#ARM #ochilish_marosimi

🖥 TATUda tashkil etilgan eng zamonaviy ARMning ochilish marosimi bo‘lib o‘tdi

💻 Hozirgi kunda talabalar ilm olishlari uchun qulayliklarni kengaytirish borasida Toshkent axborot texnogiyalari universitetida qator amaliy ishlar olib borilmoqda.

Xususan, bugun, 20-sentyabr kuni Universitetda yangidan barpo etilgan, 1120 kv.m. maydonga ega zamonaviy Axborot-resurs markazining ochilish marosimi bo'lib o'tdi. Ochilish marosimida TATU rektori B.Maxkamov ishtirok etib, barchani samimiy qutladi.

🗒 Markaz barcha zamonaviy jihozlarga ega bo‘lib, 450 o‘ringa mo‘ljallangan o‘quv xonalari, 170 o‘ringa moslashgan 4 ta kompyuter xonasidan iborat.

🤫 ARMda "Silent hall" (sukunat xonasi) mavjud bo‘lib, u yerda shovqinlarsiz dars qilish, fikrlarni jamlash, online uchrashuvlar o'tkazish mumkin.

🎮 Bundan tashqari, mazkur markazda davlat OTMlari ichida yagona bo'lgan, kibersportchi talabalar uchun "Cyber club" tashkil etilgan. Unda universitet kibersport jamoalari eng yuqori tezlikli internetdan, so‘nggi rusumdagi kompyuterlardan hamda xalqaro musoboqalarda malakaga ega mentorlar maslahatlaridan foydalangan xolda yirik musobaqalarga tayyorlanishlari mumkin.

👥 Ahamiyatlisi, bir vaqtning o‘zida 600 nafar talaba markaz qulayliklaridan foydalanish imkoniyatiga ega. Axborot-resurs markazi jami 47 000 nomda 350 000 nusxadagi ilmiy, o‘quv va xorijiy adabiyotlar bilan boyitilgan hamda darsliklar bilan boyitilgan.

✈️@tuituz_official

#live #jonli_efir

▶️Erta tongdan GPA ko'rsatgichi yuqori bo'lgan 200dan ortiq 2-bosqich talabalari “Bir bo‘lsak – yagona xalqmiz, birlashsak – Vatanmiz!” shiori ostida "Oqtosh" dam olish maskani tomon ko'tarinki kayfiyatda yo'lga chiqishdi.

✈️@taturektori

#TATU_talabalari #Videolavha #Teambuilding

Oqtoshdagi musiqiy tadbirdan videolavhalar.

🎵 “Bir bo‘lsak – yagona xalqmiz, birlashsak – Vatanmiz!” shiori ostida "Oqtosh" dam olish maskanidagi tadbirlar davom etmoqda. Ayni vaqtlarda mazali tushlikdan so'ng tashkil etilgan musiqiy tadbirda talabalarimiz sho'x-shodon qo'shiqlarga raqsga tushishmoqda.

👥 Umid qilamizki, bunday ko'ngilochar - "Team building" tadbirlar yoshlarimizda emotsional-stress holatlari yuzaga kelishini oldini olib, birgalikda, jamoa bo'lib ishlashda yuqori natija beradi.

✈️ @taturektori

#forum #TATU #hamkorlik

📶 Turkiyaning Istanbul shahrida Oʻzbekiston va Turkiya Oliy taʼlim muassasalari rektorlarining uchinchi forumi bo’lib o’tmoqda.

🖋 Mazkur forum doirasida Muhammad al-Xorazmiy nomidagi Toshkent axborot texnologiyalari universiteti va Turkiya davlatining Firat universiteti o’rtasida professor-o‘qituvchi va talabalar almashinuvini tashkil etish, o‘zaro o‘quv hamda seminarlar tashkil etish, birgalikda ta’lim sifatini oshirish, stajirovka va malaka oshirish kurslarini tashkil etish kabi yo‘nalishlarida o‘zaro aloqalarni yo’lga qo’yishni nazarda tutgan hamkorlik shartnomalar imzolandi.

🗒 Ma'lumot uchun:
Fırat Universiteti — davlat universiteti bo'lib, Turkiyaning Elazig shahrida joylashgan. 1975 yilda tashkil etilgan va nomi Elazig yaqinidagi Furot daryosiga atab qo'yilgan. Universitet sharqiy Turkiyaning asosiy akademik muassasalaridan biri bo‘lib, 12 ta fakultet, 4 ta institut, davlat konservatoriyasi, 3 ta kasb-hunar maktabi va 21 ta ilmiy tadqiqot markaziga ega. Universitet ilmiy va texnologik taraqqiyotga katta eʼtibor beradi.

✈️@taturektori