Киллэрсибит үлэлэрэ сыаналанна

🏆👏Бэрдьигэстээххэ Илья Павлов аатынан көҥүл тустууга оҕолорго өрөспүүбүлүкэтээҕи күрэхтэһии үөрүүлээх арыллыытыгар улуус, спорт салалтата, Илья Павлов оҕолоро бэрт истиҥ-иһирэх тыллаах эҕэрдэлэри эттилэр, баҕа санааларын тириэртилэр.

🤼‍♂Биир үөрүүлээх түгэнинэн улуус баһылыга Никита Андреев тренердэргэ Степан Константиновка, Петр Сивцевкэ сыралаах, бэриниилээх үлэлэрин иһин Бочуотунай Грамоталары туттарыыта буолла.

🏃Физическэй култуура уонна маассабай спорду сайыннарыы киинин дириэктэрин э.т. Вячеслав Васильев урукку сылларга Горнай аатын үрдүктүк тутан, инники күөҥҥэ таһааран, үгүс күрэхтэһиилэргэ чиэстээхтик көмүскээбит Афанасий Мамаевы, Егор Марковы, Савва Парфеновы улуус спорда сайдарыгар киллэрсибит кылааттарын үрдүктүк сыаналаан, "Горнай улууһугар физическэй култуура уонна маассабай спорт сайдыытыгар үтүөлэрин иһин" бэлиэнэн наҕараадалаата.👏👏👏

✍️Вячеслав Алексеев.
⬜️⬜️⬜️@silatrudagorny

Миша Леонтьев сүрүн бириис хаһаайына

🏆🏃Саха АССР үтүөлээх тренерэ Илья Павлов сырдык аатыгар ыытыллыбыт уочараттаах күрэхтэһиитэ үрдүк таһымҥа барда.

🤼‍♂Оҕолор бэрт сытыы киирсиилэри көрдөрбүттэрин бэлиэтиир наадалаах.

🤼‍♂ Хапсыһыы кэнниттэн хотторбуттар харахтарын уута сүүрүүлээх, кыайбыт уолаттар салгыҥҥа эргийэн ылыылаах, кытаанах бырахсыылаах үчүгэй киирсиилэр буоллулар.

👨‍👩‍👧‍👦Илья Павлов оҕолорун дьиэ кэргэттэрэ үс бастыҥ иһигэр киирбит спортсменнарга эрэ буолбакка, кыайыыга дьулуурдаах эдэр бөҕөстөргө барыларыгар сыаналаах бириистэри туттартаан соһуттулар.

🎁Биллэрин курдук хайа да күрэхтэһии өйөбүлэ суох барбата биллэр. Ол курдук, оҕо спордун элбэх киһи, доҕор, урбаанньыт, тэрилтэ көмөлөспүтэ хайҕаллаах.

🤼‍♂Тустуу федерациятын толорооччу дириэктэрэ Василий Яковлев билиһиннэрбитинэн, спорт бу көрүҥэр сүгүрүйээччилэр туора турбатахтара махталлаах.

✅Павловтар халыҥ аймах түмсэннэр бириис, үп-харчы анааннар оҕолор үөрүүлэрин үксэттилэр.

📺Илья Павлов күрэхтэһиитин сүрүн бирииһин смарт-телевизоры оҕолоро Миша Леонтьевка туттаран, өссө күүскэ дьарыктанан инникитин ситиһиитинэн үөрдэ туруо диэн эрэнэллэрин эттилэр.

✍️Вячеслав Алексеев.
⬜️⬜️⬜️ @silatrudagorny