መንግሥት ችላ ያለው የኑሮ ውድነት!

መንግሥት በገበያ ንረት ላይ አጥኚ ቡድኖችን አሰማርቻለሁ ቢልም የኑሮ ውድነት በዝቅተኛ የኑሮ ደረጃ ያሉ የኅረተሰብ ክፍሎችን ሕልውና ፈተና ውስጥ እያስገባ ነው፡፡ ባለፉት ሦስትና አራት ወራት የኑሮ ውድነት እየተባባሰ መምጣቱንና ባላቸው ገቢ መጠን ለመኖር መቸገራቸውን ነዋሪዎች እየገለፁ ነው፡፡ በተለይ ጤፍ መቶ ኪሎ 3500 ብር፣ስንዴ 2000 ብር፣በቆሎ 1500 ብር፣ቀይ ሽንኩርት አንድ ኪሎ 30 ብር፣ነጭ ሽንኩርት 160 ብር፣ቲማቲም 25 ብር፣አንድ ሊትር ዘይት 100 ብር፣አንድ ኪሎ ሙዝ 30 ብር…እየተሸጠ ነው፡፡ መንግሥት ጣልቃ በመግባት ሕገ ወጦችን አደብ አስገዝቶ ገበያውን ማረጋጋትም አልቻለም፡፡

Via Yegize Welafen

እናተስ ስለጉዳዩ ምን ትላላችሁ?

@tsegabwolde @tikvahethiopia

የኢትዮጵያ አውሮፕላን ኪስማዮ ውስጥ እንዳያርፍ ተከለከለ!

ወታደሮችን አሳፍሮ ደቡብ ሶማሊያ ኪስማዮ ውስጥ ሊያርፍ ነበር የተባለ የኢትዮጵያ አውሮፕላን በኬንያ ኃይሎች በሚደገፉት የጁባላንድ ክልላዊ ወታደሮች መከልከሉን የዓይን ምስክሮች ገለጹ።

ወደ ኪስማዮ ያቀናው አውሮፕላን 'ከ90 በላይ ኮማንዶዎችን አሳፍሮ ነበር' የተባለ ሲሆን ተገቢውን መረጃ ቀድሞ አልሰጠም በሚል ምክንያት ነው እንዳያርፍ የተከለከለው ተብሏል።

ከምሥራቃዊ ኢትዮጵያ የሶማሌ ክልል ጎዴ ከተማ ተነስቶ ወደ ሶማሊያ እንደበረረ የሚነገርለት ይህ አውሮፕላን ኪስማዮ እንዳያርፍ በመከልከሉ ወደ ደቡብ ምዕራብ ሶማሊያ በማቅናት ባይዶዋ ውስጥ እንዳረፈም ተነግሯል።

በኪስማዮ አየር ማረፊያ ሰራተኛ የሆነ ግለሰብ አውሮፕላኑ ከኢትዮጵያ መነሳቱንና በኋላም ወደ ባይዶዋ መሄዱን ለሮይተርስ አረጋግጧል። ነገር ግን አውሮፕላኑ የሲቪል ይሁን ወታደራዊ የታወቀ ነገር የለም።

#ቢቢሲአማርኛ

ተጨማሪ ያንብቡ👇
https://telegra.ph/ETH-08-20

#update ቅራኔዎችን በመፍታት የሀገሪቱን አንድነት ለማስቀጠል የተቋቋመው የማህበራዊ እሴቶች አፈላላጊ ኮሚቴ ስራ ጀመረ። በእረቅ ሰላም ኮሚሽን የተቋቋመው የማህበራዊ እሴቶች አፈላላጊ ኮሚቴ በዛሬው ዕለት በቀጣይ ሊሰራቸዉ በሚገቡ ጉዳዮች ዙሪያ ከተለያዩ ባለድርሻ አካላት ጋር እየተወያየ ነው። በውይይት መድረኩ ላይ ከመንግሥት ተቋማት ፣ ከሰላም ሚኒስቴር እና ከተለያዩ ባለድርሻ አካላት የመጡ ሰዎች እየተሳተፉ ይገኛሉ። በኢትዮጵያ የሚታዩ የሰላም መደፍረስ እና ቁርሾ አዘል ግጭቶች በእውነተኛ ዕርቅ ሰላማዊ በሆነ መንገድ ተፈተው በህዝቦች መካከል መልካም ግንኙነት መፍጠር አስፈላጊ መሆኑ በመድረኩ ተጠቁሟል።

Via #ኢፕድ
@tsegabwolde @tikvahethiopia

ኢትዮጵያውያኑ ከከፋፋይ ሀሳቦች ይልቅ በአንድነት ላይ እንዲያተኩሩ ተጠየቁ!

