ኢትዮጵያ! የመከላከያ ሰራዊት አባላት #በተሳሳተ መረጃ በሞያሌ ከተማ 9 ሰዎችን ሲገድሉ 12 ሰዎችን ደግሞ አቁስለዋል።
.
.
ምን አይነት ዜና ነው እየሰማን ያለነው?? ፈጣሪ ሆይ ይቅር በለን!
@tsegabwolde @tikvahethiopia

#update ሻሸመኔ⬇️

በኦሮሚያ ክልል ሻሸመኔ ከተማ በተፈጠረ መገፋፋትና መረጋገጥ የሰዎች ህይወት እና አካል ላይ ጉዳት መድረሱ ተገለፀ።

አደጋው የደረሰው የኦሮሚያ ሚዲያ ኔትዎርክ ዳይሬክተር አቶ ጃዋር ሞሃመድ እና ሌሎች የቡድኑ አባላት አቀባበል ለማድረግ በከተማዋ በተዘጋጀ ስነ ስርዓት ለይ መሆኑን የኦህዴድ የገጠር ፖለቲካ አደረጃጀት ዘርፍ ሀላፊ አቶ አዲሱ አረጋ አስታውቀዋል።

በአደጋውም የ3 ሰዎች ህይወት ሲያልፍ በርካቶች ላይ ደግሞ የተለያየ መጠን ያለው ጉዳት መድረሱንም አቶ አዲሱ ገልፀዋል።

በአቀባበል ስነ ስርዓቱ ላይ በተፈጠረ መገፋፋትና መረጋገጥ በደረሰው አደጋ ህይወታቸው ላለፈ እና ጉዳት ለደረሰባቸው ዜጎችም የተሰማቸውን ሀዘን ገልፀዋል።

ከአደጋው ጋር ተያይዞም አንድ የሻሸመኔ ከተማ የፀጥታና አስተዳደር በሮ ተሽከርካሪ በእሳት መጋየቱንም አቶ አዲሱ አስታውቀዋል።

ተሽከርካሪው ፀጥታ የማስከበበር ስራ ላይ በተሰማራበት ወቅት ቦምብ ጭኗል በሚል #በተሳሳተ_መረጃ በእሳት መጋየቱን አቶ አዲሱ ገልፀዋል።

ሆኖም ግን በተሽከርካሪው ላይ ምንም አይነት ቦምብ እንዳልነበረ ከኦሮሚያ ፖሊስ ኮሚሽን ማረጋገጣቸውንም አስታውቀዋል።

በአሁኑ ወቅትም አደጋው ጋር ተያይዞ ወጣቱን በመምሰል የህገ ወጥነት እንዲስፋፋ መንገድ የመዝጋት፣ የዝርፊያ እና በፍቅር አብሮ የኖሩ ብሄር ብሄረሰቦች ላይ ጉዳት ለማድረስ እንቅስቃሴ እየተደረገ መሆኑን ምልክቶች መታየታቸውንም ገልፀዋል።

*የከተማዋ ነዋሪዎች እና ወጣቶች ከዚህ ተግባር በመቆጠብ አስፈላጊውን ጥንቃቄ እንዲያደርጉም አሳስበዋል።

©FBC
@tsegabwolde @tikvahethiopia

እናት ነበረች ልጇን የገደለችው-ደሴ‼️

‹‹ፖሊስን #በማድከሜ እና ህዝቡን #በተሳሳተ መረጃ በማስቆጣቴም ተጸጽቻለሁ፡፡›› እናት
.
.
.
ባለፈው ሳምንት ደቡብ ወሎ ዞን ደሴ ከተማ ላይ አንድ ኢ-ሰብዓዊ ድርጊት መፈጸሙን ተዘግቦ ነበር፡፡ ድርጊቱም አንዲት የ7 ዓመት ህጻን #ከተደፈረች በኋላ እንደተገደለች የሚገልጽ ነበር፡፡

