ከቀይ መስቀል⬆️

"ቀይ መስቀል:- ከቡራዩና አካባቢው ለተፈናቀሉ ወገኖች ችግሩ ከተከሰተበት ዕለት አንስቶ በማስተባበር ፣ በመንከባከብ፣ ቤተሰቦቻቸውን በማገናኘት ፣ አምቡላንስ በማቅረብና ህመም የሚያጋጥማቸውን ወደ ህክምና ማዕከላት በማመላለስ ፤ ውሀ በቀይ መስቀል ቦቴ በማቅረብ ፤ የተጠለሉበትን ቦታ በማፅዳት እና የህፃናትን ገላቸውን በማጠብና ንፅህናቸውን በመጠበቅ ከአዲስ አበባ ወጣቶች ጋር የቀይ መስቀል በጎፈቃደኞች እጅግ በሚደንቅ ወገናዊነት በማገልገል ላይ ይገኛሉ። ዛሬም በፎቶ እንደሚታየዉ የመጡ እርዳታዎችን በማሠራጨት ላይ ናቸው። አኩሪ የህሊና እርካታን የሚያስገኝ ሰብዓዊ ተግባር እያከናወኑ ይገኛሉ።"

@tsegabwolde @tikvahethiopia

#update አዲስ አበባ⬇️

የአርበኞች ግንቦት 7 አቀባበል ኮሚቴ አባል የሆነው ወጣቱ ፖለቲከኛ #ብርሃኑ_ተክለያሬድን ጨምሮ በአዲስ አበባ እና በአዲስ አበባ ዙሪያ #ሁከት እንዲፈጠር ረድተዋል በሚል የተጠረጠሩ ፍርድ ቤት ቀረቡ።

ፖሊስ ምርመራውን ለማጠናቀቅ የጠየቀው የ14 ቀን የጊዜ ቀጠሮም ተፈቅዶለታል።

በልደታ ከፍተኛ ፍርድ ቤት 19ኛ ምድብ ችሎት የቀረቡት ተጠርጣሪዎች በበኩላቸው ሰብዓዊ መብትን #የሚጥስ አያያዝ እየተተገበረባቸው እንደ ሆነ ለፍርድቤቱ ተናግረዋል።

የተጠርጣሪዎቹ ጠበቃ የሆኑት ሄኖክ አክሊሉ ደንበኞቻቸው በጨለማ እና ቀዝቃዛ ክፍል እንዲታሰሩ መደረጋቸውን፣ ከህገ-መንግስቱ በተፃራሪ ፍርድ ቤት የቀረቡት ከ48 ሰዓታት በኋላ መሆኑን እንዲሁም ወጣት ብርሃኑ ተክለ ያሬድ በተለይ «የአዕይምሮ ህመም አለበት» ተብሎ ከሚጠረጠር ሰው ጋር እንዲታሰር መደረጉ ለህይወቱ አስጊ መሆኑን ለፍርድ ቤቱ ማስረዳታቸውን ለቢቢሲ ተናግረዋል።

ፍርድ ቤቱም ተጠርጣሪዎች በተገቢው መንገድ እንዲያዙ ፖሊስን ማሳሰቡንም አክለው ነግረውናል።

ፖሊስ ተጠርጣሪዎች ሁከትን በማስተባበር እና በመፍጠር ውስጥ ያላቸውን ተሳትፎ ያሳያሉ ያላቸውን ሰነዶች እና የባንክ ደብተር እንዳሉት ሆኖም ተጨማሪ ማስረጃ ለማሰባሰብ ተጨማሪ ቀን ያስፈልገኛል በማለት የጊዜ ቀጠሮ ጠይቋል።

ብርሃኑ ተክለያሬድ ከዚህ ቀደም በሰማያዊ ፓርቲ ውስጥ በነበረው ተሳትፎ ፣ቆየት ብሎ ደግሞ «የአርበኞች ግንቦት 7 ንቅናቄን ሊቀላቀል ሞክሯል» በሚል ለእስር መዳረጉ አይዘነጋም።

