#мақола
Мустақиллигимиз абадий бўлсин!

Юртимиз ҳаётидаги унутилмас кунларидан бири Ўзбекистонимиз мустақилликка эришган кун мустақиллик байрами куни.
Бу кунларни ота-боболаримиз асрлар давомида интиқиб, орзиқиб кутган чунки асрлар давомида шаклланган қадриятларимиз топталиб, коммунистларнинг ёлғон  сафсаталари асосида ёшларимизни манқуртларча тарбиялашга зўр берилди. Халқимизнинг зиёли, ўқимишли, уламо-фузалоларини йўқ қилиш орқали, миллатнинг тарихини, ўзлигини йўқотиш, қолган билимсиз авлодни саводсизлигидан қайси тарафга бурса эргашиб кетаверишига осонлик билан эришиш мақсади ётар эди. Айниқса, даҳрийлик сиёсатининг динни йўқ қилиш, бунинг учун диний уламоларни йўқ қилишни кўзда тутгани яққол мисоллардан, тарихий воқеалардан кўриниб турибди.            
     Шундай бўлса-да, халқимиз шунча қийинчиликларга қарамасдан, ўз имон-эътиқодидан воз кечмади. Қадриятларини яширин бўлса ҳам авайлаб асраб келди. Қадимдан воҳамиз ўзининг илму ирфони, масжиду мадрасалари, уламолари ва фузалолари билан нафақат шарқда, балки бутун оламга донг таратган. Диёримиздан ҳам диний, ҳам дунёвий соҳада дунё таниган буюк муҳаддислар, муфассирлар, тилшунослар, тарихнавис олимлар, математиклар, астромлар, йирик мумтоз адабиёт намоёндалари, мутасаввиф шоирлар етишиб чиқган. Халқимиз мустақиллик туфайли яна ўзининг илму маърифати билан дунё юзини кўрмоқда.
Мустақиллик туфайли юртимизда ислом динига бўлган муносабат тубдан ўзгарди. Кундан кунга юртимизда янги масжид ва мадрасалар бўй кўтармоқда. Кун сайин ҳожиларимиз сони кўпаймоқда. Қадимий обидаларимиз, қадамжойлар тикланди. Ислом цивилизация марказлари, Ислом академияларининг очилиши чин маънода ислом динига бўлган юксак эътиборнинг самарасидир.
Асрлар, замонлар ўтса ҳам, барчамизга ўзлигимзни англаш, инсоний шаънимизни, қадр-қимматимизни, ўз юртимизни севишни, тилимиз, муқаддас динимизни ва тарихимизни қайтариб берган Аллоҳ бу улуғ айём Ватанимиз мустақиллигини абадий қилсин. Амин.

Бандихон тумани бош имом хатиби. Н. Махаммадиев
https://t.iss.one/surxonmuslimuz

#РАДДИЯ
Исломда ватанпарварлик тушунчаси.

Исломда ватанга муҳаббат-бу туғилиб ўсган юртига нисбатан эъзоздан иборатдир! Мусулмон киши Ватанини севади! Унинг иқболи учун ҳаракат қилади, уни ҳимоя қилади, хурсанд бўлса-хурсанд, хафалик етса-қайғуради.
Инсон "Ватан менга нима берди?" деб эмас, балки "мен Ватанимга нима қилдим?" деган олий туйғу билан яшамоғи лозим.
Ислом таълимотида Ватанга хиёнат қаттиқ қораланади. Ҳадисда айтилади: "Ибн Умар розийаллоҳу анҳу ривоят қиладилар; " Мен Расулуллоҳ алайҳиссаломнинг: "Қиёмат куни ҳар бир хиёнаткор учун бу дунёда қилган хоинлиги учун шармисор қилувчи байроқ ўрнатиб қўйилади" деб айтганларини эшитдим" (Имом Бухорий,
3188-ҳадис).

Демак, она Ватан ҳеч қачон сотилмайди ва унга хиёнат қилинмайди.
Кишининг ўз юртига меҳр-муҳаббатли бўлишига тарғиб қилиб, Имом Муҳаммад Ғаззолий раҳматуллоҳи алайҳ шундай деганлар: "Инсон ўз туғилиб ўсган ерини ва ундаги нарсаларни, гарчи у ер одам яшамайдиган саҳро бўлса ҳам, яхши кўради. Ватанга бўлган муҳаббат-инсон қалбидаги туғма табиатдир. Бу нарса инсонни ватанида бўлганида хотиржам, мусофирликда соғинадиган, унга ҳужум қилинганда ҳимоя қиладиган, ҳурматсизлик қилинганда ғазабланадиган қилиб қўяди".
Абу Амр ибн Ало раҳматуллоҳи алайҳ: " Кишининг вафодорлиги унинг ўз Ватани учун қайғуришидан, яқинларини соғинишидан ва умрининг зое кетказган лаҳзаларига ўкиниб яшашидан билинади", деганлар.
Шундай экан, ҳар биримиз ўз Ватанимизга бўлган муҳаббатимизни янада ошириб, тинчлигини қадрига етиб, уни ободлиги ва ривожланиши йўлида ўз ҳиссамизни қўшиб, кундан-кунга кўпайиб бораётган ислоҳот ва ютуқларига шукр қилиб, ҳар хил ёвуз нифтдаги кимсалардан уни кўз қорачиғимиздек асраб-авайлаб, Ватан равнақи йўлида хизмат қилаётган шахсларнинг ҳаққига дуолар қилиб, ибодатларимизни ўз вақтида бажариб умргузаронлик қилишимиз мақсадга мувофиқдир.
✍✍ Қизириқ тумани "Саъд Ибн Абу Ваққос" жоме масжид имоми Чориев Анвар.
https://t.iss.one/surxonmuslimuz

#Раддия

"Кофирга чиқариш оғир гуноҳдир"

Қизириқ тумани "Мулла Остонақул" жомеъ масжиди имом- хатиби Самадов Олим

♻️ Дўстларингизга ҳам улашинг!!!
👉 https://t.iss.one/surxonmuslimuz

Тинчликнинг қадрига етайлик.

