PALOV PISHIRISH BO‘YICHA
OSHPAZLAR KO‘RIK-TANLOVI O‘TKAZILDI

Buxoroda XX an’anaviy xalqaro “Ipak va ziravorlar” festivali bo‘lib o‘tyapti.

Festival doirasida Buxoro shahrining eski shahar qismi bo‘ylab respublikamizdagi folklor jamoalarining chiqishlari, ipak va milliy hunarmandchilik mahsulotlari hamda ziravorlar savdosi ko‘rgazmasi, shuningdek, zardo‘zlik, temirchilik, ipak gilamlari, kashtado‘zlik, kandakorlik, badiiy va miniatyura san’ati mahorat darslari o‘tkazilmoqda.

Ta’kidlash lozim, “Palov sayli” ham ushbu festivalning asosiy tadbirlaridan biri hisoblanadi.

E’tiborlisi, festivalning ana shunday bir biridan qiziqarli dasturlari Buxoroga ko‘plab sayyohlarni jalb etmoqda.

“Gavkushon” madrasasida tashkil etilgan “Palov sayli” milliy taomlar tanlovini bu gal ham horijlik mehmonlar katta qiziqish bilan kuzatdilar.

Tanlov o‘ziga xos ko‘tarinkilik va qiziqarli tarzda davom etdi. Unda o‘zbek xalqining milliy taomi hisoblangan palovning turli turlarini tayyorlashga alohida e’tibor qaratildi.

Tanlov yakunida tayyorlangan biri-biridan mazali palovlar tadbir mehmonlari va ishtirokchilariga tarqatildi.

A.Ochilov.

#qonunchilikdagi_yangiliklar

Prezident qarori: aholi va tadbirkorlik subyektlarini qo‘llab-quvvatlashga qaratilgan muhim hujjat

🔸"E-aktiv"dan foydalanish 2024-yil 1-aprelga qadar uzaytiriladi
🔸Hujjatsiz yerga 3 baravar stavkada soliq hisoblash to‘xtatiladi
🔸Ayrim soliq turlari bo‘yicha penya va jarimalar hisobdan chiqariladi
🔸Daromad soligʻini qaytarib berish tartibi joriy etiladi
🔸Fermer xoʻjaliklariga suv solig‘ini foizsiz boʻlib-boʻlib toʻlashga ruxsat beriladi

Тelegram |Facebook |Youtube| Instagram |Twitter