በሰሜን አሜሪካ የኢትዮጵያ አምባሳደር ፍፁም አረጋ #በዴንቨር የሚኖሩ ኢትዮጵያውያንን ትናንት አወያይተዋል። በውይይቱም በውጭ ሀገራት የሚኖሩ ኢትዮጵያውያን በመተባበር ለሀገራቸው የሚያደርጉትን ድጋፍ እንዲያጠናክሩ አምባሳደሩ ጠይቀዋል።

#ጥላቻ እና #ከፋፋይ ሀሳቦችን በመተው ወደ አንድነትና የሚያስማሙ ሀሳቦች ላይ እንዲያተኩሩም ነው መልዕክት የተላለፈው። ለዚህም በአንድነት መሥራት እንደሚገባቸው አምባሳደር ፍፁም ጠይቀዋል። #በዴንቨር የሚኖሩ የዳያስፖራ ማኅበረሰብ አባላትም ኢትዮጵያዊነትን መሠረት ያደረገ ውይይት መዘጋጀቱ ተገቢ መሆኑን መናገራቸውን በአሜሪካ የኢትዮጵያ ኤምባሲ መረጃ ያሳያል።

Via #AMMA
@tsegabwolde @tikvahethiopia

አልቀመስ ያለው ኑሮ!

ለዓመታት በአገሪቱ የታየው የምግብ ሸቀጦች ዋጋ መናር ዕለት ተዕለት እየጨመረ መጥቶ፣ የሚሊዮኖችን ህልውና #በመፈታተን ላይ ይገኛል። የምግብ ነክ ሸቀጦች የዋጋ ግሽበት፣ የምንዛሬ እጥረት፣ የትምህርት ቤት ክፍያዎች ማሻቀብና ሌሎችም ማኅበረሰቡን ሰቅዘው ከሚገኙት ችግሮች መካከል የሚጠቀሱ ናቸው። የገንዘብ የመግዛት አቅሙ ከጊዜ ወደ ጊዜ እያሽቆለቆለ ሲሔድ እንጂ ከወቅቱ የገበያ ሁኔታ ጋር ሲጣጣም አይታይም።

ዕድሜው በ30ዎቹ መጨረሻ ላይ የሆነው ተዘራ ዓለምነው ነዋሪነቱ አዲስ አበባ ውስጥ ነው። ዘወትር ከታዛው ሥር የሦስት ሕፃናት ልጆቹ ከርታታ ዓይኖች ይጠብቁታል። ወጣት ነው፤ ግን ቋሚ ሥራ የለውም። በሥራ አመራር የትምህርት ዘርፍ በዲፕሎማ የተመረቀ ቢሆንም ቅሉ፣ በቀን ሠራተኝነት በሚያገኘው አነስተኛ ገቢ ኑሮን ለመግፋት ይታትራል። የኑሮው ውድነት ግን ፈፅሞ አልገፋ ያለው ይመስላል።

“ከወራት በፊት 14 ብር ይሸጥ የነበረው ሽንኩርት 28 ብር ገብቷል፣ 70 ብር የሚሸጠው ዘይት 95 ብር እየተሸጠ ነው፣ ኩርማን የምታክል ዳቦ በ3 ብር መግዛት ከጀመርን ወር ሆኖናል፤ ጤፍ 2300 ብር እንገዛው የነበረው 3500 ብር እየተባለ ነው፤ ታዲያ በዚህ ዋጋ ገዝቼ ልጆቼን መመገብ እችላለሁ?” ሲል የሚጠይቀው የሦስት ልጆች አባት የሆነው ተዘራ፣ ልጆቹ የሚያስፈልጋቸውን ሳይሆን፣ ለመኖር የሚያበቃ አመጋገብ እየመገባቸው መሆኑን ይገልጻል።