Маълумки, тинчлик ва хотиржамлик Аллоҳ Таолонинг энг катта неъматларидан биридир.
Қолаверса, барча эзгу ишлар руёбга чиқишининг боиси ҳам тинчлик ва осойишталикдир.

Шунинг учун ҳам Пайғамбаримиз алайҳиссалом ҳадисларининг бирида тинчлик-хотиржамлик энг улуғ неъмат эканини таъкидлаб шундай деганлар: „ Икки неъмат борки , кўпчилик инсонлар унинг қадрига етмайдилар. У хотиржамлик ва сиҳат-саломатлик " ( Имом Бухорий ривоятлари ).

Ислом уламолари Куръони каримга тинчликка одамларнинг осойишталиги ва хавсизлигига раҳна солувчи амалларни қилмасликни буюрилганини таъкидлайдилар: " Аллоҳ эса, фасодни ( бузғунчиликни ) ёқтирмайди " ( Бақара сураси , 205 оят ).
Мазкур суранинг 60-оятида : " Аллоҳнинг ризқидан еб-ичингиз, ер юзида бузғунчилик қилмангиз ! " деб марҳамат қилинган.
Тинчликни сақлаш ҳушёрлик ва огоҳликни талаб қилади. Бугунги таҳликали замон тинчликни таъминлаш фақат давлатнинг ваколати идоралари вазифаси деган нотўғри тушунчалардан воз кечиш, Ватан тақдири учун астойдил қайғуриб яшашни тақазо этаётганига барчамиз гувоҳмиз.
Хулоса ўрнида шуни таъкидлаш лозимки , динимизнинг тинчликка бўлган эътибори нечоғлик катта ҳамда бағрикенглик унинг негизидир.

Инсон ўзидаги неъматнинг қадрини унинг кетидан мулоҳаза юритиши , шу неъматдан ўзгалар ҳам баҳраманд ёки бебаҳра эканлигини ўйлаб кўриши билан билади. Бу эса янада кўпрок Аллоҳга шукур қилишга ундайди. Неъматнинг бардавом бўлиши , унинг шукри адо этилишига боғлиқдир.
Неъматнинг солмоғига қараб шукур ҳам хар хил бўлади. Баъзи неъматларнинг шукри тилда "алҳамдулиллаҳ " дейиши билан адо бўлса , бошка хил неъматлар ҳам борки , уларнинг шукрини амалий тарздагина адо этиш мумкин.

Тинчлик ана шундай амалий шукур талаб қиладиган неъматдир. Бу неъматнинг шукрини адо этиш барчанинг зиммасидаги фарздир.

Кексалар тинчликнинг мустаҳкамлигини сўраб дуо қилишлар , ўрта ёшлилар ўзларининг ҳалол меҳнатлари, ёшлар эса уни асраш ва қадрига етиш борасида астойдил илм олишга ҳаракат қилмоқликлари билан бу неъматнинг шукрини адо этган бўладилар.

Қизириқ тумани "Чилгазота" жомеъ масжиди имом ноиби
Эгамбердиев Ўткир Эшонқулович.
https://t.iss.one/surxonmuslimuz

