Surxon vohasining Oqtepasida   Aleksandr Fedin, mahalliy aholi tili bilan aytganda “Sasha aka” deguvchi inson yaratgan tabiiy moʻjizani koʻrganlar, uning jasorati haqida eshitganlar hayrat bilan  boʻlishi mumkin deb qoʻya qolishadi.

Surxondaryo teleradiokompaniyasi ijodkorlari  hamda Tabiat resurslari viloyat boshqarmasi hamkorligida tayyorlangan film-koʻrsatuvda tabiatning jonkuyar fidoiysi haqida  hikoya qilinadi.    

Insonga xos chinakam insoniy fazilatlar juda koʻp. Faqat ularning namoyon boʻlish oʻrni va koʻlami turlicha.
Jarqoʻrgʻonning “Oqtepa” mahallasida yashovchi katta-kichik odamlar “Sash aka” deb murojat qiladigan qahramonimizning ham elga ibrat qilib koʻrsatsa arzigulik insoniy sifatlari bor. 

Yoshligida oddiygina Sasha deb atalguvchi Aleksandr aka Fedinning rizqu nasibasini taqdir Amu sohillariga sochgan ekan, unga Tojikistonda tugʻilish va hali chaqaloqlik davridayoq surxonlik boʻlish nasib etdi. Duradgor va mexanik oilasida kamol topgan Sasha oʻzbek tengqurlari orasida voyaga yetdi: shu tilda oʻylab, shu tilda soʻylaydigan boʻldi. Biroq uning orzusi na yogʻochga mehr berishga-yu va na texnika bilan tillashishga intildi.

Bolalik chogʻlarida ota-onasi bilan tarixiy vatanlariga borganida cheksiz, tigʻiz oʻrmonlarni tomosha qilar, uning bagʻridagi turfa jonvorlar bilan xayolan suhbat qurardi.

Shunday damlarda rus oʻrmonlari bagʻrida abadiy qolishni va tabiat bilan umrbod oshno boʻlishni orzu qilsa, bu yoqdagi muhit, doʻstlarini koʻzi qiymasdi.

Keyin bolalarcha tasavvur bilan oʻylardiki, men oʻrmonzor bagʻriga kelolmas ekanman, oʻrmonni yurtimga koʻchirsa boʻladi-ku? Eh-he, u necha yuzlab tunlarni tushlarida Aloviddinning sehrli chirogʻi, sehrli uzuklardan imdod kutib oʻtkazdi. Va oxir-oqibat astoydil urinsa, hech qanday sehrli kuch ishtirokisiz orzusiga yetishi mumkinligini angladi.

1989-yilning boshida, rosa oʻttiz yoshga yetib, ham aqlan, ham jismon kamolotga yetgan kunlarining birida “Jarqoʻrgʻon” suv omborining sohilidagi  yerni  oʻzlashtirib, odamlar tasavvvur ham qilmagan moʻjizaviy oʻrmonzor yaratdi.

Qolgan voqealar haqida ko'rsatuvda batafsil tanishasiz.

Tabiat resurslari vazirligi Surxondaryo viloyati boshqarmasi matbuot xizmati

Kanalga ulanish :https://t.iss.one/surxoneko

Tabiat resurslari vazirligi tasarrufidagi "Surxon" davlat qo`riqxonasida o`rnatilgan fotoqopqonlar obyektiviga noyob hayvonlar muhrlandi.

Ma`lumot o`rnida, Surxondaryo viloyatining Sherobod tumaniga qaraydigan bu hudud Turkmaniston Respublikasining davlat chegarasigacha qadar cho‘zilib yotadi.
Qo‘riqxona 23406.4 gektarlik maydonda yastanib yotadi. Shundan 12109,2 gektari o‘rmonlar bilan qoplangan. Qo‘riqxona hududi qulaylik nuqtai nazaridan 7 bo‘lim, 10 aylanma va 14 kvartalga ajratilgan. Har bir bo‘lim o‘z ichiga muayyan aylanma va kvartallarni oladi.

Qo‘riqxonada 807 turdagi o‘simlik asraladi, shulardan 47 xili O‘zbekiston Respublikasi “Qizil kitob”iga kiritilgan.

Qo‘riqxonada hozirgacha umurtqali hayvonlardan 26 tur sut emizuvchilar, 137 tur qushlar, 24 tur sudralib yuruvchilar, 2 tur suvda va quruqlikda yashovchi, 5 tur baliqlar , jami 194 tur hayvonot dunyosi vakillari uchrashi aniqlangan. 25 tur hayvonot dunyosi vakillari O‘zbekiston Respublikasi “Qizil kitob”iga kiritilgan.

Qo‘riqxonadagi muhofazaga olingan hayvonlardan 18 tur hayvon Halqaro TMQI “Qizil kitob” iga kiritilgan bo‘lib, mazkur noyob turlaridan morxo‘r yoki burama shoxli echki, buxoro tog‘ qo‘yi muhim ahamiyatga ega bo‘lgan hayvonlar hisoblanadi.
Qo‘riqxonadagi hayvonlar tabiiy yo‘sinda oziqlanib, ko‘payib, loaqal azim yurtimizning kichik bir hududida tabiat mikrotizimini tashkil etib, rivojlantiradi.

Tabiat resurslari vazirligi Surxondaryo viloyati boshqarmasi matbuot xizmati

Kanalga ulanish :https://t.iss.one/surxoneko

Har yili 22-may kuni Xalqaro bioxilma-xillik kuni nishonlanadi. Ushbu kun 1995-yilda BMT Bosh assambleyasi tomonidan maxsus rezolyusiya bilan e’lon qilingan va 200 -yildan buyon nishonlanib kelinmoqda.

Biologik xilma-xillik to‘g‘risidagi konvensiya xalqaro huquqiy hujjat bo‘lib, uning uchta asosiy maqsadi bioxilma-xillikni saqlash, undan barqaror foydalanish va genetik resurslardan foydalanish natijasida kelib chiqadigan foydalarni adolatli va teng taqsimlashdir. Bugungi kunga kelib ushbu Konvensiya 196 mamlakat tomonidan ratifikasiya qilingan.

Tabiat resurslari vazirligi Surxondaryo viloyati boshqarmasi, “Surxon” davlat qo‘riqxonasi hamda Barkamol avlod bolalar maktabi bilan birgalikda “Surxon- Beshbuloq” bolalar dam olish oromgohida Butunjahon biologik xilma-xillik kuni munosabati bilan tadbir o‘tkazildi.

Tadbirda mutaxassislar tomonidan yurtimizning boy tabiati, flora va fauna olami haqida ma’lumotlar berildi.  O'zaro suhbatlar davomida bolajonlarga  atrof-muhitni ifloslantirmaslik, hayvonlarga ozor bermaslik ta’kidlandi. 
Bolajonlar o‘zini qiziqtirgan savollarga javoblar olishdi.

Tabiat resurslari vazirligi Surxondaryo viloyati boshqarmasi matbuot xizmati

Kanalga ulanish :https://t.iss.one/surxoneko