ጠ/ሚ ዶ/ር አብይ መገለጫ ሰጥተዋል!

የኢትዮጵያ ህዝቦች አብዮታዊ ዴሞክራሲያዊ ግንባር (ኢህአዴግ) ሀገራዊ ምርጫው ጊዜውን ጠብቆ እንዲካሄድ አቋም እንዳለው ጠቅላይ ሚኒስትር ዶክተር አብይ አህመድ አስታወቁ።

የኢፌዴሪ ጠቅላይ ሚኒስትር ዶክተር አብይ አህመድ በዛሬው እለት በወቅታዊ ጉዳዮች ዙሪያ ጋዜጣዊ መግለጫ ሰጥተዋል። በመግለጫቸውም ለተነሱላቸው ጥያቄዎች ምላሽ የሰጡ ሲሆን፥ ከጥያቄዎቹም ከምርጫ ጋር የተያያዘው አንዱ ነበር።

በዚህም በሰጡት ምላሽ በአሁኑ ወቅት ምርጫ ይራዘም የሚሉ እና ወቅቱን ጠብቆ ይካሄድ የሚሉ የራሳቸው ምክንያት ያላቸው አካላት እንዳሉ አንስተዋል።

ነገር ግን የኢህአዴግ ስራ አስፈጻሚ ኮሚቴ ባደረገው ስብሰባው ምርጫ ከማካሄድ ጋር በተያያዘ በዝርዝር እንደተወያየበትና ምርጫው አይደረግም የሚል አቋም እንደሌለው አስታውቀዋል።

ኢህአዴግ ምርጫው ጊዜውን ጠብቆ እንዲካሄድ አቋም አለው ያሉት ጠቅላይ ሚኒስትር ዶክተር አብይ፥ ለዚህም በቂ ዝግጅት እያደረገ መሆኑንም አያይዘው ጠቅሰዋል።

ይሁን እንጂ ኢህአዴግ ምርጫው ይካሄድ የሚለው ላይ ብቻውን ውሳኔ ማሳለፍ አይችልም ያሉ ሲሆን፥ ሁሉን የፖለቲካ ፓርቲዎች በማሳተፍና በህዝቡ ይሁንታ የምርጫው ሁኔታ ላይ ከስምምነት በመድረስ እንደሚከናወንም አብራርተዋል።

ከዚህ ጋር አያይዘውም አዲስ የምርጫ ህግ እየተዘጋጀ መሆኑን ያነሱት ጠቅላይ ሚኒስትሩ፥ ህጉ ሁሉንም የፖለቲካ ፓርቲዎችና የሚመለከታቸውን አካላት ባሳተፈ መልኩ መዘጋጀቱን አንስተዋል።

ተጨማሪ ያንብቡ👇
https://telegra.ph/PMO-08-01

Via #fbc

ጠ/ሚ ዶ/ር አብይ በጋዜጣዊ መግለጫው ካነሷቸው ነጥቦች መሀል፦

/ጋዜጠኛ ኤልያስ መሰረት/

- ስለ ጄነራል ሰአረ መኮንን ገዳይ: ወታደሩ (ጠባቂው) አሁን በህክምና ላይ ይገኛል፣ አንገቱ ላይ ቆስሏል። ከሱ ጋር ግንኙነት የነበራቸው ተይዘዋል። ጥቃቱ የተፈፀመ ቅፅበት "(ጥቃቱ ሲፈፀም) ደውለህ ትነግረኛለህ" ብሎ ነገሮት በሁዋላ ደውሎ የነገረው ተይዟል።

- የሰኔ 15ቱን ሁኔታ አቅልሎ ማየት ልክ አይደለም። እንቅስቃሴ ሲደረግ የነበረው ተጨማሪ ጀነራሎችን ጭምር ለመግደል እንደነበር መረጃ ደርሶናል።

- እኔ በፊት የተለየ የህዝብ ተቀባይነት የነበረኝ፣ አሁን ደሞ የተለየ ተቀባይነት የሌለኝ ነበርኩ ብዬ አላስብም። ተቀባይነቱ ቀነሰ የሚሉ ምን መረጃ ኖሯቸው እንደሆነ አላውቅም።

