Soliqlarni o‘z vaqtida to‘lashni unutmang!!!

🔰Soliq solinadigan mol-mulki va yer uchastkalari bo‘lgan jismoniy shaxslar hamda dehqon xo‘jaliklari mol-mulk va yer soliqlarini to‘lash muddatlari teng ulushlarda 15 aprel va 15 oktyabr etib belgilangan.

❇️2023-yilda Toshkent viloyatida mol-mulk va yer solig‘i to‘lanishi lozim bo‘lgan 776 mingdan ortiq ob’ekt mavjud. Ularning egalariga soliq xizmati organlari tomonidan soliqlarni to‘lash haqidagi ma’lumotnoma yuborilgan.

❇️Joriy yil 28-mart sanasiga qadar, 60,2 mlrd. so‘m miqdorida mol-mulk va yer soliqlari bo‘yicha to‘lovlar amalga oshirildi. Tahlillarga ko‘ra, viloyatning Zangiota, Qibray, Toshkent, Olmaliq shahar hamda O‘tachirchiq tumani fuqarolari mol-mulk va yer soliqlarini to‘lash bo‘yicha peshqadamlik qilmoqda.

❇️Eslatib o‘tamiz, soliq to‘lovchilarga qulayliklar yaratish maqsadida mol-mulk va yer soliqlarini «Soliq» mobil ilovasi orqali uydan chiqmagan holda to‘lash imkoniyati yaratilgan.

✍️Viloyat soliq boshqarmasi axborot xizmati.

#qonunchilikdagi_yangiliklar

Ish haqi, pensiyalar va nafaqalar miqdori oshiriladi

01.04.2023-yildan pensiyalar va nafaqalar miqdori 7 %ga oshiriladi.
Shuningdek:
- pensiyani hisoblashning bazaviy miqdori – oyiga 347 000 so‘m;
- yoshga doir eng kam pensiya miqdori – oyiga 677 000 so‘m etib belgilanadi.

01.05.2023-yildan budjet tashkilotlari xodimlarining ish haqi miqdori 7 %ga oshiriladi.
Shuningdek:
- mehnatga haq to‘lashning eng kam miqdori (MHETKM) – oyiga 980 000 so‘m;
- bazaviy hisoblash miqdori (BHM) – oyiga 330 000 so‘m etib belgilanadi.

📜O‘zbekiston Respublikasi Prezidentining “Ish haqi, pensiyalar va nafaqalar miqdorini oshirish to‘g‘risida”gi farmoni. 28.03.2023-yil

👉 Batafsil

Тelegram |Facebook |Youtube| Instagram |Twitter

❓Jismoniy shaxslardan olinadigan yer solig‘i bo‘yicha qanday imtiyozlar bor?

🟣Soliq kodeksining 436-moddasiga muvofiq, jismoniy shaxslardan olinadigan yer solig‘idan quyidagilar ozod qilinadi:

✅ «O‘zbekiston Qahramoni», Sovet Ittifoqi Qahramoni, Mehnat Qahramoni unvonlariga sazovor bo‘lgan, uchala darajadagi Shuhrat ordeni bilan taqdirlangan fuqarolar;

✅ urush nogironlari va qatnashchilari, shuningdek doirasi qonun hujjatlari bilan belgilanadigan ularga tenglashtirilgan shaxslar;

✅ I va II guruh nogironligi bo‘lgan shaxslar;

✅ yolg‘iz pensionerlar. Yolg‘iz yoki voyaga yetmagan bolalari bilan yoxud nogiron bolasi bilan birga alohida uyda yashovchi pensionerlar yolg‘iz pensionerlar deb tushuniladi;

✅ boquvchisini yo‘qotgan ko‘p bolali oilalar. Ota-onasidan biri yoki ota-onasi vafot etgan hamda oilada o‘n olti yoshga to‘lmagan beshta va undan ortiq bolalari bo‘lgan oilalar soliq solish maqsadida boquvchisini yo‘qotgan ko‘p bolali oilalardir;

✅ Chernobil AESdagi avariya oqibatlarini tugatishda ishtirok etganlik uchun imtiyozlar oladigan fuqarolar (shu jumladan vaqtincha yuborilgan yoki xizmat safariga yuborilgan) fuqarolar;

✅ energiya resurslarining amaldagi tarmoqlaridan to‘liq uzib qo‘yilgan turar joylarda qayta tiklanadigan energiya manbalaridan foydalanuvchi shaxslar – qayta tiklanadigan energiya manbalari o‘rnatilgan oydan e’tiboran uch yil muddatga.

