AYOL JAMIYAT KO‘ZGUSI

⚡️ Surxondaryo viloyati adliya boshqarmasi, oila va xotin qizlar boshqarmasi va boshqa tegishli idora va tashkilotlar hamkorligida O‘zbekiston Respublikasining “Xotin-qizlar va bolalar huquqlari, erkinliklari hamda qonuniy manfaatlarini ishonchli himoya qilish tizimi yanada takomillashtirilishi munosabati bilan ayrim qonun hujjatlariga o‘zgartish va qo‘shimchalar kiritish to‘g‘risida”gi O‘RQ-829-son Qonuni yuzasidan viloyatdagi mavjud 7 ta oliy ta’lim muassasalarining talaba qizlaridan shakllantirilgan jamoalar o‘rtasida “Siz yangi qonunni bilasizmi?” mavzusida viktorina o‘tkazildi.

➡️ Viktorina yakuniy natijalariga ko‘ra, 1-o‘ringa Termiz davlat pedagogika institutining “Renessans” jamoasi, 2-o‘ringa Termiz davlat universitetining “Huquqshunos” jamoasi, 3-o‘ringa Denov tadbirkorlik va pedagogika institutining “Feniks” jamoasi munosib ko‘rilib, g‘olib jamoalar diplom va esdalik sovg‘alar bilan taqdirlanishdi.

Kanalga ulanish 👉  https://t.iss.one/surxondaryoadliya

➡️ Telegram I 💬 Facebook I 😎 Youtube I 🌐 Web-site

OCHIQ ESHIKLAR KUNI

⚡️ Surxondaryo viloyat adliya boshqarmasida Termiz davlat pedagogika instituti talabalari ishtirokida “Ochiq eshiklar” kuni tashkil etildi.

➡️ Unda yoshlarning siyosiy-huquqiy savodxonligini oshirish borasida amalga oshirilayotgan ishlar, shuningdek adliya tizimi tarixi, viloyat adliya boshqarmasi sho‘balari ish faoliyati haqida batafsil ma'lumotlar berildi.

Kanalga ulanish 👉  https://t.iss.one/surxondaryoadliya

➡️ Telegram I 💬 Facebook I 😎 Youtube I 🌐 Web-site

#Konstitutsiya
#Mehnat_huquqi

⚡️ HUQUQIY SAVODXONLIK YUQORI BO‘LSA, BARCHA O‘Z HAQ-HUQUQINI ANGLAB, TALAB QILA OLSA, MAJBURIYATLARINI BAJARSA, QONUNBUZILISH HOLATLARI KAMAYADI, MAS’ULIYAT OSHADI

➡️ Surxondaryo viloyat elektromagnit moslashuv xizmati binosida viloyat Adliya boshqarmasi mas’ul xodimi Q.Ulug‘ov ishtirokida Mehnat kodeksi, saylov qonunchiligi, yangi tahrirdagi Konstitutsiya, Korrupsiyaga qarshi kurashga oid qonun hujjatlari mazmun-mohiyatini tushuntirishga qaratilgan seminar tashkil etildi.

➡️ Termiz shahrida joylashgan qo‘g‘irchoq teatri xodimlari uchun boshqarmaning intellektual mulk huquqlarini himoya qilish bo‘yicha bosh maslahatchisi B.Mustafaqulov ishtirokida “Mualliflik va turdosh huquqi obyektlarining huquqiy muhofazasi va himoyasi” mavzusida seminar tashkil etildi. Shuningdek, tadbir davomida ishtirokchilarga yangi tahrirdagi Mehnat kodeksi, Konstitutsiya bo‘yicha ham tushuntirishlar berildi.

➡️ Qumqo‘rg‘on tuman adliya bo‘limi tomonidan tumanning “Guliston” mahallasida joylashgan 46-sonli umumta’lim maktabida, tuman obodonlashtirish boshqarmasida, Termiz tuman adliya bo‘limi tomonidan tumanning “Navro‘z” mahallasida, Sherobod tuman adliya bo‘limi tomonidan tuman madaniyat va turizm bo‘limida Mehnat kodeksi, yangi tahrirdagi Konstitutsiya, davlat xizmatlarini ko‘rsatishga oid qonunchilikda belgilangan tartiblar hamda boshqa qonunchilkidagi sohaga aloqdor qonun hujjatlar mohiyati bo‘yicha seminarlar tashkil etilib, ishtirokchilar tomonidan berilgan savollarga javoblar berildi.

Kanalga ulanish 👉  https://t.iss.one/surxondaryoadliya

➡️ Telegram I 💬 Facebook I 😎 Youtube I 🌐 Web-site