በዕለቱም ተጠርጣሪዉ በፖሊስ መያዛቸውን እና ድርጊቱም ነዋሪዎችን ማስቆጣቱን ነበር የተዘገበው፡፡

አሁን ከፖሊስ ያገኘነው መረጃ ደግሞ ጥርጣሬው ወደ ሌላ አካል እንዳመራ ያስረዳል፡፡ ጉዳዩን ለማጣራትም የአማራ ብዙኃን መገናኛ ድርጅት የደሴ ከተማ አስተዳደር ፖሊስ መምሪያ ኃላፊ ኮማንደር ደረጃ አሰፋን አነጋግሯል፦ ኮማንደሩም መረጃው ትክክል መሆኑን ነው ያረጋገጡት፡፡ ድርጊቱ የተፈጸመው ጥቅምት 24/2011 ዓ.ም ነበር፡፡ ቦታውም ደሴ ከተማ ነው፡፡ በዕለቱም ወላጅ እናት ‹‹ልጄ ጠፋችብኝ›› ብለው ለፖሊስ መረጃ ይሰጣሉ፡፡ ፖሊስም የምርመራ መጀመሪያውን እናት በሚሰጡት #ጥቆማ ላይ ያደርጋል፡፡የእናት ጥቆማ ደግሞ የቀድሞ የትዳር አጋራቸው ላይ ያርፋል፡፡ ምክንያታቸው ደግሞ ከዚህ በፊት በህጻኗ ላይ ይዝቱ ነበር የሚል ነው፡፡

ፖሊስም ጥቆማውን ተቀብሎ ምርመራውን ይቀጥላል፡፡ ከዚህ ላይ አሳዛኝ ድርጊት ተፈጽሞ ይገኛል፡፡ህጻኗ ተገድላ እና ተጥላ ነበር ፖሊስ ያገኛት፡፡ ፖሊስም ለምርመራ አስከሬኑን ወደ ደሴ እና ጥቁር አንበሳ ሪፈራል ሆስፒታል ይልካል፡፡

በዕለቱ ደግሞ ተጠርጣሪው በግምት ከምሽቱ 3፡00 አካባቢ በቁጥጥር ሰር ይውላል፡፡ ፖሊስም ምርመራውን ይቀጥላል፡፡ እየተገኙ የነበሩ ቁሳቁሶችና መረጃዎች ግን ፖሊስ ምርመራውን በእናት ላይም ማድረግ እንዳለበት ፍንጭ የሚሰጡ ነበሩ፡፡ በሂደትም ምርመራውን በእናት ላይ ይጀምራል፡፡ የፖሊስን ጥርጣሬ የሚያጎላ መረጃም ያገኛል፡፡አሁን የመጀመሪያው ጥርጣሬ ሚዛን ወደ ሌላ አቅጣጫ ይዞራል፤ እናት የሰጡት የእምነት ክህደት ቃል ሌላ ገጽታ ነበረውና፡፡

እናት ይነገራሉ ‹‹ልጄን #የገደልኳት እኔ ነኝ፤ ድርጊቱን የፈጸምኩት ግን ልጄን ለመቅጣት እንጂ ለመግደል አስቤ አልነበረም፤ እስካሁን ፖሊስን በማድከሜ እና ህዝቡን በተሳሳተ መረጃ በማስቆጣቴም ተጸጽቻለሁ›› ነበር ያሉት
ይላል የፖሊስ መረጃ፡፡

እናት በሰጡት ቃል እንደተመላከተው ለልጃቸው ልብስ ከገዙላት በኋላ ‹‹ለምን ጫማ አልተገዛልኝም?›› በሚል ጭቅጭቅ ይፈጠራል፡፡ መግባባትም አልቻሉም ነበር፡፡ በዚህም እናት በልጃቸው ላይ አካላዊ ቅጣት ይፈጽማሉ፤ በድንገትም ህጻኗ እስከወዲያኛው ታሸልባለች፡፡

