Янги ўқув йили арафасида энг муҳим вазифалардан бири бу дарс соатларини адолатли тақсимлаш бўлгани сабабли, барча педагогларни эртага 19 август куни соат 10:00да Вазирликнинг расмий фейсбук саҳифасида ушбу масалага бағишланган онлайн очиқ мулоқотда қатнашишга таклиф этамиз. Батафсил маълумот: https://t.iss.one/uzedu/13618

Адолатли дарс тақсимоти бўйича ўтказилган жонли мулоқотдаги слайдларни кўпчилик сўрагани учун файли юборилмоқда.
Жонли мулоқотнинг тўлиқ видеосини ушбу ҳавола орқали вазирликнинг расмий фейсбук саҳифасида кўришингиз мумкин: https://bit.ly/2Uxvnbv

PS. Жонли мулоқот вақтида айтиб ўтилган интернет ресурслари ҳаволалари:
1. Бошқа ҳудудлардан келмоқчи бўлган олий ва биринчи тоифали ўқитувчилар учун қўшимча устамалар бериладиган мактаблар ҳақида: www.ustozfondi.uz
2. Мактабларни таъмирлаш ва жиҳозлаш бўйича таклиф этилган лойиҳаларга овоз бериш учун: www.openbudget.uz

Қишлоқлардаги баъзи мактабларда битирувчи синфдаги ўқувчилардан келажакда ким бўлишини сўраганимда уларнинг фақат ўқитувчи, тиббиёт ходими ёки ҳарбий бўлиш ниятида эканлигини эшитиб, наҳотки бир синфда барча бюджетдан молиялаштириладиган касб эгалари бўлиб, ҳеч ким бюджетни тўлдирадиган тадбиркор бўлгиси келмаяпти деб савол берардим.

Бугунги йиғилишдан кейин, ёшларимиз орасида тадбиркор бўлишни истовчилар сони анча ортишига умид қилса бўлади. Айниқса, Президентимизнинг барча тадбиркорларни ўзининг мактабига бориб ёшларни мотивация қилишга чақириқларидан сўнг, келгуси ёш тадбиркорлар сафи янада кўпаяди деб ўйлайман.

Барча тадбиркорларимизни бугунги янгиликлар билан ва тадбиркорларнинг касб байрами куни жорий этилгани билан табриклайман!

Чироқчидаги мактабларни ўрганиб юрганимда, кутилмаганда давлатимизнинг юксак мукофоти – «Дўстлик» ордени билан тақдирланганимни эшитиб бошим осмонга етди.

Республикамизда мактаб таълими муаммолар йиғилиб қолган энг оғир соҳалардан бири бўлса, Чироқчи тумани бу масалада ҳудудлар орасида энг оғири ҳисобланади.

Президентимиз мактаб таълимида ижобий ўзгариш қилиш учун энг асосий эътиборни энг оғир ҳудудларга қаратаётганликлари сабабли ҳам туманда мана охирги 3 йилда 43 та жуда хароб аҳволда бўлган мактаб филиаллари қайтадан таъмирланиб ёки бутунлай янгидан қурилиб, тўлақонли мактабга айлантирилди ва натижада мактабларнинг умумий сони 236 тага етди.

Бу йилнинг ўзида эса инвестиция, обод қишлоқ ва жорий таъмирлаш дастурлари орқали 114 та, яъни туман мактабларининг ярмидан кўпи турли хил даражадаги таъмирлаш имкониятига эга бўлди! Албатта, ҳали амалга оширадиган ишимиз жуда кўп. Лекин ушбу қисқа вақт ичида тумандаги мактаблар учун бу жуда катта ижобий ўзгариш эканлигини кўрса бўлади.

Бундан ташқари, Президентимиз дунёнинг энг салоҳиятли давлатлари билан дўстлик ва ҳамкорлик алоқаларини йўлга қўйиб берганлари туфайли ҳам, ушбу даврда Қашқадарё вилоятига ва жумладан Чироқчи туманига қатор Россиялик педагоглар, Хитой Халқ Республикаси гранти асосида компьютер синфлари юборилди, АҚШ педагоглари келиб фаолият юритишди, ҳамда Тошкент шаҳридан кейинги энг катта АҚШ кутубхонаси Қарши шаҳрида ташкил этилди.

Мамлакатимиз мустақиллигининг 30 йиллик байрамига, менинг ҳаётимдаги энг катта совға билан тақдирлаганлари учун Давлатимиз Раҳбарига ўз миннатдорчилигимни билдираман ва бор куч-ғайратимни билдирилган ишончни оқлашга сафарбар этаман!

