Бугун Нурафшон шаҳрида вилоят хоқими Рустам Холматов бошчилигида Ўзбекистон Республикаси мустақиллигининг 29 йиллигига бағишланган "Сен-қудрат манбаи, саодат маскани жонажон Ўзбекистоним!" деган эзгу ғояни ўзида мужасам этган "Энг улуғ, энг азиз" анъанавий республика танловининг вилоят босқичи бўлиб ўтди.

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар Агентлигининг Тошкент вилояти бошқармаси хамда вилоят хокимлиги ҳамкорлигида Нурафшон шаҳрида ўтказилган мазкур танлов ғолиб ва совриндорларига диплом, қимматбаҳо эсдалик совғалари ҳамда 1млн. 500 минг сўмдан пул мукофотлари тақдим этилди.

Тадбирда вилоятнинг таниқли ижодкор рассомлари, шоирлар ўз ҳаётлари ва фаолиятлари, инсоний фазилатлари, ноёб истеъдодларига оид фикр-мулоҳазалари билан иштирокчиларга таассуротлар қолдирдилар ва иқтидорли ёшларга куч-ғайрат бағишладилар.

Ўзбекистон халқ шоирлари томонидан ижро этилган шерий тўпламлар барчага кўтаринки кайфият бахш этди.

- Ғолибларни аниқлаш осон кечмади. Танловга қабул қилинган барча ижодий ишларнинг барчаси энг сара ишлар дейиш мумкин, - дейди Ўзбекистон Республикаси Президенти Администрацияси ҳузуридаги Ахборот ва оммавий коммуникациялар Агентлигининг Тошкент вилояти ҳудудий бошқармаси бошлиғи Зарифа Эралиева.

Қувонарлиси, ушбу танловда
янги-янги ижод намуналаридан бахраманд бўлиш билан бирга, янги истеъдод эгаларини кашф этганимиздан хурсанд бўлдик,-дейди Беҳзод Қобулов вилоят хокимлигининг ахборот хизматлари бошлиғи. Содда ва меҳнаткаш халқимизнинг дарду қувончларини тезкорлик билан ОАВларида ёритилишида ўз хиссаларини қўшиб ғолибларимиз нозик дид ва юксак маҳорат билан Ватанга садоқат каби сифатларни шакллантирмоқда.

Ўтказилган бу каби тадбирлар бизни ватанпарварлик, буюк аждодларимизга муносиб авлод бўлиш каби сифатларимизни шакллантириб, дунёқарашимизни янада кенгайтиради дейди ушбу танловда интернет нашрларда, ижтимоий тармоқларда эълон қилинган туркум материаллари учун 2- даражали Диплом билан тақдирланган вилоят Солиқ бошқармаси Ахборот хизмати бошлиғи Замира Қўлдошева.

Тошкент вилояти давлат солиқ бошқармаси ахборот хизмати.

«Газета.uz» нашри Коррупцияга қарши курашиш агентлиги директори Aкмал Бурханов билан катта интервьюни эълон қилди.

— Коррупция нафақат давлатнинг ички сиёсатига, балки мамлакатнинг халқаро майдондаги обрўсига ҳам таъсир қилади. Коррупциянинг ҳолати халқаро алоқаларни яратиш, иқтисодий, сиёсий ва ижтимоий-маданий соҳаларда салбий оқибатларга олиб келади. Шунинг учун халқаро рейтингдаги позицияларимиз яхши бўлиши учун ишлашимиз керак. Бу мамлакат тараққиёти ва демократиясининг барометри ҳисобланади.

Aфсуски, биз коррупцияни қабул қилиш индексида 153-ўринни эгаллаб турибмиз. Объектив равишда назар солсак, биз у ерда 120-ўринда бўлишимиз мумкин эди. Бу рейтинг қандай тузилади ва маълумотлар қаердан олинади? Очиқ маълумотлардан. Бизда эса очиқ маълумотлар умуман йўқ», — Бурханов.

Каналга уланиш: 👇
t.iss.one/Rasmiy_xabarlar_Official

Эҳтиёжманд оилаларга ёрдам кўрсатилди.

Мустақиллигимизнинг 29 йиллик байрами муносабати билан Тошкент вилоятининг 4-сектор ҳудудида истиқомат қилувчи эҳтиёжманд оилаларга озиқ-овқат маҳсулотларини етказиб берилиши билан боғлиқ хайрли тадбирлар давом этмоқда.

Вилоят давлат солиқ бошқармаси бошлиғи, 4-сектор раҳбари Равшан Раимов ташаббуси билан ўтказилаётган навбатдаги саҳоват тадбири Қуйичирчиқ туманида ташкил этилди.

Туманда 4-секторга бириктирилган солиқ органи ходимлари томонидан шакиллантирилган рўйхат асосида 125 та кам таъминланган, имконияти чекланган, боқувчисини йўқотган ҳамда ижтимоий ҳимояга муҳтож оилага 13 турдаги 18 млн. 125 минг сўмлик қишлоқ хўжалик ва озиқ-овқат маҳсулотлари етказилди.

