#Хадис

Мусулмончиликнинг гўзаллигидандир бефойда нарсани тарк этиш...

Абу Хурайра розияллоҳу анҳудан ривоят қилинган ҳадис: Расулимиз соллаллоҳу алайҳи васаллам айтдилар: «Кишининг ўзи учун фойдасиз нарсаларни тарк қилиши унинг исломи чиройли эканлигидандир».
(Имом Термизий ва Ибн Можа ривояти)

✅@surxonmuslimuz

МУНАББИҲОТ ЕТТИЛИК ҲАДИСЛАР
#МУНАББИҲОТ
(охиратга огоҳ этиш)

Абу Ҳурайра розияллоҳу анҳу Набий соллаллоҳу алайҳи васалламдан шундай ривоят қиладилар: “Етти нафар кишини Аллоҳ таоло Қиёмат куни, Ўзининг соясидан бошқа соя йўқ куни, Аршнинг соясида соялантиради:
1. Одил бошлиқни;
2. Аллоҳнинг ибодати билан ўсган йигитни;
3. Ёлғиз ҳолида Аллоҳдан қўрқиб кўз ёш тўккан кишини;
4. Қалби доим масжид билан боғланган кишини;
5. Ўнг қўли қилган садақани чап қўли билмаган (яъни, махфий садақа қилган) кишини;
6. Аллоҳ йўлида дўстлашган икки кишини;
7. Чиройли аёл фаҳшга чорлаганида “Аллоҳ таолодан қўрқаман”, деб ундан бош тортган кишини”.

✅@surxonmuslimuz

#дуо
Айтганларингиз Раббим учун, мен учун-чи?

Саъд ибн Абу Ваққос розияллоҳу анҳудан ривоят қилинади:
«Бир аъробий Расулуллоҳ соллаллоҳу алайҳи васаллам ҳузурларига келиб: «Менга бир калом ўргатинг, айтиб юрай», деди. Шунда Расулуллоҳ соллаллоҳу алайҳи васаллам:

لاَ إِلَهَ إِلاَّ اللهُ وَحْدَهُ لاَ شَرِيكَ لَهُ، اللهُ أَكْبَرُ كَبِيرًا وَالْحَمْدُ للهِ كَثِيرًا وَسُبْحَانَ اللهِ رَبِّ الْعَالَمِينَ لاَ حَوْلَ وَلاَ قُوَّةَ إِلاَّ بِاللهِ الْعَزِيزِ الْحَكِيمِ

«Ла илаҳа иллаллоҳу ваҳдаҳу ла шарийка лаҳ, Аллоҳу акбар кабийро валҳамду лиллаҳи касийро ва субҳаналлоҳи роббил ъаламийн, ла ҳавла ва ла қуввата илла биллаҳил ъазийзил ҳакийм», деб айт», деб ўргатдилар.

(Маъноси: Аллоҳдан бошқа илоҳ йўқ, У яккаю ёлғиздир. Унинг шериги ҳам йўқ. Аллоҳ жуда буюк, Аллоҳга чексиз ҳамд бўлсин, оламлар рабби Аллоҳ барча айбу нуқсонлардан покдир, ал-Азиз ва ал-Ҳаким бўлган Аллоҳдан ўзгада ўзгартириш ҳам, қувват ҳам йўқ.) Кейин ҳалиги аъробий: «Эй Расулуллоҳ, бу айтганларингиз Раббим учун, мен учун-чи?» деб сўради. Расулуллоҳ соллаллоҳу алайҳи васаллам:

اللهمَّ اغْفِرْ لِي وَارْحَمْنِي وَاهْدِنِي وَارْزُقْنِي

«Аллоҳуммағфир лий варҳамний ваҳдиний варзуқний» деб, айт», дедилар».

(Маъноси: Аллоҳим мени мағфират қил, менга раҳм айла, мени ҳидоят эт, мени ризқлантир.)

Имом Муслим ривоятлари.
Имом Нававийнинг “Ал-Азкор” китобидан

✅@surxonmuslimuz

#Тафаккур_вақти

Юксаклик – айтмоқчи бўлган кўп гапларинг бўлса-да, аҳмоқлар олдида сукут қилган ҳолда туришингдир.

“Тарих муҳрлаган сўзлар”

✅@surxonmuslimuz

Савол: Турли диндаги эркак ва аёлдан туғилган фарзандлар қайси динда бўлади ?