/በአዲስ ማለዳ ጋዜጣ/

ተጨማሪ ያንብቡ👇
https://telegra.ph/ETH-08-20-3

#update የአሸንዳ፣ ሻደይ፣ አሸንድዬና ሶለል በዓል በማይዳሰስ ወካይ ባህላዊ ቅርስነት በመንግስታቱ ድርጅት የትምህርት፣ ሳይንስና ባህል ድርጅት /UNESCO/ እንዲመዘገብ እና የአለም ቅርስ እንዲሆን ለማድረግ እየተሰራ መሆኑን የባህል እና ቱሪዝም ሚኒስቴር የኮሚዩኒኬሽን ኃላፊ አቶ ታሪኩ ነጋሽ ተናግረዋል፡፡ በሰሜን ኢትዮጵያ “ የልጃገረዶች በዓል”በሚል ስያሜ የሚከበረው በዓልን የሁሉም ቅርስ ለማድረግ ከአምና ጀምሮ በጽሁፍ እና በምስል መረጃ በማሰባሰብ እና በማደራጀት የተባበሩት መንግስታት የትምህርት የሳይንስና የባህል ድርጅት /UNESCO/ ባስቀመጠው መስፈርት መሰረት መረጃዎች መላካቸውን አቶ ታሪኩ ገልጸዋል፡፡

Via #EPA
@tsegabwolde @tikvahethiopia

#AddisAbebaUniversity

ለዕድሳት #ተዘግቶ የነበረው የአዲስ አበባ ዩኒቨርሲቲ የራስ መኮንን አዳራሽ ሙዚየም ዕድሳቱ ሙሉ በሙሉ ተጠናቆ ከዛሬ ጀምሮ ለጉብኝት ከፍት እንደሆነ የኢትዮጵያ ጥናትና ምርምር ተቋም አስታወቀ። ለሙዚየሙ ዕድሳት 2 ነጥብ 4 ሚሊዮን ብር ወጪ የተደረገ ሲሆን የዕድሳት ፕሮጀክቱ በኢትዮጵያና በጃፓን መንግስት መካከል በተደረገ ስምምነት የተካሄደ መሆኑ ታውቋል።

Via #ኢዜአ
@tsegabwolde @tikvahethiopia

ፓስፖርት ለማውጣት የልደት ማስረጃ የሚጠየቁት እድሜያቸው ከ18 እስከ 40 አመት ለሆናቸው ዜጎች ብቻ ነው ተባለ!

የኢሚግሬሽን ዜግነትና ወሳኝ ኩነት ኤጀንሲ ዜጎች ፓስፖርት ለማውጣትና ለማደስ ሲመጡ የሚያቀርቡት የነዋሪነት መታወቂያና የድጋፍ ደብዳቤ ህገወጥ አሰራር እንዲበራከት በማድረጉ፤ ከዚህ በኋላ የልደት ሰርተፊኬትና መታወቂያ ማቅረብ ይጠበቅባቸዋል ማለቱ ይታወቃል፡፡ ይህን ተከትሎም የልደት የምስክር ወረቀት የትና እንዴት ማግኘት ይቻላል፣ የተወለድንበትን ቀንና አመተ ምህረት በትክክል አናውቅም፣ እና መሰል ጥያቄዎች ከህብረተሰቡ እየተሰሙ ነው፡፡

ኢትዮ ኤፍ ኤም የኤጀንሲው ህዝብ ግንኙነትና ኮምዩኒኬሽን ዳይሬክተር አቶ ደሳለኝ ታሬሳን ስለጉዳዩ ጠይቆ ነበር። የልደት ምስክር ወረቀት በሁሉም ክልሎችና የከተማ አስተዳደሮች በወረዳ ወሳኝ ኩነት መ/ቤቶች አማካይነት የሚሰጥ በመሆኑ፤ የተወለዱበትን ቀን የሚገልጽ የሆስፒታል ማስረጃ ይዘው በመቅረብ ማግኘት ይችላሉ ብለውናል፡፡ ለዚህም ስራ ሲባል ኤጀንሲው የሰርተፊኬት ወረቀቶችን በነጻ ማሰራጨቱን ተናግረዋል፡፡