ብርሃኑ በቅርቡ ከእስር ከተፈቱ የፖለቲካ እስረኞች መካከል አንዱ ነበር።

ምንጭ ፦ BBC

@tsegabwolde @tikvahethiopia

ሪፖርት📌የዓለም ጤና ድርጅት ባወጣው አዲስ ሪፖርት በዓለማችን በአማካይ ከ20 ሰዎች ውስጥ አንዱ በአልኮል መጠጥ #እንደሚሞቱ ጠቁሟል።

በፈረንጆቹ 2016 ብቻ ከ3 ሚሊየን በላይ ሰዎች መሞታቸውም በሪፖርቱ ተካቷል።
ከዚህ ውስጥ ከ75 በመቶ የሚበልጡት ወንደች መሆናቸው ተገልጿል።

የአልኮል መጠጡ ለጉዳት በመዳረግ የሚሞቱት ሰዎች 28 በመቶ ሲሆኑ፣ ለምግብ መፈጨት ችግር በመጋለጥ የሚሞቱት 21 በመቶ ያህል ናቸው።

19 በመቶ ያህሉ ደግሞ የአልኮል መጠጡ በሚፈጥረው የልብ ችግር ህይወታቸውን እነደሚያጡ ሪፖርቱ ጠቁሟል።

ቀሪዎቹ ለካንሰር፣ ለቁስ ህመሞች፣ ለአዕምሮ ችግርና ሌሎች በአልኮል ምክንያት ለሚመጡ የጤና መታወክ በማጋለጥ ሰዎችን ለሞት መዳረጋቸውም ተነግሯል።

የአልኮል መጠጥን መጠቀም በዓለም ላይ ከሚገኙ በሽታዎች 5 በመቶ ያህሉ እንዲባባሱ ማድረጉም ነው የተገለጸው።

በዓለም ላይ 237 ሚሊየን ወንዶችና 46 ሴቶች በአልኮል መጠጥ ምክንያት ለአዕምሮ ችግር መዳረጋቸውንም ሪፖርቱ አሳይቷል፤ ለዚህ ጉዳት ከተዳረጉት መካከል አውሮፓውያን ቀዳሚ ሲሆኑ አሜሪካውያን ይከተላሉ።

የዓለም ጤና ድርጅት ዋና ዳይሬክተር ዶክተር #ቴድሮስ_አድሃኖም ጤናማ ትውልድ ለመገንባት ለሚደረገው ጥረት ስጋት የደቀነውን የአልኮል መጠጥ አጠቃቀም መዛባት ለመከላከል በትጋት መስራት አለብን ብለዋል።

በዓለም ላይ 2 ነጥብ 3 ቢሊየን ያህል ሰዎች አልኮል ይጠጣሉ። በርካታ ታዳጊዎችም 15 ዓመት ሳይሞላቸው አልኮል መጠጣት እንደሚጀምሩ የዓለም የጤና ድርጅት መረጃ ያሳያል።

ምንጭ፦ሲኤንኤን
@tsegabwolde @tikvahethiopia

#update ቡራዩ⬇️

ከቡራዩ ከተማ ከተፈናቀሉት መካከል 1 ሺህ 700 ያህሉ ወደ መኖሪያ ቀያቸው
#መመለሳቸውን የአዲስ አበባ ከተማ አስተዳደር አስታወቀ።

የከተማዋ ኮምንኬሽን ቢሮ እንደገለጸው በአዲስ አበባ ዙሪያ የኦሮሚያ ልዩ ዞን ቡራዩ ከተማ በአሁኑ ወቅት መረጋጋት በመፈጠረቱ ነው በአዲስ አበባ ጊዜያዊ የመጠለያ ጣቢያዎች ተጠልለው የነበሩት #ተፈናቃዮች መመለስ የጀመሩት።

በመጪው ሰኞ መስከረም 14 ቀን 2011 ዓ.ም የትምህርት ዘመን የመጀመሪያ እለት በመሆኑ በትምህርት ቤቶች ውስጥ ተጠልለው የሚገኙ ተፈናቃዮችን ወደ ሌላ ስፍራ የማዘዋወር ስራ መጀመሩን ቢሮው አክሎ አስታውቋል።

በአሁኑ ወቅትም ተፈናቃዮች ተጠልለው ከሚገኙበት 9 ትምህርት ቤቶች ወደ ሌላ ቦታ የማሸጋሸግ ተግባር እያከናወነ እንደሚገኝ ገልጿል።

©የአዲስ አበባ ኮሚኒኬሽን
@tsegabwolde @tikvahethiopia

የምስራች!!