- የዲያስፖራ ትረስት ፈንድ ገንዘብ አሰባሰብ እኔን ከመደገፍ እና ካለመደገፍ ጋር መያያዝ የለበትም። ሆኖም ከነበረ መሆን አልነበረበትም።

- በሰብአዊ መብት አያያዝ ዙርያ: አሁን ጭለማ ቤት ታስሮ ያለ የለም፣ ሰው አይገረፍም፣ ጥፍር አይነቀልም።

-ምርጫ: በኢህአዴግ ዘንድ ምርጫው አይደረግ የሚል አንድምታ የለም። ምርጫው ይካሄዳል ብለን እየተዘጋጀን ነው።

- ኢንተርኔት መዘጋት: መዘጋቱ ያስፈለገው የሰዎችን ህይወት እና ንብረት ከጥቃት ለማትረፍ ነው። ኢንተርኔት ውሀ ወይም አየር አይደለም። ለመዝጋት ምክንያት የሆኑንን ምክንያቶች ካልፈታን ለሳምንት ሳይሆን እስከ ወዲያኛው ሊዘጋ ይችላል።

- አሜሪካ ኤምባሲ ለፕሬዝደንት ፅህፈት ቤትነት ተገንብቶ የነበረው ህንፃ ለሰላም እና እርቅ ኮሚሽን ቢሮ ሆኗል። መከላከያ ትልቅ እና ውብ ህንፃ እየገነባ ነው፣ በቅርቡ ይጠናቀቃል። INSAም የራሱን ህንፃ ቦሌ መድሀኒአለም አካባቢ እየሰራ ነው። ሁሉንም በመጪው አመት ለመጨረስ ታስቧል።

@tsegabwolde @tikvahethiopia

#ዶክተር_አብይ_አህመድ

የሲዳማ የክልልነት ጥያቄ፦

#PMO የሲዳማ ዞን የክልልነት #ጥያቄን በተመለከተ፤ ክልል የመሆን ጥያቄው ለረጅም ዓመታት የነበረ መሆኑን እና ከለውጡ በኋላ ጎልቶ መውጣቱን አንስተዋል። የክልልነት ጥያቄው ከፖለቲካ በተጨማሪ #የሀብት_ክፍፍል እና ህጋዊ ሂደቶች ያስፈልጉታል ያሉት ጠቅላይ ሚኒስትር ዶክተር አብይ፥ የክልልነት ጥያቄውን መሰረት በማድረግ ህዝበ ውሳኔው ምርጫ ቦርድ ባስቀመጠው የጊዜ ሰሌዳ መሰረት እንደሚከናወንም አስገንዝበዋል። #fbc

@tsegabwolde @tikvahethiopia

አዲስ የቤት ልማት መርሃግብር ሊጀምር ነው!

በአዲስ አበባ ከተማ አዲስ የቤት ልማት መርሃግብር ወደ ስራ ሊገባ መሆኑን የአዲስ አበባ ከተማ አስተዳደር ገለጸ፡፡ አስተዳደሩ ለቤት ልማት መርሃግብሩ 1500 ሄክታር መሬት ማዘጋጀቱን የአዲስ አበባ ከተማ አስተዳደር ም/ከንቲባ ታከለ ኡማ ገልጸዋል፡፡ በመርሃ ግብሩ የግሉን ዘርፍ ለማሳተፍም ዝግጅቶች መጠናቀቁም ተገልጿል፡፡

Via #etv
@tsegabwolde @tikvahethiopia

የቤኔሻንጉል ጉሙዝ ክልል ምክር ቤት የ2012 በጀትን 3 ነጥብ 7 ቢሊዮን ብር አድርጎ አጽድቋል፡፡

@tsegabwolde @tikvahethiopia

የኢህአዴግ ውህደት የማይቀር ነው!

