⚡️Yangiyer va Guliston shahri pedagoglari o’zaro tajriba almashdi

Yangiyer shahridagi 4-umumta’lim maktabi pedagoglari Guliston shahar 5-umumta’lim maktabi o’qituvchilari bilan hamkorlikda o’zaro tajriba almashish maqsadida ochiq dars tashkil etishdi.

Ochiq dars 5-umumta’lim maktabida bo’lib o’tdi hamda o’qituvchilar ta’lim sifatini rivojlantirishga xizmat qiladigan metodlar orqali qiziqarli dars o’tishdi. O’quvchilar ushbu darsda faol ishtirok etishdi.

Darsdan so’ng pedagoglar o’rtasida ta’limni yuksaltirishda muhim omillar bo’yicha muzokaralar bo’lib o’tdi. Pedagoglar o’zaro tajriba almashishni doimiy yo’lga qo’yish bo’yicha kelishib oldilar.

📲 Rasmiy sahifalarimiz:👇
💬 Telegram | 🌐 Facebook
🌐 YouTube  | 🌐 Instagram

⚡️“Inson uchun” respublika savdo ko‘rgazmasida hududiy MMTBlar ham faol ishtirok etishdi

1-2-may kunlari Ijtimoiy himoya milliy agentligi tashabbusi bilan Iqtisodiyot va moliya vazirligi hamda Savdo-sanoat palatasi hamkorligida “Inson uchun” respublika savdo ko‘rgazmasi bo‘lib o‘tdi. Mazkur ko‘rgazmada Guliston shahrida maxsus kiyimlar, ko‘rpa-to‘shak va matraslar ishlab chiqarish faoliyati bilan shug‘ullanib kelayotgan tadbirkor ayol Mavjuda Rustamova ham ishtirok etdi.

Ko‘rgazma mobaynida tadbirkorimiz tomonidan taklif etilayotgan yumshoq buyumlarni yetkazib berish bo‘yicha, Sirdaryo viloyatining barcha tuman-shaharlaridagi Maktabgacha va maktab ta’limi bo‘limlari shartnomalar imzolashdi. Sifatli, hamyonbop va eng muhimi o‘zimizning viloyatimiz tadbirkorlari, xususan nogironligi bo‘lgan shaxslar tomonidan ishlab chiqarilayotgan yumshoq buyumlar viloyatimizda ta’lim olayotgan bolajon uchun ancha foydali bo‘lishiga ishonamiz.

Ma’lumot o‘rnida, Mavjuda Rustamova rahbarligidagi "MASHXURA-SHERZOD" unitar korxonasida 12 nafar xodim faoliyat yuritib kelayotgan bo‘lsa, ularning 7 nafarini nogironligi bo‘lgan shaxslar tashkil etadi.

📲 Rasmiy sahifalarimiz:👇
💬 Telegram | 🌐 Facebook
🌐 YouTube  | 🌐 Instagram