Жавоб: Мусулмон аёл бошқа диндаги киши билан турмуш қуриши мумкин эмас.
Мусулмон киши насроний ёки яхудий динида бўлган, иффатли, иболи аёлга уйланиши мумкин. Бу ҳақда Қуръони каримда: "Зинокорлик ва маҳфий ўйнаш қилиб олмаган ҳолда махрларини бериб, мўмина аёлларнинг иффатлиларига ва сизлардан олдин китоб берилганларнинг иффатли аёлларига( уйлансангиз ҳалолдир)...
(Моида сураси 5-оят).

Улар кўрган фарзанд ислом динида бўлади.

✅@surxonmuslimuz

#ҲАДИСИ_ШАРИФ

عَنْ عبد الله بن مسعود رضي الله عنه عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ: "لا يَدْخُلُ الْجَنَّةَ مَنْ كَانَ فِي قَلْبِهِ مِثْقَالُ ذَرَّةٍ مِنْ كِبْرٍ"، قَالَ رَجُلٌ: "إِنَّ الرَّجُلَ يُحِبُّ أَنْ يَكُونَ ثَوْبُهُ حَسَنًا، وَنَعْلُهُ حَسَنَة"، قَالَ: "إِنَّ اللَّهَ جَمِيلٌ يُحِبُّ الْجَمَالَ، الْكِبْرُ بَطَرُ الْحَقِّ، وَغَمْطُ النَّاسِ". رَوَاهُ الإمام مُسْلِمُ.

Абдуллоҳ ибн Масъуд розияллоҳу анҳудан ривоят қилинади:

Расулуллоҳ соллаллоҳу алайҳи васаллам:
«Қалбида зарра мисқолча кибри бор инсон жаннатга кирмайди», дедилар. Бир киши: «Киши либоси ва оёқ кийими чиройли бўлишини яхши кўради», деди. Расулуллоҳ соллаллоҳу алайҳи васаллам: «Аллоҳ таоло (Зоти, сифати, феъллари) гўзал Зотдир, (ҳар бир нарсани) гўзал бўлишини яхши кўради. Кибр - ҳақни инкор қилиб, одамларни менсимасликдир», дедилар».

Имом Муслим ривоят қилганлар.

✅@surxonmuslimuz

Улуғлардан насиҳатлар

“Эй одамлар! Ким ўзининг айбига қараса, бошқаларнинг айби билан иши бўлмай қолади. Ким Аллоҳ берган ризққа рози бўлса, бошқаларнинг қўлидаги нарсага афсус чекмайди. Ким хиёнат қиличини яланғочласа, ўзи ўша қилич билан ўлдирилади. Ким биродарига чуқур қазиса, унга ўзи қулайди.
Ким бировнинг айбини очса, ўз хонадонидаги айблари очилиб қолади. Ким ўзининг тойилганини унутса, бошқаларнинг тойилишини улкан санайди. Ким ўз фикрига лол қолса, адашади. Ким ақлига ишонса, тойилади. Ким одамларга кеккайса, хор бўлади. Ким одамларни беақлликда айбласа, сўкилади. Ким уламоларга аралашиб юрса, виқорли бўлади.
Ким пасткашларга аралашиб юрса, уни менсишмайди. Ким тоқати етмайдиган нарсани бўйнига олса, ожиз қолади".

Ҳазрати Али розияллоҳу анҳу

✅@surxonmuslimuz

#Аудио

Усти очиқ қолган сувни ишлатиш мумкинми?
Шайх Муҳаммад Содиқ Муҳаммад Юсуф ҳазратлари.

⏱ 00:31 дақ
💾 0.492 МБ

✅@surxonmuslimuz

Савол: Намоздан сўнг нима деб дуо қилиш афзал?

Жавоб: Расулимиз (с.а.в): "Эй Парвардигорим, мени, бандаларингни жамлайдиган, тирилтирадиган кунда азобингдан сақлагин!" деб дуо қилардилар.
(Имом Муслим ривояти)

Пайғамбаримиз (с.а.в) ҳар намоздан сўнг: "Эй Аллоҳ! Сен ато қилган нарсани ман қилувчи йўқ. Сен ман қилган нарсани берувчи йўқ. Ҳаракат, ғайрат ҳам, буюклик ҳам Сендандир!" деб дуо қилганлар.
(Имом Бухорий, Ахмад ва Муслим ривоятлари)

✅@surxonmuslimuz

“Мен Уни яхши кўрсам-у, У мени азоблайди, деб ўйлайсанми?”