የኢህአዴግ ውሕደት የማይቀር መሆኑን የግንባሩ ሊቀመንበር ተናገሩ፡፡ የኢፌዴሪ ጠቅላይ ሚኒስትርና የኢህአዴግ ሊቀመንበር ዐብይ አህመድ (ዶክተር) ከጋዜጠኞች ጋር ዛሬ በነበራቸው ቆይታ የተለያዩ ሐሳቦችን አንስተዋል፡፡

በቅርቡ በኢህአዴግ አባል ድርጅቶች መካከል ስለተስተዋለው የመግለጫ መልልስ ሐሳብ የሰጡት የግንባሩ ሊቀ መንበር ‹‹የኢህአዴግ ድርጅቶች የየራሳቸው ፍላጎት አላቸው፤ ያለሌሎች ድርጅቶች ድጋፍ ግን ፍላጎታቸውን ማሳካት አይችሉም›› ብለዋል፡፡

ህወኃት እና አዴፓ በቅርቡ በመግለጫ ምልልስ ውስጥ መግባታቸውን ተከትሎ የተንጸባረቀን ልዩነት በተመለከተም ‹‹ሁለቱ እህት ድርጅቶች በልዩነታቸው ዙሪያ በኢህዴግ ጉባኤ መድረክ ላይ እንዲነጋገሩ ይደረጋል፤ በእህት ድርጅች መካከል ልዩነት ቢታይም በኢህአዴግ ውሕደት ሐሳቡ ላይ ግን ምንም ዓይነት ልዩነት የለም፤ ውሕደቱም አይቀሬ ነው›› ብለዋል፡፡

‹‹ኢህአዴግ እንደፓርቲ በውስጡ ብዙ የሐሳብ ልዩነቶች አሉበት፤ ይህንን ለመፍታትም ነው በየጊዜው ሰዎች እየተቀያዬሩ ያሉት፤ የውስጥን ችግር ለመፍታት እየሠራን ነው›› ብለዋል ሊቀመንበሩ፡፡ መገናኛ ብዙኃኑም የትኛው ተቋም ጥሩ ይሠራል የትኛው ተቋም ጥሩ አይሠራም እያሉ የተቋማትን ስኬትና ውድቀት ማጋለጥ ይኖርባዋል ነው ያሉት፡፡

Via #AMMA
@tsegabwolde @tikvahethiopia

#update በ2012 ዓ/ም በጀት ዓመት 91 የመንገድ ግንባታ ፕሮጀክቶችን ለመስራት ዕቅድ መያዙን የኢትዮጵያ መንገዶች ባለስልጣን አስታውቋል፡፡ ፕሮጀክቶቹ እስከ 150 ቢሊዮን ብር የተያዘላቸው ሲሆን በዚህ ዓመት ብቻ ከ38 ቢሊየን ብር በላይ በጀት ባለስልጣኑ ወደ ስራ እንደሚያስገባ ገልጿል፡፡

@tsegabwolde @tikvahethiopia

የአማራና ትግራይ ክልሎች በጋራ እየሰሩ ነው!

የሻደይ አሸንዳ በዓልን በዓለም ቅርስነት ለማስመዝገብ የአማራና የትግራይ ክልሎች በጋራ እየሰሩ መሆኑ ተገለጸ። የአማራ ክልል ባህልና ቱሪዝም ቢሮ ሃላፊ አቶ ግዛት አብዩ በዛሬው ዕለት በሰጡት መግለጫ፥ የሻደይ አሸንዳ በዓልን በዓለም ቅርስነት ለማስመዝገብ የአማራና የትግራይ ክልሎች በቅንጅት እየሰሩ መሆኑን ገልጸዋል። በዓሉ በአማራ እና ትግራይ ክልሎች በተለያዩ አካባቢዎች የሚከበር መሆኑን የገለጹት ሃላፊው፥ ሁለቱ ክልሎች በዓሉን በዓለም ቅርስነት ለማስመዝገብ መስማማታቸውን ተናግረዋል።

በዓሉን “የኢትዮጵያ ልጃ ገረዶች ጨዋታ” በሚል ስያሜ በመንግስታቱ ድርጅት የትምህርት፣ ሳይንስና ባህል ድርጅት (ዩኔስኮ) ቅርስነት ለማስመዝገብ በሁለቱ ክልሎች መካከል እንዲሁም በሀገር አቀፍ ደረጃ ምክክር ተደርጎ ስምምነት ላይ መደረሱን አክለዋል።

