#savol_javob

❓SAVOL: - Tadbirkorlar boshqa tadbirkorning terminalidan foydalanishi mumkinmi?

✔️JAVOB: - Yo'q, tadbirkorlar boshqa tadbirkorning terminalidan foydalanishi qat'iyan taqiqlanadi. Bu qonunbuzarlik hisoblanadi.

Buning uchun javobgarlik bor:

Mazkur soliq huquqbuzarligi yigirma million so‘m miqdorida jarima solishga sabab bo‘ladi.
👉Soliq kodeksi 221-modda

Qo'shimcha choralar:
▫️Faoliyatni to'xtatish
▫️Litsenziyani bekor qilish
▫️Soliq tekshiruvi

To'g'ri yo'l:👇
🔹O'z nomiga terminal olish
🔹Rasmiy ro'yxatdan o'tkazish
🔹Soliq organida qayd etish

Terminal olish uchun:
➖Bankka murojaat qilish
➖Zarur hujjatlarni taqdim etish
➖Shartnoma tuzish

Тelegram | Facebook|Instagram

#savol_javob

❓Men uyimda turli xildagi meva-sabzavot mahsulotlarini yetishtiraman. Ushbu yetishtirayotgan mahsulotlarimni eksportyor korxonalarga sotsam, olgan daromadimdan soliq to‘laymanmi

Uy xoʻjaligida, shu jumladan dehqon xoʻjaligida yetishtirilgan mahsulotlarni tabiiy va qayta ishlangan holda sotishdan olinadigan daromadlar jismoniy shaxslardan olinadigan daromad soligʻidan ozod etilgan.
*manzarali bogʻdorchilik (gulchilik) mahsulotlari bundan mustasno
👉Soliq kodeksi 378-modda 8-qism

Shuningdek, eksportyor korxonalar meva-sabzavot mahsulotlarini keyinchalik eksport qilish uchun jismoniy shaxslardan sotib olganda, JSHODS boʻyicha imtiyozlar jismoniy shaxslar tomonidan sotilgan mahsulotlar ularga yoki ularning oila aʼzolariga ajratilgan yer uchastkalarida yetishtirilganini tasdiqlovchi hujjat taqdim etilmasdan qoʻllanilishi belgilangan.

Shunga muvofiq, Siz olgan daromadingizdan jismoniy shaxslardan olinadigan daromad soligʻi to‘lamaysiz.
*ushbu dehqonchilik mahsulotlarini boshqa shaxslardan xarid qilib uni keyinchalik boshqa shaxslarga qayta sotish holatlari bundan mustasno
👉“Meva-sabzavot mahsulotlarini eksport qilish tartibi toʻgʻrisida”gi nizomning 7-bandi

Тelegram |Facebook |Youtube| Instagram |X| Threads

#savol_javob

❓Savol: Men Olot tumanida sun’iy havzada baliqchilik faoliyati bilan shug‘ullanaman. Xo‘jaligimda suv tejaydigan sug‘orish texnologiyalaridan foydalanaman. 2025-yilda suv tejaydigan sug‘orish texnologiyalarini o‘rnatganlarga suv resurslaridan foydalanganlik uchun qanday imtiyozlar yoki yengilliklar bor?

B.Bahromov.

✔️Javob

🔹Qishloq xo‘jaligi yerlarini sug‘orish va baliqlarni o‘stirish (yetishtirish) uchun foydalaniladigan suv hajmi, shu jumladan dehqon xo‘jaliklari va qishloq xo‘jaligi yerlariga ega bo‘lgan jismoniy shaxslarga 2025-yilda suv resurslaridan foydalanganlik uchun kamaytiruvchi koyeffisiyentlar belgilangan.

Jumladan:
➖suv tejaydigan sug‘orish texnologiyalari joriy qilinganda hamda sug‘orish uchun olingan suv o‘lchash uskunalari asosida aniqlanganda - 0,5 kamaytiruvchi koyeffisiyent;

➖suv tejaydigan sug‘orish texnologiyalari joriy qilinganda yoki sug‘orish uchun suv hajmi suv o‘lchash uskunalari asosida aniqlanganda - 0,7 kamaytiruvchi koyeffisiyent;

➖baliqchilik uchun olingan suv hajmi suv o‘lchash uskunalari asosida aniqlanganda - 0,7 kamaytiruvchi koyeffisiyent;

➖suv tejaydigan sug‘orish texnologiyalari joriy qilinmaganda hamda sug‘orish uchun olingan suv hajmi suv o‘lchash uskunalari asosida aniqlanmaganda - 1,1 oshiruvchi koyeffisiyent.

Avval yagona 0,7 kamaytiruvchi koyeffisiyent qo‘llanilgan.

Тelegram | Facebook|Instagram|Youtube