Аллоҳ таоло сени яхши кўргандан кейин сен ҳам Уни яхши кўрсанг, (бу сенга муборак бўлсин) мен сени табриклайман.
Сенга хуш хабар айтаман, албатта сен ва мен мағфират қилинганлардан бўламиз. Аллоҳ таоло сен билан бизни ҳисоб ҳам қилмайди. Балки, Уни бизга бўлган муҳаббати ва бизни Унга бўлган севгимиз туфайли У бизни Ўз шафоатига дохил бўлувчилардан қилади.
Имом Ғаззолий айтадилар: "Солиҳлардан бир киши бир аёлнинг: "Аллоҳга қасамки, мен бу ҳаётдан чарчадим, агар мен бирор кишининг ўлимни сотаётганини кўриб қолсам ундан шу ўлимни харид қилиб олган бўлар эдим", деб йиғлаётганини эшитиб унга; "Сен ўзингни Аллоҳга йўлиқтирадиган бирор солиҳ амалинг борлигига ишонасанми?" – деди.
Шунда у аёл:"Йўқ, лекин мен Уни яхши кўраман. Мен Уни яхши кўрсам-у, У мени азоблайди, деб ўйлайсанми?" – деди.

Имом Бутий
Абдуллоҳ ҒУЛОМОВ

Жума муборак бўлсин!

@surxonmuslimuz

ЖУМА КУНИНИНГ СИРЛАРИ

Жума кунининг бошқа кунлардан афзаллик жиҳатлари жуда кўп. Улардан бири шуки, жума куни айнан жума намози учун ғусл қилиб, намозга эртароқ кeлган, намоз ва масжид одобларига риоя қилиб намоз ўқиган банданинг ҳар бир қадамига бир йиллик намоз ва рўзанинг савоби бeрилади.
Жума кунининг ҳурмати бу кун кирмасдан олдин, истилоҳда жума оқшоми дeйиладиган пайтдан бошланади. Жумага ўша пайтдан бошлаб тайёргарлик кўрилади.
Жума кунининг бомдод намозини имкон қадар масжидда, жамоат билан ўқишнинг мандублиги ҳақида кўп гапирилган. Ҳазрати Пайғамбар соллаллоҳу алайҳи васаллам: «Жума кунида айтилган салавот мeнга кўрсатилади», дeганлар. Жума кунида дуолар ижобат бўладиган бир пайт бор. Банданинг дуоси ўша пайтга мувофиқ келиб қолса, унинг ижобат бўлишига шубҳа йўқдир.
Ҳадиси шарифларда жума намози учун эртароқ келишнинг ўзи алоҳида таърифланган. Бу намозга қайси пайт кeлган одамга қанчалик савоб ёзилиши ҳақида батафсил айтилган.
Абу Ҳурайра розияллоҳу анҳудан ривоят қилинади:
«Пайғамбар алайҳиссалом шундай дедилар: «Кимки жума куни ғусл қилиб, масжидга жума намозининг аввалги соатида кeлса, унинг савоби бир туяни қурбонлик қилгандeк бўлади. Ундан кeйинги соатда кeлган одам бир молни қурбонлик қилгандeк бўлади. Учинчи соатда кeлган одам шохдор қўчқор қурбонлик қилгандeк бўлади. Тўртинчи соатда кeлганлар бир товуқни қурбонлик қилгандeк бўлади. Бeшинчи соатда, охирида кeлган одам битта тухумни қурбонлик қилгандeк бўлади».
Имом Бухорий, Муслим, Абу Довуд, Насаий, Тeрмизийлар ривоят қилишган.
Жума куни имом минбарга хутба учун чиққанда фаришталар ҳозир бўлиб, уни тинглайдилар. Дeмак, жумага фақат мусулмон бандалар кeлмас экан, балки хутбани эшитиш учун фаришталар ҳам ҳозир бўлишар экан. Фаришталар ҳозир бўлган жамоат нақадар гўзал, нақадар муҳтарам жамоат бўлади! Шунинг учун бундай жамоатнинг ўзига яраша одобларига риоя қилишимиз лозим. Шунинг учун жумага, жамоатга келадиган одам ғусл қилиб кeлиши кeрак. Бу ғуслнинг ҳикматларидан бири нафақат нажосатни, ҳатто бадандаги нохуш ҳидларни ҳам кeтказишдир. Зеро, жума куни масжидда одатдагидан каттароқ жамоат тўпланади, издиҳом бўлади. Фаришталар эса ниҳоятда нозик хилқат бўлгани учун уларга озор бермасликка ҳаракат қилинади.
•┈•┈•┈•┈•❁✿❁•┈•┈•┈•┈•

@surxonmuslimuz | обуна бўлинг | ёки дўстингизга тавсия этинг | Surxonmuslim.uz

Бугун сокин осмону фалак,
Ҳамма излар Аллоҳдан кўмак!
Мусулмонмиз бу бахтдир демак,
Қадрдонлар Жума муборак!

