TerDU va Hanshin universiteti o'rtasida memorandum imzolandi

✔️Termiz davlat universitetiga Janubiy Koreyaning Hanshin universiteti Xalqaro hamkorlik markazi direktori Ox Su Yun va markaz mutaxassislari professor Choy Min Son, professor Chun Yon Sulardan iborat delegatsiya tashrif buyurdi.

✔️Muloqot davomida Termiz davlat universiteti rektori, professor Avazjon Maraximov Koreya va Oʻzbekiston oʻrtasida iqtisodiy-ijtimoiy, taʼlim tizmidagi hamda madaniy-maʼrifiy yoʻnalishlarda samarali aloqa oʻrnatilganligini alohida taʼkidlab oʻtdi. Bundan tashqari universitetda taʼlim sifatini rivojlantirishda Koreya tajribasidan keng foydalanish va shu bilan birga ikki oliygoh oʻrtasida samarali hamkorlikni yoʻlga qoʻyish professor-oʻqituvchilar hamda talabalar uchun keng imkoniyatlarni taqdim etishini aytib oʻtdi.

✔️Uchrashuvda shuningdek, Termiz davlat universiteti va Hanshin universiteti oʻrtasida hamkorlik istiqbollari muhokama qilinib, kelajakda koreyalik mutaxassislarni universitet oʻquv jarayoniga jalb etish, koreys tilini oʻrgatish markazini yoʻlga qoʻyish, tegishli yoʻnalishlar boʻyicha qoʻshma dasturlar ochish hamda talabalar almashinuvi dasturlarini tashkillashtirish shartlari koʻrib chiqildi.

✔️Uchrashuv yakunida TerDU va Hanshin universiteti oʻrtasida professor-oʻqituvchi va talabalar almashinuvini yoʻlga qoʻyish, hamkorlikda ilmiy loyihalarni amalga oshirish yuzasidan memorandum imzolandi.

Uchruv doirasida mehmonlar talabalarning munosib shart-sharoitlarda tahsil olishlari uchun universitetda yaratilgan zamonaviy qulayliklar va jahon standartlari asosida bunyod etilayotgan binolarning loyihalari bilan yaqindan tanishdi.

🔽 Bizni kuzatishda davom eting!
———————————————-
✅Telegram |🌐 Instagram |✅ Facebook |📹 You tube|🌐Sayt

#Rektor_kubogi

🏆Termiz davlat universitetida Kasaba uyushma qoʻmitasi hamkorligida professor-o‘qituvchilar va ishchi xodimlar o‘rtasida “Rektor kubogi” musobaqasi bo'lib o'tdi.

⚽️ Har bir fakultetdan jamoalar shakllantirilib, futbol bellashuvlari o‘tkazildi. Qizg‘in va murosasiz bahslarga boy bo‘lgan musobaqa natijalariga ko'ra:

🥇1-òrin Sport faoliyati va boshqaruvi fakulteti;
🥈2-òrin Rus va qardosh tillar fakulteti;
🥉3-òrin Rektorat jamoasiga nasib etdi.

🔽 Bizni kuzatishda davom eting!
———————————————-
✅Telegram |🌐 Instagram |✅ Facebook |📹 You tube|🌐Sayt