Yurardim qachonlardir betashvish-u beg'am.
E'tibor qilmabman dardin bilsam ham.
Endi foydasi yo'q qancha achinsam,
Qaytib kelmas yerga otlangan bobom

Uch kun jim yotdilar shiftga boqqancha,
Biror so'z demasdan qalbim yoqqancha,
Hisoblab gunoh-u va savobin qancha,
Sukutda kimlarni o'ylagan bobom.

Uch kun azoblanib ozor chekdilar,
Umr bog'lariga dardni ekdilar,
G'amning yaprog'idan kafan tikdilar,
O'zining ajalin sog'ingan bobom.

Uchkun ham o'tdi-yu tilga kirdilar,
Mehribonim sekin yaqin tortdilar,
Mendan rozi bo'lgin qiynalma deya,
Nasihatlar aytib vidolashdilar.

Men nodon tushunmay vido so'zini,
Yolg'iz tashlab ketdim bilmay o'zini,
Ortiq ko'rolmadim o'tli ko'zini,
Bir umr ko'ziga zor etgan bobom.

Bobojon mehribon, g'amxo'r edingiz,
Asaldayin shirin edi so'zingiz,
Sog'inib eslaydi telba o'g'lingiz
Nabiram deb, Ög'lim deb yashagan bobom.

Kuz kelib xazonlar to'kildi bir bir,
Kimdir vafot etdi, tug'ildi kimdir,
Vafotizga mana to'libdi yillar
Olloh dargohiga yo'l olgan bobom.

Qabringiz yonida turibman mana,
Siz sevgan gullardan keltirdim yana,
Ko'ksimdan otilib yosh chiqdi ana
Mening ko'zlarimni yoshlatgan bobom.

Bobojon o'ksinmang ranjiganim yo'q,
Ko'zimga chang kirdi yig'laganim yo'q,
Yaxshiman ko'nglingiz qilavering to'q
Tushlarimda holim so'ragan bobom.

Yig'lamayman degandim yig'ladim biroq,
Axir kimsa yo'q-ku sizdan yaqinroq,
Ne uchun ketdingiz olislab yiroq,
Qaytib kelmas yerdan joy olgan bobom.