🇪🇹 በሀገራችን ምርት እንጠቀም! እንኩራ! 👍🏽

በውጭ ሀገር ለምትኖሩ ኢትዮጵያውያን! 🌎

ሳያመልጣችሁ በሀገራችን የቴክኖሎጂ ጠቢባን ተዘጋጅቶ የቀረበውን አለም አቀፉን የRingAround Appን በስልካችሁ ላይ ቶሎ በመጫን ወደ ሀገር ቤት ይደውሉ! 📞📞📞

የRingAround App

✅ ጥራቱ አስተማማኝ! 😀
✅ ዋጋው ተመጣጣኝ! 👌🏽
✅ ለመደወል ቀላል! 😎
✅ ነፃ ከአፕ ወደ አፕ የመደወል አገልግሎት!👏🏽
✅ የደንበኞች አገልግሎት በአማርኛ! 😍

ዛሬውኑ ሲጭኑት
በሰሜን አሜሪካ $2 የመደወያ ዶላርን በነፃ እንሰጣለን!
በአውሮፓና በአውስትራልያ $1 የመደወያ ዶላርን በነፃ እንሰጣለን!

➡️ለመጠቀም ቀጣዩን ይጫኑ 🇪🇹🇪🇹🇪🇹
https://ringaround.lpages.co/et-tikvah-downloadringaroundapp


በተጨማሪ፦ @RobelTDesta

📌በውጭ ሀገር ለሚኖሩ ዘመድ አዝማዶችዎ የምስራቹን ያካፍሏቸው!

#update አዲስ አበባ⬆️

በቦሌ ክፍለ ከተማ ወረዳ 09 በተለምዶ ዘይት መጭመቂያ ተብሎ በሚጠራው ቦታ ጤፍን ከባዕድ ነገሮች ጋር በመቀላቀል እንጀራ በሚሸጡ ግለሰቦች ላይ በህብረተሰቡ #ጥቆማ በቁጥጥር
ስር ውሏል፡፡

ወ/ሪት ወርቄና ትዕግስት አዳነ እንጀራ በመጋገር ለአንድ ወር ሰርተዋል፡፡

በቆይታቸውም 45 ኪሎ ግራም ጤፍን 100 ኪሎግራም ጀሶ ጋር በመቀላቀል ለባለሱቆች ያከፋፍላሉ፡፡

የማይሸጥና የተበላሸ እንጀራን #ጀሶ ከተቀላቀለበት ጤፍ ጋር እንደገና
በመቀላቀል ለጥቅም እንደሚውል የታዘቡትን ያስረዳሉ፡፡

በህብረተሰቡ ላይ ብዠታ የሚፈጥሩ ነገሮችን ለፖሊስና ጉዳዩ ለሚመለከታቸው አካላት ጥቆማ መስጠት እንደሚገባ ለዳት ሳጅን ተክሌ በቀለ ጠቁመዋል፡፡

የቦሌ ክፍለ ከተማ የምግብና መድሀኒትና ጤና እንክብካቤ አስተዳደር ቁጥጥር ጽ/ቤት ሀላፊ አቶ በሐይሉ ዘለቀ በተገኘው ጥቆማ መሰረት ወደ ቦታው ከባለድርሻ አካላት ጋር ወደ ቦታው በመሄድ እንጀራ ጋጋሪዎች የንግድ ፍቃድና የብቃት ማረጋገጫ የሌላቸው መሆኑን ጠቅሰው ለእንጀራ የሚውል ሶስት ኩንታል #ባዕድ ነገር ማግኘታቸውን ተናግረዋል፡፡

