አዳማ🔝

ከየካቲት 5 እስከ 7 ቀን 2011 ዓ.ም በአዳማ ከተማ ሲካሄድ የቆየው 32ኛው የኢትዮ-ኬንያ የጋራ የድንበር ኮሚሽን ስብሳባ ውሳኔዎች በማሳለፍ ተጠናቀቀ።

በስብሰባው የድንበር አካባቢ ማህበረሰቦች የፖለቲካ፣ የፀጥታ፣ የኢኮኖሚና ማህበራዊ ጉዳዮች ላይ ውይይት በማካሄድ በቀጣይ የሁለቱን አገሮች ግንኙነት ለማሻሻል የሚያግዙ ውሳኔዎች ተላልፈዋል፡፡

ኢትዮጵያ እና ኬንያ በአዋሳኝ ድንበሮቻቸው አካባቢ ያላቸውን ዘርፈ-ብዙ ግንኙነት ይበልጥ #ለማጠናከር እንደሚሰሩ የጋራ የድንበር ኮሚሽን ስብሰባ ላይ #ከመግባባት ላይ ተደርሷል። በተጨማሪም በድንበር አካባቢ ለሰላም እና ፀጥታ ችግር ሊሆኑ የሚችሉ ጉዳዮች በጋራ ለመፍታት ከሚመለከታቸው የሁለቱ አገራት መ/ቤቶች እና የተጋሪ ድንበር አካባቢ አስተዳዳሪዎች የአገር ሽማግሌዎች የተውጣጣ የሰላም ኮሚቴ ተቋቁሞ ወደ ስራ አንዲገባ ከስምምነት ላይ ተደርሷል።

ሁለቱም ወገኖች ስምምነቶቹን ለመተግበር የሚያስችል በልዑካን ቡድን መሪዎቻቸው አማካኝነት ቃለ ጉባኤ ተፈራርመዋል።

ምንጭ፦ የውጭ ጉዳይ ሚኒስቴር ቃል አቀባይ ጽህፈት ቤት
@tsegabwolde @tikvahethiopia

ከአራዳ ~ ወረዳ 5 ወጣቶች🔝

አራዳ ወረዳ 5 የሚገኙ #ወጣቶች "በቂ ማስረጃ እጃችን ላይ እያለ፤ ሁሉን ነገር ጨርሰን የድጋፍ ደብዳቤ ተፅፎልን (ኮንቴነር ይሰራ የሚል)፣ ውል ተዋውለን፤ የቲን ቁጥር አውጥተን #ስራ_ከጀመርን በኃላ #አፍርሱ ብለውናል።" ሲሉ ቅሬታቸውን አሰምተዋል። የሚመለከተው አካል ጉዳዩን በትኩረት ተመልክቶ መፍትሄ ይስጠን ሲሉም ጠይቀዋል።

•ጉዳዩ የሚመለለተው አካል ምልሻ መስጠት ከፈለገ +251919743630 ወይም @tsegabwolde መጠቀም ይችላል!
@tsegabwolde @tikvahethiopia

"የአዲስ አበባ ጉዳይ #የሚመዘዘዉ የያዝነዉን ዋና አጀንዳ ትተን በሚያባሉን ጉዳዮች ላይ እንድንጠመድ ነዉ፡፡” አቶ #ካሳሁን_ጎፌ

@tsegabwolde @tikvahethiopia

አሳዛኝ ዜና‼️

በአዲስ አበባ ጉለሌ ክፍለ ከተማ ወረዳ 1 ልዩ ቦታው 31 ቁጥር ማዞሪያ አካባቢ ዛሬ ጠዋት በደረሰ የትራፊክ አደጋ ሁለት ሰዎች ሲሞቱ  ስድስቱ ደግሞ  የአካል ጉዳት ደረሰባቸው።

የአዲስ አበባ ፖሊስ ኮሚሽን ለኢዜአ እንደገለፀው አደጋው የደረሰው ተሳፋሪ ጭኖ ከቁስቋም ወደሽሮሜዳ ሲጓዝ የነበረ ሰሌዳ ቁጥሩ 10633 ኮድ አንድ የሆነ ሚኒባስ ታክሲ አቅጣጫውን ስቶ ከኤሌክትሪክ ማስተላለፊያ ምሶሶ ጋር በመጋጨቱ ነው።

