Менга ачинма, эй дўст,
Сен менинг рақсимни кўр!
Кулгуларимда балққан
Қондаги аксимни кўр!

Кўзни бойлаб дорбоздек
Чопа оламан дорда.
Дунёдек ўсар эдим...
Қурғур шу юрак бор-да!

Бахт менинг никоҳимда,
Завқдан зерикар отим.
Бу ҳали умрим эмас –
Жон билан мулоқотим...

Бир кун келади умрим,
У менга ўхшамайди.
Мен йиртган кўйлакларни
Онам каби ямайди...

Ҳаёт – Румийдан қолган
Овозсиз чилдирмадир.
Мен уни танидим-у,
Ҳеч кимга билдирмадим...

Гулладим одам каби,
Чирмашиб лаҳзаларга.
Ларзаларни севдилар –
Айландим ларзаларга...

Сен менинг рақсимни кўр,
Менга ачинма, эй дўст...

Шуҳрат Ориф

@shomuz - Yo‘limiz bir!

Жонни қийнаб от сурай десанг,
Арзирли бирорта соврин йўқ.

Шуҳрат Ориф

@shomuz - Yo‘limiz bir!

Kelmasang bir marta yoningga chaqir!
Kel...

✍ Марҳамат Мирзаева

🎤 Шуҳрат Дарё

@shomuz - Yo‘limiz bir!

Ҳозирча тирикман шу ёдинг билан,
Сени унутгани кучим етарму?!

🎤 Феруза Каримова

@shomuz - Yo‘limiz bir!

Сиз кимсиз, билмайман.
Лекин мен - Ўшаман...

Шуҳрат Ориф

@shomuz - Yo‘limiz bir!

Ассалому алайкум.
Аллоҳим,  кўзларимизни уйқудан очгани каби, қалбларимизни ҳам ғафлатдан уйғотсин!
Дунёни  тонг нури ила ёритгани каби ҳаётимизни ҳам ҳидоят нури ила мунаввар қилсин, амин!🤲🤲

Жума  муборак, қадрдоним!

@shomuz    -  Yo‘limiz  bir!

Бир-бирингизни севинг, аммо севгингиз кишанга айланмасин!
Севгингиз икки қалб орасида мавжланиб турган денгизга ўхшасин!

Шамс Табризий

@shomuz - Yo‘limiz bir!

Ёзмасам, туйғулар сеники бўлмай қолади.
Ёзсам, меники бўлмай қолади...

Шуҳрат Ориф

@shomuz - Yo‘limiz bir!

МАСТУ РОСТ

Даврамизга қўшилинг, шоирим!
Уч-тўрт кишимиз бор-йўғи:
Хотира, Ҳасрат, мен ва
Шеърнинг қораламаси.
Тўртта қурут, сигаретнинг чўғи,
Бир ҳўплам пива...
Даврамизга қўшилинг, шоирим!
Шайтон ораламасин!

Даврамизга қўшилинг, бовурим!
Ташқарида ҳайқириқ оқади,
Шоирлар сув каби топар йўлини:
Изҳорга кўмилган шаҳарлар –
Ватан деган фалсафа сўқади,
Ишқ ила узатар гўё кўнглини.
Даврамизга қўшилинг, бовурим!
Қадаҳда шеър бўлди заҳарлар!

Шеър ўқиб берингиз, шоирим!
Тарихдай оғриқли оҳанглар –
Ватанни рўйирост қурсинлар!
Бир гулни узгандай безарар
Изҳорсиз берсинлар чаманни,
Севги не? Шоирлар кўрсинлар!
Шеър ўқиб берингиз, шоирим!
Қароқда ўқингиз, Ватанни!

Нечун индамайсиз, шоирим?
Севгингиз тирикми, йиғлайсиз?
Ўқ каби отилинг – қалқингиз!
Айни дам маддоҳлар намойишидан,
Ўзини соқовдай панага олган
Ватанлигингизни билмайсиз.
Нечун индамайсиз, шоирим!
Қанча алданади яна халқингиз?..

Алибек Анварий

@shomuz - Yo‘limiz bir!

Ҳаёт гул эмас.
Ҳаёт - гулга айланиш машқидир.

Шуҳрат Ориф

@shomuz - Yo‘limiz bir!

КУЗНИ ОЛИБ КЕЛДИМ

Иссиқдан қовжираб ётганда боғлар,
Нафаси бўғилиб кетганда шаҳар,
Мезон ипларини тишимга боғлаб,
Кузни олиб келдим қошингга ахир.

Сувлар ноёб тортди ўзанга сингиб,
Япроқлар бандига югурди заҳар.
Юзларингга бироз салқин тегсин деб,
Кузни олиб келдим қошингга ахир.

Энди тонгдан шомга бир қадамлик йўл,
Энди олислашиб боряпти саҳар.
Aммо мен сен ҳақда ўйладим нуқул,
Кузни олиб келдим қошингга ахир.

Бирдан сенга қизиқ туюлди баҳор,
Менга кўкламларни келтиргин дединг.
Кузни олиб келдим қошингга ахир,
Aхир сен баҳорга арзимас эдинг.

Носиржон Жўраев

@shomuz - Yo‘limiz bir!

- Kimsiz?
- Sen kimni sog‘insang, o‘shaman...❤️

@shomuz - Yo'limiz bir!

Мени кучлироқ сев, кечагидан ҳам...

✍Муҳаммад Исмоил
🎤Озодбек Назарбеков

@shomuz - Yo‘limiz bir!

Гўзал кечаларда ой ҳам тўлин-тўлин,
Севги азоблари бунча ширин-ширин...

🎤Озода Нурсаидова

@shomuz - Yo‘limiz bir!

Ё умр сизники бўлади;
ё сиз умрники бўласиз!

Шуҳрат Ориф

@shomuz - Yo‘limiz bir!

Бировни севсангиз, уни Аллоҳдан истанг!
Чунки, қалблар - Аллоҳнинг қўлидадир.

Мавлоно Жалолиддин Румий

@shomuz - Yo‘limiz bir!

Сен борсан — мен учун бу ҳаёт гўзал,
Сен борсан — мен учун дилбар коинот.
Сенсиз қолар эдим зулматда тугал,
Сенсиз қолар эдим буткул бемурод.

Сенинг висолингда умрим яширин,
Чечаксан, мен учун асло сўлмассан.
Шу қадар дилбарсан, шу қадар ширин,
Афсус, шундайлигинг ўзинг билмассан.

Абдулла Орипов
1975 йил

@shomuz - Yo‘limiz bir!

Сиз ҳозирлик кўраверинг.
Карвон ўзи келади...

Шуҳрат Ориф

@shomuz - Yo‘limiz bir!