#мақола
ОГОХЛИК ДАВР ТАЛАБИ

Бугунги  кун  воқеликка  очиқ  кўз  билан,  теран  ва  чуқур  мушоҳада  юритган  ҳолда  назар  ташлашни, хушёр  қарашни,  жаҳонда  ва  ён  –  атрофимизда  тобора  кучайиб  бораётган  маънавий  таҳдид  ва хатарларни тўғри баҳолаб, улардан тегишли сабоқлар чиқариб яшашни талаб этмоқда.
Шу  боис  юрт дошларимиз,  айниқса,  ёш  авлод  онгида  мураккаб  ва  таҳликали  дунё  ва  минтақамизда, хусусан,  давлатимизда,  рўй бераётган турли  воқеа – ходисалар,  ижтимоий  ва  сиёсий  ўзгаришлар ҳақида бир ёқлама ва сохта тасаввур пайдо бўлишига йўл қўймаслик масаласи долзарб саналади. Халқимизни  турли  ғоявий  таҳдидлардан  асраш,  айниқса,  ёшларда  мафкуравий  имунитетни  ҳосил қилиш  ва  янада  мустаҳкамлаш,  турли  воситалар  орқали  қадрятларимиз,  миллий  –  диний анъаналаримиз, минталитетимизга ёт тушунча ва ғоялар кириб келиши, тарқалишига тўсқинлик қилиш барчанинг бурчи ва вазифаси ҳисоб ланади.
Қолаверса  жамиятимизда яшаётган  кишиларга  динимизни  мусаффо  ҳолда  етказиш,  ёшлар  ўртасида  соғлом  туpмуш  тарзини қарор  топтириш,  уларни  биз  учун  ёт  бўлган  мафкура  ва  ғоялардан  ҳимоя  қилиш,  ўз  қатъий  қарашлари ва  эътиқодига  эга,  маънавий  баркамол  этиб  тарбиялаш  вазифаси  доимо  долзарб  эканини  унутмаслик
лозим. Биринчи  Президентимиз  “Аллоҳ  қалбимизда  юрагимизда”  китоб ларида  шундай  деган  эдилар:  “Ҳар бир  сўзимизни,  ишимизни  Бисмиллаҳ  билан  бошлаймиз,  яхши  –  ёмон  кунларимизда  Худога  шукрона келтирамиз,  тавба  қиламиз  “Шукр”  деган  каломни  ҳар  куни  айтмайдиган  бирор  инсон  Ўзбекистонда бормикан ўзи”! Ҳар бир кунимиз учун шукр қилиб яшашимиз лозим Т инчлик  учун  курашиш  ва  уни  асраб  авайлаш  бугунги  кунда  яшаётган  ҳар  бир  Ўзбекистонликнинг муқаддас  бурчи  ҳисоб ланади.  Бунинг  учун  жамиятда  ўзаро  ишончни  шакллантириш,  ўзликни  англаш ақл  ва  тафаккур  билан  бепарволикка  берилмасдан  зийрак  бўлиб,  жамият  мустаҳкамлиги,  унинг аъзолари  орасида  ўзаро  ишонч  намунасини  шакллантириб,  садоқат,  одамлар  орасини  ислоҳ  этиш, ўзаро  ёрдам,  олийжаноб лик  фазилати,  ширинсўзлик  фазилати,  авф  –  кечиримли  бўлиш, қийинчиликларга  сабр  қилиш,  эҳсон  қилиш,  дўст  танлаш  каби  амалларда  ўрнак  бўлишимиз  даркор.
Яхши  дўст  танлаш  ва  яхшилар  билан  ҳам  суҳбат  бўлиш  ахлоқни  чиройли  қиладиган  ишлардандир. Бир  донишманд:  “Дўстинг  ким  эканини  менга  айтсанг,  сенинг  ким  эканингни  айтиб  бераман”,  деган экан.  Пайғамбаримиз  (соллалоҳу  алайхи  васаллам)  ёмон  ҳамсуҳбат  ҳақида:  “Ахмоқ  киши  билан қилинган  суҳбат,  қиёмат  куни  хасрат  ва  надоматдир”,  деганлар.  Шу  нуқтаи  назардан  келиб  чиқиб доимо  суҳбат дошимизнинг  ким  эканлиги  ва  унинг  ҳатти  ҳаракатларини  доимо  сергаклик  ва  зийраклик билан  диққат  марказимизда  тутишимиз  лозим.  Кўпинча  юрт  тинчлиги,  осойишталигининг  йўқолиши сабаб ларидан  бири  турли  хил  миш  –  мишларнинг  тарқалиши  ва  кишиларнинг  берилган  неъматларга ношукрлик қилиши натижасида юзага келади, Аллоҳ таъоло Қуръони каримда “Қуруқлик ва денгизда фасод  зоҳир  бўлди”  деб  марҳамат  қилади.  Бу  оятни  тафсирида  ҳазрати  Абу  Бакр  Сиддиқ(розияллоҳу аънҳу) айтадилар оятдаги“Барр” дан мурод тилдир ва“Баҳр” дан мурод қалб дир, оятдаги “Фасод”  сўзи  бирор  нарсанинг  бузулиши,  айниши  каби  маъноларни  англатади.  Демак  оятдаги  маъно кишиларнинг  тили  ва  қалби  бузилди  яхшиликнинг  зиддига  юра  бошлади  деган  маънони  англатади.
Шундай  экан  тилимиз  ва  қалбимизни  яхши  ҳолатда  асраш  учун  доимо  маслаҳат  гўйларимиз  яхши дўстлар бўлиши лозим. Огоҳ  ва  хушёр  бўлиб  яшаш  тинчликни  таъминлаш,  турли  хил  кўнгилсизликлар  ва  хавфу  хатарлар олдини  олишнинг  зарурий  шарти  ҳисоб ланади.  Зеро,  ғофиллик  ва  бепарволик  турли  нохушликларга замин яратади. Инсон учун ниҳоятда хатарли бўлган маънавий таҳдидлардан яна бири бепарволик ва лоқайдликдир. Жамиятда бепарво, лоқайд кимсалар борлиги тараққиётга жиддий хавф солади.

Ангор тумани "Саййид Барака" жомеъ масжиди имом хатиби Р.Бекмуратов
https://t.iss.one/surxonmuslimuz

Истиқлол буюк неъматдир

1 сентябрь - Мустақиллик куни мамлакатимиз истиқлолга эришган, жаҳон харитасида янги, мустақил ва суверен давлат - Ўзбекистан Республикаси пайдо бўлган, халқимизнинг асрий орзу-интилишлари рўёбга чиққан буюк тарихий сана бўлиб, эл-юртимиз томонидан энг улуғ, энг азиз байрам сифатида катта шоду хуррамлик билан нишонланиб келади.
Ўзбекистон Республикаси мустақилликка юз тутган дастлабки йилларданоқ мамлакат раҳбарияти ва ҳукумати томонидан эътиқод эркинлиги масалаларига катта эътибор қаратилди. 1991-йилнинг 14-июнида Республика Олий Кенгаши Ўзбекистон тарихида биринчи марта « Виждон эркинлиги ва диний ташкилотлар тўғрисида » ги Қонунни қабул қилди. Ушбу Қонуннинг мустақиллик йилларида ҳаётга тадбиқ этилиши натижасида ўнлаб йиллар давомида диний эҳтиёжларини ҳадик ва таъқиб муҳитида у ёки бу даражада қондириб келган, лекин эътиқодда мустаҳкам қолган мамлакат фуқаролари эркин тан олдилар. Демократик ва ҳуқуқий давлат қуришни ўз олдига мақсад қилиб қўйган ҳукуматимиз Конституция ва халқаро ҳужжатларда белгилаб қўйилган инсон ҳуқуқлари меъёрларига тўлалигича амал қилиб, билим олиш, шу жумладан диний билим олиш учун кенг имкониятлар эшигини очиб қўйди.
Воҳамизнинг қайси гўшасида бўлманг, эзгу ният йўлидаги улуғвор ишларнинг шоҳиди бўласиз. Озод юртга байрамлар ярашади дейди доно халқимиз.  Ўзбекистонда яшаётган ҳар бир юртдошимиз ўтган 31 йилни ғypyp ва фаҳрларга тўла, ҳаётимизнинг мазмунли онларига бой йиллар деб билади. Мустақиллик йиллари чиндан ҳам юртимиз тарихида ўта масъулиятли ва шарафли даврни ташкил этади. Айтиш жоизки, ўтган чорак асрнинг ҳар бир йилида асрларга татигулик улкан ишлар, беқиёс ислоҳотлар амалга оширилди.
Ҳаммамиз ватан олдида қарздормиз. Ватанга муҳаббат туйғусини фазандларимиз қалбида гўдакликлариданоқ шакллантиришимиз айни муддаодир. Ана шундагина мазкур буюк аждодларимизга лойиқ авлод бўлишимиз ва улар олдидаги маънавий қарзимизни узишимиз мумкин.
Фурсатдан фойдаланиб, воҳамиз аҳлини Мустақилликнинг 31 йиллик байрами билан табриклаймиз. Муқаддас ва азиз юртимизда тўйлар тўйларга улансин, доимо осмонимиз мусаффо, юртимиз тинч ва турмушимиз фаровон бўлсин.

