AKT sohasida ish qidirayotgan barcha yoshlarni ertaga AKT ko‘rgazmasiga taklif etamiz, kompaniyalar stendlaridan tashqari alohida Mehnat Yarmarkasi stendiga kelib o‘zingizga qiziq bo'lgan vakansiyalarga hujjat topshirishingiz mumkin bo‘ladi. Ayniqsa chet tili va AKTni bilgan yoshlarga ish doim topiladi.

See you all tomorrow morning at panel discussion "Uzbekistan: new Hub for IT Outsourcing and BPO" which is being organized as part of The II Uzbekistan Economic Forum in Samarkand.

Яхши даромадли мутахассис бўлиш учун фақат қунт билан ўз устида доим ишлаб, ўқиб ўрганиб бориш керак. Чет тили ва дастурлашни бепул ўрганиш бўйича интернетда ресурслар жуда кўп. Агар пул тўлаб ўрганиш имкони бўлса IT Parkнинг 177 та хусусий таълим резидентларида бориб ўрганиш мумкин: https://education.it-park.uz/

Мақолани тўлиқ ўқиш учун: https://uz24.uz/uz/articles/it-mutaxassislarining-maoshi

Халқаро талабалар куни билан табриклаб, талабаларимизга фойдали маслаҳат беришни ўринли деб билдим.

Германияда SAP раҳбарияти билан учрашувда, улар томонидан бепул тақдим этиладиган курсларни биздаги талабалардан атиги 32таси битиргани ва улар тўлиқ 100% юқори даромадли иш билан таъминланганини маълум қилишди.

Шунда мени бир савол қийнай бошлади, нега шунча талабаларимиз бўлсада ва Германияни ўзида юз мингдан ортиқ АКТ мутахассисига талаб бўлсада, бепул ва юқори маошли иш билан таъмнлайдиган касбни ўрганган талабалар сони шунчалик кам?

Маслаҳатим, ҳозир аввалгидек дипломни ўзи иш билан таъминланишга етарли эмаслигини, вақтларини бекор кетказмай халқаро тил ва бошқа касб сертификатларини олишга қунт билан ҳаракат қилишлари зарурлигини ҳамма талабаларимиз тезроқ тушунишлари керак. Бунга ҳозир жуда кўп имкониятлар бор, масалан ўша SAP сайтида: https://learning.sap.com/student-zone

Ёки битириб чиққунича жуда бўлмаса чет тили сертификатини олиб чиқса ҳам, келгусида чет элдан масофавий иш топишига жуда катта ёрдам бўларди, сертификатни олиш харажатини 100 фоизини давлат қоплаб беради: https://my.gov.uz/uz/service/413

АКТ йўналишидаги халқаро сертификатларни олиш учун ўқиш ва сертификацияни 50 фоиз харажатини давлат қоплаб беради: https://my.gov.uz/uz/service/622

Лекин бу иккала имкониятдан фойдаланган талабаларимизнинг сони умумий талабаларни сонини ичида жуда камдир! Шунинг учун яна бир бор талабалик даврингизда вақтни бекор кетказмай халқаро тан олинадиган сертификатларни ҳам олишга ҳаракат қилишингизни тилаб қоламан!

Тутун билан овора бўлиб, асосий Олов хабарлар четда қолмасин

Бугун IT Park комплексида қурувчиларимиз охирига етказаётган бинонинг тепасида озгина пеноплекс тутатиб юборишган экан, жуда кўп одамлар ва ОАВлар шуни муҳокама қилишди. Лекин асосий Олов хабарларимиз ҳақида ҳали кўпчиликка етказиб беришга қийналаяпмиз. Бу йил жаҳонда иқтисодий ўсишдаги қийинчиликлар кузатилаётган вақтда, айнан бизнинг IT Park резидентлари йил бошидан шу кунгача деярли 2 баробарга ортди. Энг асосийси, экспортер корхоналар сони деярли 3 баробар ортди, хорижий корхоналар иштирокидаги резидентлар сони эса 6 баробарга ортди! Яъни йил бошида Давлатимиз Раҳбари томонидан Ўзбекистонни IT хабга айлантириш бўйича белгилаб берилган вазифаларининг амалий натижаларини бу йил якунланмасданоқ кўришга имкон бўлаяпти ва келгуси йиллар учун яхши пойдевор яратилмоқда.

Бу дегани, ёшларимиз, интернетдаги вақтларини кўпроқ чет тили ва ахборот технологияларини ўрганишга сарфлаганлари маъқулроқ, бекорга бировни ғийбат қилгандан кўра. Шунда улар ушбу экспортер корхоналарда юқори маошли ишларга қабул қилинишлари мумкин бўлади.

