#stol_tennisi

BUXOROLIK TENNISCHILAR RESPUBLIKA CHEMPIONATIDA 3 TA OLTIN VA 1 TA BRONZA MEDALLARINI QO‘LGA KIRITISHDI

Joriy yilning 15-21-iyun kunlari Namangan viloyatida sportning stol tennis turi bo‘yicha o‘smirlar (o‘g‘il bolalar va qizlar) o‘rtasida O‘zbekiston chempionati musobaqasi bo‘lib o‘tdi.

Ushbu musobaqada respublikamizning turli mintaqalaridan tashrif buyurgan yoshlar o‘zaro kuch sinashdilar.

E’tiborlisi, unda Buxoro 𝐎𝐏𝐒𝐓𝐓 markazi sportchi-o‘quvchilari ham muvofaqqiyatli ishtirok etib, 3 ta oltin va 1 ta bronza medallarini qo‘lga kiritishdi.

Xususan, ushbu chempionatning o‘smir yigitlar o‘rtasidagi bellashuvlarda Xurshid Ahmedov va o‘smir qizlar o‘rtasidagi kurashlarda Samira Qodirovalar shaxsiy birinchilikni, juftlik o‘yinarda esa Intizor Zokirova hamda Sharifa Toirovalar mutloq g‘oliblikni qo‘lga kiritdilar.

Fursatdan foydalanib, ushbu musobaqada muvofaqqiyatli ishtirok etib g‘oliblikni qo‘lga kiritgan Buxoro 𝐎𝐏𝐒𝐓𝐓 markazi sportchi-o‘quvchilarini viloyat soliq boshqarmasi hamda O‘zbekiston stol tennisi Federatsiyasining Buxoro viloyat hududiy bo‘linmasi g‘alaba bilan qutlaydi.

🌐Тelegram 🌐Facebook 🌐Instagram

#sayyor_qabul

Qorovulbozor tumanida sayyor qabul o‘tkazildi

Aholi va tadbirkorlar muammolarini joyida o‘rganish va ijobiy yechim topish maqsadida bugun viloyat 4-sektor rahbari D.Yuldashev Qorovulbozor tumanida sayyor qabul o‘tkazdi.

Qabulda tegishli tashkilot vakillari ishtirok etib, fuqarolar va tadbirkorlar muammolarini yaqindan tinglab, ularning masalalariga joyida yechim topishga ko‘maklashildi.

Uchrashuvda 15 ga yaqin murojaat sektor rahbariga yo‘llangan bo‘lsa ularning 8 dan ortig‘i shu yerning o‘zida hal etildi.

Qo‘shimcha o‘rganish talab etadigan murojaatlar mas’ullarga biriktirildi hamda ijrosi nazoratga olindi.


🌐Тelegram 🌐Facebook 🌐Instagram

#Matbuot_anjumani

Buxoroda soliq xizmati organlari tomonidan amalga oshirilgan ishlar, erishilgan natijalar hamda kelgusidagi ustuvor vazifalarga bag‘ishlangan matbuot anjumani bo‘lib o‘tdi

Bugun Buxoro viloyati soliq boshqarmasida ommaviy axborot vositalari xodimlari ishtirokida matbuot anjumani bo‘lib o‘tdi.
Unda 20 dan ortiq jurnalist va blogerlar qatnashdi.

Tadbirda yig‘ilganlarga viloyat soliq boshqarmasi boshlig‘i D.Yuldashev joriy yilning II-choragi davomida viloyat soliq xizmati organlari tomonidan amalga oshirilgan ishlar, erishilgan natijalar hamda kelgusidagi ustuvor vazifalar haqida axborot berdi.

Xususan, “Mahalla yettiligi”ga kiritilgan soliq xizmati organi xodimlarining asosiy vazifalari va amalga oshirilayotgan chora-tadbirlar natijasida hududlarda tadbirkorlar o‘rtasida sog‘lom raqobat muhiti shakllantirilayotgani, pirovardida budjet tushumlari barqarorligiga erishilayotgani aniq misollar bilan ta’kidlab o‘tildi.

Ochiq muloqot va samimiy ruhda o‘tgan matbuot anjumanida jurnalistlar va blogerlar mavzu yuzasidan o‘zlarini qiziqtirgan savollarga to‘g‘ridan-to‘g‘ri javob oldilar.

Tadbirda viloyat soliq xizmati organlari faoliyatiga bag‘ishlangan video-lavhalar ham namoyish etildi.

Anjumanda O‘zbekiston Jurnalistlar uyushmasining viloyat bo‘limi boshlig‘i vazifasini bajaruvchi Sh.Ochilov ham ishtirok etib, viloyat soliq boshqarmasi Jamoatchilik bilan aloqalar sho‘basi boshlig‘i B.Fayziyevning O‘zbekiston jurnalistlari ijodiy uyushmasi a’zoligiga qabul qilinganligini e’lon qilib, boshqarma rahbariyati ishtirokida unga uyushmaning ramziy ko‘krak nishoni va guvohnomasini topshirdi.

Matbuot anjumani yakunida soliq ma’murchiligi, xususan viloyatimizda soliq xizmati organlari xodimlarining faoliyatlarini yoritish orqali aholi orasida soliq madaniyatini shakllantirishda qo‘shgan hissasi uchun bir guruh jurnalist va blogerlarga 27 iyun – Matbuot va ommaviy axborot vositalari xodimlari kuni munosabati bilan tashakkurnoma va esdalik sovg‘alari topshirildi.

Buxoro viloyati soliq boshqarmasi
Matbuot xizmati.

🌐Тelegram 🌐Facebook 🌐Instagram