ዩኔስኮ በዓሉን በቅርስነት ለመመዝገብ ሒደት ላይ መሆኑን ያነሱት አቶ ግዛት፥ ኢትዮጵያም በዓሉን በቅርስነት ለማስመዝገብ ስትሰራ መቆየቷን አስታውሰዋል። #የሻደይ_አሸንዳ በዓል የሀገር ቅርስ ሆኖ በዩኒስኮ የሚመዘገብ ሲሆን፥ በአማራ እና ትግራይ ክልሎች የሚከበር መሆኑ በመግለጫው ተመላክቷል። የሴቶች ዕኩልነት፣ ነፃነትና አንድነት ተምሳሌት የሆነው የሻደይ አሸንዳ በዓል ከፍተኛ የሆነ ማህበራዊ፣ ኢኮኖሚያዊና ባህላዊ ፋይዳ ያለው መሆኑን አቶ ግዛት አንስተዋል።

በዓሉ በአማራ ክልል በወረዳና በዞን ደረጃ ከነሃሴ 16 እስከ 18 ቀን 2011ዓ.ም የሚከበር ሲሆን፥ በክልል ደረጃ ደግሞ በባህር ዳር ከተማ ከነሃሴ ከ19 እስከ 20 ቀን በድምቀት የሚከበር መሆኑ ተገልጿል።

Via #fbc
@tsegabwolde @tikvahethiopia

#NewsAlert ዛሬ የመን ኤደን ከተማ ላይ ይካሄድ በነበረ ወታደራዊ ሰልፍ ላይ በደረሰ የአየር ጥቃት ብዛት ያላቸው ተገደሉ። በሌላ የከተማዋ አካባቢ ደግሞ በአጥፍቶ ጠፊ ጥቃት ቢያንስ አስር ሰዎች ተገድለዋል።

Via #VOA
@tsegabwolde @tikvahethiopia

🏷"የአማራ ሕዝብ የትግራይ ወንድም ሕዝብ ነው። እኛ ሕዝቡን #ትምክህተኛ አላልነውም። በየትኛውም አለም ሕዝብ እንደ ሕዝብ ትምክህተኛም ጠባብም ወይ ሌላም ሊሆን አይችልም» ... «ወደ 1968 ዓ.ም ተመልሰው ድሮም እንደዚህ ነበራችሁ ማለት አያስፈልግም ነበረ። እኛ ያልነው አጭርና ግልፅ ነው። በውስጣችሁ ምን ችግር ነው ያጋጠመው? አጥሩት ነው ያልነው፡፡ አንድ ድርጅትና ወንድም ህዝብ ነን እኮ» ዶ/ር ደብረፅዮን ገብረሚካኤል በትግራይ ዲያስፖራ ሲምፖዝየም (#ሕወሓት)

Via #እሸት_በቀለ
@tsegabwolde @tikvahethiopia

#አብን የፌደራል ከፍተኛ ፍርድ ቤት ልደታ ምድብ ችሎት በእነ አስጠራው ከበደ እና በእነ ሲያምር ጌቴ መዝገብ የተጠረጠሩ የአብን አመራሮችና አባላት በዋስ እንዲወጡ የተሰጠውን ውሳኔ ውድቅ እንዳደረገ የአማራ ብሄራዊ ንቅናቄ/አብን/ በፌስቡክ ገፁ ገለፀ።

በእነ አስጠራው ከበደ እና በእነ ሲያምር ጌቴ መዝገብ የተከሰሱት የአብን አመራሮችና አባላት በብር ዋስትና ከእስር እንዲፈቱ የፌደራል መጀመሪያ ደረጃ ፍርድ ቤት የአራዳ ምድብ ችሎት የሰጠውን ውሳኔ በመቃወም አቃቢ ሕግ ይግባኝ የጠየቀ ሲሆን ይግባኙን የተመለከተው የፌደራል ከፍተኛ ፍርድ ቤት ልደታ ምድብ ችሎት የተፈቀደውን ዋስትና መብት ውድቅ በማድረግ ውሳኔ ሰጥቷል፤ ችሎቱ ተጨማሪ የጊዜ ቀጠሮ በመፍቀድ ለጳጉሜ 5 ቀን 2011 ዓ/ም መዝገቡን ቀጠሯል ሲል ንቅናቄው ገልጿል።

@tsegabwolde @tikvahethiopia

"ኢንተርኔት #መዘጋቱ ያስፈለገው የሰዎችን #ህይወት እና ንብረት ከጥቃት ለማትረፍ ነው። ኢንተርኔት ውሀ ወይም አየር አይደለም። ለመዝጋት ምክንያት የሆኑንን ምክንያቶች ካልፈታን ለሳምንት ሳይሆን እስከ ወዲያኛው #ሊዘጋ ይችላል!" ጠ/ሚ ዶ/ር #አብይ_አህመድ