የተወለድንበትን ቀን አናውቅም እና ሆስፒታል አልተወለድንም ለሚሉ ጥያቄዎች ሲመልሱም ይህን ታሳቢ በማድረግ እድሜያቸው ከ40 አመት በላይ የሆኑትን አንጠይቅም ብለዋል፡፡ ወደፊትም አዳዲስ ማሻሻያዎች ካሉ እናሳውቃለን ሲሉ የህዝብ ግንኙነት ዳይሬክተሩ ተናግረዋል፡፡

ምንጭ፦ ኢትዮ ኤፍ ኤም
@tsegabwolde @tikvahethiopia

#update በለገዳዲ የጥልቅ ውሃ ጉድጓድ በተከሰተ የኤሌክትሪክ ሃይል መቋረጥ ከነሔሴ 11ቀን 2011ዓ.ም ጀምሮ በምስራቅ አዲስ አበባ የውሃ አገልግሎት መቋረጡን የአዲሰ አበባ ውሃና ፍሳሽ ባለስልጣን አስታወቀ።

የባለስልጣኑ የኮሙዩኒኬሽን ዳይሬክተር ወይዘሮ ሰርካለም ጌታቸው ለኤፍቢሲ እንደገለፁት ፥በጥልቅ የውሀ ጉድጓዱ በተከሰተ የሃይል መቋረጥ በየካ  አባዶ፣ በየካ አያት፣ በየካ ጣፎ፣ በቦሌ ሃያትና በቦሌ አራብሳ በሚገኙ የግልና የጋራ መኖሪያ ቤቶች የውሃ አገልግሎቱን ማድረስ አልተቻለም።

ላለፉት 4 ቀናት የዘለቀውን የሃይል መቋረጥ ችግር ለመፍታትም የኢትዮጵያ ኤሌክትሪክ አገልግሎት ባለሙያዎችና አመራሮች በቅንጅት እየሰሩ መሆኑን የገለጹት ዳይሬክተሯ፥ ችግሩ እንደተፈታ ውሃ ወደ ማሰራጨት ስራ ይገባል ብለዋል።

የሃይል መቋረጡ በዛሬው ዕለት ይስተካከላል ተብሎ የሚጠበቅ ቢሆንም፥በተለይ 4ተኛና 5ተኛ ወለል ላይ ለሚገኙ የጋራ መኖሪያ ቤቶች ውሃ ለማዳረስ ቀናትን ሊፈጅ የሚችል በመሆኑ ነዋሪዎች በትዕግስት እንዲጠባበቁ አሳስበዋል።

Via #FBC
@tsegabwolde @tikvahethiopia

የመቐለ ከተማ ሴቶች የአሸንዳ በዓልን ምክንያት በማድረግ ዛሬ በሰማዕታት ሐውልት ግቢ ችግኝ ተከሉ። ሴቶቹ ችግኞቹን የተከሉት በዓሉን ከማድመቅ በተጨማሪ የቀድሞው ጠቅላይ ሚኒስትር መለስ ዜናዊ የአረንጓዴ ልማት ፕሮግራምን ለማሳካት እንደሆነም ተገልጿል።

@tsegabwolde @tikvahethiopia

በአንድ ቦታ፣ በአንድ ጊዜ አራት የመኪና አደጋ ደረሰ!

በባሕር ዳር ዙሪያ በተከሰተ የመኪና አደጋ በአካልና በንብረት ላይ ጉዳት ደረሰ። በአማራ ክልል ባሕር ዳር ዙሪያ ወረዳ ዛሬ ከሰዓት በኋላ የመኪና አደጋ ተከስቷል።

አደጋው የተከሰተው ከአዲስ አበባ ወደ ጎንደር እየሄደ የነበረ የሕዝብ ማመላለሻ አውቶብስ ሸዋ ሮቢት ቀበሌ ላይ ዛሬ 8፡20 አካባቢ በመጀመሪያ ከሚኒባስ ጋር በመጋጨቱ ነው።

