#qonunchilikdagi_yangiliklar

✅ Fermer xoʻjaliklariga ishchilari uchun to‘langan daromad soligʻi qaytarib beriladi

🗓 Joriy yil 1-apreldan 2024-yil 1-mayga qadar eksperiment tariqasida paxta yoki gʻalla yetishtirishga ixtisoslashgan fermer xoʻjaliklariga ularning ishchilarining mehnatga haq toʻlash tarzidagi daromadlari boʻyicha toʻlangan JSHODSni bir vaqtning oʻzida quyidagi shartlarga rioya qilinganda qaytarib berish tartibi joriy etiladi:

🔸har bir gektar yer uchun oyiga kamida bir nafar ishchining band boʻlishi;

🔸har bir nafar ishchi uchun oyiga mehnatga haq toʻlash tarzidagi daromad mehnatga haq toʻlashning eng kam miqdorining bir baravaridan kam boʻlmagan miqdorda belgilanganda;

🔸fermer xoʻjaligi oʻtgan yil yakuni boʻyicha Soliq kodeksining 57-moddasi talablariga javob berganda.

🏗2023-yil 1-apreldan boshlab tadbirkorlik subyektlari yangi qurilgan koʻp qavatli ishlab chiqarish binolari, shu jumladan, 2023-yil 1-yanvardan keyin foydalanishga topshirilgan binolar yuzasidan yuridik shaxslarning mol-mulkiga solinadigan soliq boʻyicha hisoblangan summani:
- 3 qavatli binoga – 0,9;
- 4 qavatli binoga – 0,8;
- 5 qavatli binoga – 0,7;
- 6 qavatli binoga – 0,6,
- 7 va undan yuqori qavatli binoga – 0,5 pasaytiruvchi koeffitsiyentni qoʻllagan holda, bino foydalanishga topshirilgan oydan boshlab 3 yildan ortiq boʻlmagan muddatga toʻlaydi. Bunda, ushbu bandda belgilangan pasaytiruvchi koeffitsiyent:

🔸mahsulot ishlab chiqarish boʻyicha faoliyatni amalga oshirish uchun zarur boʻlgan yordamchi xonalar bilan birga, agar ularning maydoni yangi qurilgan koʻp qavatli ishlab chiqarish binosining umumiy maydonining 20 foizidan oshmagan boʻlsa;

🔸ishlab chiqarish maqsadlarida bino bir nechta xoʻjalik yurituvchi subyektlar tomonidan birgalikda foydalanilayotgan boʻlsa, bunday binoning har bir mulkdori tomonidan qoʻllaniladi.

Тelegram |Facebook |Youtube| Instagram |Twitter

#raqamlashtirish #onlayn_NKT

✅ Qaysi korxonalar cheklari eng ko‘p ro‘yxatdan o‘tkazilgan?

🗓O‘tgan oyda “Soliq” mobil ilovasi orqali 37,2 mln ta, keshbek summasi 105 mlrd soʻm bo‘lgan xarid cheklari roʻyxatdan o‘tkazilgan.

Yanvar oyida cheklari eng koʻp roʻyxatdan o‘tkazilgan korxonalar:

1️⃣ “Anglesey Food” MCHJ – 2,6 mln ta chek, keshbek summasi 3,7 mlrd soʻm;
2️⃣ “Havas Food” MChJ QK – 1,3 mln ta, keshbek summasi 703,1 mln soʻm;
3️⃣“UNG Petro” MChJ – 594,5 ming ta chek, keshbek summasi 2,7 mlrd soʻm;
4️⃣“Darvoza Savdo” MChJ – 514,4 ming ta chek, keshbek summasi 409,5 mln soʻm;
5️⃣“International Foodchain” MChJ – 200,2 ming ta chek, keshbek summasi 195,1 mln soʻm.

Тelegram |Facebook |Youtube| Instagram |Twitter

#raqamlashtirish #soliq_tushumlari

✅ Fiskal tahlillar ma'lumotlari 100 dan oshdi

Soliq qo‘mitasi soliq organlari faoliyatiga doir ko‘rsatkichlar bo‘yicha axborotlarni muntazam eʼlon qilib borish amaliyotini yo‘lga qo‘ygan edi, bugungi kun holatiga ushbu maʼlumotlar soni 100 taga yetdi.

Maʼlumotlar har oyda davriy ravishda eʼlon qilinib, ular jamoatchilikka soliq maʼmurchiligining strukturasi va dinamikasini ko‘rish, ularning ijobiy va salbiy tendensiyalarini kuzatib borish imkonini beryapti.

Xususan, bugun ijtimoiy tarmoqlarda muhokama qilinayotgan "YANDEX" va O‘zbekistonda ro‘yxatga olingan boshqa horijiy kompaniyalar to‘lagan soliqlar bo‘yicha ham maʼlumotlar eʼlon qilinganini maʼlum qilamiz.

Shuningdek, “YANDEX EUROPE AG” korxonasiga tegishli “Яндекс GO” mobil ilovasi yordamida taksi faoliyatini amalga oshiruvchi jismoniy shaxslar ushbu ilovaga Toshkent shahar Yunusobod tumanidan ro‘yxatdan o‘tgan “Yandexgo UB” mas’uliyati cheklangan jamiyati (STIR 309457999) orqali a’zo bo‘lmoqda.

Ushbu korxona tomonidan o‘tgan 2022-yil yakunlari bo‘yicha budjetga 138,3 mln so‘m hamda 2023-yilning o‘tgan oylarida 54,3 mln so‘m soliqlar to‘langan.

OAV va ijtimoiy tarmoq faollari o‘zlarini qiziqtirgan raqamlarni fiskal tahlillar kanali orqali istagan vaqtlarda bilib olishlari mumkin.

👉 Fiskal tahlillar

Тelegram |Facebook |Youtube| Instagram |Twitter