Жоқарғы Кеңес Баслығы Әмиўдәрья районындағы исбилерменлер менен ушырасты

Қарақалпақстан Республикасы Жоқарғы Кеңесиниң Баслығы Аманбай Орынбаев басшылығында Әмиўдәрья районында исбилерменлик жойбарларын қоллап-қуўатлаў ҳәм жаңа жойбарларды иске түсириўде ушырасып атырған машқалаларды анықлаў ҳәм оларды сапластырыў бойынша Әмиўдәрья районындағы исбилерменлер менен ушырасыў болып өтти.

Онда инвестициялық жойбарларды иске түсириў, локализацияластырыў бағдарламасына киргизилген ҳәм экспортёр кәрханаларға әмелий жәрдемлер көрсетиў, санаат өнимлерин ислеп шығарыўшы кәрханалардың толық қуўатлылықта ислеўин тәмийинлеў мәселелери талқыланды.

Ушырасыўда жуўапкер болған министрлик, мәкеме басшылары қатнасты.

Атап өтиў орынлы, ҳүрметли Президентимиздиң басшылығында елимизде исбилерменликти және де раўажландырыў, олар ушын барлық қолайлы шараятларды жаратыў бағдарында кең көлемли реформалар әмелге асырылмақта. Тек ғана Қарақалпақстан ушын қабыл етилген тарийхый пәрман ҳәм қарарлар бул бағдардағы иләжлар көлемин жаңа басқышқа көтермекте.

Бүгинги өткерилген ушырасыўда айырым тараў жуўапкерлериниң өз жумысына немқурайдылық пенен қараўы ҳәм басқа да себеплерге байланыслы ушырасып атырған машқалалар бойынша жақыннан пикирлесилди.

Ҳәр қандай инвестициялық, ислеп шығарыў ҳәм санаатты раўажландырыў бойынша жойбарлар Президентимиз тәрепинен барқулла қоллап-қуўатланатуғынлығы Жоқарғы Кеңес Баслығы тәрепинен айрықша тилге алынды.

Ушырасыў даўамында бүгинги күнде исбилерменлерди қыйнап киятырған машқалалар тыңланды ҳәм билдирилген мүрәжатлардың басым көпшилигине орнында шешимин табыў илажлары көрилди. Ўақыт талап етилетуғын мүрәжатлар қадағалаўға алынып, тез пурсатта унамлы шешиў бойынша тийисли тараў басшыларына тапсырмалар берилди.

Ўзб

Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Муса Айтмуратов Азия чемпионы болды

Бахрейнде қылышласыў бойынша Азия чемпионаты беллесиўлери даўам етпекте. Бүгинги күн Өзбекстан сайланды командасы ушын әўметли өтти.

Сабля бойынша беллесиўлерде қатнасқан жерлеслеримиз материкте теңсиз екенлигин көрсетти. Барлық қарсыласларын жеңилиске ушыратқан Муса Айтмуратов алтын медаль ийесине айланды.
—
Муса Айтмуратов Осиё чемпиони бўлди

Баҳрайнда қиличбозлик бўйича Осиё чемпионати беллашувлари давом этмоқда. Бугунги кун ҳам Ўзбекистон терма жамоаси аъзолари учун омадли ўтди.

Сабля қуролидаги баҳсларда қатнашган йигитларимиз ўз ёш тоифаларида қитъада тенгсиз эканини кўрсатишди. Барча рақибларини мағлубиятга учратган Муса Айтмуратов олтин медаль соҳибига айланди.

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter