#mahallabay
#Jondor_tumani

✅ Buxoroda soliq xizmati xodimlari yangicha yondashuvlar asosida soliq bazasini kengaytirish choralarini ko`rmoqdalar.
Birgina Jondor tumanida soliq inspeksiyalarda mavjud 34 ta xodimdan 22 tasi 52 ta mahallalarga biriktirilgan.

Xususan, joriy yilning yanvar-mart oylari davomida soliq xodimlari tomonidan mahallalar kesimida olib borilayotgan xatlov, targ‘ibot va tushuntirish ishlarining samarasi natijasida 52 ta mahallaga biriktirilgan 22 nafar soliq xodimlari tomonidan xatlov jarayonlarida 47 ta bo‘sh turgan binolar aniqlanib, ularni samarali faoliyat yuritilishiga ko‘maklashilgani hisobiga qo‘shimcha 111 ta yangi ish o‘rinlari yaratildi.

Jumladan, tumanning “Oxshix” mahallasiga biriktirilgan soliq inspektori tomonidan erishilgan natijalar:
➖Noqonuniy tadbirkorlik bilan shug‘ullanayotgan 4 ta fuqarolarga yordam berilib ularning faoliyati qonuniylashtirildi, bunda 2 tasi yuridik hamda 2 tasi YaTT sifatida ro‘yxatdan o‘tkazildi.

➖105 nafar mehnat bilan band bo‘lgan aholi mehnat stajiga ega bo‘lishi va kelgusida pensiya olishi uchun o‘zini o‘zi band qilgan shaxs sifatida ro‘yxatdan o‘tkazildi;

➖24 ta o‘zini o‘zi band qilgan shaxslar yakka tartibdagi tadbirkorga aylantirilib ularning faoliyati kengaytirildi.
Provardida budjetga 43,1 mln so‘m qo‘shimcha manba jalb qilindi.

Тelegram | Facebook|Instagram

#4_sektor ✅
#Shofirkon_tumani

Har bir fuqaroni daromadli qilishga alohida e’tibor qaratilmoqda

Shofirkon tumanidagi “Guliston” mahallasida aholi tomorqalaridan samarali foydalanish bo‘yicha amaliy seminar tashkil etildi.
Unda asosiy e’tibor tomorqadan samarali foydalanib yaxshigina daromad topayotgan fuqarolarning tajribalarini ommalashtirish, hunarmandchilik va tadbirkorlik faoliyati bilan shug‘ullanish istagi bo‘lganlarga o‘z bizneslarini boshlab olish uchun yaqindan ko‘mak berishga qaratildi.

Seminarga hududdagi barcha yoshdagi aholi va ayni paytda doimiy daromadi bo‘lmagan ishsiz yoshlar taklif etilib, ularga soha mutaxassislari va tumanning mas’ullari tomonidan tomorqa yer maydonlaridan samarali foydalanish bo‘yicha hamda tadbirkorlikni yo‘lga qo‘yishda zarur bo‘lgan maslahatlar berildi.

E’tiborlisi, tikuvchilik, qishloq jo‘jaligi va boshqa yo‘nalishlarda o‘z biznesini yo‘lga qo‘ymoqchi bo‘lgan “Ayollar daftari” va “Yoshlar daftari”dagi 10 dan ortiq fuqarolarining istak va talablariga ko‘ra shu yerning o‘zida ularga imtiyozli kredit mablag‘lari hisobiga asbob-uskunalar va maxsus texnika vositalari yetkazib berildi. Shuningdek, hududdagi tajribali hunarmandlar va tadbirkorlarning taklifiga ko‘ra yana 20 nafar fuqaro ular bilan kasanachilik asosida tikuvchilik, kashtachilik, qo‘g‘irchoqlar yasash va tovuqchilik yo‘nalishlarida daromad topishga kelishib olishdi.

Tuman hokimligi, sektor rahbari, Xalq qabulxonasi mudiri, “mahalla yettili”, tijorat banklari va tegishli tashkilot rahbarlari ishtirokida o‘tgan har bir fuqaroni daromadli qilishga qaratilgan ushbu amaliy seminar ko‘pchilikda katta tassurot qoldirdi.