አውቶብሱ ከጎንደር አቅጣጫ እየመጣ ከነበረ ሲኖ ትራክ መኪና ጋርም ተጋጭቷል። አደጋው በዚህ አላበቃም፤ ከባሕር ዳር አቅጣጫ በፍጥነት እየተሽከረከረ የነበረ የሕዝብ ማመላለሻ ሚኒባስ፣ ተጋጭቶ ከቆመው ሲኖ ትራክ ጋር መጋጨቱም አራተኛ አደጋ ፈጥሯል።

በዚህም በሰውና በንብረት ላይ ጉዳት መድረሱን ዘጋቢያችን ተመልክቷል፤ ይህ ዜና እስከተጠናቀረበት ጊዜ ድረስ የሰው ህይዎት እንዳላለፈም ነው ዘጋቢያችን መረጃ ያደረሰን።ተጎጅዎችም ወደ ሆስፒታል እየተወሰዱ ነው። የባሕር ዳር ዙሪያ ወረዳ ፖሊስ ከስፍራው ተገኝቶ ጉዳዩን እያጣራ ይገኛል። ተጨማሪ መረጃ እንዲሰጡን ጥረት ብናደርግም አሁን መረጃ መስጠት የሚችሉበት ደረጃ ላይ አለመሆናቸውን አሳውቀውናል።

Via #አብመድ
@tsegabwolde @tikvahethiopia

#ጥንቃቄ_ይደረግ

"ሱሉልታን ከአ/አ የሚያገናኘው መንግድ በጎርፍ በመሙላቱ መኪናዋች ቆመዋል።" #TIKVAH_ETHIOPIA #AHMUU

@tsegabwolde @tikvahethiopia

#update በኦሮሚያ ክልል ደቡብ ምእራብ ሸዋ ዞን ኢሉ ወረዳ በአዋሽ ወንዝ መሙላት ሳቢያ ጉዳት ለደረሰባቸው የህብረተሰብ ክፍሎች ድጋፍ እየተደረገ መሆኑ ተገልጿል። የአዋሽ ወንዝ መሙላት ሰሞኑን በኦሮሚያ ክልል ምእራብ ሸዋ ዞን ኢሉ ወረዳ ባስከተለው የጎርፍ መጥለቅለቅ በርካታ ዜጎችን ጉዳት የደረሰ ሲሆን፥ የተዘሩ የተለያዩ ሰብሎችንም ከጥቅም ውጪ ማድረጉ ይታወቃል።

Via #FBC
@tsegabwolde @tikvahethiopia

#P1

የአዲስ አበባ ከተማ አስተዳደር ትምህርት ቢሮ በ2012 የትምህርት ዘመን በሚያስጀምራቸዉ የመንግስት የአዳሪ 2ኛ ደረጃና መሰናዶ ትምህርት ቤቶች ላይ መማር ለሚፈልጉ ተማሪዎች የቅበላ መስፈርት!

#P2

የአዲስ አበባ ከተማ አስተዳደር ትምህርት ቢሮ በ2012 የትምህርት ዘመን በሚያስጀምራቸዉ የመንግስት የአዳሪ 2ኛ ደረጃና መሰናዶ ትምህርት ቤቶች ላይ መማር ለሚፈልጉ ተማሪዎች የቅበላ መስፈርት!

#ጅግጅጋ

የሶማሌ ክልል ምክር ቤት ዛሬ ባካሄደው አራተኛው አስቸኳይ ጉባዔ የቢሮ ኃላፊዎችን ሹመትና ረቂቅ ዓዋጅ አፀደቀ። ምክር ቤቱ በክልሉ ምክትል ርዕሰ መስተዳድር አቶ ሙስጠፌ መሐመድ የቀረቡለትን ኃላፊዎችን ሹመት ያፀደቀው አስፈፃሚ መሥሪያ ቤቶች እንደገና ለማደራጀት ሥልጣንና ኃላፊነት ለመወሰን የቀረበውን ረቂቅ ዓዋጅ ካፀደቀ በኋላ ነው።