Хатто чет элликлар аввалги "Ташкент - город хлебный" деган гапни, “Ташкент - город айтишный” деган мақолалар ёзиб Ўзбекистонни АйТи хабга айланаётганини муҳокама қилишмоқда. https://bit.ly/3Xt51Tx

Зора, шу бугунги тутун ҳақидаги хабарлар орқали ёшларимиз ўзи нима экан бу IT Park, қандай қилсам мен ҳам юқори даромадли иш топар эканман деб ўзларига савол бериб, соҳамизга қизиқсалар ва ўз устиларида ишлашни бошласалар ҳамда кўпроқ халқаро тан олинадиган IT сертификатларни олсалар: https://it-istedod.uz/uz

Жамоамизга марҳамат! Вазирликдаги мавжуд 11 та вакант лавозимларга ARGOS орқали ариза юборинг: https://vacancy.argos.uz/vacancies/vacancy-list?organization=4015

Экспорт билан шуғулланадиган IT Park резидентларида даромадларини ўсиш суръати ички бозорга хизмат кўрсатадиганларникидан анча юқори бўлди. Бу яна бир бор бошқа компанияларимиз раҳбарларига сигнал бўлиши керак: катта маблағлар ва лойиҳалар асосан чет элда, шунинг учун айнан экспорт билан шуғулланганларда даромад топиш имкониятлари фақатгина ички чекланган бозорга ҳаракат қилаётганлардан кўра бир неча баробар кўп бўлади. Буни IT Park резидентларининг 9 ойлик якуни натижаларидан ҳам аниқ кўрса бўлади: уларнинг экспорти ўтган йилнинг шу даврига нисбатан 3,5 баробарга ошди, бу эса ички бозорга кўрсатилаётган хизматларнинг ўсиш тезлигидан сезиларли даражада юқори (уларнинг ички бозорга хизматлари 2 баробар ўсган).

Ҳали ҳам бўлса, фақатгина ички бозорга ишлайдиган резидентларимиз имкони борича чет тилларини ўрганиб, чет элдаги танишлар ва ватандошлар орқали экспортга чиқишга ҳаракат қилаверишлари керак. Шунда компаниялар даромадларининг ўсиш суръати узоқ муддатда анча юқори бўлади.

Ёш дастурчиларга эса, албатта, чет тилларини мукаммал ўрганишни тавсия қиламиз, шунда уларнинг даромадлари ҳам чет тилини билмайдиган ҳамкасбларидан каррасига кўп бўлади.

Давлатимиз Раҳбари томонидан Ўзбекистонни АйТи хабга айлантириш бўйича белгиланган вазифани амалга оширишда жамоамизнинг жорий йилдаги фаолияти сарҳисобини ушбу роликда кўрса бўлади. Бу албатта бошланиши, насиб қилса, кўпроқ ёшларимиз чет тиллари ва ахборот технологияларини ўрганишса, албатта Ўзбекистон номи дунё АйТи бозорида янада таниқлироқ бўлади деб умид қиламиз.

Видеони юқорироқ сифатда кўриш учун: https://www.facebook.com/watch/?v=828532441551898

Vatan himoyachilari kuni bilan tabriklaymiz!

Қайси давлат хизматлари биринчи навбатда my.gov.uz орқали тўлиқ онлайн кўрсатилишига ўтиш керак?

Янги ташкил этилган Рақамлаштириш вазирлиги олдида Давлатимиз Раҳбари томонидан аҳоли ва тадбиркорларга кўрсатилаётган давлат хизматларини янада қулай қилиб, уйдан чиқмасдан туриб my.gov.uz портали ёки мобил иловаси орқали фойдалана олиш вазифаси белгиланган. Албатта, бизнинг мутахассислар бошқа вазирлик ва идоралар билан ҳамкорликда ўз режаларини белгилаб олишган, лекин жамоатчилик фикри бу жараёнда устуворликни белгилаш учун жуда муҳим ҳисобланади.

Марҳамат, ўз ҳаётингизда ёки тадбиркорлик фаолиятингизда қайси давлат хизматларидан фойдаланишда ортиқча оворагарчилик ва инсон омилига учраяпсизлар, шуларни изоҳларда ёзиб қолдирсангиз: bit.ly/3HlTKP8

Биз уларни таҳлил қилиб, my.gov.uz орқали тўлиқ онлайн кўрсатилишига ҳаракат қиламиз.

ID картангиз бўлса, энди my.gov.uz дан автомат рўйхатдан ўтиб, ҳеч қаерга овора бўлиб юрмай, фойдалана оласиз!

