Bugun Sport vazirligi hamda uning tizimidagi muassasa va tashkilotlariga ajratilgan budjet mablagʻlaridan maqsadli va samarali foydalanish maqsadida “Budjet intizomini kuchaytirish, xarajatlarni optimallashtirish, ajratilgan budjet mablagʻlaridan maqsadli va samarali foydalanish” boʻyicha joriy yilda doimiy nazorat ishlarini olib borish yuzasidan yigʻilish oʻtkazildi.

Oʻzbekiston Respublikasi Hisob palatasi sho'ba mudiri J. Hayitov, Sport vazirligining ushbu yo'nalishga mas'ul tarkibiy tuzilma xodimlari ishtirok etgan yig'ilishni vazir oʻrinbosari M.Ismailov olib bordi.

Yigʻilishda 2024-yilda budjet mablagʻlaridan maqsadli foydalanish va uning samaradorligini oshirish yuzasidan amalga oshirilgan ishlar toʻgʻrisida hisobot berildi.

Shuningdek, 2025-yilda budjet intizomini mustahkamlash va budjet toʻgʻrisidagi qonunchilik hujjatlarining buzilish holatlarini profilaktika qilish, budjet xarajatlarining samaradorligi va natijadorligini oshirish yuzasidan vazifalar belgilandi.

Web-Sayt | Telegram | Facebook | Instagram | Youtube