Via Elias Meseret
@tsegabwolde @tikvahethiopia

«የጄኔራል ሰዓረ ገዳይ ወታደር መሳፍንት ጥጋቡ «ስለ ቆሰለ እስካሁን በሕክምና ላይ ይገኛል፣ የቆሰለው አንገቱ አካባቢ ስለሆነና መናገር ስለማይችል አዳዲስ ነገር አልተገኘም። በደንብ ሲሻለው የበለጠ መረጃዎች ይገኛሉ» ጠቅላይ ሚኒስትር ዶ/ር አቢይ አህመድ

Via #EshetBekele
@tsegabwolde @tikvahethiopia

መንግሥት:-

* የዋጋ ንረትን ለመቆጣጠር ይሰራል

መንግሥት በቀጣይ ዓመት የዋጋ ንረቱን ለመቆጣጠር በአቅርቦት ላይ በመመስረት በስፋት እንደሚሰራ ገለጸ። በሰኔ 15ቱ ግድያ ላይ መንግሥት በቂ መረጃ እንዳለው ጠቅላይ ሚኒስትሩ ተናግረዋል።

ጠቅላይ ሚኒስትር ዶክተር አብይ አህመድ ትናንት ለጋዜጠኞች በሰጡት መግለጫ ላይ እንደተናገሩት፤ ባለፉት 15 ዓመታት የዋጋ ንረቱ 15 በመቶ እያደገ ቢቆይም ባለፈው ዓመት ለመቆጣጠር በተደረገው ጥረት መቀነስ ተችሏል። ሆኖም ግን ከግንቦት/2011 ዓ.ም ወዲህ ግን አሻቅቧል ብለዋል።

የዛሬ 28 ዓመት የኢትዮጵያ ሕዝብ 48 ሚሊዮን ነበር። አሁን ከ100 ሚሊዮን በላይ ቢደርስም የሚታረሰው መሬት ግን ያው መሆኑን የተናገሩት ጠቅላይ ሚኒስትሩ፤ የፍላጎትና የአቅርቦት ያለመመጣጠንን ችግር ለማቃለል ምርታማነቱ የተወሰነ ለውጥ ቢያመጣም የሚፈለገው ደረጃ ላይ አልደረሰም ብለዋል።

Via #EPA
@tsegabwolde @tikvahethiopia

ባህር ዳር ዝግጅቷን እያደረገች ነው!

ሻደይ፣ አሸንድየ እና ሶለል ጨዋታዎችን ለማክበር ባሕር ዳር መዘጋጀቷን የአማራ ክልል ባሕልና ቱሪዝም ቢሮ አስታወቀ፡፡ ‹‹የኢትዮጵያ የልጃገረዶች ጨዋታ›› በሚል ስያሜ በዩኒስኮ ለማስመዝገብ ሙሉ መረጃ መሰጠቱም ተገልጿል፡፡ የአማራ ክልል ባሕል እና ቱሪዝም ቢሮ ምክትል ቢሮ ኃላፊ አቶ እንድሪስ አብዱ ከባለፈው ዓመት በደመቀ መልኩ ባሕር ዳር ሻደይ፣ አሸንድየ እና ሶለል ጨዋታዎችን ለማክበር ቅድመ ዝግጅቶች እያደረገች መሆኑን ተናግረዋል፡፡

@tsegabwolde @tikvahethiopia

#update 33 የፖለቲካ ፓርቲዎች ከየምርጫና የፖለቲካ ፓርቲዎች ረቂቅ ሕግ 20 አንቀጾች እንዲሰረዙ 13 እንዲሻሻሉ በዛሬው ዕለት ጠይቀዋል ጠይቀዋል። የመንግሥት ሰራተኞች ለምርጫ ሲወዳደሩ ሥራቸውን ሊለቁ ይገባል የሚለው አጨቃጫቂ ሆኗል። ከኢትዮጵያ ብሔራዊ አንድነት ኮንግረስ አቶ ገረሱ ገሳ «የመንግሥት ሰራተኞች መልቀቅ ካለባቸው ከጠቅላይ ምኒስትሩና አፈ-ጉባኤው ጀምሮ መልቀቅ አለባቸው» ብለዋል።

Via #EshetBekele
@tsegabwolde @tikvahethiopia

የኦሳማ ቢን ላደን ልጅ ፣ ሐምዛ ቢን ላደን፣ 'በአየር ጥቃት መገደሉ' ተነገረ!

