Rasmiy munosabat|

“Yangi Sirdaryo”gazetasining 2025-yil 20-yanvar kungi sonida chop etilgan sportchini ragʻbatlantirish kechiktirilganligi  bilan bogʻliq feleton yuzasidan Sirdaryo viloyayi Sport boshqarmasi quyidagilarni ma’lum qiladi.

O‘zbekiston Respublikasi Prezidentining 2023-yil 7-apreldagi PQ-114-sonli qarori 7-ilovasida sportchilar va trenerlarni aynan qaysi nufuzli musobaqalarda qo‘lga kiritgan medallari uchun davlat tomonidan rag‘batlantirish belgilangan.

Mazkur ilovada rag‘batlantiriladigan musobaqalar safiga Hindistonda bo‘lib o‘tgan gandbol bo‘yicha IHF kubogining Osiyo qit’asi turniri kiritilmagan.

Viloyat hokimligi va sport boshqarmasi tomonidan O‘zbekiston chempionatlari va kuboglari, Respublika turnirlari, Xalqaro musobaqalar va Xalqaro turnirlar, shuningdek, O‘zbekiston Respublikasi Prezidentining 2023-yil 7-apreldagi PQ-114-sonli qarori 7-ilovasida koʻrsatib o‘tilmagan boshqa sport musobaqalari gʻoliblarini an’anaviy tarzda umumxalq bayramlari munosabati bilan oʻtkaziladigan tantanali tadbirlar davomida, rag‘batlantirish yoʻlga qoʻyilgan.

Yuqoridagilardan kelib chiqan holda murojaatda ko‘rsatib o‘tilgan sportchilar, shuningdek joriy yilning birinchi choragida nufuzli musobaqalarda yuqori natijani ko‘lga kiritgan sportchilar “Navro‘z” umumxalq bayrami arafasida rag‘batlantirilish rejalashtirilgan.

Sirdaryo viloyati Sport boshqarmasi soha faoliyatiga doir haqqoniy materiallarni yoritish yuzasidan ommaviy axborot vositalari bilan doimiy hamkorlikka tayyorligini ma’lum qiladi.

🎙 Sport haqida yangiliklarni birinchilardan boʻlib, ushbu telegram kanali orqali kuzatib boring.

🇺🇿 Bizning sahifalarimiz:
🚀Telegram 🔵Facebook 📷Instagram