመሪያ የሆነውን ሙሉ ለሙሉ ከወለድ ነፃ የባንክ አገልግሎት የሚሰጥ ልዩ ቅርንጫፍ "ቢላል ቅርንጫፍ" በሚል ስያሜ በዛሬው ዕለት ጳጉሜ 2, 2011 ዓ.ም ከፈተ፡፡ ቦሌ ሚካኤል ዳረሰላም ሆቴል የሚገኘው ይህ ቅርንጫፍ በተመረቀበት ወቅት የባንኩ ፕሬዝደንትና ሥራ አስፈፃሚ አቶ ባጫ ጊና፣ የባንኩ የሸርዓ አማካሪ ኮሚቴ አባላትና ደንበኞች ተገኝተዋል፡፡

Via #CBE
@tsegabwolde @tikvahethiopia

በሀዋሳ ከተማ አተት መከሰቱ ተሰማ!

በሀዋሳ ከተማ አጣዳፊ ትውከትና ተቅማጥ/አተት መከሰቱን የሃዋሳ ከተማ ጤና መምሪያ አስታወቀ። በሽታው የታየው በጥልቴ ቀበሌ ሲሆን በበሽታዉ የተጠቁ 2 ግለሰቦች የህክምና አግልግሎት እያገኙ መሆኑን የገለፁት የሐዋሳ ከተማ ጤና መምሪያ ሃላፊ አቶ #ቡሪሶ_ቡላሾ በሽታውን ወደ ሌሎች የከተማው ክፍሎች ሳይዛመት ከወዲሁ ለመግታት ሁሉም የህብረተሰቡ ክፍል መረባረብ እንዳለበት አሳስበዋል። በሽታው ቶሎ ካልተገታ ከከተማው አልፎ ወደ ሲዳማ ዞን ሊዛመት እንደሚችል የጠቆሙት ሀላፊው ይህ እንዳይሆን ለማድረግ ከዘርፉ ባለሙያወች እና ከባለድርሻ አካላት ጋር ዛሬ በወንዶ ገነት ከተማ ውይይት እየተደረገ ይገኛል።

Via #SMN
@tsegabwolde @tikvahethiopia

#update አቶ #ጌትነት_ይርሳው ቦጋለ ከጷግሜ 1/2011 ዓ.ም ጀምሮ የአማራ ብሄራዊ ክልላዊ መንግስት የመንግስት ኮሚዩኒኬሽን ጉዳዮች ጽ/ቤት ዋና ዳይሬክተር ሆነው መሾማቸውን የክልሉ ኮሙኒኬሽን ፅ/ቤት አስታወቀ።

Via #EPA
@tsegabwolde @tikvahethiopia

ወላጆች ልጆቻችሁን አስመዝግቡ!

በ2012 የትምህርት ዘመን ከ 7 ሚሊየን በላይ ተማሪዎችን መዝግቤ ለማስተማር እየሰራሁ ነው አለ የደቡብ ክልል ትምህርት ቢሮ፡፡ በመላው የክልሉ ትምህርት ቤቶች የተማሪዎች ምዝገባ እስከ መስከረም ሁለት ብቻ መሆኑን ወላጆች አውቀው ልጆቻቸውን ከወዲሁ እንዲያስመዘግቡ ጥሪ ቀርቧል፡፡ የቢሮው ምክትል ኃላፊ አቶ ተሰማ ዲማ እንዳሉት በ2012 የትምህርት ዘመን በቅድመ መደበኛ 1 ነጥብ 7 ሚሊየን፤ ከአንደኛ እስከ ስምንተኛ ክፍል 4 ነጥብ 7 ሚሊየን፤ ከ9 እስከ 12ኛ ክፍል ደግም 6 መቶ 81 ሺህ ተማሪዎችን መዝግቦ ለማስተማር ታቅዶ ወደ ስራ ተገብቷል፡፡

Via #SRTA
@tsegabwolde @tikvahethiopia

#አልነጃሺ_መስጊድ

1ሺህ 441ኛ የአሹራ በዓል ከተለያዩ የሀገሪቱ አካባቢዎችና ከውጭ የሚመጡ ምዕመናን በተገኙበት ከነገ በስቲያ በትግራይ አልነጃሺ መስጊድ በድምቀት ይከበራል። የአሹራ በዓል በእስልምና ሃይማኖት ወር በገባ በአስረኛ ቀን ጳጉሜን 4 ለፈጣሪያቸው ፀሎት በማድረግ የሚያከብሩት ነው። የትግራይ ክልል እስልምና ጉዳዮች ከፍተኛ ምክር ቤትና የኢትዮ-ነጃሽ የማልማትና የማስተዋወቅ ፕሮጀክት ትናንት በጋራ በሰጡት ጋዜጣዊ መግለጫ የአሹራ በዓል በድምቀት ለማክበር ዝግጅት ተደርጓል ብሏል።