Жорий йилнинг 27 август куни Халқ таълими вазирининг Қашқадарё вилоятида соҳадаги мавжуд муаммолар ва уларнинг ечимлари юзасидан навбатдаги Сайёр қабули ташкил этилади.

Сизда халқ таълими соҳасига оид қизиқтирган масалангиз ёки тизимни ривожлантириш бўйича таклифингиз мавжуд бўлса Сайёр қабулга таклиф этамиз.

Сайёр қабул 27 август соат 11:00да Қарши шаҳридаги 9-сонли умумтаълим мактабида ташкил этилади.

Манзил: Қарши шаҳри, Шарқ кўчаси, 2-уй.

Қўшимча маълумот ва рўйхатдан ўтишингиз учун қуйидаги телефон рақамига мурожаат қилишингиз мумкин
+99875-223-47-33

Қашқадарё вилояти халқ таълими бошқармаси Ахборот хизмати

Ўзбекистон Республикаси мустақиллигининг 30 йиллигига бағишланган лойиҳанинг навбатдаги сонида халқ таълими вазири Шерзод Шерматов мустақиллик инъом этган имкониятлар ҳақидаги мулоҳазалари билан бўлишади.
—
В очередном выпуске проекта, посвященного 30-летию независимости Республики Узбекистан, министр народного образования Шерзод Шерматов делится своими мыслями о возможностях, предоставленных независимостью.

Prezident.uz|Facebook|Instagram|YouTube|Twitter

#Tadbirkor_maktabga_madadkor #maktablarga_yordam_beraylik
Инвестиция, Обод қишлоқ, маҳаллий бюджет маблағларидан мактабларга ажратилаётган давлат бюджети маблағлари ошиши билан биргаликда қатор тадбиркорлар Президентимизнинг мактаб таълимига ёрдам умумхалқ ҳаракатига айланиши зарурлиги ҳақидаги чақириқларига жавобан ўз ҳисобидан янги мактаблар қуриб, жиҳозлаб беришмоқда. Шулардан бири, бугун очилган Қуйичирчиқ туманидаги 45-мактаб ҳақида қисқа видеороликни кўришингиз мумкин.

Бошқа тадбиркорларимиз ҳам бундай ижобий намунадан ўрнак олиб, мактабларимизга ўз ёрдамларини аямайдилар деб умид қиламиз.

Очилиш маросимидан жонли эфирни кўриш учун: https://bit.ly/3mKXb8e

Янги кўп қаватли уй-жойлар массиви қурувчиси томонидан ҳомийлик асосида қуриб топширилган биринчи давлат мактаби очилди

Энди бошқа янги қурилаётган массивларда бу каби мактаблар қурилиши бўйича жамоатчилик назоратини кучайтиришимиз зарур бўлади. Зеро, Президентимизнинг 2020 йил 6 ноябрдаги ПҚ-4884-сонли қарори иловасининг 18-бандига кўра барча ҳокимиятларга янги ҳудуд ва массивларда қурилаётган янги кўп қаватли бинолар қурилишида, уларга мутаносиб равишда янги ўқувчи ўрнини яратиш, жумладан ҳар бир хонадон ҳисобидан камида 1,5 янги ўқувчи ўрни яратилишини таъминлаш вазифаси юклатилган.
#tadbirkor_maktabga_madadkor #maktablarga_yordam_beraylik

Состоялось открытие первой государственной школы на 990 мест, построенной за счёт спонсорских средств, выделенных со стороны строительной компании-застройщика нового многоквартирного массива в Мирзо Улугбекском районе г.Ташкента

Теперь необходимо усилить общественный контроль за реализацией такого прецедента во всех строящихся новых жилых массивах, так как пунктом 18 приложения к Постановлению Президента №4884 от 6 ноября 2020 года всем хокимиятам было поручено обеспечить строительство школ из расчета создания 1,5 новых ученических мест на каждую из квартир, сдаваемую в эксплуатацию в новых многоэтажных жилых комплексах.

Муаллифлари кимлигини билмадимку, лекин жуда қизиқ ролик ишлашибди, менга айланиб келиб қолди. Келгуси ҳафтани интизорлик билан кутаётганлар кўпчилик бўлса керак, шунчалик эринмай роликни тайёрлашганига...

