Ўсмирлар ўйидаги режа

Ҳали вояга етмаган икки ўспирин Санжар ва Ҳаким (исмлар ўзгартирилди) ўртоқ. Улар мактабга бирга бориб-келишади. Юқори синфга ўтгандан бери ўзларини анча улғайиб қолишгандек ҳис қила бошлашди. “Биз ҳам бирор каттароқ ишга қўл урсакмикан” деб ўзларича ҳазиллашишарди. Аммо ҳазил чинга айланиб, улар ростдан режа туза бошлашди.
Хуллас, Сариосиё туманидаги Мирзо Улуғбек маҳалласида жойлашган савдо марказидаги 7 та дўконни ўмармоқчи бўлишди. Улар келишилган куни кечаси худди ўзлари кўрган детектив фильмлардаги ўғрилардек билдирмайгина дўконлардаги 24506000 сўмлик товарларни, 2 450 000 сўм пулни ўмаришди.
Икки ўртоқнинг тузган режаси амалга ошди. Бироқ ҳеч қанча вақт ўтмай, туман ИИБ ходимлари томонидан кўрилган чоралар натижасида бари ошкор бўлди. Қилган иши қанчалик нотўғри эканлигини энди фаҳмлашди.
Афсуски, кўзлари кеч очилган ўсмир йигитларга нисбатан қонун ўз сўзини айтмай қўймайди.
Феруза РАҲМОНҚУЛОВА,
“Postda” мухбири.
Сурхондарё вилояти.

👉 @postdarasmiy телеграм каналимизга аъзо

Ишламай еган оғримай ўлар

Ризқни ҳалоллаб емоқ жоиздир, дейилади муқаддас китобларда. Негаки, ҳалол ризқ баракали бўлиб, томоқни куйдирмайди. Нопок йўл билан топилган луқма эса кишини не бир синовли кўчаларда сарсон қилиб, бошини эгади.
Термиз шаҳрида яшовчи Н.А. ва З.Б. буни билса-да, нафсининг қулига айланишди. Шаҳардаги Саховат ҳамда Мажнунтол маҳаллаларидаги хонадонлардан 6 миллион 100 минг сўмлик 4 бош қўйни ўғирлашди-да, уларни сўйиб пуллашди. Чўнтаклари бироз қаппайгач, бунга қаноат қилмай, Жарқўрғон туманидаги Дўстлик маҳалласида истиқомат қилувчи А.А.нинг қўрасидаги 2 бош қўйни ҳам ими-жимида оёғини ерга теккизмай, олиб кетишди. Уларни ҳам сўйиб, жойига жойламоқчи бўлганларида эса ички ишлар органлари ходимлари томонидан қўлга олинди.
Луқмасига ҳаром аралаштиришга жазм қилган йигитлар энди қонун олдида жавоб берадиган бўлишди.
Ботир ХЎЖАМБЕРДИЕВ,
майор.
Сурхондарё вилояти.

Ўз тенгдошини Жанубий Кореяга ўқишга киритаман деб салкам 4 минг долларга чув туширди

#Шўрчи туманидаги Ж.Н. ўтган йил июль ойида Тошкент шаҳридаги МЧЖлардан бири орқали Жанубий Кореянинг «Avon Art» университетига ўқишга киритиб қўйишни ваъда қилган Ж.Н. га хизмати эвазига 3 минг 700 доллар пул беради.

С.Т. бир йилдан ортиқ вақт кутса ҳамки, Ж.Н.дан натижа бўлмайди.

Шундан сўнг у ички ишлар идорасига мурожаат қилади. Маълум бўлишича, Ж.Н. олинган пулларни ўз эҳтиёжлари учун ишлатиб юборган экан.

Ж.Н.га нисбатан Жиноят кодексининг тегишли моддалари билан жиноий иш қўзғатилиб, тергов ҳаракатлари олиб борилмоқда.

👉 Сурхондарё хабарлари

#Биласизми

🛡 Ички ишлар ходими фуқароларнинг паспортини текширишга ҳақлими?

"Ички ишлар органлари тўғрисида"ги Қонунга асосан ички ишлар органлари ўз хизмат мажбуриятларини амалга ошириш чоғида фуқароларнинг шахсини тасдиқлайдиган ҳужжатларини текшириш ҳуқуқига эга.

Шунингдек, Жиноят-процессуал кодексига мувофиқ, шахсни жиноят содир этишда гумон қилиш учун асос бўладиган маълумотлар мавжуд бўлиб, у қочмоқчи бўлса ёки доимий яшайдиган жойи йўқ ёхуд шахси аниқланмаган бўлса ушлаб турилиши мумкин.

👮‍♀️Бундай ҳолларда ички ишлар органи ходими (бошқа ваколатли шахс):

👉 ўзини таништириши ва ушлаб турилган шахснинг талабига кўра ўз шахсини тасдиқловчи ҳужжатни кўрсатиши;

👉 гумон қилинувчига у жиноят содир этишда гумон қилиб ушланганлигини маълум қилиши;

👉 ушлаб турилган шахсга адвокатга ёки яқин қариндошига телефон қилиш ёки хабар бериш, ҳимоячига эга бўлиш, кўрсатувлар беришни рад этишга бўлган процессуал ҳуқуқларини тушунтириши;

👉 ушлаб турилган шахсга у берган кўрсатувлардан жиноят ишига доир далиллар сифатида унинг ўзига қарши фойдаланилиши мумкинлигини билдириши;

👉 ушлаб турилган шахсдан яқин орадаги ички ишлар органига ёки ҳуқуқни муҳофаза қилувчи бошқа органга бирга боришини талаб қилиши шарт.

📹 Ушбу процессуал ҳаракатлар видеоёзув орқали қайд этилиши шарт (кечиктириб бўлмайдиган ҳоллардан ташқари).

Манба: huquqiyaxborot

👉 @postdarasmiy телеграм каналимизга аъзо бўлинг.

Ишламай еган оғримай ўлар

Ризқни ҳалоллаб емоқ жоиздир, дейилади муқаддас китобларда. Негаки, ҳалол ризқ баракали бўлиб, томоқни куйдирмайди. Нопок йўл билан топилган луқма эса кишини не бир синовли кўчаларда сарсон қилиб, бошини эгади.
Термиз шаҳрида яшовчи Н.А. ва З.Б. буни билса-да, нафсининг қулига айланишди. Шаҳардаги Саховат ҳамда Мажнунтол маҳаллаларидаги хонадонлардан 6 миллион 100 минг сўмлик 4 бош қўйни ўғирлашди-да, уларни сўйиб пуллашди. Чўнтаклари бироз қаппайгач, бунга қаноат қилмай, Жарқўрғон туманидаги Дўстлик маҳалласида истиқомат қилувчи А.А.нинг қўрасидаги 2 бош қўйни ҳам ими-жимида оёғини ерга теккизмай, олиб кетишди. Уларни ҳам сўйиб, жойига жойламоқчи бўлганларида эса ички ишлар органлари ходимлари томонидан қўлга олинди.
Луқмасига ҳаром аралаштиришга жазм қилган йигитлар энди қонун олдида жавоб берадиган бўлишди.
Ботир ХЎЖАМБЕРДИЕВ,
майор.
Сурхондарё вилояти.