በድረጊቱ የተደናገጡት እናት የልጃቸውን አስክሬን ከአካባቢው ሰውረው ነበር ለፖሊስ ጥቆማውን ያቀረቡት፡፡ እናት ቃላቸውን ለደሴ ከተማ አስተዳደር ፍርድ ቤትም ሰጥተዋል፡፡ ተጠርጣሪዋም ለጊዜው በደሴ ማረሚያ ቤት እንዲቆዩ ፍርድ ቤቱ ትዕዛዝ ሰጥቷል፡፡

ፖሊስ ግን ለተጨማሪ ምርመራ 14 ቀናት ጠይቋል፡፡ ምክንያቱ ደግሞ ከሆስፒታሉ የአስክሬን ምርመራ ውጤቱን እስከሚያገኝ እና መጀመሪያ ተጠርጥረው በተያዙት ሁለተኛ ተከሳሽ ላይም ተጨማሪ ምርመራ ማድረግ ስለፈለገ ነው ብለዋል ኮማንደር ደረጀ አሰፋ፡፡ የፍርድ ቤቱ ውሳኔ ግን ወደ ፊት የሚገለጽ ይሆናል፡፡

ምንጭ፦ አብመድ (አስማማው በቀለ)
@tsegabwolde @tikvahethiopia

ወንጀል ነክ መረጃ‼️

ባለትዳር ሆኖ ሳለ ያላገባ በሚል #በተሳሳተ_ማስረጃ ኮንዶሚኒየም ቤት የሸጠዉ አዛዉንት #በእስራት ተቀጣ፡፡ የ86 አመት እድሜ ያለዉ ተከሳሽ ፋንታሁን ረታ በ1996 ዓ.ም የወጣዉን የኢፌዴሪ የወንጀል ህግ አንቀፅ 692/1/ስር የተመለከተዉን ድንጋጌ በመተላለፍ በፈፀመዉ የማታለል ወንጀል ተከሷል፡፡

ተከሳሽ ትዳር መስርቶ በፍርድ ቤት በፍቺ እና በንብረት ክፍፍል ሂደት ላይ መሆኑን እያወቀ እና ይህንኑ መግለፅ ሲገባዉ የግል ተበዳይ ወ/ሮ የትምወርቅ በዳሳን የካ ሀያት 2 የቤት ቁጥሩ ብ357/05 የሆነ ባለሁለት መኝታ ኮንዶሚኒየም ቤት አለኝ በ1.300.000 ብር እሸጥልሻለሁ ትዳር የለኝም የግል ንብረቴ ነዉ በማለት ከ1980 ዓ.ም ጀምሮ ያላገባ የሚል የምስክር ወረቀት በማሳየት የተበዳይን የተሳሳተ እምነት ካገኘ በኋላ የቤት ሽያጭ ዉል በመፈፀም ብሩን የተቀበለ ሲሆን ተበዳይም ሽያጩን ለማስፈፀም ስትሄድ በባልና ሚስት ክርክር ታግዷል የተባለችና፤ በኋላም ፍርድ ቤቱ የጋራ ንብረት ነዉ በሚል ቤቱን በአይነት ወይም በሀራጅ እንዲካፈሉ የወሰነ በመሆኑ
በፈፀመዉ የማታለል ወንጀል የፌዴራል አቃቢ ህግ ክስ መስርቶበታል፡፡

ተከሳሽ በተከሰስኩበት ወንጀል የተጠቀሰዉን ያህል ብር አልወሰድኩም ሆኖም ግን 545.000 ብር ወስጃለሁ ስለቸገረኝ ቤቱንም ሽጫለሁ ባለቤቴ የሆነችዉን ሴትም የአጎቴ ልጅ ናት ብዮ አስመዝግቤአለሁ በዚህም ጥፋተኛ ነኝ ሲል የእምነት ቃሉን ሰጥቷል፡፡በተጨማሪም ከሳሽ የፌዴራል አቃቢ ህግ የሰዉና የሰነድ ምስክሮችን በማስረጃነት አያይዞ አቀርቧል፡፡