Кўрсатилган бу каби амалий ёрдамдан қувончга тўлган қалб эгалари хайрли ишларни ташкиллашдирган 4-сектор раҳбарига ўз миннатдорликларини билдиришди.

-Ўзим 2-гуруҳ ногирониман, оиламизда даромад манбаи бўлмаганлиги сабабли пандемия даврида анча қийналиб қолгандик-дейди, Қўйичирчиқ тумани Хўжапискент МФЙ Мингсада кўчаси 5-уйда яшовчи Санжар Сатторов. 4-сектор аъзолари оғир шароитда аҳволимиздан хабардор бўлиб туришди. Бугун Мустақиллик байрами арафасида озиқ-овқат маҳсулотларининг берилиши ҳаммамизни хурсанд қилди.

-Кон Цондра Қўйичирчиқ тумани Беруний МФЙ Ватандош кўчасида ёлғиз ўзи истиқомат қилади. У ёрдамга муҳтож фуқаро бўлганлиги учун доим 4-сектор раҳбари назоратида бўлди ва карантин даврида мунтазам дори-дармон воситалари етказиб берилди.Шунингдек, мустақиллик байрами муносабати билан 13 турдаги озиқ –овқат ва қишлоқ хўжалик маҳсулотларининг берилиши Кон Цондранинг ўксик қалбини қувончга тўлдирди.


Тошкент вилояти давлат солиқ бошқармаси ахборот хизмати.

Тошкент вилоятида ўзини ўзи банд қилганлар сони 30,0 минг нафарга яқинлашди.

Давлатимиз раҳбарининг июнь ойидаги 4742-сонли Ўзини ўзи банд бўлган фуқароларни соддалаштирилган тартибда рўйхатдан ўтказиш тўғрисида Қарори қабул қилиниб, Тошкент вилоятида истиқомат қилувчи фуқароларга қулайликлар, кенг имконият ва имтиёзлар берилмоқда.

Хусусан, улар шуғулланиши мумкин бўлган фаолият турлари 23 тадан 67 тага кенгайтирилиб, эндиликда норасмий секторда банд бўлган фуқароларимизнинг фаолияти легаллаштирилди ва мобил илова орқали руйхатдан ўтишлари бепул қилиб қўйилди.

Биргина Тошкент вилояти бўйича йил давомида 67 та фаолият тури бўича 28 863 нафар фуқароларни рўйхатдан ўтказиш режалаштирилган бўлса, бугунги кунга қадар 32 519 нафар фуқаролар яшаш манзиллари бўйича, 29 684 нафар фуқаролар эса фаолият манзиллари бўйича рўйхатга олинди.

Ҳозирда Тошкент вилояти ҳудудидаги деҳқон бозорлар, қишлоқ хўжалиги маҳсулотлари сотувчилар, тикувчилар, аҳоли уйларини таъмирловчилар, транспорт васиталарига техник хизмат кўрсатувчилар, сартарошлар, нонвойларни ҳисобга олиш ва уларга тегишли тушунтириш ишларини олиб бориш мақсадида 200 нафардан ортиқ солиқ хизмати ходимлари жалб қилинган.

Қарор бўйича улар томонидан тарғибот ва тушунтириш ишлари самарали ташкил этилган.
Натижада: ✅маиший хизматлар кўрсатиш бўйича – 6 851 нафар;
✅ Қишлоқ хўжалиги йўнилиши бўйича – 6 913 нафар;
✅ Ижтимоий йўналишлар бўйича – 6 711 нафар;
✅ Халқ истеъмоли моллари ишлаб чиқариш ва хизматлар кўрсатиш фаолият турлари бўйича – 4 506 нафар;
✅Саноат йўналишлари бўйича - 4083 нафар;
✅ Ва Ахборот коммуникатция йўналишлари бўйича - 620 нафар фуқаролар рўйхатга олиниб бандилиги таъминланди.

Таъкидлаш жоиз, солиқ органлари ходимлари томонидан олиб борилган тарғибот тадбирлари натижасида энг чекка ҳудудларда фаолият юритаётган сартарош, этикдўз, новвой, темирчи, дурадгор, тикувчи каби 60 дан ортиқ фаолият тури билан шуғулланиб келаётган фуқароларнинг бандлиги таъминланмоқда.

Халқимизнинг яхши кунларига хизмат қилиб келаётган аҳоли томонидан ушбу қарор хурсандчилик билан қабул қилинди.Сабаби, соҳада кўп йиллик тажрибаси бўлсада, аксарият фуқароларнинг меҳнат фаолияти ҳеч қаерда қонуний қайд этилмас эди. Эндиликда иш стажи меҳнат дафтарчасига ёзилади, бу эса фуқароларнинг пенсия ёшига етганида нафақа тайинлаш учун талаб қилинадиган меҳнат стажи йўқлиги муаммосини бартараф этади.

Хулоса ўрнида шуни айтиш мумкинки, аҳоли бандлигини таъминлаш ва камбағалликни қисқартириш борасида қилинаётган бу каби эзгу ишлар мамлакат иқтисодиётда ўсиши ва албатта аҳоли фаровонлигини ошишига хизмат қилади.

Тошкент вилояти давлат солиқ бошқармаси ахборот хизмати