#TATU_Nurafshon
#Profilaktik_tadbir

🤩 Muhammad al-Xorazmiy nomidagi TATU Nurafshon filialida payshanba profilaktika kuni munosabati bilan "Jaholatga qarshi ma’rifat" shiori ostida "Radikallashuv va uning oqibatlari"  mavzusida ma’naviy, huquqiy-profilaktik tadbir bo‘lib o‘tdi.

💬 Tadbirda filial Yoshlar masalalari, ma’naviy- ma’rifiy ishlar bo‘yicha direktorning birinchi  o‘rinbosari B.Boboyorov, Din ishlari bo‘yicha Qo‘mitaning Nurafshon shahar bosh mutaxassisi Q.Rasulov, O‘zbekiston Musulmonlar idorasi Toshkent viloyati Nurafshon shahar bosh imom xatibi A.Rustamov, filial ma’naviyat va ma’rifat bo‘limi boshlig‘i K.Pardaboyeva, professor-o‘qituvchilar hamda talaba- yoshlar ishtirok etishdi.

🎙 Tadbirda so‘zga chiqqanlar talabalarda sog‘lom dunyoqarashni shakllantirishda dunyoviy ilmlarning ahamiyati, dunyoviy davlat va din munosabatlari, O‘zbekiston Respublikasi "Vijdon erkinligi va diniy tashkilotlar to‘g‘risida"gi qonunning mazmun-mohiyati, radikalizmning turli ko‘rinishlari, jumladan diniy radikalizm, diniy mutaassiblik, ekstremistik-radikal guruhlarning zararli mafkuralari va g‘oyalarining jamiyat a’zolari, xususan yoshlar uchun xavfli oqibatlari va ulardan himoyalanish yo‘llari haqida batafsil ma’lumotlar berishdi. Yurtimizda diniy bag‘rikenglik hamda adashganlarni sog‘lom hayotga qaytarishga bag‘ishlangan videofilm namoyish etildi. Profilaktik tadbir savol-javoblar asnosida yuqori saviyada o‘tkazilib, mazkur tadbir talaba-yoshlarni g‘oyaviy asrab- avaylash, ma’naviy immunitetini mustahkamlash hamda ma’naviy raqobatbardoshlik fazilatlarini shakllantirishda muhim ahamiyat kasb etdi.

👩‍💻 nbtuit.uz |✈️ Telegram  |📷 Instagram | 📒Facebook