#forum #delegatsiya

💻 Ayni kunlarda Muhammad al-Xorazmiy nomidagi Toshkent axborot texnologiyalari universiteti delegatsiyasi Xitoy Xalq Respublikasining Pekin shahrida O‘zbekiston va Xitoy universitetlari o‘rtasidagi hamkorlikni rivojlantirish istiqbollariga bag‘ishlangan birinchi “O‘zbekiston-Xitoy ta’lim forumi”da ishtirok etmoqda.

📊 Xalqaro forumda Xitoy Xalq Respublikasining 100 dan ortiq O‘zbekiston OTMlaridan esa 40 ga yaqin rektorlar ishtirok etmoqdalar. Mazkur forumda ikki mamlakat oliy ta’lim muassasalari o‘rtasida ko’plab sohalarda hamkorlik aloqalarini yo‘lga qo‘yishni ko’zda tutgan “O‘zbekiston va Xitoy universitetlari hamkorligi to‘g‘risida”gi Pekin deklaratsiyasi qabul qilindi hamda ikki davlat oliy ta’lim muassasalari o’rtasida hamkorlik shartnoma va memorandumlari imzolandi.

✈️@taturektori

#delegatsiya #Xitoy

👥 Xitoy Xalq Respublikasining Pekin shahrida boʻlib oʻtgan “Oʻzbekiston-Xitoy taʼlim forumi” doirasida Muhammad al-Xorazmiy nomidagi Toshkent axborot texnologiyalari universiteti (TATU) va nufuzli reytinglarda dunyoning yetakchi TOP 300 talikda qayd etilgan Xian Jiatoung Universiteti (XJTU) oʻrtasida XJTU taʼlim dasturlari asosida TATUdagi mavjud taʼlim dasturlari transformatsiyasini amalga oshirish, taʼlim sifatini nazorat qilishda hamkorlik qilish, vorkshoplar tashkil etish bo‘yicha hamkorlik aloqalarni kengaytirishni ko’zda tutgan “Yoʻl xarita” imzolandi.

🗒 Shuningdek, forum doirasida Muhammad al-Xorazmiy nomidagi Toshkent axborot texnologiyalari universiteti va dunyoda yetakchi texnologik universitetlardan biri boʻlgan Xitoyning Dalian Neusoft axborot texnologiyalari universiteti oʻrtasida ikki universitet professor-oʻqituvchilarining oʻzaro tajriba almashishini yoʻlga qoʻyish, talabalar almashinuvi dasturlari, talabalar oʻrtasida startap va innovatsion ekotizimni rivojlantirishga koʻmaklashish bo‘yicha hamkorlik shartnomasi imzolandi.