❓Avtomobillarni yuvish shoxobchalari uchun suv soligʻi stavkasi qancha?

✅Avtotransport vositalarini yuvish uchun ishlatilgan 1 kub metr suv hajmi uchun suv resurslaridan foydalanganlik uchun soliq stavkasi 2410 so‘m.

❗️Suv resurslaridan ruxsat beruvchi hujjatlarsiz foydalanilganda, shuningdek avtotransport vositalarini yuvishni amalga oshiruvchi korxonalar tomonidan yer usti manbalaridan olingan suvdan foydalanilganda soliq stavkasi belgilangan soliq stavkalarining besh baravari (2410 x 5= 12 050 so‘m) miqdorida belgilanadi (Soliq kodeksi 445-modda).

1-aprel – daromadlar to‘g‘risida deklaratsiya topshirishning oxirgi muddati.

Soliq kodeksining 393-moddasiga asosan 2022-yil davomida:

🔺 mulkiy daromadlar (agar ushbu bo‘limga muvofiq bu daromadlarga soliq agentida soliq solinmasa);

🔺 ilm-fan, adabiyot va san’at asarlarini yaratganlik hamda ulardan foydalanganlik uchun mualliflik haqi tariqasida;

🔺 moddiy naf tarzida (agar ushbu bo‘limga muvofiq bu daromadlarga soliq agentida soliq solinmasa);

🔺 O‘zbekiston Respublikasi hududidan tashqaridagi manbalardan;

🔺 soliq agentlari bo‘lmagan manbalardan;

🔺 soliq agenti tomonidan soliq ushlab qolinmagan soliq solinadigan boshqa manbalardan daromad olgan O‘zbekiston Respublikasining rezidentlari 2023-yilning 1-apreliga qadar jami yillik daromadlari to‘g‘risida deklaratsiya topshirishlari lozim.

✍Toshkent viloyati soliq boshqarmasi axborot xizmati.

#eʼlon

Shaxsiy kabinetda soliq to'lashdan oldin "yangilash"ni unutmang!

Soliq toʻlovchilar my.soliq.uz saytidagi shaxsiy kabinet orqali ShJBPHga badallarni toʻlashda joriy hisobraqamlarning oʻzgarishi bilan bogʻliq murojaatlar kelib tushmoqda.

Shu munosabat bilan eslatib o'tamiz: shaxsiy kabinetda to'lovni amalga oshirishdan oldin “Yuridik shaxslarning soliqlarini to‘lash” bo‘limiga kirib “Soliq turlarini yangilash” tugmasini bosish lozim.

Agar to'lov yuqorida ko'rsatilgan tartibda hisobraqamlar yangilanmasdan amalga oshirilgan bo'lsa, to'langan mablag'larni to'g'ri aks ettirish uchun xizmat ko'rsatuvchi bankka murojaat qilish lozim.

Тelegram |Facebook |Youtube| Instagram |Twitter

#bilasizmi #mol_mulk_soligi

Oʻzbekiston Respublikasi hududida joylashgan:
🔺uy-joylar, kvartiralar, dala hovli imoratlari;
🔺daromad olish uchun moʻljallangan yashash uchun moʻljallanmagan koʻchmas mulk obyektlari;
🔺qurilishi tugallanmagan yashash uchun moʻljallanmagan obyektlar;
🔺koʻp kvartirali uylarga uzviy bogʻliq boʻlgan avtomashina turar joylari;
🔺boshqa imoratlar, binolar va inshootlarga ega bo‘lgan jismoniy shaxslar va dehqon xoʻjaliklari jismoniy shaxslardan olinadigan mol-mulk soligʻini to‘laydi.