የአልቃይዳ መስራች የነበረው ኦሳማ ቢን ላደን ወንድ ልጅ፣ ሐምዛ ቢን ላደን፣ በአየር ጥቃት ወቅት መገደሉን የአሜሪካ የስለላ ባለስልጣናት ጠቅሰው የአሜሪካ መገናኛ ብዙኀን ዘገቡ። ሐምዛ መቼና የት እንደሞተ የተነገረ ምንም ነገር የለም። ፔንታጎንም በጉዳዩ ላይ አስተያየቱን አልሰጠም።

የካቲት ወር ላይ የአሜሪካ መንግሥት ሐምዛ የት እንዳለ ለጠቆመ የአንድ ሚሊየን ዶላር ጉርሻ እንደሚሰጡ ተናግረው ነበር።

ሐምዛ ቢን ላደን ዕድሜው 30 የሚገመት ሲሆን፣ አሜሪካና ሌሎች ሀገራት ላይ ጥቃት እንዲፈፀም የሚጠይቅ የቪዲዮና የድምፅ መልዕክት አስተላልፎ ነበር። ይህ ዘገባ መጀመሪያ ላይ የወጣው በኤንቢሲ እና በኒው ዮርክ ታይምስ ላይ ነው።

የአሜሪካው ፕሬዝዳንት ዶናልድ ትራምፕም ሆኑ የኋይት ሐውስ የሀገር ደህንነት አማካሪ ጆን ቦልቶን በዚህ ጉዳይ ላይ አስተያየታቸውን ከመስጠት ተቆጥበዋል።

ሐምዛ ቢን ላደን አባቱን በጎርጎሳውያኑ 2011 ግንቦት ወር ላይ የገደሉት አሜሪካኖች ላይ ጂሀዲስቶች ጥቃት እንዲፈፅሙ ጥሪ አቅርቦ ነበር።

ተጨማሪ ያንብቡ👇
https://telegra.ph/Hamza-08-02

Via #BBC_Amharic
@tsegabwolde @tikvahethiopia

#አዲስ_አበባ

በአምስቱም የአዲስ አበባ መውጪያና መግቢያ በሮች አርሶ አደሮች ምርታቸውን የሚያስቀምጡባቸውንና ለገበያ የሚያቀርቡባቸውን ማእከላት ለመገንባት መታቀዱን የከተማ አስተዳደሩ አስታውቋል። የከተማዋ ነዋሪዎችን የመኖሪያ ቤት ችግር ለማቃለልም አንድ ሺህ 500 ሄክታር መሬት መዘጋጀቱ ተጠቁሟል።

የ2011ን በጀት አመት አፈጻጸም ሪፖርት ለምክር ቤቱ ያቀረቡት ምክትል ከንቲባ ኢንጂነር ታከለ ኡማ እንደተናገሩት፤ በአምስቱም የአዲስ አበባ መውጪያና መግቢያ በሮች ላይ አርሶ አደሮች ምርታቸውን የሚያስቀምጡባቸውንና ለገበያ የሚያቀርቡባቸውን ማእከላት ለመገንባት ዝግጅቶች እየተደረጉ ናቸው።

በተጨማሪምበተመጣጣኝ ዋጋ ለከተማው ነዋሪ የሚያቀርብ ግዙፍ የዳቦ ማምረቻ ኢንቨስትመንት ድጋፍ ተደርጎለት ወደ ግንባታ ስራ በመግባት ላይ የሚገኝ ሲሆን፤ መሰረታዊ የፍጆታ እቃዎችን ለሚያመርቱ ሌሎች ኢንቨስትመንቶች የተለየ ድጋፍ ለማድረግ እየተሰራ መሆኑንም ጠቁመዋል።

Via #EPA
@tsegabwolde @tikvahethiopia

15 ኢትዮጵያውያን ባህር ላይ ሞቱ!

