Մեր դիմաց իշխանություն է, որն ընդունակ է ցանկացած քայլի. Նաիրա Կարապետյան

Սիրելինե´ր,
Շաբաթ օրը առավոտյան՝ ժամը 11:00-ին, հետևե՛ք Բագրատ Սրբազանի ուղիղ եթերին

Հոգևոր մարտ. Զրույց մեր հայրենակիցների հետ

Հոգևոր մարտում հաղթանակ տանելով՝ կհաղթենք բոլոր մարտահրավերներում

Ամբողջականը` https://www.youtube.com/live/NcoJv2bx2BE?si=Bs4evt2jo5NTGGN3

Մենք կհաղթենք այն ժամանակ, երբ հաղթենք հոգևոր դաշտում։ Այս գիտակցությունը պետք է բոլորինը դառնա, ովքեր ցանկանում են ազատվել չարիքի իշխանությունից։

Մեր ամբողջ ջանքը պետք է ներդրվի չարիքի իշխանությունը հեռացնելու համար, որպեսզի ճանապարհ բացենք արդարության ու ճշմարտության համար։ Գործողությունների այն ծրագիրը, որ ունենք, ճիշտ ժամանակին գործադրելու ենք և անելու ենք ամեն օր, որովհետև դա ոչ թե որևէ մեկի ցանկությունն է, այլ հանրային պահանջ, անհրաժեշտություն, և մեր պայքարի տրամաբանական ավարտը, ճշմարտության և արդարության հաղթանակն ի շահ պետության, ի շահ հայրենիքի։ Իմ բոլոր այցելությունների ժամանակ բոլորի մտքում հետևյալ հարցն է․ ոչ թե անելու ենք, թե՝ ոչ, այլ՝ երբ ենք հեռացնելու չարիքին։ Սա ուրախություն է ինձ համար, որովհետև անընդհատ այս աճող տրամադրությունը խոսում է այն մասին, որ մարդիկ այլևս չեն հարցնում հնարավոր է կամ անհնար, այլ գիտակցում են, որ դա անհրաժեշտություն է և պահանջ։ Մենք խոստացել ենք այդ պահանջն իրականացնել և անկախ նրանից, թե ինչ իրավիճակում կլինենք, այդ խոստումն իրականանալու է։

Բագրատ Սրբազան

Մեր այս դիմումները, հատկապես «Քաղաքացիական պայմանագիր» կուսակցության կամ խմբակցության անդամներին, չափազանց վրդովեցրել են ստի քարոզչամեքենային և նրա գործիքներին, ովքեր նախորդ շաբաթ տարատեսակ հարձակումներ էին գործում՝ իրենց ստով, կեղծիքով փորձելով մեր խոսքի հասանելիությունը սահմանափակել, վախենալով, որ այն մարդիկ, որոնց մենք դիմել ենք, կարող են մի պահ դադար տալ ու մտածել, թե ի՞նչ հանցակցության ու մեղսակցության տակ են իրենց մտցրել։

Մեզ վերագրում են այնպիսի բաներ՝ իբր մենք ժողովրդին համարում ենք ժեխ կամ զոմբի։ Մենք երբեք նման բան չենք ասել մեր ժողովրդի մասին, այլ հակառակը, ասել ենք, որ դու՝ չարիք, որ այսօր տիրապետում ես իշխանության բոլոր լծակներին և ի չարս գործադրում այդ ամենը, հանցակցության մեջ ես դրել ոչ միայն քո կուսակիցներին, որոնցից քայլ առ քայլ հրաժարվում ես, դեն շպրտելով որպես օգտագործված գործիքներ, այլև այն ամբողջ ժողովրդին, որոնք քեզ այս կամ այն պատճառով ընտրել են։ Մեր կոչը եղել է, որ ժամ առաջ հրաժարվեն քեզանից, որովհետև բոլորը հանցակից են դառնում քո գործած չարիքներին։

Բագրատ Սրբազան

Մենք տեսնում ենք, որ օրակարգ կամ բացարձակ գոյություն չունի, կամ ուղղակիորեն թշնամու օրակարգի ծառայությունն է, որոնց մեջ կրկին ներկայացվել է Սահմանադրության փոփոխության պահանջը, բանակի, ԵԱՀԿ Մինսկի խմբի լուծարման պահանջը, ադրբեջանցիների վերադարձի պահանջը, և չկա որևէ արձագանք։

