#КУДЫПАЙСЦІ

Захоўвайце падборку выставаў, якія варта наведаць на выходных ці бліжэйшым тыдні❤️

💎 Калі любіце кветкі, паспейце завітаць на выставу „Палітра вясны”. Там паказваюць пяшчотныя, яркія букеты, кветкавыя кампазіцыі, вясновую абстракцыю, жаночыя вобразы, выкананыя ў жывапісе, акварэлі і графіцы сучаснымі беларускімі і замежнымі аўтарамі.

💎 Паглядзець на кветкі можна і ў галерэі „Панарама” на выставе „Тут цёпла”. Адчуеце сапраўдную вясну праз творы беларускай мастачкі Юліі Кобы — жывапісныя пейзажы, кветкавыя нацюрморты, вясновыя партрэты.

💎 Натхніцеся выставай „У родным краі”. На здымках Сяргея Плыткевіча фантастычная беларуская прырода, гістарычныя пабудовы. Аўтара вылучае зварот да гістарычнай памяці народа і любоў да роднай зямлі.

💎 Завітайце ў Музей гісторыі горада Мінска, каб убачыць „Адлюстраванне” — персанальную выставу жывапісу і графікі беларускага мастака Аляксандра Пашкевіча. Эмоцыі і разважанні аўтара транслююць у асноўным не сюжэты, а багатая, вельмі выразная каларыстыка, формы і аднолькава захапляючая дынаміка альбо статычнасць.

💎 Калі вам хочацца праветрыцца, заедзьце ў Музей беларускага мастацтва ў Астрашыцкім гарадку. Там праходзіць выстава работ вядомага народнага майстра, разьбяра па дрэве, мастака-жывапісца, графіка Пупко Апалінарыя Фларыянавіча "Я беларус".