ለትምህርት ሚኒስቴር‼️የተማሪዎች መግቢያ በፍኖተ ካርታ ውይይት ምክንያት በድጋሜ መራዘሙ ተገልጿል። ይህ ነገር የተሰማው ትላንት ነው። በተለይ በጥቅምት ወር የመጀመሪያዎቹ ቀናት ወደ ተቋማቸው የተጠሩት ተማሪዎች የአውሮፕላን እና የባስ ትኬት ቆርጠው ሲጠባበቁ ነበር። ይባስ ብሎም ከሩቅ አካባቢ ወደተቋማቸው ጉዞ የጀመሩም አሉ። ለመሆኑ ለነዚህ ተማሪዎች ምን የታሰበ ነገር አለ?? ትኬት የቆረጡ ተማሪዎችስ ገንዘባቸው ተመላሽ እንዲደረግ ይሰራል?? ከተለያዩ የትራንስፖርት አገልግሎት ሰጪ ተቋማት ጋርስ ውይይት ተደርጓል??

@tsegabwolde @tikvahethiopia

አስቸኳይ‼️ የአርባ ምንጭ ዩኒቨርስቲ ከጥቅምት 1-3 ብሎ የመግቢያ ቀን ቢያስቀምጥም ትምህርት ሚኒስቴር እንዲያራዝም በድጋሚ በማስታወቁ ላልተወሰነ ጊዜ የመግቢያ ቀኑ ተራዝሟል።

ምንጭ:-ከዩኒቨርሰቲው ኮርፖሬት ኮሚኒኬሽን
@tsegabwolde @tikvahethiopia

ከወላይታ ሶዶ⬆️

"የዓለም መምህራን ቀን 2018 "The right to Education means the right to a qualified teacher"በሚል መርህ ቃል በወላይታ ሶዶ ዩኒቨርስቲ የኢትዮጵያ መምህራን ማህበር ፕሬዝዴንት አቶ ዮሐንስ በንቲ እንዲህም የትምህርት ሚኒስቴር ተወካይ የደቡብ ክልል ትምህርት ቢሮ ኀላፊ ዶ/ር እሼቱ ከበደ የወላይታ ሶዶ ዩኒቨርስቲ መምህራን ፣ከተለያዩ ዩኒቨርስቲዎች የተመራረጡ ጥናታዊ ጽሁፎች አቅራቢዎች እንዲሁም የተለያዩ ጥሪ የተደረገላቸው እንግዶች እና ባለድርሻ አካላት በተገኙበት ለ2 ቀናት የሚቆይ ኮንፈረንስ እየተካሄደ ይገኛል።"

@tsegabwolde @tikvahethiopia

አምቦ ዩኒቨርሲቲ⬆️የነባር ተማሪዎች የምዝገባ ቀን ላልተወሰነ ጊዜ መራዘሙን ተቋሙ ዛሬ ባወጣው ማስታወቂያ ገልጿል። 26/01/2011

@tsegabwolde @tikvahethiopia

መልካም ዜና🙏ዘቢባ በሽር ተገኝታለች። ቤተሰቦቿ ለእናተ የቲክቫህ ኢትዮጵያ ቤተሰብ አባላት #ምስጋናቸውን አቅርበዋል።

@tsegabwolde @tikvahethiopia

#update ጠ/ሚ ዶ/ር ዐብይ - ሀዋሳ⬇️

11ኛው የኢህአዴግ ድርጅታዊ ጉባዔ የማጠቃለያ ስነ ስርዓት #በሀዋሳ ከተማ በዛሬው ዕለት ተከናውኗል።

በዚህ ወቅት ንግግር ያደረጉት የድርጅቱ ሊቀመንበር ዶክተር አብይ አህመድ፥ የኢትዮጵያ ህዝብ የሀገሪቱን #ሰላም ለማስጠቅ ከመንግስት ጐን እንዲሆን ጥሪ አቅርበዋል።

ሊቀመንበሩ በንግግራቸው፥ 11ኛው የኢህአዴግ ድርጅታዊ ጉባዔ በሀገሪቱ ውስጥ የነበሩ ህጎች፣ ደንቦችና መመሪያዎች የማያሰሩ ከሆነ እንዲሻሻሉ አቅጣጫ እንደተቀመጠ አስታውቀዋል።

#የምርጫ_ኮሚሽንና የሰብዓዊ መብት ኮሚሽን በአመራር፣ በቴክኖሎጂና በተለያዩ መንገዶች እራሳቸውን #እንዲያሻሽሉ ጉባዔው መወሰኑንም ተናግረዋል።

በሀገሪቱ በቀጣይ የሚካሄደው ምርጫ ነጻ፣ ፍትሃዊና ገለልተኛ እንዲሆን በሀዋሳ ለሶስት ቀናት የተካሄደው ጉባዔ ውሳኔ ማሳለፉን ነው ሊቀመንበሩ ያስታወቁት።

ሀገሪቱን እያስተዳደረ ያለው ፓርቲ በአዲስ ጉልበት አዲስ ሀይል #በወጣቱ እየተደራጀ መሆኑን የገለፁት ዶክተር አብይ፥ #ተፎካካሪ ፓርቲዎችም ከወዲሁ በመሰባሰብ ጠንካራ #አማራጭ ፓርቲ መሆን እንደሚገባቸው አሳስበዋል።