Янги ўқув йили бўйича барча саволларга эртага 4 сентябрь куни, соат 11:00да Халқ таълими вазирлигининг расмий фейсбук саҳифаси орқали бўладиган очиқ мулоқотда батафсил жавоб топишингиз мумкин бўлади.
Ўтказиб юборманг!

Ўтган йили Мустақил Ўзбекистон тарихида илк бор Президентимиз Ўқитувчи ва мураббийлар куни байрами муносабати билан шахсан табриклаб, барча ҳудуд раҳбарларига мактабларга ёрдам бериш бўйича вазифалар белгилаган эдилар. Бунинг натижаси сифатида бу йил биринчи қўнғироқ тадбирларида деярли барча ҳудудларнинг биринчи раҳбарлари ўзлари қатнашиб, ўқувчиларга ва мактаб жамоасига қўшимча мотивация бердилар.

Президентимиз томонидан белгилаб берилган вазифаларни тўлақонли тушуниб, Билимлар кунида мактабларга бундай ёрдам қилган барча ҳудудлар раҳбарларига ўз миннатдорчилигимизни билдирамиз!

Видеони юқорироқ сифатда кўриш учун: https://bit.ly/3naCvGT

Мактабни ривожлантирсак, ҳамма соҳа бўйича ривожланиш бўлади - Шавкат Мирзиёев.
—
Если будем развивать школьное образование, прогресс будет во всех сферах - Шавкат Мирзиёев.

«Ўқитувчиларнинг машаққатли меҳнатини муносиб қадрлаш борасидаги ишлар давом эттирилади.

Болалар сони ўсиб бораётганини инобатга олиб, янги мактаблар қуриш, хусусий мактабларни кўпайтириш, таълим сифатини оширишни назарда тутувчи Мактабларни ривожлантириш давлат дастури ишлаб чиқилади.

Шу асосда, келгуси беш йилда қўшимча 1,2 миллион ўқувчи ўрни яратиш учун, мактаблар реконструкция қилинади ва янгидан барпо этилади».

Кимдир жисмонан имконияти чекланган бўлсада давлатимиз обрўсини дунёга кўтараяпти, кимдир тўрт мучаси соғ бўлиб, ўзаро шахсий келишмовчилиги сабабли мамлакатимиз обрўсини тўкишга ҳаракат қилаяпти...

Ижтимоий тармоқларда Яккабоғ туманидаги мактабда болалар полда ўқияпти, Шерзод Шерматов биз томонга бир боқиб қўйинг деб ёзилган хабарга кўзим тушиб қолди. Энг алам қиладигани, ушбу мактабга ўтган йили ўзим бориб, хароб аҳволда бўлганига таъмирлаш дастурига қўштиргандик. Натижада, 3 млрд сўмдан ортиқ маблағ ажратилиб, мактаб бу йил таъмирланаётган эди.

Афсуски, дастлабки суриштирувга кўра, мактабнинг айрим ўзаро қариндош бўлган ўқитувчилари ва директор орасидаги келишмовчиликлар сабабли, болаларни полга ўтказиб, расмини турли ижтимоий тармоқларда ва ОАВларда тарқатишмоқда. Аслида, катта миқдордаги таъмирлаш иши охиригача тўлиқ тугаб улгурмаганига, мактаб очилмаслиги, болалар вақтинча бошқа мактабда ёки масофадан ўқиб туриши режалаштирилиши керак эди. Шунинг учун ҳам мактабда янги мебеллар вақтинча ўрнатилмаган. Агар жуда шошилинч бўлиб таъмирдан чиққан жойида ўқишни ташкил этиш жуда зарур бўлса ўтган йилги мебелни вақтинча ишлатиб турса ҳам бўлар эди. Мактабда ўқувчи сони қувватидан ошиқ эмас, шунга бир сменада ўқишни ташкил этиш учун жой етарли.

Шу орқали ярим аср давомида таъмирланмаган мактаб таъмирланаётганига Яккабоғдан ўзига хос миннатдорчилик билдиришибди...

Энди буёғига прокуратура органлари ҳолатни тўлиқ ўрганиб, тегишли жавобгарлик чораларини кўришади деб умид қиламиз.

ОТМга ҳужжат топширган мактаб битирувчиларининг сони ошмаган бўлсада, грантга кирганлар сони деярли 2 баробарга ортди ва умумий квотанинг 75 фоизига етди!

Бу албатта жойлардаги фидоий педагогларимизнинг меҳнати маҳсулидир. Уларнинг барчаларини ушбу натижа билан табриклаб ўз миннатдорчилигимизни билдирамиз.