Buxoro viloyati soliq boshqarmasi
Matbuot xizmati.

Тelegram | Facebook|Instagram

✅ #taksi #agregator

Poytaxtda Qashqadaryo, Farg‘ona va Toshkent viloyatlari haydovchilari yo‘lovchilarni onlayn-agregatorlar orqali tashimoqda

6 ta onlayn taksi agregatorlari soliq organlarining axborot tizimlari bilan integratsiyalashgan.

Ushbu agregatorlar orqali yoʻnalishsiz taksi faoliyati bilan shugʻullanayotgan oʻzini oʻzi band qilgan haydovchilarga tegishli boʻlgan 199,1 mingta avtomobil mavjud.

Shundan 64 %i Toshkent shahrida harakatlanadi. Ularning aksariyati quyidagi hudularga to‘g‘ri keladi:
▫️Toshkent shahri (avtomobil raqami kodi 01) - 54,6%;
▫️Toshkent viloyati (avtomobil raqami kodi 10) - 17,9%;
▫️Qashqadaryo viloyati (avtomobil raqami kodi 70) - 5%;
▫️Farg‘ona viloyati (avtomobil raqami kodi 40) - 3,3%.

🌐Тelegram 🌐Facebook 🌐Instagram

#markirovka

Xaridorlar Soliq mobil ilovasi orqali mahsulotlarning haqiqiyligini tekshirishi mumkin

Mahsulotlarni noqonuniy olib kirish, ishlab chiqarish va sotish holatlarining oldini olish, alohida turdagi mahsulotlarning qonuniy aylanmasini ta’minlash maqsadida Respublikamizda 2021-yildan boshlab tovarlar bosqichma-bosqich raqamli markirovkalanmoqda.

Bugungi kunda quyidagi mahsulotlar raqamli markirovkalangan holda sotilishi lozim:
👉tamaki va alkogol mahsulotlari;
👉pivo;
👉maishiy texnika;
👉dori vositalari va tibbiy buyumlar.
Ushbu mahsulotlarni xarid qilishda markirovkalanganiga alohida e'tibor bering va uni Soliq mobil ilovasi orqali tekshirishni unutmang. Bu qalbaki va sifatsiz tovarlarga aldanib qolishingizni oldini oladi.

Markirovkani tekshirish uchun Soliq mobil ilovasining "Umumiy xizmatlar" bo‘limidan "Markirovkani tekshirish" tanlanadi. Ochilgan oyna pastki qismidan "Datamatrixni skanerlash" tugmasi bosiladi va kamera mahsulotdagi markirovka kodiga yo‘naltiriladi.

Agar markirovka kodi haqiqiy bo‘lsa:

🔸"Kod haqiqiy" yozuvi;
🔸Mahsulot nomi;
🔸Mahsulot holati (ishlab chiqarilgani, sotuvdaligi yoki sotilganligi);
🔸Qaysi korxona tomonidan qachon ishlab chiqarilgani;
🔸Ulgurji savdo korxonasi qachon sotib olgani;
🔸iste'molchiga qaysi korxona tomonidan qachon sotilgani tog‘risidagi ma'lumotlar ekranda paydo bo‘ladi.
📝"Mahsulot tavsifi" bo‘limi orqali tovar haqida to‘liq ma'lumot olish mumkin.
❌"Kod haqiqiy emas" yozuvi markirovkaning soxtaligini bildiradi.

Yuqoridagi mahsulotlarda markirovka mavjud bo‘lmasa yoki soxta markirovkalangan bo‘lsa Soliq mobil ilovasining "Soliq hamkor" bo‘limi orqali murojaat qoldiring.

❗️Raqamli markirovkalangan mahsulotlar chakana savdosini amalga oshiruvchi tadbirkorlik subyektlari shtrix-kodlar va raqamli markirovka kodlarini to‘g‘ri o‘qishni va aniqlashni ta’minlovchi maxsus qurilmalardan (2D-skanerlar, ma’lumotlarni yig‘uvchi terminallar yoki boshqa turdagi maxsus qurilmalar) foydalanishi lozim.
👉Hammasi raqamli markirovka haqida

🌐Тelegram 🌐Facebook 🌐Instagram