ከዘጠና በላይ ስደተኞችን አሳፍራ #ከጅቡቲ ወደ #የመን በመጓዝ ላይ የነበረች የአሳ ማስገሪያ ጀልባ በመሰባበሯ ለጠና ረሃብና ጥም መጋለጣቸውንና አንዳንዶቹም በተስፋ መቁረጥ ጭምር ራሳቸውን ወደ ባህሩ ወርውረው ለሕልፈት መዳረጋቸውን ዓለም አቀፉ የፍልሰተኞች ድርጅት /IOM/ አስታወቀ።

Via #VOA
@tsegabwolde @tikvahethiopia

የሳይንስና ከፍተኛ ትምህርት ሚኒስቴር፣ UCodeGirl እና አዲስ አበባ ዩኒቨርስቲ በትብብር ከሐምሌ 24 እስከ ሐምሌ 28 /2011 ዓ.ም ያዘጋጁት የኮዲንግ ስልጠና እንደቀጠለ ነው!
.
.
🎁በስልጠናው #ማጠቀቂያ የስለጠናው ተካፋይ የሆኑ ሴት ተማሪዎች ዘመናዊ ላፕቶፕ ኮምፒዩተር ከITU እና UN በስጦታ ይበረከትላቸዋል።

Via #DG/TIKVAH-ETH/
@tsegabwolde @tikvahethiopia

የቴሌኮም እና የመብራት አገልግሎት ይሟላል!

#በምዕራብ እና #ሰሜን ጎንደር ዞኖች #አብዛኛዎች አካባቢዎች የቴሌኮምና የመብራት አገልግሎት #እንደሚሟላ ተገልጿል፡፡ በአማራ ክልል ሰሜን ጎንደር ዞን በስሜን ተራራዎች ብሄራዊ ፓርክ ባለፈው የእሳት አደጋ በደረሰበት ቦታ ላይ የአማራ ክልል ርዕሰ መስተዳድር ተመሥገን ጥሩነህ የተመራ ልዑክ፣ የኢትዮ ቴሌኮም እና የኢትዮጵያ ኤሌክሪክ ኃይል የሥራ ኃላፊዎች ችግኝ መትከላቸው ይታወሳል፡፡

የአካባቢው ነዋሪዎችም የተንቀሳቃሽ ስልክ ‹‹ኔትወርክ›› እና የመብራት አገልግሎት እንዲሟላላቸው ጠይቀዋል፡፡ የስልክ አገልግሎት በፓርኩ ብቻ ሳይሆን በተለይ አዲስ በተዋቀሩት ሁለቱ ዞኖች (ምዕራብና ሰሜን ጎንደር) አብዛኛዎቹ አካባቢዎች እንደሌለ ነዋሪዎቹ አንስተዋል፡፡

ለችግኝ ተከላ እና የኢንቨስትመንት አካባቢዎችን ለመጎብኘት በአካባቢው የተገኙት የኢትዮ ቴሌኮም ዋና ሥራ አስፈጻሚ ፍሬህይዎት ታምሩ በቀጣይ በሁለቱም ዞኖች አገልግሎቱ ተደራሽ እንዲሆን እንደሚሰሩ ተናግረዋል፡፡ በተለይም በምዕራብ ጎንደር ዞን እየተስተዋለ ያለውን የሱዳን ሲም ካርድ ሽያጭ ለማስቆም ጥረት እንደሚደረግ ነው የተናገሩት፡፡ ከጎብኝዎች የሚገኘውን ገቢ ከፍ ማድረግ እንዲቻል ቅርሶች ባሉበት አካባቢ የቴሌኮም አገልግሎትን ተደራሽ ለማድረግ እንደሚሰሩም ዋና ሥራ አስፈጻሚዋ ተናግረዋል፡፡

የኢትዮጵያ ኤሌክትሪክ ኃይል ዋና ሥራ አስፈጻሚ ዶክተር አብርሃም በላይ ከመብራት ተደራሽነት ጋር ተያይዞ የተነሳው ጥያቄ ተገቢ መሆኑን ተናግረዋል፡፡ በቀጣይ በሁለቱም ዞኖች የመብራት መስመር ዝርጋታ ለማከናወን ውይይት እየተደረገ እንደሆነም ነው የተናገሩት፡፡

Via #AMMA
@tsegabwolde @tikvahethiopia