ተሿሚዎቹ  ባላቸው የትምህርት ዝግጅት፣ የሥራ ልምድና የፖለቲካ ብቃት መሠረት በማድረግ መመረጣቸው ተገልጿል። ምክር ቤቱ በሰብዓዊ መብት ጥሰት የተጠረጠሩ ሁለት የምክር ቤቱ አባላትን #ያለመከሰስ መብት እንዲነሳ ወስኗል። እንዲሁም የሸሪዓ ፍርድ ቤቶችን ለማቋቋም የቀረበው ረቂቅ ዓዋጅ ለሕግ ጉዳዮች ቋሚ ኮሚቴ መርቷል።

በምክር ቤቱ አብላጫ ድምፅ አግኝተው የተሾሙት፦

•አቶ አብዲቃድር ሐሺ – የሠራተኛና ማህበራዊ ጉዳይ ቢሮ ኃላፊ
•አቶ ሱቤር ሁሴን – የክልሉ ገቢዎች ቢሮ ኃላፊ
•አቶ ጠይብ አህመድኑር – የእንስሳት ልማት ቢሮ ኃላፊ
•አቶ አብዲሰላም ዩሱፍ – የኢንቨስትመንትና ዲያስፖራ ጉዳይ ቢሮ ኃላፊ
•አቶ ሩብሌ አዋሌ– የመንገድና ትራንስፖርት ቢሮ ኃላፊ ሲሆኑ፣

ባሉበት እንዲቀጥሉ የተደረጉት፦

•ዶክተር ዩሱፍ መሐመድ የጤና ቢሮ ኃላፊ
•ዶክተር አብዲቃድር ኢማን የእርሻና ተፈጥሮ ሀብት ልማት ቢሮ
•ወይዘሮ ዘይነብ ሐጂ አደን የሴቶችና ህፃናት ቢሮ ኃላፊ
•አቶ ሙበሽር ዱበድ የፋይናንስና ኢኮኖሚ ልማት ቢሮ ኃላፊ
•አቶ ኤልያስ አቢብ የባህልና ቱሪዝም ቢሮ ኃላፊ
•አቶ ሐሰን መሐመድ የክልሉ ርዕሰ መስተዳድር ጽህፈት ቤት ኃላፊ ናቸው።

ምንጭ፦ ኢዜአ
@tsegabwolde @tikvahethiopia

አገር አቀፍ የፍትህ ቀን የፊታችን ጳጉሜ 5 ቀን 2011 ዓ.ም ይከበራል፡፡ ቀኑ የሚከበረው “እኔ ለሕግ ተገዥ ነኝ” በሚል መሪ ቃል እንደሆነ ለመስማት ተችሏል። #ETHIOPIA

አሜሪካ የመካከለኛ ርቀት ሚሳኤል ማስወንጨፏ ተነገረ!

አሜሪካ የመካከለኛ ርቀት ተወንጫፊ ክሩዝ ሚሳኤል ሙከራ ማድረጓን በወታደራዊ መስሪያ ቤቷ ፔንታገን በኩል አስታውቃለች። ከሩሲያ ጋር አድርጋው የነበረውን የኒየክሌር ተሸካሚ መሳሪያዎች እቀባ ስምምነት አልተገብርም ካለች ከሳምንታት በኋላ ሚሳኤል መሞከሯ እያነጋገረ ነው።

ፔንታገን እንዳስታወቀው ባለፈው ዕሁድ በካሊፎርኒያ ዳርቻ የተሳካ የሚሳኤል ሙከራ አድርጓል። ሞስኮ በበኩሏ ዋሽንግተን ወታደራዊ ውጥረቱን እያባባሰችው ነው በሚል ድርጊቱን ኮንናለች።

አሜሪካ ከመካከለኛ ርቀት ተወንጫፊ የኒዩክሌር ባለቤት ኃይሎች ስምምነት በሩሲያ ተጥሷል በሚል በፈረንጆቹ 2019 ነሐሴ 2 ቀን ከስምምነቱ መውጣቷ ይታወሳል። ሩሲያ ከአሜሪካ የቀረበባትን የስምምነት መጣስ ውንጀላ አጣጥላለች።