Ушбу роликда 1 дақиқада ундан қандай фойдаланишни тушуниб оласиз.
Марҳамат, танишларингизга ҳам тарқатинг! Улар ҳам қуйида кўрсатилган каби қатор давлат хизматларидан мобиль телефонлари орқали бемалол фойдалансинлар:
- Турли хил маълумотномаларни онлайн олиш (доимий яшаш жойи бўйича, доимий яшаш жойида рўйхатдан ўтиб яшовчилар тўғрисида, ҳисобланган иш ҳақи суммалари тўғрисида ва б.);
- UzAuto Motors AJ орқали автомобил сотиб олиш учун навбатни текшириш;
- Ижро ҳужжати бўйича қарздорликни текшириш;
- Автотранспорт воситалари ойналарининг тусини ўзгартиришга (қорайтириш) рухсатнома олиш;
- Оила маълумотларини таҳрирлаш учун ариза юбориш;
- Меҳнат дафтарчасидан кўчирма олиш;
- Кредит тарихини олиш;
- Пенсия (нафақа) ҳақида маълумот ва ҳ.к.

Рақамлаштириш вазирлиги буёғига айнан my.gov.uz ва унинг мобиль иловаси орқали кўпроқ оммабоп хизматларни жорий этиб, давлат хизматларини уйдан чиқмасдан фойдаланишга шароит яратиш устида ишлайди, шунинг учун мобиль иловадан рўйхатдан ўтишни осон йўлини билиб олганингиз албатта келгуси фаолиятингизда фойдали бўлади.
https://www.facebook.com/watch/?v=1384828778939170

Водий вилоятларининг барчасида рақамли технологиялар соҳасида ишлаётган ёшлар кўпайган бўлсада, энг катта ижобий ўзгаришни Фарғона вилоятида кўрса бўлади. Бир йилда IT Park резидентлари сони 5 бараварга ортиб 50 тага етибди. Уларда ишлаб юқори даромад топаётган ходимлар ва фрилансерлар сони ҳам каррасига ортган.

Марғилонда шундай келинимиз бор экан, билмай юрган эканмиз… деган жумлани яна бир бор ҳаётда эслатгандек ҳодиса бўлди. Марғилон шаҳридаги Рақамли технологиялар марказида Инха университетининг 2021 йилдаги битирувчиси Жаҳонгирни ўзининг муҳандислик хоббиси ва ижоди орқасидан бемалол Тошкентдаги Сениор девелоперлардагидек даромад топаётганига гувоҳ бўлдик. YouTubeдаги каналини кўрсангиз, бу видеолар Марғилонда тайёрланган деб айтиш қийин, биринчи бўлиб АҚШдаги ижодкор томонидан яратилган деган хаёл келади: https://youtube.com/@engineericly

Каналидаги монетизациясидан ташқари (баъзи shortлари миллионлаб марта, видеолари эса ярим миллион марталаб кўрилган), 3D принтер чиқарувчилар томонидан бепул 20 дан ортиқ турли хил 3D принтерлар юборилган ва уларни ишлашини ёритиб берганига қўшимча маблағ ҳам тўлашган.

Унинг асосий муваффақият сабаблари инглиз тилида равон гапириши, ижодкорлиги ва муҳандислик соҳасига қизиқишидир. Шунинг учун ҳам кўпроқ ёшларимиз интернетдаги бўш вақтларини бировни ғийбат қилишга эмас, чет тилини ўрганишга ва ижод қилишга йўналтирсалар, улар ҳам ўзлари қизиқадиган соҳасида бу каби оммабоп каналлар яратиб, ойига минглаб доллар даромад олишлари мумкин бўлади. Рақамли иқтисодиётда юқори даромад топиш учун албатта дастурчи бўлиш шарт эмас!

#Digital_economy #Raqamli_iqtisodiyot

my.gov.uz айнан фуқаролар эмас, ҳужжатлар ҳаракатланишини таъминлайди, Сиз ҳам уйингиздан чиқмай ҳайдовчилик гувоҳномасини янгиланг!

10 кун аввал my.gov.uz орқали ҳайдовчилик гувоҳномасини янгилаш хизматини ишга туширган эдик.

Шу кунгача ушбу хизматдан фойдаланиш учун 6,4 мингдан зиёд онлайн ариза келиб тушган (шундан 3,9 минг та ариза тўловлари амалга оширилган).

Фуқароларимизга 3,4 минг та гувоҳномалар берилди ва шулардан 2,5 мингдан зиёди почта хизмати орқали ўз эгаларига етказиб берилди.

Сиз ҳам эски ҳайдовчилик гувоҳномангизни янгисига алмаштиришингиз зарур бўлса, my.gov.uz даги қулайликдан (https://my.gov.uz/uz/service/255) фойдаланинг!

Ягона портал имкониятларидан фойдаланган холда сиз бўш вақтингизни давлат идорасига боришга ёки навбатларга эмас, оилангиз даврасида ўтказишга кўпроқ ажрата оласиз!