ግራ ቀኙን የተመለከተዉ የፌዴራል ከፍተኛ ፍርድ ቤት የቦሌ ምድብ የወንጀል ችሎትም ምስክሮቹን ካደመጠና ሰነዶቸን ከመረመረ በኋላ ተከሳሽን ጥፋተኛ ነዉ ሲል ፍርድ ሰጥቷል፣ በዚሁም መሰረት ህዳር 25 ቀን 2011 በዋለዉ 1ኛ የወንጀል ችሎት በ4 ዓመት ፅኑ እስራትና በ4000 ብር የገንዘብ መቀጮ እንዲቀጣ ወስኖበታል፡፡

ምንጭ፦ የፌደራል ጠቅላይ አቃቤ ህግ
@tsegabwolde @tikvahethiopia

ጎንደር ዩኒቨርሲቲ🔝

‹‹ተማሪዎች በዩኒቨርሲቲ ቆይታቸው ቀለምን እንጅ #ዘርን መቁጠር የለባቸውም፡፡›› የጎንደር ዩኒቨርሲቲ ፕሬዝዳንት ዶክተር #ደሳለኝ_መንገሻ
.
.
.
የጎንደር ዩኒቨርሲቲ ‹‹ኪነ- ጥበብ ለሰላም›› በሚል ሃሳብ ለተማሪዎች መድረክ አዘጋጅቷል። ዩኒቨርሲቲው መድረኩን ያዘጋጀው በግብርናና ገጠር ትራንስፎርሜሽን የትምህርት መርሃ ግብር በሚሰጥበት ጠዳ ካምፓስ ለሚገኙ ተማሪዎች ነው።

የዩኒቨርሲቲው ተማሪዎችም በተለያዩ ማህበራዊ የትስስር መረቦች የሚሰራጬ መረጃዎችን እውነታነት በማመዛዘን ያስተማራቸውን ማህበረሰብ የመጥቀም ሃገራዊ ሃላፊነታቸውን መወጣት እንደሚገባቸው ተገልጿል።

የዩኒቨርሲቲው ፕሬዝዳንት ዶክተር ደሳለኝ መንገሻ እንዳሉት ተማሪዎች ለግጭት የሚዳርጉ አስተሳሰቦችንና ተግባራትን በመታገል በልዩነት አብሮ የመኖር እሴትን ማጎልበት አለባቸው። ተማሪዎች በዩኒቨርሲቲ ቆይታቸው ቀለም ለመቁጠር እንጅ ዘር ለመቁጠር መሆን እንደሌለበትም ነው ያስገነዘቡት።

የጎንደር ዩኒቨርሲቲም ኪነ ጥበብ ለሰላም ያለውን ዋጋ በመገንዘብ መድረኮችን በመፍጠር ተማሪዎች ለሰላማዊ የመማር ማስተማር ሂደቱ ንቁ ተሳታፊ እንዲሆኑ አቅም የመፍጠር ተግባራችንን አጠናክሮ ይቀጥላል ብለዋል።

የአማራ ብዙኃን መገናኛ ድርጅት ያነጋገራቸው ተማሪዎች በበኩላቸው ቤተሰብና ሃገርን የመጥቀም ህልማቸው እንዲሳካ ተማሪዎች #በተሳሳተ_መረጃ ሳይረበሹ በመተሳሰብ ስሜት እውቀት መቅሰም እንዳለባቸው ነው የተናገሩት። ለዚህ እውን መሆን ደግሞ የበኩላቸውን አስተዋፆ እያደረጉ መሆኑን ነው የተናገሩት።

ጎንደር ዩኒቨርሲቲ ባዘጋጀው የኪነ ጥበብ መድረክ ሃገራዊ አንድነትን የሚያጎሉ የጥበብ ስራዎች ቀርበዋል።

ምንጭ፦ አብመድ
@tsegabwolde @tikvahethiopia