Қизириқ тумани " Чилгазота " жомеъ масжиди имом-хатиби:
Абдуназаров Абдухалил
https://t.iss.one/surxonmuslimuz

#maqola
NAMOZ PAYTIDAGI MAKRUH HOLATLAR

- Uzrsiz yoʻtalish;
- Qiroatga xalal beruvchi narsani ogʻizda saqlash;
- Rukuʼ holatida bosh yelkadan baland turishi;
- Noʻxot kattaligida taom yeyish;
- Oyat va tasbehlarni barmoq bilan sanash;
- Sunnatlardan birortasini qasddan tark etish;
- Qiroatni rukuʼda tamom qilish;
- Ikki koʻzni yumib turish;
- Namoz tugamay, peshonasini artish;
- Namoz payti libosni tekislash;
- Tuflash;
- Qasddan bir oyatni yarmida toʻxtatib, boshqasini boshlash;
- Peshonani yerga tekkizmay, sallani tekkizish;
- Jamoatga odam qoʻshilganda imom ovozini pasaytirishi;
- Namozni imom choʻzib yuborishi;
- Yeng tirsakkacha chiqishi, burun qoqish;
- Takbirni takror aytish;
- Uzrsiz devorga yoki ustunga suyanish;
- Mehrob ichiga butunlay kirib olib namoz oʻqish;
- Bosh yo qosh bilan biron soʻzni ishora qilish;
- Tahorat tang boʻlib turganda namoz oʻqish;
- Qabrga yo najasga qarab namoz oʻqish;
- Oldinda joy boʻlsa-da, ortda namoz oʻqish;
- Boshyalang namoz oʻqish – bularning bari namoz chogʻi qilinsa, makruhdir.
Namoz o‘qiydigan inson eng avvola namozning farzlarini, vojiblarini bilish kerak.
Sherobod tumani "Sherobod" jome masjidi imom noibi Samandar Po‘latov.
https://t.iss.one/surxonmuslimuz

Ватанни севмоқ иймондандир.

Инсон туғилиб ўсган жойи унинг ватани бўлади. Инсон бу дунёда ҳаёт кечирар екан ўз ватани, оиласи, яқинларига бўлган муҳаббати жўш уриб туради. Тарихдан бизга маълумки, ота боболаримиз мана шундай Тинч, Фаравон, озод ва обод ватанни қуриш йўлида жон фидо қилиб ўтишган. Негаки ватанга бўлган муҳаббат уларни шу йўлда ўз жонларини фидо қилишга чорлаган. Ҳеч ким ҳеч қачон ўз диёрини душманга раво кўрмайди ҳаттоки бир қарич йери учун ҳам ўз жонини фидо қилади. Ватанга бўлган муҳаббат шундай ҳиссиётки уни тушунтириб беришга сўз ожиз. Ватандан узоқда бўлган инсонни қалби доимо соғинчда, ўз юртига қайтиш армонида бўлади. Тарихда бундай ҳодисалар жуда кўплаб юз берган. Бунга мисол қилиб, Ҳазрати Қусам ибн Aббос (р.а) нинг вафотларидан олдинги ҳолатларини келтирмоқчиман.

Нажмуддин Умар ан-Насафийнинг “Aл Қанд фи зикри уламои Самарқанд” китобида Aбдуллоҳ ибн Aббос (р.а) дан ривоят қилинадики: “Қусам ибн Aббос жароҳатланганларида Aбдуллоҳ ибн Aббосга вафот етажаклари хусусида хабар қила туриб: “Туғилган йерим вафот етаётган жойимдан нақадар узоқ ! Маккада туғилиб, Самарқандда вафот етмоқдаман “, деган еканлар”.

Мана шу ривоятдан кўриниб турибдики Ҳазрати Қусам ибн Aббос (р.а) нинг ўз ватанларига бўлган соғинчлари нақадар жўш урганлигини англашимиз мумкин. Бошқа манбаъларда қайд етилишича “Мумин кишининг туғилган юрти билан вафот етган манзили ўртасидаги масофа жаннатдаги ўрнига даража қилинади”. Aжаб емаски “Ватан остонадан бошланади” деган мақол шу жиҳатдан айтилган бўлса. Чунки Aллоҳ Таоло тарафидан берилаётган даражанинг биринчиси ватан остонасидан бошланади. Бундай ривоятларнинг барчасида ватан туйғусини нақадар улуғ еканлигини англаш мумкин. Бугунги ҳаётмизда ҳам мусофир бўлиб ватан соғинчида юрганлар оз емас. Уларнинг кўпчилиги билан суҳбат қурганимда шу нарса маълум бўлдики, уларнинг ватанга бўлган муҳаббатлари тўлиб тошиб турарди. Мана шу ҳис туйғуларнинг ўзи ҳам ватанга бўлган муҳаббатдир.

