Қумқўрғон туманидаги корхоналар фаолияти ва лойиҳалар тақдимоти билан танишилди

Вилоят ҳокими Улуғбек Қосимов Қумқўрғон туманига ташрифи давомида ишлаб чиқариш корхоналари фаолияти, янгидан бунёд этилаётган объектлар қурилиши ва келгусида режалаштирилган лойиҳалар тақдимоти билан танишди.

Қумқўрғон тумани “Азларсой” маҳалласида “QUMTEX INVEST” МЧЖ томонидан умумий қиймати 47 млн доллар бўлган, тўқимачилик фабрикаси ташкил этилмоқда. Фабрика ишга тушгач ингичка толали ип калавани бўяш ва тўқимачилик маҳсулотлари ишлаб чиқарилади. Лойиҳа 2023 йил 4-чорагида ишга туширилиши режалаштирилган бўлиб, 800 та иш ўрни яратиш ҳамда тўлиқ қувватда йиллик маҳсулот экспорти 35 млн долларга етказилиши прогноз қилинган.

Вилоят раҳбари лойиҳа ҳудудида олиб борилаётгн қурилиш ишларини кўздан кечирар экан, ўзининг таклиф ва тавсияларини бериб, тадбиркордан режалаштирилган кўрсаткичларнинг тўлиқ бажарилиши, айниқса иш ўринларининг яратилишига алоҳида эътибор қаратишни сўради. Масъулларга лойиҳа ҳудудидаги мавжуд муаммолари бартараф этиш, лойиҳани сифатли ишга туширишда тадбиркорни қўллаб-қувватлаш бўйича топшириқлар берилди.

Шунингдек, ушбу маҳалла ҳудудида жойлашган “Бизнес капитал” МЧЖ томонидан ун ишлаб чиқариш корхонаси фаолияти билан танишилди. Ҳали қурилиши давом этаётган, бир қисми ишга туширилган корхонанинг умумий қиймати 16,9 млрд сўмни ташкил этади. Корхона тўлиқ ишга тушгач доимий 40 та иш ўрни яратилади. Йиллик ишлаб чиқариш қуввати 5,4 тонна ун маҳсулотини ташкил этадиган корхонага ускуналар Туркия давлатидан келтирилган.

Вилоят ҳокими корхона фаолияти билан танишиш чоғида мавжуд муаммоларни ўрганди. Масъулларга корхонага элтувчи автомобиль йўлини таъмирлаш, сув ва электр энергияси таъминоти билан боғлиқ муаммоларни ҳал этиш топшириғи берилди.

Шундан сўнг, вилоят раҳбари Қумқўрғон тумани ҳокимлиги биносида туманда амалга оширилиши режалаштирилган бир қатор лойиҳалар тақдимоти билан танишди. Жумладан, тақдимот ишида 2021-2040 йилларга мўлжалланган чегара лойиҳаси, “Дўстлик” маҳалласида 80 та, “Боғаро” маҳалласида 80 та, “Янги шаҳар” маҳалласида 20 та хонадонга мўлжалланган турар жой массивлари ҳамда “Нефтчилар” маҳалласида 50 та хонадонга мўлжалланган, кам таъминланган оилалар учун ижтимоий уй-жойларнинг лойиҳа таклифлари билан танишилди.

Вилоят раҳбари ҳар бир лойиҳа билан батафсил танишиб, ўзининг таклиф ва тавсияларини берди. Уй-жойлар лойиҳаларини сифатли ишлаб чиқиш, ҳозирда қурилиши олиб борилаётган уй-жойларнинг сифатига ва қулайлигига эътибор қаратиш бўйича масъулларга топшириқлар берилди.

Сурхондарё вилояти ҳокимлиги Матбуот хизмати

Каналга уланиш: t.iss.one/axborot_xizmati
Telegram | Facebook | Instagram | YouTube | Web-site

⚡️Сурхондарё вилоятининг қайси кўчаларида ҳаракат тезлиги камайтирилди?

Йўл ҳаракати хавфсизлигини таъминлаш бўйича республика махсус комиссиясининг 2023 йил 17 январь куни тасдиқланган 3-сонли баёни билан Қорақалпоғистон Республикаси, Тошкент шаҳар ҳамда вилоятларнинг айрим ҳудудларида транспорт воситаларининг юқори ҳаракат тезлиги соатига 60 километр этиб белгиланди.

🛣 Хусусан, Сурхондарё вилоятида:

Термиз шаҳридаги Шукрона, Тараққиёт, Тоҳаристон, Ёшлар, Фидокор, И.Каримов, Баркамол авлод, Истиқлол, Беруний, Меҳридарё, Шимолий Дарвоза, А.Темур, Ал Ҳаким ат-Термизий, Навбаҳор, А.Навоий ва Ибн Сино кўчаларида транспорт воситаларининг юқори ҳаракат тезлиги соатига 60 километр бўлади.

❗️Энди бу йўлларда 70 км/соат тезликда юриш жаримага сабаб бўлади.

🌐 https://t.iss.one/AOKA_Surxondaryo

“Mening kelajakdagi kasbim” mavzusida onlayn videoroliklar tanlovi g‘oliblari aniqlandi.

O‘quvchilarni kasb-hunarga yo‘naltirish va psixologik-pedagogik respublika tashxis markazining 2023-yil 9-yanvardagi buyrug‘iga asosan Surxondaryo viloyatidagi umumta’lim maktablarining 9-,10-,11-sinf o‘quvchilari o‘rtasida “Mening kelajakdagi kasbim” mavzusida onlayn ko‘rik-tanlov o‘tkazilayotganligi bo‘yicha ma’lumotlar berilgan edi.
Onlayn ko‘rik-tanlovda jami 1000 ga yaqin o‘quvchilar ishtirok etishdi va o‘zlarining kelajakdagi kasblarini videorolik orqali ko‘rsatib berishdi.
G‘oliblar bilan quyida tanishing:
1-o‘rin: Denov tumanidagi 49-sonli umumta’lim maktabining 10-sinf o‘quvchisi Ochildiyeva Shahnoza Abdivohid qizi;
2-o‘rin: Sariosiyo tumanidagi 27-sonli umumta’lim maktabining 10-sinf o‘quvchisi Axmedova Pokiza Inoyatullo qizi;
3-o‘rin: Termiz shahridagi 9-sonli umumta’lim maktabining 9-sinf o‘quvchisi Ismoilova Zahro Isomiddinovna.
“Mening kelajakdagi kasbim” korik tanlovi g‘oliblarini muborakbod etamiz!

Kanalga ulanish: https://t.iss.one/surxonvxtb

Surxondaryo viloyati Xalq taʼlimi boshqarmasi Matbuot xizmati