በአደጋው ሁለት ተሳፋሪዎች #ሞተዋል፤ ጉዳት ከደረሰባቸው ስድስት ሰዎች መካከልም ሁለቱ በከባድ መጎዳታቸውም  ተመልክቷል። 

ጉዳት የደረሰባቸው ሰዎች በቅዱስ ጴጥሮስ ሆስፒታል ህክምና እየተደረገላቸው ነው። 

የአደጋው መንስኤ እየተጣራ እንደሆነም የኮሚሽኑ የህዝብ ግንኙነት ባለሙያ ኢንስፔክተር ማርቆስ ታደሰ ተናግረዋል።

በአደጋው የሞቱት ሴቶች ሲሆኑ የተጎዱት ደግሞ ወንዶች መሆናቸውን ነው ኢንስፔክተር ማርቆስ የጠቀሱት። 

በአደጋው መስተዋቱን ጨምሮ #የተሽከርካሪው አካል መጎዳቱን በቦታው የተገኘው የኢዜአ ሪፖርተር ተመልክቷል።

የዓይን እማኞች እንደገለፁት አደጋው በተሽከርካሪው ፍሬን ችግር የተከሰተ ነው።

በታክሲው ተሳፍረው ሲጓዙ የነበሩት አቶ አንዷለም ለማ እንዳሉት በጠዋት ወደ ቢሮ ለመሄድ በጉዞ ላይ እያሉ አንዲት ተሳፋሪ መውረጃዋ ደርሶ “ወራጅ” ብትልም ታክሲው ሊቆም አልቻለም።

“ከዚያም ከደቂቃዎች ልዩነት በኋላ የታክሲው ረዳት ሰዎችን ከመንገዱ ዞር እንዲሉ ማስጠንቀቅ ጀመረ፤ ሹፌሩም የመኪናውን መሪ ይዞ ሲታገል ነበር “ያሉት አቶ አንዷለም ከዛ በኃላ መኪናው ተጋጭቶ ሲቆምና ከመኪናው ውጪም የተጎዳ ሰው ማየታቸውን ያስታውሳሉ።

ተሳፋሪው ከተረጋጋ በኃላ ሁለት ሰዎች መሞታቸውን እንደሰሙም አክለዋል።

አሽከርካሪዎች ሲጓዙ የቴክኒክ ፍተሻ በማድረግ ራሳቸውንና ኀብረተሰቡን ከአደጋ መጠበቅ እንዳለባቸውም አቶ አንዷለም መልዕክት አስተላልፈዋል። 

ምንጭ፦ ኢዜአ
ፎቶ፦NTU(TIKVAH-ETH)
@tsegabwolde @tikvahethiopia

አብዲ ኢሌ‼️

ፍርድ ቤቱ ዐቃቤ ህግ በሶማሌ ክልል የቀድሞ ርእሰ መስተዳደር  #አብዲ_መሀመድ የክስ መዝገብ ላይ የምስክሮች ማንነት ለተከሳሶች እንዳይገለጽ ያቀረበውን አቤቱታ ተቀበለ።

ከሀምሌ 28 እስከ 30 ቀን 2011 ዓ.ም በሶማሌ ክልል የተፈጠረውን ሁከትና ብጥብጥ በተመለከተ ምርመራ ተጠናቆ ክስ መመስረቱ ይታወሳል።

ክስ ከተመሰረተባቸው 47 ግለሰቦች ውስጥ ፍርድ ቤት ቀርበው ክሳቸው የተነበበላቸው አብዲ መሀመድ ዑመር፣ ራህማ መሀመድ ሀይቤ፣ አብዱራዛቅ ሰሀኔ ኢልሚ፣ ፈርሃን ጣሂር በርከሌ ናቸው።

ጉሌድ ኦበል ዳውድ እና ወርሰሜ ሼህ አብዲ የፍርድ ቤቱን የስራ ቋንቋ ባለማወቃቸው ምክንያት እስካሁን ድረስ ዐቃቤ ህግ ያቀረበባቸውን ክስ እንዲረዱት አልተደረገም።