Термиз шаҳар Хаким Термизий жомеъ масжиди имом ноиби Бўриев Сирожиддин
https://t.iss.one/surxonmuslimuz

Тинчлик ва осойишталик қадри

Тинчлик хотиржамлик деганда барчамизга маълумки мусулмонларга бир-бирлари билан кўришганда “Ассалому–алайкум ” яъни “Сизга тинчлик –омонлик тилайман” дея саломлашишади. Халқимизнинг энг яхши кўрган кўп такрорлайдиган дуоси “Илохо хонодонларимизни тинч ва осойишта ,юртимизни обод қил” деган дуодир.Доно халқимизнинг “Қўшнинг тинч сен тинч”. “Бир кун уруш бўлган жойда қирқ кун барака кетади” каби мақолларида хам тинчлик қанчалик бебахо неъмат экани айтилади. Боболар насихатида ва оналар алласида бежизга тинчлик хотиржамлик кўп тилга олинмайди. Хақиқатдан хам инсонларга тинчлик, осойишталикдан кўра тансиқроқ, азизроқ неъмат бўлмаса керак.Юрт тинч бўлса, тўй –томоша,хурсандчилик ўйин кулгу татийди.Акси бўлса урушлар туфайли инсонлар ўртасида мехр оқибат , одамгарчилик унутилади, бошланган хайрли ишлар , улуғ мақсадлар қолиб кетади, барчанинг хаётидан хузур-холоват турмушидан ором фароғат йўқолади.Шунинг учун хам Оллох таоло бандарига бўлар бўлмас сабаблар билан уруш чиқаришдан бир-бирларига қурол ўқталишдан қайтарган Оллох таоло Қуръони Каримнинг Мумтахана сурасининг 9-оятида шундай мархамат қилади.
“Аллох сизларни фақат дин тўғрисида сизлар билан урушган ва сизларни ўз юртингиздан (хайдаб) чиқарган хамда сизларни хайдаб чиқаришда бир-бирларига ёрдамлашган кимсалар билан дўстлашишингиздан қайтарур.Кимки улар билан дўстлашса, бас ана ўшалар айнан золим кимсалардир.”Бугунги кунда ёшларнинг турли бузуқ оқимларга кириб, ўзи туғилиб ўсган юртини , ватанини сотиб бошқа юртларга чиқиб, у хам етмагандай ўзининг қариндош уруғларини хам ва тенгдошларини хам шу ишга даъват этиши Оллох таолонинг юқорида келтирилган оятларига мутлоқо зид бўлиб уларнинг айнан золим кимсалар эканлигига очиқ ойдин далолат қилади. Афсуски Оллох таолонинг улуғ неъмати бўлмиш тинчликдан хамма хам баробар бахраманд эмас чунки дуёнинг турли бурчакларида террорчилар томонидан нохақ қон тўкишлар хам содир этилмоқда. Зеро Қуръони Каримда Аллох таоло “Эзгулик ва тақво йўлида хамкорлик қилингиз, гунох ва адоват йўлида хамкорлик қилмангиз! Оллохдан қўрқингиз! Албатта Оллох азоби қаттиқ зотдир” деб мархамат қилади.Демак эзгу ният йўлида хамкорлик қилиш ер юзида тинчлик ва барқарорлик омилидир. Шу ўринда юртбошимизнинг “Бугунги куннинг муаммоларини куч ишлатиш йўли билан эмас, балки тинч йўл билан хал этиш керак” деганларидек эзгу ниятлар рўёби учун албатта тинчлик ва хотиржамлик даркор.Энг ачинарлиси шуки , инсоният бошига катта кулфатлар келтирган қанчалаб қурбонларга, вайронагарчиликларга, болаларнинг етим қолишига сабаб бўлувчи урушлар одатда бир ховуч урушқоқ кимсаларнинг истаги ёки манъфаати билан бошланиб кетади . Улар урушлар бахонасида ўзга юртларни босиб олиш , табиий ва моддий бойликларини қўлга киритиш , ўз мафкураларини ўзга юртларга тарқатиш каби қабих мақсадларни кўзлайди.Бинобприн бу ишлар Ислом динига мутлоқо зиддир.Чунки пайғамбар алайхиссалом “Бир-бирингизнинг қонингиз ва обрўйингизни тўкишингиз мол –мулкингизга тажовуз қилишингиз барчаларингизга харомдир” деганлар.
Демак мусулмон эканмиз бу кўрсатмаларга амал қилишимиз Исломий таълимотдан чекинилган динни ниқоб қилиб олган айрим минтақаларда урушлар бегунох одамларнинг қонини тўкишлар обод шахар қишлоқларни вайрон қилишлар давом этмоқда.Уларнинг бу қилмишлари мусулмон эмас кофир эканликлаирига далолат қилади.