ሊቀመንበሩ፥ ፓርቲያቸው ለተፎካካሪ ፓርቲዎች መሻሻል አስፈላጊውን ድጋፍ ለመስጠት መዘጋጀቱን የገለፁ ሲሆን፥ ማሸነፍ ብቻ ሳይሆን መሸነፍም እንዳለ በመገንዘብ መንቀሳቀስ እንደሚገባቸው አሳስበዋል።

ተፎካካሪ ፓርቲዎች ኢትዮጵያን ለማገልገልና የተሻለ ለመሆን በአዲስ አመራር፣ በወጣቶች እና በምሁራን እራሳቸውን ማደረጃት እንዳለባቸውም ነው የተናገሩት።

ለኢትዮጵያ የሚያስፈልጋት እውነተኛ፣ ትክክለኛና ጠቃሚ መረጃዎችን ለህብረተሰቡ የሚያደርሱ መገናኛ ብዙሃን ናቸው ያሉት ሊቀመንበሩ፥ መገናኛ ብዙሃን #የኢትዮጵያዊ ማንነትን ባልጣሰ መልኩ ሊንቀሳቀሱ ይገባል ብለዋል።

ጉባዔው ለግብርና፣ መስኖ ልማት እና ኢንቨስትመንት ትኩረት በመስጠት የስራ አጥነትነትን ለመቀነስ በልዩ ሁኔታ እንዲሰራ አቅጣጫ እንዳስቀመጠም ተናግረዋል።

የቀጣይ የትኩረት አቅጣጫ ቱሪዝም መሆኑን የተናገሩት ዶክተር አብይ፥ ኢትዮጵያውያን ከዘርፉ ተጠቃሚ ለመሆን እራሳቸውን በተለያዩ መንገዶች ማዘጋጀት እንደሚገባቸውና አፍሪካውያን ወንድሞቻቸውን ለመቀበል እንዲዘጋጁ አሳስበዋል።

የሀገሪቱ ከተሞች ያደጉና ድህነትን የቀነሱ እንዲሆኑ በቀጣይ በትኩረት ለመስራት አቅጣጫ እንተጠቀመጠ ጠቅላይ ሚኒስትሩ አስታውቀዋል።

በተለይ የአፍሪካ መዲና የሆነችውን አዲስ አበባ ፅዱና ውብ ለማድረግ እንደሚሰራ የተናገሩ ሲሆን፥ ለዚህም የከተማዋ ወጣቶችና ነዋሪዎች ከመንግስት ጎን እንዲሆኑ ጥሪ አቅርበዋል።

ኢህአዴግ ውስጣዊ አንድነት በማጠናከር #የኢትዮጵያውያን አንድነት ለመጠበቅ ይሰራልም ብለዋል።

ብልሹ አሰራር ከባህላችን ጋር የሚቀራን ነው ያሉት ሊቀመንበሩ፥ ሁሉም ኢትዮጵያዊ በሚከፈለው ልክ ሳይሆን ከሚከፈለው በላይ መስራት እንደሚገባው ተናግረዋል።

ምንጭ፦ ፋና ብሮድካስቲንግ
@tsegabwolde @tikvahethiopia

ፎቶ⬆️በሀዋሳ ኢንተርናሽናል ስታዲየም የነበረውን የኢህአዴግ ጉባኤ የማጠቃለያ ስነ ስርዓት የTIKVAH-ETH ቤተሰብ አባል የሆነው #SOFI የፕሮግራሙን ገፅታ የሚያሳዩ ፎቶዎችን ልኮልናል።

እናመሰግናለን!
@tsegabwolde @tikvahethiopia

ባህር ዳር BiT‼️እስካሁን ምንም የተሰማ ነገር የለም። ጥሪው የሚራዘም ከሆነ አሳውቃችኋለሁ።

@tsegabwolde @tikvahethiopia

#update ኢህአዴግ የደርግ መሰል #የቤት_ልማት_ፖሊስ ተግባራዊ ሊያደርግ ነው ተብሏል። በሀዋሳ በተደረገው የድርጅቱ 11ኛ ጉባኤ ላይ በቀረበው ሰነድ መሰረት #የመጠለያ ችግርን ከመቅረፍ አንፃር መሬት እና ፋይናንስ በማቅረብ ዜጎች ቤታቸውን #በራሳቸው ገንብተው የቤት ባለቤት የሚሆኑበት አሰራር ተግባራዊ ይደረጋል። መንግስት ቤት በራሱ ገንብቶ ለህብረተሰቡ ተደራሽ አደርጋለሁ ሲል ቢቆይም ከፍላጎት አንፃር መሄድ ያልቻለ እና #በሙስና እና #ብልሹ አሰራር የተተበተበ መሆኑ ሲያስተቸው መቆየቱ አይዘነጋም። በአዲሱ እቅድ መሬት እና ብድር ተመቻችቶ ቤት ፈላጊዎች በራሳቸው ይገነባሉ። ይህ አሠራር ደርግ እስከ መውደቂያው እለት ሲተገብረው የነበረ እና በርካቶችን እንዳ አቅማቸው የቤት ባለቤት እንዲሆኑ ያደረገበት ፖሊሲ እንደነበር ይታወሳል።

ምንጭ፦Muluken Yewondwossen,ENF
@tsegabwolde @tikvahethiopia