ፍርድ ቤቱም ዛሬ በዋለው ችሎት የሶማሊኛ ቋንቋ አስተርጓሚ በቋሚነት እንደሚመደብ አዟል።

ከዚህ ቀደም በነበረው ችሎት ዐቃቤ ህግ በጉዳዩ ላይ ያስረዱልኛል ያላቸውን የሰው ምስክሮች ከተከሳሾች መዝገብ ጋር በማያያዝ በምስክሮች ላይ ሞራላዊ፣ አካላዊ እና የደህንነት ስጋት እንዳይደርስባቸው ጥበቃ ለማድረግ እና ህጉም የሚፈቅድ መሆኑን በማስረዳት የተከሳሾች ማንነትና አድራሻ እንዳይገለፅ በጠየቀው መሰረት ፍርድ ቤቱ አቤቱታውን ተቀብሎታል።

የተከሳሽ ጠበቆችም የዐቃቤ ህግ ምስክሮች ለተከሳሾች እንዲገለጹ የተጠየቀበት ምክንያት የተከሳሾችን ህገ-መንግስታዊ መብት ለማስከበር እና ከጉዳዩ ጋር ለማጣጣም መሆኑን ነው ለፍርድ ቤቱ ያስረዱት።

የግራ ቀኙን ክርክር የተመለከተው የፌደራሉ ከፍተኛ ፍርድ ቤት ልደታ ምድብ 4ኛ ወንጀል ችሎትም ያልቀረቡ ተከሳሾችን እንዲቀርቡ ለመጠባበቅና ክሳቸው ያልተነበበላቸው በአስተርጓሚ እንዲረዱት ለማድረግ እንዲሁም ተገቢውን ትዕዛዝ ለመስጠት ለየካቲት 20 ቀን 2011 ዓ.ም ተለዋጭ ቀጠሮ መያዙን ከፌደራል አቃቤ ህግ የተገኘው መረጃ ይጠቁማል።

ምንጭ፦ የፌደራል ጠቅላይ አቃቤ ህግ
@tsegabwolde @tikvahethiopia

የፀጥታ ሁኔታው አስተማማኝ ነው~ጅግጅጋ!
.
.
ስምንተኛውን የከተሞች ፎረም #በጅግጅጋ ለማካሄድ ዝግጅቱ መጠናቀቁንና ምንም አይነት የፀጥታ ችግር አለመኖሩን የከተማ ልማትና ኮንስትራክሽን ሚኒስቴር ሚኒስትር ዴኤታ አቶ ካሳሁን ጎፌ ተናገሩ።

ዝግጅቱን አስመልክቶ በጅግጅጋ መግለጫ የሰጡት ሚኒስትር ዴኤታው ጅጅጋ ላይ የፀጥታ ሁኔታው አስተማማኝ ነው"፤ የክልሉ ፖሊስ ከፌዴራል የፀጥታ አካላት ጋርም በቅንጅት እየሰራ ነው ብለዋል።

በከተማዋ አስተማማኝ የፀጥታ ሁኔታ መኖሩን የገለፁት ሚኒስትር ዴኤታው ተሳታፊ ከተሞች ወደጅግጅጋ ገብተው ዝግጅታቸውን ጀምረዋል ብለዋል።

ዝግጅቶችን በተመለከተ ከነገ ጀምሮ እስከ ረቡዕ ከሚኖሩ ዝግጅቶች መካከል በጅግጅጋ ስቴዲየም የመክፈቻ ስነስርዐት፣ በከተሞች የስራ ዕድል ፈጠራ ኢንተርፕራይዞች ልማት፣ በመሬት ልማት ማኔጅመንት፣ በዘርፉ አጀንዳዎች ማለትም በከተማ ልማት፣ አረንጓዴ ልማትና አካባቢ ጥበቃ፣ በቤቶችና ኮንስትራክሽን እንዲሁም ተያያዥ ዘርፎች ዙሪያ ጥናታዊ ፅሁፎች ይቀርባሉ።