Via #ENA
@tsegabwolde @tikvahethiopia

#update ጠቅላይ ሚኒስተር ዶክተር አብይ አህመድ በቀድሞው የዚምባብዌ ፕሬዚዳንት ሮበርት ጋብሬል ሙጋቤ ሕልፈተ ህይወት የተሰማቸውን ሀዘን ገለጹ፡፡ የኢፌዴሪ ጠቅላይ ሚኒስትር ዶክተር አብይ አህምድ ሮበርት ጋብሬል ሙጋቤ ሕልፈተ ህይወት የተሰማቸውን ሀዘን ለዚምባብዌ መንግስት እና ህዝብ ገልጸዋል፡፡

ፎቶ📸#TheSun
@tsegabwolde @tikvahethiopia

#ወላይታሶዶ

ከፍተኛ የዞን አመራሮች የተሳተፉበት የደብተር ማሰባሰብ ዘመቻ!

ባለፈው ሳምንት "አለን ኢትዮጵያ ወላይታ ሶዶ" ከተለያዩ የበጎ አድራጎት ማህበራት ጋር በመሆን ለ800 ተማሪዎች የሚውል ጠንካራ የትምህርት ቁሳቁስ ማሰባሰብ ዘመቻ አካሂዶ ነበር። በዚህም የደፍተርና የ እስኪብርቶ ማሰባሰብ ፕሮግራም፦

•የዞኑ ዋና አስተዳዳሪ አቶ ዳጋቶ ኩምቤ
•የየዞኑ ምክትል አስተዳዳሪ አቶ ፍሬው
•የዞኑ ባህልና ቱሪዝም ቢሮ ኃላፊ አቶ ፀጋ
•የከተማዉ ካንቲባ አቶ ሀንጃላ
•የዞኑ ሴቶችና ህፃናት ጉዳይ ቢሮ ኃላፊ ወ/ሮ በረከት
•የዞኑ የወጣቶች ሊግ ፕሬዝዳንት አቶ ሚካኤል
•የከተማው የወጣቶች አደረጃጀት አመራሮች እንዲሁም ሌሎች ባለሥልጣናት ተገኝተው ደብተርና እስኪብርቶ በመለገስ የወጣቶቹን መልካም ተግባር በመደገፍና ሀገራዊ ግዴታን በመፈፀም በ "አለን ኢትዮጵያ የሰው ልጆች የለውጥ ማዕከል" ጎን በመቆም የላለሳለሰ ድጋፍ አድርገዋል።

Via አለን ኢትዮጵያ ከወላይታ ሶዶ
@tsegabwolde @tikvahethiopia

ማዕከላዊ እስር ቤት አድራሻ፡- ከጊዮርጊስ ወደ አዲሱ ገበያ በሚወስደው መንገድ በአዲስ አበባ ፖሊስ ኮሚሽን እና በፌዴራል ማረሚያ ቤቶች አስተዳደር መካከል ላይ ይገኛል፡፡
@tsegabwolde @tikvahethiopia

#መግለጫ

አቶ ሽመልስ አብዲሳ በኦሮሚያ ክልል ወቅታዊ ጉዳዮች ላይ ማብራሪያ ሰጥተዋል። ርዕሰ-መስተዳድሩ በምዕራብ እና ደቡብ ኦሮሚያ አካባቢ ስለሚንቀሳቀው የኦሮሞ ነፃነት ግንባር እና በኢትዮጵያ ኦርቶዶክስ ተዋሕዶ ቤተ-ክርስቲያን የኦሮሚያ ቤተ-ክሕነት ለማቋቋም ከቀረበው ጥያቄ በኋላ ከቤተ-ክርስቲያኗ ጋር ስላደረጉት ውይይት ንግግር አድርገዋል።

Via DW
@tsegabwolde @tikvahethiopia

ጫማዎን አስጠርገው ለአንድ ልጅ ሙሉ የትምህርት ቁሳቁስ ያበርክቱ!

ፎቶ📸ቲክቫህ-ቦሌ ማፊ ሞል ፊትለፊት
👉ፎቶ በስሞ ይላኩ

Join TIKVAH MAGAZINE👇
https://t.iss.one/joinchat/AAAAAEcez-UrldBjOpa-qQ

#ቲክቫህ_ጥቆማ
@tikvahethmagazine