ТАЙИНЛОВ: Шеробод туманига янги ҳоким тайинланди

Халқ депутатлари Шеробод тумани кенгашининг навбатдан ташқари сессиясида ташкилий масала кўриб чиқилди.

Сессияда туман ҳокими лавозимида ишлаб келган Халилов Зайнобиддин Жалолитдинович соғлиги туфайли ўз аризасига кўра вазифасидан озод этилганлиги маълум қилинди. Унинг ўрнига Алимов Усмон Иброҳимович туман ҳокими вазифасини бажарувчи этиб тасдиқланди.

Усмон Алимов 1983 йил 6 апрелда Денов туманида туғилган. 2007 йил ва 2014 йилда Термиз давлат университетини, 2021 йилда Президент ҳузуридаги давлат бошқарув академиясини тугатган. Маълумоти бўйича мутахассислиги – миллий истиқлол ғояси ҳуқуқ ва маънавият асослари, иқтисодиёт, давлат бошқаруви.

У. Алимов 2013-2019 йилларда вилоят ҳокимлигида турли вазифаларда ҳамда Узун тумани ҳокимининг биринчи ўринбосари лавозимларида фаолият юритган.

2019 йилдан буён Сурхондарё вилояти статистика бошқармаси бошлиғи лавозимида ишлаб келаётган эди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site | Twitter

“Жаҳолатга қарши маърифат” шиори остида тарғибот тадбири ўтказилди

Дин ишлари бўйича Қўмитанинг Сурхондарё вилояти бошқармаси ҳамда Термиз туман ҳокимлиги ва ҳамкор ташкилотлар томонидан “Экстремизм, терроризм ва миссионерликнинг асл қиёфасини намоён этувчи “Жаҳолатга қарши маърифат” шиори остида тарғибот тадбири ташкил этилди.

Тадбир жараёнида мавзуга доир расмлар танлови ўтказилиб, унда тумандаги умумтаълим мактабларида таҳсил олаётган 12 ёшдан 17 ёшгача бўлган иқтидорли ва ҳаваскор рассом ўқувчилар иштирок этишди. Якунда энг яхши деб топилган асар муаллифлари ташкилотчилар томонидан тақдирланди.

Шунингдек, ўқувчи-ёшларни диний ақидапарастлик, экстремизм ва терроризмнинг салбий оқибатларидан огоҳ этиш мақсадида “Биз жамиятимизда ҳар қандай радикаллашувга, ёшларимиз онгини бузғунчи ёт ғоялар билан заҳарланишига, диндан сиёсий мақсадларда фойдаланишга, маърифат ўрнини жаҳолат эгаллашига йўл қўймаймиз” мавзусида тарғибот-ташвиқот ишлари ҳам амалга оширилмоқда.

Термиз тумани ҳокимлиги Ахборот хизмати

Каналга уланиш: t.iss.one/termiztumanhokimligi
Telegram | Facebook | Instagram | YouTube | Web-site | Twitter

“Янги Ўзбекистон – мактаб остонасидан бошланади” мавзусида маънавий-маърифий тадбир бўлиб ўтди

Республика Маънавият ва маърифат маркази, Ўзбекистон фахрийларини ижтимоий фаолиятини қўллаб-қувватлаш “Нуроний” жамғармаси ҳамда Сурхондарё вилояти ҳокимлиги билан ҳамкорликда Термиз туманидаги 34-сонли умумтаълим мактабида “Янги Ўзбекистон – мактаб остонасидан бошланади” шиори остида уч авлод учрашуви ташкил этилди.

Тадбирда сўз олганлар ёшлар тарбиясида нуронийларнинг бой ҳаётий тажрибасидан унумли фойдаланиб, ўқувчилар ўртасида турли кўнгилсиз ҳолатларнинг олдини олиш, ёшларга яратилган имкониятлардан унумли фойдаланиш борасида сўз юритилди.

Шунингдек, меҳмонлар таълим муассасасида ўқувчиларга яратилган шарт-шароитлар билан танишиб, ўқувчиларнинг келгусидаги режалари ва фикр-мулоҳазалари билан ўртоқлашишди.

Термиз тумани ҳокимлиги Ахборот хизмати

Каналга уланиш: t.iss.one/termiztumanhokimligi
Telegram | Facebook | Instagram | YouTube | Web-site | Twitter

Ислоҳотлар амалда: Истиқлол маҳалласининг 5 та кўчаси асфалтьланди

Аҳоли мурожаатларини ҳал этиш, турмуш шароитларини яхшилаш ва маҳаллалар инфратузилмасини ривожлантириш мақсадида қатор тадбирлар амалга ошириб келинмоқда.

Ана шундай тадбирларнинг навбатдагиси туман ҳокимлиги ташаббуси билан “Истиқлол” маҳалласида амалга оширилди. Маҳалланинг 5 та кўчасидаги 1,7 км масофадаги ички тош йўлларга маҳаллий бюджетдан ажратилган маблағлар эвазига тўлиқ асфальт қопламаси ётқизилди.

Иш жараёнларида кўмак кўрсатган аҳоли вакиллари миннатдорчилик билдирамиз.

Термиз тумани ҳокимлиги Ахборот хизмати

Каналга уланиш: t.iss.one/termiztumanhokimligi
Telegram | Facebook | Instagram | YouTube | Web-site | Twitter