Soliqchilarning yetti pir bo‘ylab sayohati.

🔰Buxoro... Ta’bir joiz bo‘lsa, tarixning o‘zidan-da qadimiyroq, jahon ma’naviy-ma’rifiy xazinasini o‘zining fozil farzandlari aqlu tafakkuri bilan boyitgan boshqa bir vohani topish qiyin.

✅Ayniqsa, o‘ziga xos fazilatlari ko‘p bo‘lgan Xojagoniya tariqatining yetti ulug‘ piri mangu qo‘nim topgan qadamjolarni ziyorat qilish ko‘plab musulmonlar uchun alohida orzu hisoblanadi.

✳️Mana shu orzuni amalga oshirish maqsadida Toshkent viloyati davlat soliq boshqarmasi boshlig‘i va mutasaddilari ezgu ishga qo‘l urdilar.

❇️Xususan, Toshkent viloyati davlat soliq boshqarmasi xodimlari uchun ko‘hna va boqiy Buxoroda joylashgan Yetti pir bo‘ylab sayohat uyushtirildi.

✔️Poytaxtdan yo‘lga chiqqan zamonaviy avtobus erta tongda Buxoroning G‘ijdivon shahriga yetib bordi.

‼️Toshkent viloyati davlat soliq boshqarmasi boshlig‘i birinchi o‘rinbosari A.Tillaev tomonidan G‘ijdivonda kutib olingan xodimlar dastavval nonushtaga taklif qilindi va undan so‘ng Yetti pir silsilasining boshi hisoblanmish “Xoja Abdulxoliq G‘ijduvoniy” ziyoratgohiga tashrif buyurdilar.

💥Undan keyin Yetti pirning ikkinchisi, ya’ni Xoja Muhammad Orif Revgariy Mohitobon ziyoratgohi sari Shofirkon tumaniga yo‘l olindi.

✔️Keyingi manzil Vobkent tumanidagi “Xoja Mahmud Anjir Fag‘naviy” ziyoratgohi bo‘ldi

📌Yetti pirning to‘rtinchisi Romitan tumanida joylashgan “Xoja Ali Romitaniy” ziyoratgohidir. Vobkent tumanidan salkam 37 kilometr yo‘l bosilib, bu yerga tashrif buyurgan davlat soliq organi xodimlari bir lahza bo‘lsa ham o‘zlarini o‘tmishga tushganday his qildilar.

⚡️Sayohatni davom etitrish maqsadida Romitan tumanida joylashgan yana bir pir Xoja Ali Romitaniyning shogirdi Xoja Muhammad Boboyi Samosiy ziyoratgohi sari hozirlandilar.

🌱Xoja Muhammad Boboyi Samosiy ziyoratgohi Xoja Romitaniy ziyoratgohidan 5 kilometr masofada joylashgan bo‘lib, “Etti pir” qadamjolari bo‘ylab ziyoratga chiqqan xodimlarning ta’kidlashlariicha, har bir pirning ziyorati o‘zgacha kayfiyat baxsh etib, ular ruhan va ma’nan poklanganlar.

✨Shundan so‘ng Pirlarning oltinchisi “Sayyid Amir Kulol” ziyoratgohi tomon yo‘l oldilar. Kogon tumani Yangi hayot qo‘rg‘onida joylashgan mazkur ziyoratgoh Romitan tumanidan salkam 47 kilometr uzoqlikda joylashgan ekan.

💫Nihoyat yettinchi manzil dunyoga mashhur Bahouddin Naqshband ziyoratgohi bo‘ldi. Ushbu qadamjo Kogon tumani Qasri Orifon qishlog‘ida joylashgan. Bu yergacha Sayyid Amir Kulol ziyoratgohidan 5 kilometr yo‘l yuriladi.

✔️Buxoroda joylashgan Yetti pir bo‘ylab ham ziyorat, ham sayohat qilish g‘oyat savob ish bo‘ldi. Toshkent viloyati davlat soliq boshqarmasi boshlig‘i birinchi o‘rinbosari A.Tillaev boshchiligida boshlangan yetti pir ziyorati xorijiy sayyohlar uchun mo‘ljallangan “Chinor” kafesidagi ajoyib tushlik bilan tugadi.

📍Tushlikdan so‘ng, Ark majmuasi ziyorat qilinib, Buxoro safari nihoyalandi va xodimlar Samarqand shahri sari yo‘l oldilar.

✍️Toshkent viloyati davlat soliq boshqarmasi axborot xizmati.