Ռուբեն Վարդանյանին սպառնում են ցմահ ազատազրմամբ, ինչը վերաբերում է նաև Արցախի ռազմաքաղաքական բոլոր ղեկավարներին, և այս ամբողջ խորապատկերի մեջ ո՞ւր է Հայաստանի Հանրապետության այսպես կոչված իշխանությունը, ի՞նչով է զբաղված։ Մի գուցե ներքին լռությամբ կամ պայմանավորվածությամբ իրենք համագործակցում են Ադրբեջանի իշխանության հետ, այլապես որևէ կերպ կարձագանքեին այս ամենին, կլիներ միջազգային տարբեր ատյաններում, թե կլիներ թշնամուն ուղղակիորեն պատասխանելով։ Բայց քանի որ իրենք որպես Հայաստանի Հանրապետության շահերը պաշտպանող իշխանություն գոյություն չունեն, պետք է զբաղվեն այլ բաներով՝ իրենց ամուսնական կյանքի մասին խոսելով, կառավարության նիստերում դատարկաբանելով, փորձելով մերժել առանցքային հարցերը և տեղը գրավեն զանազան չնչին արժեքներ։

Բագրատ Սրբազան

‼️Ի գիտություն լրատվամիջոցների և հետաքրքրված քաղաքացիների‼️

Դեկտեմբերի 23-ին Աջափնյակի դատարանում (հասցե՝ Նազարբեկյան 40) տեղի կունենան երկու քաղաքական գործերով դատական նիստեր.

1) Ժամը 14:00-ին, շարունակվելու են «Հունիսի 12-ի» գործով հիմնական դատալսումները 16 մեղադրյալների նկատմամբ։ Դատախազները սկսելու են հրապարակել գրավոր ապացույցները։

2) Ժամը 17:00-ին շարունակվելու են Սամվել Վարդանյանի վերաբերյալ «ավտոբուսի գործով» հիմնական դատալսումները։ Նախատեսված է սկսել Սամվելի հարցաքննությունը։

Նիստերը դռնբաց են, ձեր ներկայությունը՝ ցանկալի։

ԼՐԱՑՈՒՄ. Նույն դատարանում նույն օրը ժամը 10:00-ին նախատեսված է նաև «ԱԳՆ-ի գործով» դատական նիստը (այս գործով ես ներգրավված չեմ)։ Նախատեսված են պաշտպանության կողմի եզրափակիչ ելույթները։

Իրավապաշտպան Ռուբեն Մելիքյան

Սիրելինե´ր, ժամը 14:00-ի դատական նիստը հետաձգվել է:

Հաջորդ նիստի օրվա և ժամի մասին կտեղեկացնենք:

Մեր կյանքը դարձրել են թատրոն՝ փորձելով, որ իրենք մնան այդ թատրոնի գլխավոր դերակատարները

Սա բարձրագույն աստիճանով անբարոյականության քարոզչություն է. ինչպիսի՞ ընտանիքի մոդել եք քարոզում
Բագրատ Սրբազան

ՄԱՄԼՈ ԱՍՈՒԼԻՍԻ ՀՐԱՎԵՐ
Զանգվածային լրատվամիջոցների հարգելի՛ գործընկերներ,
Դեկտեմբերի 27-ին, ժամը 11:00-ին հրավիրում ենք մասնակցելու Պայքարի առաջնորդ Բագրատ արքեպիսկոպոս Գալստանյանի տարեվերջյան մամլո ասուլիսին Անի Գրանդ հյուրանոցում։

Ադրբեջանցիներին Հայաստանում վերաբնակեցնելուց հետո, խոսվում է իրենց անվտանգությունն ապահովելու համար զինված ներկայություն մասին։

Դրա հետ միասին ադրբեջանցիները բացեիբաց խոսում են Հայաստանի տնտեսական էքսպանսիայի մասին. ունեն հաշվարկ, որ մի քանի միլիարդ դոլար ներարկելով՝ իրենց ձեռքը կվերցնեն բանկային ոլորտը, տեղեկատվական դաշտը և այլ ոլորտներ։