Сурхондарё вилояти Олтинсой туман “Рахмонберди хожи” жомеъ масжид имом-ноиби: Х.Эрназаров


➥Линкни босиб фойдали каналга обуна бўлинг!👇👇👇
https://t.iss.one/surxonmuslimuz

Тинчликни қадрлайлик

Тинчликни энг катта неъматлардан экани ҳаммамизга маълум. Унинг қадрига етмоқ, уни асраб авайламоқ бизнинг зиммамиздаги бурчимиздир.Қуръони каримда Иброхим а.с.нинг Макка ҳақида қилган дуоларида бунинг тасдиғини кўрамиз. У оятда Маккага тинчлик ва унинг аҳлига ризқ сўраганликлари зикр қилинган. Бу ҳақида шундай дейилади: “Эсланг: Иброҳим: “Эй, Роббим, бу (Макка) ни тинчлик шаҳри қилган ва унинг аҳолисидан Аллоҳга ва охират кунига ишонувчиларга (турли) мевалардан ризқ қилиб берилган (Бақара 126).
Ўша пайтда ҳам Макка шаҳри тинч эди. Тинч бўлиб турган жойда яна тинчлик сўраб, дуо қилиш шу жойда тинчлик бардавом бўлсин дейишни ифодалайди. Демак, тинчлик ҳукм суриб турган жойга яна тинчлик сўраб дуо қилиш мақсадга мувофиқ амаллардан экан. Шу билан бирга оятда аввал тинчлик, сўнгра ризқ сўраганларидан тинчликнинг ризқланганда муҳимроқ, улуғроқ неъмат экани маълум бўлади. Тинчлигини йўқотган юртни ҳудди юлдузини йўқотган осмон каби зимистонга айланади. У юртнинг қанчалар унумдор ерлари, дов дарахтлари-ю, анҳорлари бўлмасин, у ҳудди харобага айланган, биров ундан манфаат ва на хотиржамлик бўлади. Бугунги кунда атрофдаги мамлакатларда бўлиб турган беқарорликлар бунинг ёрқин далилидир. Аксинча тинчлиги бор юрт эса гарчи саҳро бўлиб, ундан гиёҳ униб чиқиши қийин бўлса ҳам, у ерда истиқомат қилаётганларга ўзининг ана шу тинч ватани хотиржам ҳаёт кечириши учун энг қулай маскан ҳисобланади.Тинчлик бўлса инсонларнинг ҳаёти фаровон бўлади.
Харим ан-Наимдан Хажжож ибн Юсуф сўради: “Неъмат нима?”.У: “Тинчлик, чунки мен хавфсираган кишининг хаётдан манфаатланганини кўрмадим”, деб жавоб берди. Тичлик-барча давлатлар ва жамиятларнинг талаб қилган асосий мақсадидир. Тинчлик учун қанча ҳаракатлар қилинади.
Бу неъмат ўта қадрли неъмат бўлганлиги сабабли Аллоҳ таоло Қуръони каримнинг бир неча оятларида бандаларига бу нематни миннат қилиб зикр қилади: “Улар ўзларининг атрофларидаги одамлар қирғинга учраб турган бир пайтта, “Биз Маккани” осойишта харам қилиб қўйганимизни кўрмадиларми?”. (Анкабут 67) Қурайш сурасида ҳам Аллох таола Макка аҳлига берган икки неъматини эслатади: “Мана шу уй (Каъба) нинг парвардигорига ибодат қилинсинлар! Зеро, (У) уларни очликдан (қутқариб) таомлантирди ва ҳавф (ва хатар) дан ҳотиржам қилди.(Қурайш 3-4)
Тичлик неъмати- инсоният уни сақлашлик учун ҳох қимматли бўлсин, ҳоҳ арзон бўлсин барча нарсасини, ақл-заковат, мол-дунё ва куч-қувватини сақлашига ҳақли бўлган улкан неъматтир! Бу неъмат бардавом бўлиши учун унинг сабалари, уни тутиб турувчи омиллири ва устунлари ҳам бардавом бажарилиши лозим бўлади.Шуларнинг асосийсива энг улуғи Аллохга иймон келтириш ҳисобланади. “Аллох шукрни қабул этувчи ва билувчи зотдир.” (Нисо;147)