ጤፍን ከባዕድ ነገር ጋር ቀላቅለው በሚሸጡ ግለሰቦች ላይ የማያዳግም እርምጃ እንደሚወሰድ አስታውቀዋል፡፡

ምንጭ: የክ/ከተማውን ኮምኒኬሽን ቢሮ
@Ttsegabwolde @tikvahethiopia

ጥቆማ‼️መንግስት ወደሀገር ያስገባቸውን እና ሀገር ውስጥ ያሉትን #ሁሉንም የቴሌቪዥን ጣቢያዎች ክትትል ሊያደርግባቸው ይገባል። ችግሮች ከመፈጠራቸው በፊት አሁን እያታዩ ያሉ መስመር የለቀቁ ከስነ ምግባር የወጡ እቅስቃሴዎች ከወዲሁ ሊገቱ ይገባል።

‼️የሩዋንዳውን እልቂት ማስታወስ ተገቢ ነው‼️

ነፃነት ማለት እንደፈለጉ መሆን፤ ህግ መጣስ፤ ከስነ ምግባር ውጭ መሆን አይደለም። ሁሉም ነገር ገደብ እና ልክ አለው። አሁን መሬት ላይ ያለው ጥብቅ #እርምጃዎችን የመውሰድ እንቅስቅሴ ይበረታታል።


የመንግስት ተቀዳሚ ስራው ህግ እና ስርዓትን ማስከበር ነው‼️
@tsegabwolde @tikvahethiopia

ጥንቃቄ📌ከአዲሱ የትምህርት ፎኖተ ካርታ ጋር ተያይዞ የ2011 ዓ.ም. #ተመራቂ የለም እተባለ የሚሰራጨው መረጃ የሀሰት መሆኑ ልታውቁት ይገባል።
@tsegabwolde @tikvahethiopia

ከድሬደዋ አስተዳደር ፖሊስ ኮሚሽን የተሰጠ መግለጫ⬇️

በድሬደዋ አስተዳደር ባሳለፍናቸው ጥቂት ቀናት በከተማው ግጭቶችና ሁከቶች ሊፈጠሩ ይችላሉ በሚል በተለያዩ ማህበራዊ ሚዲያዎችና የተለያዮ የህ/ብ ክፍሎች #የስጋት ሀሳቦች መመንጨታቸውን ተከትሎ ፖሊስ በወቅታዊ ጉዳይ ላይ መግለጫ መስጠቱ የሚታወቅ ነው::

ይህንንም ተከትሎ ፖሊስ ሌሎች የፀጥታ ሀይሎችና መላው ህብረተሰብ ባከናወናቸው ተግባራት ስጋቶቹን #እያመከነ በከተማው አሁን ላይ ያለው አጠቃላይ የፀጥታ ሁኔታ በአስተማማኝ ደረጃ ላይ እንዲገኝ ያደረገ ሲሆን ይህው የፀጥታ ሀይልና ህብረተሰብም ይህንኑ ሰላምና ፀጥታ አጠናክሮና የበለጠ አስጠብቆ በማስቀጠል ላይም ይገኛል። በዚህም ፖሊስ ለመላው የአስተዳደሩ ነዋሪና ወጣቶች ምስጋናውንም ያቀርባል።

ይህ ይሁን እንጂ ከፀጥታ ማስፈንና የህግ የበላይነት ከማረጋገጥ ተግባር ጋር ተያይዞ እያጋጠሙ ያሉና ሊታረሙ የሚገባቸው ጉዳዮች እንዳሉም ልብ ሊባል ይገባል።

በመሆኑም አሁን ላይ ያለውን ሰላምና ፀጥታ ወደ ላቀ ደረጃ በማሸጋገር የተጀመሩ የለውጥ ሂደቶች ለማስቀጠል ብሎም የትርምስና የብጥብጥ አላማ ያላቸውን ሀይሎች ከምንጫቸው ለማድረቅና እኩይ ተግባራቸውን ለማምከን ትኩረት መስጠትና ጥንቃቄ ማድረግ አስፈላጊ ሆኖ በመገኘቱ ፖሊስ በሚከተሉት ጉዳዮች ላይ ክልከላ የተደረገ መሆኑን ያሳውቃል።