Սա ֆանտաստիկայի ժանրից չէ։ Այս կետերից գեթ մեկի իրականություն դառնալու արդյունքում Հայաստանի Հանրապետության չգոյության հիմքն ենք դնում։
Գառնիկ Դանիելյան

Ովքեր լռել են, չեն խոսել, չեն արտահայտվել այս ամբողջ ժամանակահատվածում. դուք ուրացողներ եք, դավաճաններ եք։ Դուք իրավունք չունեք ո՛չ հայրենիքի, ո՛չ վեհ արժեքների մասին խոսելու։

Ձեր խոսքը և ձեր գործը միմյանց հետ կապ չունեն։
Բագրատ Սրբազան

Բագրատ Սրբազանը զոհասեղանին է դրել իր ունեցած ամեն ինչը. Քրիստինե Վարդանյան

Պայքարի բովով անցած մարդիկ, ավելի՛ զորացեք, որովհետև մեզ հասած բոլոր տեղեկություններով այս մարդկանց (չարիքի) վերջը հասել է։

Նայե՛ք սրանց խոսույթին, թեմաներին. չկա՛ ոչ մի իրական թեմա պետության մասին, հայրենիքի մասին, մեր կյանքի զարգացման, նպատակների մասին։ Ամեն ինչ ԴԱՏԱՐԿՈՒԹՅԱՆ մասին է, մեզ՝ իրենցով ԶԲԱՂԵՑՆԵԼՈՒ մասին է:
Բագրատ Սրբազան

2024թ.-ը մեր կյանքում նշանավորվեց «Տավուշը Հանուն Հայրենիքի» շարժմամբ, որը շատ շուտով մեր ժողովուրդը վերանվանեց «Սրբազան Պայքար»: Այն սկիզբ առավ ընդդեմ ապօրինի, հակասահմանադրական, հակապետական, թշնամուց պարտադրված և միակողմանի զիջումներով պայմանավորված, այսպես կոչված «սահմանազատման և սահմանագծման» հանցավոր ծրագրի:

Միևնույն ժամանակ, վերստին ցանկանում եմ հիշեցնել, որ մենք պայքարի ենք դուրս եկել ներհանրային լայն Հաշտության օրակարգով՝ պայքարելով ստի և կեղծիքի, ատելության և թշնամության դեմ, որը պարզապես ամենօրյա դրությամբ քայքայում է մեր ընդհանրական կյանքը: Մենք պայքարի ենք դուրս եկել հանուն ճշմարտության և արդարության, հաշտության և սիրո, այսինքն՝ իր ողջ էությամբ այս շարժումը արժեքային և քաղաքակրթական փոփոխության, մեր ինքնության մասին է: Մենք ապրելուն և պետություն կառուցելուն պարզապես այլընտրանք չունենք։

Բագրատ Սրբազան

Իր բոլոր վերելքներով և վայրէջքներով հանդերձ՝ այս անցնող ողջ ժամանակաշրջանում այս Պայքարը, Շարժումը մեկ րոպե անգամ չի դադարել, և այս ժամանակաշրջանը պարզապես փաստեց, որ մեր ազգն ապրում է փոփոխությունների մեծ ակնկալիքով և սպասում՝ արթնացած հույսերով վերջնականապես ազատագրվելու չարիքի իշխանությունից։

Մեր ներքին և արտաքին թշնամիները կարծում էին, թե վերջնականապես սպանել են այդ հույսը: Այս իմաստով՝ հիշե՛ք խնդրեմ 2024 թվականի՝ մինչև մարտ-ապրիլ ընկած ժամանակահատվածը. Արցախի հանձնումից և կորստից հետո ամբողջական խորը հուսահատություն, անզորության զգացում և հույսի ոչ մեկ նշույլ: Գրեթե ոչ ոք չէր հավատում, որ մեր ժողովուրդը ոտքի կկանգնի իր ինքնության, իր իրավունքների և հայրենատեր լինելու համար:

Ունեցանք մայիս 9-ը, որն ապացուցեց, որ բոլոր նրանք, ովքեր կարծում էին, որ մեր ժողովուրդն անտարբեր է, հարմարվել է իր ինքնաոչնչացման գաղափարին և մեռած է, սխալվեցին: Մայիս 9-ը մեր արթնության սկիզբն է և վկայությունը, որ մեր ժողովրդի ազատագրման ձգտումը չի կարող մարել:

Բագրատ Սրբազան