#raqamlashtirish #seminar_trening

Soliq qo‘mitasi xodimlari IBM Cognos Analytics platformasidan foydalanish kurslarini yakunladi

Jahon banki bilan hamkorlikda amalga oshirilayotgan “Soliq maʼmuriyatchiligini isloh qilish” loyihasi doirasida soliq tizimining 40 nafarga yaqin xodimi IBM Cognos Analytics platformasida maʼlumotlarni to‘plash, tahlil qilish, grafik va diagrammalar orqali vizualizatsiya qilish hamda tezkor hisobotlar shakllantirish bo‘yicha o‘quv kurslarini yakunladi.

Loyiha doirasida xalqaro ekspertlar guruhi soliq sohasida faoliyat yurituvchi xodimlarni IBM Cognos Analytics tizimidan samarali foydalanish va Business Intelligence (BI) tahlilchilari sifatida tayyorlashga yo‘naltirilgan o‘qitish ishlarini olib bordi.

Soliq tizimi xodimlarining olgan bilimlari kelgusida maʼlumotlarni yig‘ish va modellashtirish orqali murakkab jarayonlarni soddalashtirish, katta hajmdagi maʼlumotlarni tezkor tahlil qilish asosida iqtisodiyotda xufiyona aylanmalar darajasini qisqartirish, shuningdek, soliq to‘lovchilarga yangi, zamonaviy va qulay xizmatlarni ishlab chiqishga xizmat qiladi.

Тelegram |Facebook |Youtube| Instagram |X| Threads

#4_sektor
#sayyor_qabul

Chekka-chekka hududlarda aholi muammolarini o‘rganish va ularga joyida yechim topish maqsadadi Buxoro viloyati 4-sektor ishchi guruhlari tomonidan belgilangan reja-grafikka muvofiq sayyor qabullar o‘tkazilib kelinmoqda.

Bugun ayni shu maqsadda Olot tumanidagi “Xosabo‘yi” mahalla fuqarolari yig‘inida ham sayyor qabul tashkil etildi.

Unda viloyat soliq boshqarmasi boshlig‘i D.Yuldashev tuman xalq qabulxonasi va sektor ishchi guruhi hamda mahalla yettiligi ishtirokida aholi muammolarini o‘rgandi.

Qabulda 20 ga yaqin fuqarolar tomonidan 15 dan ortiq turli masalalar yuzasidan murojaatlar kelib tushdi.

Murojaatlarning aksariyati shu yerning o‘zida hal etildi. Qo‘shimcha o‘rganish talab etadigan murojaatlar esa mas’ullarga biriktirilib, ijrosi nazoratga olindi.

Bu kabi olis mahallalarda o‘tkazilayotgan sayyor qabullardan ko‘zlangan asosiy maqsad, aholining og‘irini yengil qilish, ularga munosib sharoitni yaratishdan iboratdir.


Тelegram | Facebook|Instagram

#stol_tennisi

Buxorolik stol tennisi sportchilari U-15 “Oʻzbekiston Kubogi” musobaqasig munosib ishtirok etishadi

Buxoroda yoshlarni stol tennisiga jalb qilish, ular orasidan iqtidorlilarni tanlab olish borasi stol tennisi musobaqalari tashkillashtirilib kelinmoqda.

Bugun ham shu maqsadda viloyat soliq boshqarmasida Oʻzbekiston stol tennisi federatsiyasining Buxoro viloyat hududiy boʻlinmasi, viloyat sport boshqarmasi bilan hamkorlikda sportning stol tennisi boʻyicha U-15 yoshgacha boʻlgan o’smir yigit va qizlar oʻrtasida Buxoro viloyati saralash musobaqalari boʻlib oʻtdi.

Musobaqa qiziqarli bahslarga boy tarzda o‘tdi. Gʼoliblar joriy yil 9-14-noyabr kunlari Fargʼona viloyatida oʻtkaziladigan U-15 “Oʻzbekiston Kubogi” musobaqalarida ishtirok etish uchun yo‘llanmani qo‘lga kiritdilar.

G‘oliblarga viloyat soliq boshqarmasi hamda Oʻzbekiston stol tennisi federatsiyasining Buxoro viloyat hududiy boʻlinmasining diplomlari topshirildi.

Тelegram | Facebook|Instagram