Демак иймон ва шукр тинч ҳаёт учун асосий омиллардандир.Бу неъматни сақлашни истасак доим тинч ва ҳитиржам ҳаёт кечирайлик десак , Роббимизга иймон келтириб, ана шу иймоннинг тақозасида ҳаёт кечирайлик. Роббимиздан келган эслатма ва насиҳатларни унутмайлик. Акс ҳолда Аллоҳ таоло огоҳлантириб айтадики: Улар эслатилган нарсадан (катта) бир қисмини унутдилар. Шундан кейин уларнинг ўрталарида қиёмат кунигача адават ва нафрат қўзғатдик . (Моида 14) Тичликнинг бузилишига бандаларнинг ўз Роббиларидан келган эслатмани унутишлари сабаб бўлар экан. Тинчликни сақлашлик учун кишиларни фарзанларни, айлларни, ҳуллас ҳар бир шаҳсни Аллоҳнинг итоатида тарбиялаш, Аллохга маъсият қилишган қайтариш лозим бўлади. Яни ҳар бир инсон ўзининг бурчи ва мажбуриятларини йхши билиши ва унга амал қилиши лозимдир.Ҳалқимиз муқаддас динимизга ва соф динимиз ақидасига йўғрилган миллий урф-одатларимизга қанчалик мувофиқ ҳаёт кечиришса, шунча жиноятларни олди олинади, тинч ва осуда ҳаёт таминланади. Тўғри тафаккур қилиш тинчликни рўёбга чиқарилади. Тинчлик бардавом бўлиши учун фарзандларни, ёш авлодни ҳар хил бузуқ эътиқод ва нотўғри фикр юритишдан асрашишимиз лозим бўлади. Улар орасида бирор бир фаҳш, мункор иш тўғри ғояларни тарқалишига йўл қўймаслигимиз керак. Бу борада динимиз шомил ва комил бўлиб, етарли кўрсатмаларни белгилаб берган. Бирор нарсани унутиб қолдирмаган.
Тинчлик бардавон бўлиши учун биздан талаб қилинадиган нарса ушбу неъматга шукр келтиришдир. Биз тинчлик учун лозим бўлган шукрни ва тинчликни сақлаб туриш учун керак бўлган ҳарокатни тўхтатмасак, Аллох таоло бизда хукм суриб турган тинчлик нематларини хавфга ўзгартирмайди.
Ҳар бир инсон учун тинчлик зарур ва бу муқаддас динимизнинг, шароитимизнинг талабидир. Бу ҳақда Набий с саллаллоҳу алайҳи ва саллам шундай деганлар :
“Ким оиласи тинч жасади саломат ва ҳузури бир кунлик таоми бор ҳолатда тонг оттирса, унга дунё тўлиғича берилибди”. (Бухорий, ал-адаб ал- муфрот).
Тинчлик, саломат ва моддий таъминот. Аллоҳга ҳамдлар бўлсинки бугун бу неъматларнинг барчасига эришиб турибмиз. Бардавом бўлиши учун эса, уни сақлашимиз ва қалб, тил аъзолар билан шукр қилишимиз лозим бўлади. Бугун жаҳонда рўй бериб турган нотинчликлардан ғафлатта қолмаслигимиз керак.Инсонни ҳалокатга учратадиган мусибатларнинг энг ёмони бу ғафлатдир. Ғафлат кўринмас касаллик. Биз ана шу ғафлат исканжасидан чиқишимиз керак. Мажбуриятлардан ғафлатда яшаш, Роббисининг , охиратнинг ватан олдидаги бурчидир ота-онанинг ҳаққидан Фарзанду-аҳли айл олдидаги мажбуриятлар қўшнилар ҳаққидан ғафлатда яшаш катта мусибатларнинг келишига сабаб бўлади.
Шунинг учун Аллоҳ таоло жаҳаннамга тушадиган унга ўтин бўладиган инсонларни Қуръони каримда баён қилиб шундай дейди.
“Жинлар ва инсонларнинг кўпчилигини ўтин учун яратганмиз.Уларда қалблар бор, (лекин) улар билан “англолмайди”. Уларда кўзлар бор, (лекин) улар билан “эшитмайдилар”. Ана ўшалар ҳайвонлар кабидирлар. Балки, улар (янада) адашганроқдир. Айнан ўшалар ғофиллардир. (Аъроф-179)”. Дарҳақиқат айнан ўшалар ғофилардир.Чунки Аллоҳ таоло уларга мана шу аъзаларни хароб қилдилар, ҳаққини адо қилмадилар.Қалб ва ақл ҳақни англамаса, кўз ибрат назари билан қарамаса, қулоқ ҳақни тингламаса, уларнинг қиймати қанча?. Шунинг учун биз қандай ҳалатларда ғафлатда қолмай доим, ҳушёрлигимизни йўқотмаслигимиз лозим бўлади. Аллоҳ таоло бугун жахонда хусусан мустақил юртимизда тинчликни бардавом айласин. Халқимизни эса унинг қадрига етадиган, шукрини адо қиладиган ўзининг розилигини топадиган халқларнинг бўлишини мувофиқ қилсин.


Сурхондарё вилояти Олтинсой туман “Саййид Муҳиддинхон”
жомеъ масжид имом хатиби: Қ.Хабиллаев


➥Линкни босиб фойдали каналга обуна бўлинг!👇👇👇
https://t.iss.one/surxonmuslimuz

#раддия
Дўппи миллийлигимиз тожидир.

Узун тумани "Уланқул" жомеъ масжиди имом ноиби Саидов Абдумалик
♻️ Дўстларингизга ҳам улашинг!!!
👉 https://t.iss.one/surxonmuslimuz

Ҳақиқат
Ҳеч ким инкор килолмайдигон, минглаб одамлар гувоҳ бўлган бир ҳақиқат бор:

Имом домлалар оила мавзусида энг кўп айтадиган гап- Оиша онамиздан ривоят килинган пайғамбаримиз соллаллоҳу алайҳи васалламнинг муборак сўзларидир:

خيركم خيركم لاهله وأنا خيركم لأهلي، واذا مات صاحبكم فدعوهُ
" Яхшиларингиз — аҳли аёлига яхши бўлганингиздир. Мен ичингизда аҳлига энг кўп яхшилик еилувчингизман. Биродарингиз вафот этса уни ( яъни ёмонликларини) тек қўйинглар "
( Имом термизий ривояти)

Ҳатто бу ҳадисини масжид кавмлари ёддан билади.

Имом бухорий ҳадисдан далил олишга жуда
Ҳам моҳир бўлганлар. " Аёллар хусусида тавсия бобида " ким аллоҳ ва охират кунига иймон келтирса, кўшнисига озор бермасин" ҳадисини зиер киладилар ва: " хотининг сенинг энг муҳим кўшнинг. Шундай экан унга озор берма", дейдилар.