1ኛ:- ለፖሊስና ለፀጥታ ሀይሉ አሳዉቆ ተገቢውን ባጅና መለያ ሳያደርጉና ሳይዙ በቡድን ተደራጅቶ የጥበቃ እገዛ ሰጪነን ብሎ መንቀሳቀስ

2ኛ:-በተናጥልም ይሁን በቡድን የስለት መሳሪያዎችን ይዞ መንቀሳቀስ

3ኛ:-ከአስተዳደሩ የፀጥታ ምክር ቤትና ከሚመለከተው አካል ፍቃድ ሳያገኙ ህዝባዊ ስብሰባ ማካሄድ የተከለከለ መሆኑን #በጥብቅ ያሳስባል።

መላው የአስተዳደራችንም ነዋሪ ይህንኑ በመገንዘብና በመረዳት ለሰላሙና ለህግ የበላይነት መረጋገጥ እያደረገ ያለውን አስተዋፆና እያሳየ ያለውን እጅግ ከፍተኝ ትብብርና እገዛውን አጠናክሮ እንዲቀጥል ጨምሮ ፖሊስ ጥሪውን ያቀርባል።

መስከረም 12 ቀን 2011 ዓ.ም
የድሬደዋ አስተዳደር ፖሊስ ኮሚሽን

@tsegabwolde @tikvahethiopia

#update ዶ/ር #አብይ_አህመድ በመጨረሻ ሰአት በተደረገ የጉዞ #ለውጥ ምክንያት በሚቀጥለው ሳምንት የአለም መሪዎች ከሚገናኙበት የተ.መ.ድ ስብሰባ #መቅረታቸውን ለጉዳዩ ቅርበት ያለው ግለሰብ ለAPው ጋዜጠኛ ኤልያስ መሰረት ገልጿል። ዶ/ር አብይ በዘንድሮው ስብሰባ ከፍ ባለ ሁኔታ ከሚጠበቁት የአለም መሪዎች አንዱ እንደሚሆኑ ተገምቶ ነበር።

@tsegabwolde @tikvahethiopia

#update ድፍድፍ ነዳጅ⬇️

በኢትዮጵያ ለሙከራ የወጣው ድፍድፍ ነዳጅ ለኤክስፖርት የሚውል አለመሆኑን የመአድን፣ ነዳጅና ተፈጥሮ ጋዝ ሚኒስቴር ገለጸ፡፡

በማዕድን ነዳጅና ተፈጥሮ ጋዝ ሚኒስቴር ሚኒስትር ዴኤታ አቶ #አሰፋ_ኩምሳ ድፍድፍ ነዳጁ ለኢንዱስትሪዎች በግብአትነት የሚውል
መሆኑን ገልጸዋል፡፡

ድፍድፍ ነዳጁን የማውጣት ስራ አሁንም ተጠናክሮ ቀጥሏል ብለዋል ከወራት በፊት በሶማሌ ክልል ድፍድፍ ነዳጅ በሙከራ መልክ መውጣቱ ይታወሳል፡፡

©etv
@tsegabwolde @tikvahethiopia

Haramaya University⬇️

"To all HU, HiT (HU,Haramaya instititute of Technology)senior students the registration date is postponed to tikimt 1&2 and for fresh students tikimt 6&7. Hunde Tilahun HIT students union president."

@tsegabwolde @tikvahethiopia

#update በሀዋሳ ከተማ በተወሰኑ አካባቢዎች በመኖሪያ ቤቶች ላይ ልዩ ምልክት እየተደረገ እንደሆነ እና ይህም ስጋት ውስጥ እንደከተታቸው ነዋሪዎች ገልፀዋል።

📌መንግስት በዚህ አይነት ህዝብን የማሸበር ድርጊት ውስጥ ያሉ አካላትን ከከተማው ህዝብ ጋር በመሆን ሊለይ እና ለህግ ሊያቀርብ ይገባል።
@tsegabwolde @tikvahethiopia