🔹Бу сыл бэс ыйын 7 күнүгэр Чөркөөххө Былатыан Ойуунускай аатынан Судаарыстыбаннас музейыгар Гос.Дума депутата С.В.Авксентьеваны кытары көрсүһүү буолла. Олохтоохтор депутаты кытта атах тэпсэн олорон күннээҕи кыһалҕаларын кэпсэттилэр. Оскуола директора С.В.Сунхалыров орто оскуолаҕа капитальнай өрөмүөнү, олохтоохтор нэһилиэк иһинээҕи суолу-ииһи, халаан содулуттан чөлүгэр түһэриини түргэтэтиини эттилэр. Ууга барбыт дьиэлэргэ көмө түргэнник оҥоһулларыгар уо.д.а. ТЫА киһитин күннээҕи кыһалҕаларын тула санаа эттилэр, туруорустулар.

Светлана Халгаева

@gazetataatta
@ulusmedia

🌿Хас биирдии киһи дьиэ кэргэҥҥэ иитиллэр, оҕо сааһа иллээх, эйэлээх, сиэрдээх олоххо ааспыт буоллаҕына, бу киһи үтүө, бигэ олохтоох буола улаатара саарбахтаммат. Таатта улууһа дьиэ кэргэни сыаналыыра, өрө тутара хайҕаныан эрэ сөп. Сылтан сыл аайы көмөтө, өйөбүлэ элбиир. Тааттатааҕы ГТАС управлениетын кытары «Сарыал» култуура киинин өйөбүлүнэн хаһыс да сылын субуруччу Тааттыныскай нэһилиэк дьаһалтата араас кэрдиис кэмҥэ үбүлүөйдээх сылларын туолар дьиэ кэргэттэрин чиэстээн ааһары үтүө үгэскэ кубулутта. Быйылгы 55, 50, 45, 40 уо.д.а. үбүлүөйдээх дьиэ кэргэттэр үөрүүлээх тэрээһиннэригэр мустан, Кыайыы болуоссатыгар оҥоһуллубут клумбаларга юннатскай станция бэлэмнээбит сибэкки рассадатын үөрэ-көтө олортулар.

#тааттахаһыат
@ulusmedia

❤️Ону тэҥэ бу күн кыһыл көмүс сыбаайбалаах Екатерина Игнатьевна, Михаил Петрович Бурнашовтар аадырыстарыгар элбэх үтүө тыл этилиннэ, өйдөбүнньүк бэлэх туттарылынна, эҕэрдэ бастыҥа ананна.
🔸Ол курдук ГТАС салаатын сэбиэдиссэйэ Нария Васильевна Пестрякова, улуус дьаһалтатыттан солбуйааччы Алена Гаврильевна Гуляева, ветераннар сэбиэттэриттэн Маргарита Арисовна Попова, Екатерина Игнатьевна салайар "Айылҕаана" түмсүүттэн Любовь Петровна Луковцева эҕэрдэлээтилэр, чэгиэн доруобуйаны, дьолу-соргуну баҕардылар.

@gazetataatta
@ulusmedia