ተንታኞች የስምምነቱ ገቢራዊ አለመሆን አዲስ ወታደራዊ ፉክክርን ሊያመጣ ይችላል በሚል ስጋታቸውን ገልፀዋል። ከቀዝቃዛው ጦርነት ማግስት ተፈርሞ የነበረው ስምምነቱ ከ500 እስከ 5 ሺህ 500 ኪሎ ሜትር የሚወነጨፉ ሚሳኤሎች ጥቅም ላይ እንዳይውሉ እገዳ የጣለ ነበር ብሏል የቢቢሲ ዘገባ።

Via #BBC/ENA
@tsegabwolde @tikvahethiopia

#ሱሉልታ

"ሱሉልታ መንገድ ውሀ ሞልቶ የገኛል በዚህ የተነሳ ለሰአታት ቆመናል።" #Sington #ETHIOPIA

@tsegabwolde @tikvahethiopia

#update በዳሽን ባንክ ጅማ ቅርንጫ ከ27 ሚሊዮን ብር በላይ ጉዳት ያደረሱ ተከሳሾች ላይ ክስ ተመሰረተ። ተከሳሾች 1ኛአህመድ አብዶ፣ 2ኛ ጌቱ ወልደስላሴ፣ 3ኛ ዚያድ ሀሰን፣ 4ኛ የሱፍ ከድር፣ 5ኛ አንዋር ማሙድ፣ 6ኛ ገነት ሲሳይ፣ 7ኛ ሰይድ ሲራጅ፣ 8ኛ እንድሪስ ዓሊ እና 9ኛ ኦርጋኒክ ትሬዲንግ እና ማኑፋክቸሪንግ ኃላፊነቱ የተወሰነ የግል ማህበር ሲሆኑ በፈፀሙት ከባድ የሙስና ወንጀልና በሙስና ወንጀል የተገኘን ገንዘብ ህጋዊ አስመስሎ በማቅረብ ክስ ተመስርቶባቸዋል፡፡

ተጨማሪ ያንብቡ👇
https://telegra.ph/ETH-08-20-4

በማይጨውና አዲሹ ከተሞች ጅብ በሰዎች ላይ ጉዳት አደረሰ!

በትግራይ ደቡባዊ ዞን በማይጨውና ሀዲሹ ከተሞች ጅቦች አምስት ሰዎችን በማጥቃት ጉዳት ማድረሱን ፖሊስ አስታወቀ። ጅቦቹ  ጉዳት ካደረሱባቸው ሰዎች መካከል አምስቱ በማይጨው ቀሪዎቹ ደግሞ በአላጄ ሀዲሹ የሚኖሩ ናቸው። በሰዎቹ ላይ የደረሰው ጉዳት ከባድ ቢሆንም እስካሁን ግን ህይወቱ ያለፈ እንደሌለ የዞኑ ፖሊስ ጽህፈት ቤት አዛዥ ኮማንደር ሐለፎም ሀዱሽ ገልጸዋል።

በማይጨው ከተማ በጅብ ተነክሰው የተጉዱት ሰዎች ከሌሊቱ ዘጠኝ ሰዓት አካባቢ ወደ ጸበል ለመሄድ በመጓዝ ላይ እንዳሉ ሲሆን በለምለም ካርል ሆስፒታል የህክምና እርዳታ እየተደረገላቸው ነው። በወቅቱ በሶስት ሰዎች ላይ ጉዳት ያደረሰው ጅብ የጸጥታ አካላት ባደረጉት ትብብር መገደሉን ኮማንደሩ አመልክተዋል። በሀዲሹ ከተማ የተጎዱት ደግሞ ባለፈው እሁድ ምሽት አንዲት አዋቂ ሴት እና አንድ ህጻን ልጅ በከተማ በመንቀሳቀስ ላይ እንዳሉ ሲሆን በከተማ ጤና ጣቢያ ህክምና እየተደረገላቸው ይገኛል። ህብረተሰቡ ሌሊት ላይ በሚንቀሳቀስበት ጊዜ ጥንቃቄ እንዲያደርግም ኮማንደሩ መልዕክታቸውን አስተላልፈዋል።

ምንጭ፦ ኢዜአ
@tsegabwolde @tikvahethiopia