Ассалому алайкум!
Хайрли тонг!

Жаннатдаги даражангизни юксалтириш учун яна янги кун, янги имконият..
Бўш келманг, ҳаракатдан тўхтаманг! Арзимас кимсалар ва беҳуда нарсалар билан зинҳор-базинҳор чалғиб қолманг. Икки дунёнгизни обод қилиш йўлида тинмай, ҳормай ҳаракат қилаверинг. Ин ша Аллоҳ, ҳамма-ҳаммаси яхши бўлади.
Унутманг, бу умр неъмати сизга бир мартага берилган ва қиёматда ёлғиз ўзингиз ҳисобини берасиз...

Кунингиз хайрли ва
файзли ўтсин!

➖➖➖➖➖➖➖
✅@surxonmuslimuz

Жума кунида Расулуллоҳ соллаллоҳу алайҳи васвлламга саловатни кўпайтиринг

🔹Аллоҳумма солли аълаа саййидина Муҳаммад саллоллоҳу алайҳи васаллам!

✅@surxonmuslimuz

#ҲАДИСИ_ШАРИФ

عَنْ أَبِي هُرَيْرَةَ رَضِيَ اللهُ عَنْهُ، قَالَ:
قَالَ رَسُولُ اللهِ صَلَّى اللهُ عَلَيْهِ وَسَلَّمَ:
" ثَلَاثُ دَعَوَاتٍ مُسْتَجَابَاتٌ لَا شَكَّ فِيهِنَّ : دَعْوَةُ الْمَظْلُومِ ، وَدَعْوَةُ الْمُسَافِرِ ، وَدَعْوَةُ الْوَالِدِ عَلَى وَلَدِهِ ". رَوَاهُ التِّرْمِذِيُّ وَأَبُو دَاوُدَ .

Абу Ҳурайра розияллоҳу анҳудан ривоят қилинади:

Расулуллоҳ соллаллоҳу алайҳи васаллам:
«Уч дуо мустажобдир. Уларда шак йўқ. Мазлумнинг дуоси, мусофирнинг дуоси ва ота-онанинг фарзандига қилган дуоси», дедилар.

Имом Термизий ва Абу Довуд ривоят қилганлар.

✅@surxonmuslimuz

ОИША ОНАМИЗ НИМАНИ ЭСЛАБ ЙИҒЛАР ЭДИЛАР...

Масруқ розияллоҳу анҳу айтдилар:
«Мен ҳазрати Оиша розияллоҳу анҳонинг ҳузурларига ҳозир бўлдим. Ҳазрат онамиз ходимларига буюриб, мен учун таом чиқартирдилар. Ва дедиларки: «Мен қачон бир таомни тўйиб есам йиғлагим келади ва йиғлайман».
Мен сўрадим: «Нима учун йиғлайсиз?».
Дедиларки: «Жаноб Расулуллоҳ соллаллоҳу алайҳи ва салламнинг дунёдан риҳлат қилганларидаги ҳолатлари ёдимга келади, кўнглим бузилади. Жаноб Расулуллоҳ соллаллоҳу алайҳи ва саллам умрларида бир кун икки марта нондан ҳам, гўштдан ҳам муборак қоринлари тўйган эмас эди».

Имом Термизий «Шамоили Муҳаммадийя»да ривоят қилганлар.

✅@surxonmuslimuz

ЖУМА КУНИНИНГ ЯНА БИР УЛУҒЛИГИ ҲАҚИДА

Абдуллоҳ ибн Амр розияллоҳу анҳудан ривоят қилинади:
Пайғамбаримиз соллаллоҳу алайҳи васаллам:
"Аллоҳнинг ҳузурида намозларнинг энг афзали – жума куни бомдод намозини жамоатда (бирга) ўқишликдир", дедилар
(Термизий ривояти).

✅@surxonmuslimuz