Мактабларнинг натижага ишлашга ҳаракати яхшилангани ҳамда вариатив ўқув синфларини жорий қилинганининг натижаси бу йил яққол кўринди. Бу эса бу йилги битирувчиларимиз бошқа абитуриентларга қараганда яхшироқ тайёрланганидан далолатдир. Бошқа абитуриентларда ҳам репетитор ёки ўқув курсларига қатнаш имкониятлари деярли бир хил бўлган, лекин натижа мактаб битирувчиларида яхшироқ бўлди.

Умуман натижа кўрсатмаган мактаблар раҳбарларига қатъий чоралар кўрилганига, уларнинг сони ўтган йили уч баробарга камайган эди. Ҳали нодавлат ва халқаро ОТМлар ҳужжатлар қабул қилаётганини инобатга олиб, бу йилги қизил мактаблар натижаларини октябрь ойида эълон қиламиз.

“Ustoz-2021” tanlovida ishtirok eting!

Tanlovning 8 ta nominatsiya boʻyicha g’oliblariga 30 mln. soʻm pul mukofoti, zamonaviy noutbuk va qo’shimcha rag’batlantirish beriladi. 32 nafar final bosqichi ishtirokchilariga esa 5 mln. soʻm pul mukofoti, zamonaviy noutbuk va qo’shimcha rag’batlantirish taqdim etiladi.

Tanlovda ishtirok etish istagida boʻlgan nomzodlar 15-sentyabrdan boshlab ustozmukofoti.uz sayti orqali onlayn roʻyxatdan oʻtishlari mumkin.

Aziz o‘quvchilar!

World Cleanup Day - Butunjahon tozalik kuni dunyoda juda ko‘plab mamlakatlarda nishonlanadigan atrof-muhitni tozalash bayrami kunidir.

Butunjahon tozalik kuni 180 dan ortiq mamlakatda odamlarni birlashtirib, keng ko‘lamli ko‘ngillilar ijtimoiy harakatiga aylandi. O‘zbekistonda ham bu yil 18-sentyabr kunida ushbu sana keng nishonlanishi kutilmoqda.

Buning uchun ko‘plab maktablarimizda ekologiya bo‘yicha alohida taqdimotlar o‘tkaziladi va o‘quvchilarga atrof-muhitni asrash, chiqindilarni saralash va qayta ishlash haqida so‘zlab beriladi.

Ushbu darslarda faol ishtirok etasiz degan umiddamiz. Uyga qaytganingizda ota-onangiz, aka-ukalaringiz hamda do‘stlaringizga o‘rganganlaringiz va yurtimizni toza tutish uchun nimalar qilishingizni aytib bering.

Yurtimizni toza saqlash bizning qo‘limizda. Buning uchun tozalashdan ham ko‘ra, axlat tashlashni, ayniqsa uzoq muddatda parchalanadigan plastik, alyumin, shisha kabi idishlarni duch kelgan joyga tashlanishining oldini olishimiz zarur.

Barcha darsliklarni ushbu havola orqali yuklab olish mumkin, Электронные версии всех учебников доступны по данному адресу: https://dr.rtm.uz/barcha-darsliklar/

Навоий вилояти мактаб битирувчиларининг ОТМга кириши бўйича ҳудудлар ичида ўтган йили ҳам, бу йил ҳам биринчи ўринда эканлиги, айниқса, Навоий шаҳри жуда яхши кўрсаткичларга эга эканлиги кўпчиликка маълум.

Ушбу юқори кўрсаткичли мактабларнинг ёш директор ўринбосарларидан 3 нафари Самарқанд вилоятининг умуман натижа кўрсатмаган мактабларига директор бўлиб боргани Навоий шаҳрининг ижобий тажрибасини бошқа ҳудудларга ҳам ёйишга катта ҳисса қўшади деб умид қиламиз. Улар қисқа вақт ичида келган мактабларига бошқа ҳудудлардан юқори малакали ўқитувчиларни ҳам жалб қилишга улгуришибди.

Ҳозирда таълим сифати паст ва олис ҳудудлардаги мактабларга директор бўлиб ишга келувчилар учун ҳам ўқитувчилардан кам бўлмаган ҳолда устамалар тайинлаш имконияти яратилган. Марҳамат, яхши натижа кўрсатган мактаблардаги қизиқувчилар бошқа ҳудудлардаги вакант директорлар лавозимларига онлайн ҳужжат топширишлари мумкин: vacancy.argos.uz