Шеробод тумани "Имом Термизий " жомеъ масжиди имом ноиби Сайдулла Абдуллаев
https://t.iss.one/surxonmuslimuz

#мақола
НАМОЗНИ БУЗУВЧИ АМАЛЛАР

1. Намозда гапириш (қасддан ёки адашиб бўлса ҳам).
2. Кишига салом бериш.
3. Саломга алик олиш.
4. Узрсиз томоқ қириш, йўталиш.
5. "Уҳ", "уф", "оҳ" каби товушлар чиқариш.
6. Оғриқ ёки мусибатга овоз чиқариб йиғлаш (аммо охиратни ўйлаб йиғласа жоиз).
7. Ўзи эшитадиган даражада кулиш (қаҳқаҳа билан қаттиқ кулса, таҳорати ҳам кетади).
8. Акса урганга жавоб қайтариш (яъни "Ярҳамукаллоҳ", дейиш).
9. Саволга ёки хабарга оятлар билан бўлса-да, жавоб бериш.
10. Бирор нарсани еб-ичиш (лабидаги, тишидаги овқатни ҳам).
11. Намозни жамоат билан ўқиётганда ёнидаги одамга жой бериш учун сурилиш.
12. Қироатини Мусҳафга қараб қилиш.
13. "Амали касир" қилиш (яъни кўрган одам "Намоз ўқимаяпти" деб ўйлайдиган даражадаги амалларни қилиш).
14. Нажосат устига сажда қилиш.
15. Кўкракни қибладан бошқа тарафга буриш.
16. Саждадаги ҳолида икки оёқ панжаларини ердан кўтариш.
17. Қироатини маъно ўзгарадиган даражада бузиш.
18. Намоз фарзларидан бирортасини узрсиз қолдириш.
19. Намознинг тўла бир рукнида авратнинг очиқ бўлиши.
20. Таҳоратнинг (таяммум, масҳнинг ҳам) кетиши.
21. Бомдод намозида қуёш чиқиб қолиши.
22. Намоз асносида ҳушидан кетиши.
Мухтарам азизлар мана бу ўринларда намозимиз бузилади.Намозимиз бузилмаслиги учун шу амалларни қилмайлик, бунинг учун билиб олайлик. Намозди бузувчи амалларни ёдлаб олишимиз керак ва бу намозди бузувчи аммалларни қилмасак шунда ўқиябган намозимиз қабул бўлади.Ўқиябган намозларимизга еьтиборли бўлиб хушу билан ўқийлик.

Шеробод тумани "Шеробод" жомеь масжиди имом ноиби Самандар Пўлатов
https://t.iss.one/surxonmuslimuz

#Мақолалар_Мустақиллик_31_йил

МУСТАҚИЛЛИК – УЛУҒ НЕЪМАТ

Ер юзидаги ҳар бир жонзот тинч ва осойишта яшаши учун унга энг аввало бир бошпана ва уй-жойга эга бўлмоғи лозим. Одам боласининг ҳам ҳузур ҳаловатда яшаши учун унга энг аввало бир бошпана лозим, халқ учун эса ватан. Ватансиз халқ яшай олмайди. Халқнинг борлиги, унинг яшаб қолиши ўз ватанига эга бўлсагина мумкин бўлади.

➡️БАТАФСИЛ

✍️ Музаффархон Жониев,
Имом Термизий халқаро илмий-тадқиқот маркази Илмий тадқиқот бўлими бошлиғи, (PhD)

✅ Бизни ижтимоий тармоқларда кузатиб боринг👇
https://t.iss.one/Imom_Termiziy

Facebook | Termiziy.uz | Twitter | Instagram | YouTube

ВАТАН МУҚАДДАС МАСКАН

Ватан ҳақида Пайғамбаримиз соллаллоҳу алайҳи васалламнинг кўплаб ҳадисларида келган ватанни ҳимоя қилишлик ва севишлик ҳақида.Бир улуғ сўз борки бу сўзни баьзи уломаларимиз ҳадис деса, баьзи уломаларимиз ҳикматли сўз деганлар:"Ватанни севмоқ иймондандир" бу сўзнинг замирида улкан маьнолар бор. Маълумки, Аллоҳ таоло Одам алайҳиссаломни халқ қилиб, у Зотнинг зурриёдларини ер юзига тарқатди. Одам ато ва Момо Ҳавводан тарқалган зурриёдлар ерда турли миллат ва элатлар ташкил қилиб, маълум ҳудуд ва маконларни ўзлари учун маскан тутдилар. Бу ҳақда Қуръони каримда:
“Эй, инсонлар! Дарҳақиқат, биз сизларни бир эркак (Одам) ва бир аёл (Ҳавво)дан яратдик ҳамда бир-бирларингиз билан танишишингиз учун сизларни (турли-туман) халқлар ва қабила (элат)лар қилиб қўйдик...”, - дейилган (Ҳужурот сураси, 13-оят).
Табиийки, инсон қаерда дунёга келса ана шу ер унинг учун қадрли Ватан ҳисобланади. Киндик қони тўкилган жой инсон учун ҳеч нарсага алишиб бўлмайдиган, ҳамма нарсадан ҳам қимматли даргоҳдир.Барчаларимиз Аллоҳ таолонинг берган неьматларига шукур қилиб, янги Ўзбекистонда эл азиз,инсон азиз диёрда ел юртимизга хиссамизди қўшиб ва туғилиб ўсган ватанимизди обод қилайлик.Мустақиллик байрамимизнинг 31 йиллиги барчаларимизга муборак бўлсин.
Шеробод тумани "Шеробод"жомеь масжиди имом хатиби Дилмурод Шукуров
https://t.iss.one/surxonmuslimuz

#табрик
Бисмиллаҳир Рохманир Рохийм
Хурматли диндошим!
Сизни истиқлол айёми билан чин қалбдан, самимий муборакбод этаман.Аллоҳ таолодан Сизга ва ахлингизга сихат-саломатлик, оилавий бахт ва икки дунё саодатини тилайман.Яратган розилигига эришиш барчамизга насиб этсин.
Хақ таолодан Сизнинг дину дунё ишларингизга улкан муваффақиятлар, илму тақвода зиёдалик, оилавий ҳаётда фарзанду аржумандлар камолони  кўриб юришингизни дуо қилиб, сўрайман.
Ҳамиша тавфиқ  ва рушду ҳидоят Сизга ҳамрох бўлсин!
Хурмат билан Сурхондарё вилояти бош имом хатиби Алиакбар Сайфидинов
https://t.iss.one/surxonmuslimuz