Ситиһиилэрэ үрдүктүк сыаналанна

🏆🎯Ааспыт өрөбүллэргэ Дьокуускайга "Динамо" СО 100 сылыгар аналлаах тэрээһиҥҥэ ИДьМ бэтэрээннэрин ортотугар Николай Стрекаловскай сырдык аатыгар пневматика саанан ытыыга күрэхтэһии буолла.

🏃Горнайтан бэйэлэрин бөлөхтөрүгэр элбэх очукуону ыланнар, пьедестал иккис уонна үһүс үктэллэригэр 🥈Марианна Кононова, 🥉Андрей Васильев таҕыстылар.

✅Үөрүүлээх тэрээһин өрөгөйдөөх чааһыгар эҥкилэ суох үтүө суобастаахтык үлэлэбит ИДьМ бэтэрээннэрин чиэстээтилэр.

👏📜Онно чаҕылхай спортивнай ситиһиилэрин, "Динамо" СО сайдыытыгар киллэрсибит кылаатын иһин Андрей Васильев Бочуотунай Грамотанан бэлиэтэннэ. Мииринэйгэ үлэлээбит биир дойдулаахпыт, хайыһарга бэтэрээннэргэ Россия чемпиона Степан Абрамов үбүлүөйүнэн бэлиэнэн наҕараадаланна.👍👍👍

✍️Вячеслав Алексеев.
⬜️⬜️⬜️@silatrudagorny

Киллэрсибит үлэлэрэ сыаналанна

🏆👏Бэрдьигэстээххэ Илья Павлов аатынан көҥүл тустууга оҕолорго өрөспүүбүлүкэтээҕи күрэхтэһии үөрүүлээх арыллыытыгар улуус, спорт салалтата, Илья Павлов оҕолоро бэрт истиҥ-иһирэх тыллаах эҕэрдэлэри эттилэр, баҕа санааларын тириэртилэр.

🤼‍♂Биир үөрүүлээх түгэнинэн улуус баһылыга Никита Андреев тренердэргэ Степан Константиновка, Петр Сивцевкэ сыралаах, бэриниилээх үлэлэрин иһин Бочуотунай Грамоталары туттарыыта буолла.

🏃Физическэй култуура уонна маассабай спорду сайыннарыы киинин дириэктэрин э.т. Вячеслав Васильев урукку сылларга Горнай аатын үрдүктүк тутан, инники күөҥҥэ таһааран, үгүс күрэхтэһиилэргэ чиэстээхтик көмүскээбит Афанасий Мамаевы, Егор Марковы, Савва Парфеновы улуус спорда сайдарыгар киллэрсибит кылааттарын үрдүктүк сыаналаан, "Горнай улууһугар физическэй култуура уонна маассабай спорт сайдыытыгар үтүөлэрин иһин" бэлиэнэн наҕараадалаата.👏👏👏

✍️Вячеслав Алексеев.
⬜️⬜️⬜️@silatrudagorny