አቶ ካሳሁን ከተሞች ራሳቸውን የሚያስተዋውቁበት ኤግዚቢሽን የሚካሄድ ሲሆን ከዚህ በፊት በተደረጉ ፎረሞች የተስተዋለው የድምፅ ብክለት በዚህ አመት እንዳይኖር ከከተሞች ጋር መግባባት ላይ ተደርሷል ብለዋል።

ሀሙስ በሚኖረው የማጠቃለያ ስርዓት ለሞዴል ኢንተርፕራይዞች፣ ለሴት ስራ ፈጣሪዎች፣ በሁሉም ክልሎች ካሉ የሴክተር ተቋማት በአፈፃፀም ብልጫ ላገኙ እንዲሁም ለዩኒቨርሲቲ ተመራቂ ስራ ፈጣሪዎች እውቅናና ሽልማት ይሰጣል ተብሏል።

በተመሳሳይ የዘጠነኛው የኢትዮጵያ ከተሞች ፎረም አዘጋጅ በእለቱ ይፋ ይደረጋል፤ የዋንጫ ርክክብም ይኖራል ብለዋል ሚኒስትር ዴኤታው።

ስምንተኛውን የከተሞች ፎረም የተለየ ለማድረግ ከማሌዥያ አለምአቀፍ የከተሞች ፎረም ልምድ ተወስዷል ያሉት አቶ ካሳሁን ፎረሙ ለመጀመሪያ ጊዜ በታዳጊ ክልል መካሄዱም ልዩ ያደርገዋል ብለዋል።

የሱማሌ ክልል ከተማ ልማትና ኮንስትራክሽን ቢሮ ሀላፊ ዶ/ር #አብዱልፈታህ_ሸክቢሂ በበኩላቸው ክልሉ ፎረሙን ለማስተናገድ ዝግጅቱን አጠናቋል፤ ተሳታፊ ከተሞችም ወደ ጅግጅጋ እየገቡ ነው ብለዋል።

ቢሮ ሀላፊው በጥቂት ግለሰቦች ከወራት በፊት ተከስቶ የነበረው ችግር ገፅታችንን አበላሽቶ የነበረ ቢሆንም አሁን ግን ምንም የፀጥታም ይሁን የደህንነት ችግር የለም ብለዋል።

ዶ/ር አብዱልፈታህ ስምንተኛው የከተሞች ፎረም የክልላችንን ብሎም የከተማችንን አስተማማኝ ሰላም የምናረጋግጥበትና በተግባርም የምናሳይበት እንዲሆን ሰፊ ስራ ሰርተናል ውጤቱንም እያየን ነው ብለዋል።

ስምንተኛው የኢትዮጵያ ከተሞች ፎረም ከየካቲት 9-14/2011 ''መደመር ለኢትዮጵያ ከተሞች ብልፅግና'' በሚል መሪ ቃል በጅግጅጋ ይካሄዳል።

ምንጭ፦ EPA
@tsegabwolde @tikvahethiopia

#update የኤርትራ ፐብሊክ ዲፕሎማሲ ልዑክ ባሕር ዳር ገባ፡፡ የፐብሊክ ዲፕሎማሲና የባህል ቡድን ልዑኩ 55 አባላትን ያካተተ ሲሆን÷ እውቁ አርቲስት በረከት መንግስትአብ እንደሚገኝበትም ነው የተገለጸው፡፡ የጉብኝቱ አላማ የሀገራቱን ታሪካዊ ግንኙነትና የህዝብ ለህዝብ ግንኙነቱን ለማጠናከር ያለመ ነው ተብሏል።

Via FBC
@tsegabwolde @tikvahethiopia

የቻግኒው ወጣት ተቀብሮ ተገኘ‼️

ጥር 30/2011 ዓ.ም በቻግኒ ከተማ
ለስራ እንደ ወጣ ከነ ባጃጁ ደብዛው የጠፋው ወጣት #ሀሰን_ሁሴን ዛሬ ቻግኒ ከተማ ክብሪት ፋብሪካ ተብሎ በሚታወቀው ከከተማው የመዝናኛ ቦታ #ተቀብሮ ተገኝቷል። ያሽከረክረው የነበረው ባጃጅ እስከ ዛሬ የደረሰበት #አይታወቅም።

Via Chagni Communication
@tsegabwolde @tikvahethiopia